Levítico 16
16
Israel runakuna purificashqa kananpaq kaq junaq
1 Tayta Diospa nawpanman lutala yaykur Aarónpa ishkan tsurinkuna wanushqanpitami#Lev. 10.1-3. Moisésta Tayta Dios kayno nirqan: 2<<Wawqiki Aarónta wilay cortïnata pasar Lugar Santïsimuman lutala mana yaykunanpaq.#Heb. 6.19. Tsaycho kaykaq babulpa tsapanan jananmanmi pukutaycho yurimushaq. Tsaymi lutala tsayman yaykurqa wanunqa. 3Juk turituta purificatsina sacrificiupaq y juk carnita rupatsina sacrificiupaq altarcho ruparkatsirraqmi#Heb. 9.7. Lugar Santïsimuman Aarón yaykunqa. 4Tsaynöpis jatikunqa lïnupita awashqa sagrädu tünicanta y lïnupita awashqa calzoncïlluntapis. Tsaynöla lïnu wachkuwan wachkakurkur umanmanpis jatikunqa lïnu görranta. Tsay röpakuna sagrädu kaptin manaraq jatikur armakunqa. 5Israel runakuna apamushqanpita Aarón apamunqa purificatsina sacrificiupaq ishkay chïvukunata y rupatsina sacrificiupaq juk carnita.
6<<Tsaypitanami purificatsina sacrificiupaq Tinkuna Toldu patiuman turituta Aarón apamunqa. Tsay turitu kanqa Aarón y paypita miraq cürakuna purificashqa kananpaqmi. 7Tsaypitami ishkan chïvukunata Tinkuna Toldu patiuman apaykamur Tayta Diospa nawpanman churanqa. 8Tsaychömi suertita jitanqa mayqan chïvu Tayta Diospaq kananpaq y mayqan chïvu Azazelpaq#16.8 Azazelpaqqa chunyaq jirkacho taq diablupa jutin kashqantami unay Israel runakuna nipäkuq. kananpaqpis. 9Tayta Diospaq kaq chïvutaqa purificatsina sacrificiupaq altarcho Aarón rupatsinqa. 10Azazelpaq kaq chïvutana kawaykaqta Tayta Diospa nawpanman apamunqa. Nirkurmi chunyaq jirkaman apaykur Azazel kaykashqan kaqman qarqunqa. Qarquptinmi Israel runakuna jutsa rurashqanpita perdonashqa kar purificashqa kanqapaq.
11<<Tsaypitanami Tinkuna Tolduman apamushqan turituta altarcho Aarón rupatsinqa kikin y paypita miraq cürakuna purificashqa kananpaq. 12Nirkurnami Tayta Diospa nawpancho kaykaq altarpita shanshaykaq carbonta inciensu qoshtatsikunanwan juntata Tinkuna Toldu rurinman apanqa. Tsaynöpis apanqa ishkay aptay ñutqu aqashqa ali asyaq#16.12 Wakin runakunaqa mushkuq nipäkun. inciensuta. Tinkuna Toldu rurincho kaykaq cortïnata pasarmi Lugar Santïsimuman tsaykunata apanqa. 13Tsaychömi Tayta Diospa nawpancho shansha apashqanman inciensuta winanqa. Tsaymi inciensupa qoshtaynin tsapakurkunqa Pactu Babulpa tsapananta. Tsayno tsapakurkuptin Aarón manami wanunqatsu. 14Nirkurmi turitupa yawarninman dëdunta jatirkur babulpa tsapananta punku lädupita tsaqtsupanqa. Tsaypitana babultapis dëdunwan qanchis kuti tsaqtsupanqa.
15<<Lugar Santïsimupita yarqurkurna Israel runakuna jutsankunapita purificashqa kananpaq chïvuta pishtanqa. Tsay yawartapis turitupa yawarninwan rurashqannöla cortïna rurinman apaykur tsapananta y babulpa nawpanta tsaqtsupanqa.#Heb. 9.12. 16Tsaynöparaqmi Israel runakuna impüru kashqanpita, mana cäsukushqanpita y jutsa rurashqanpita Lugar Santïsimuta y lapan Tinkuna Toldutapis purificanqa.
17<<Lugar Santïsimucho Aarón kaykaptinqa manami pipis Tinkuna Tolduman yaykunmantsu. Tsaychömi Aarónqa yawarta tsaqtsupanqa kikinpis, aylunkunapis y lapan Israel runakunapis purificashqa kananpaq. 18Tsaypita yarqurnami Tayta Diospa nawpancho kaykaq altarta purificanqa. Tsaychömi turitupa yawarninwan y chïvupa yawarninwan altarpa waqrankunata lushipanqa. 19Nirkurnami altarpa jananman qanchis kuti dëdunwan yawarta tsaqtsupanqa. Tsaynöpami Israel runakuna jutsata rurar impüruyätsishqanpita altarta purificanqa sagrädu kananpaq.
20<<Lugar Santïsimuta, Tinkuna Tolduta y altarta purificayta usharkurna kawaykaq chïvuta apamunanpaq Aarón ninqa. 21Chïvupa umanman makinta churaykur Tayta Diosta wilanqa Israel runakuna mana alikunata rurashqanta, contran sharkushqanta y jutsakunata rurashqanta. Tsayno wilaparmi Israel runakunapa lapan jutsankunata chïvuman jitapanqa apakunanpaq. Nirkurmi juk runa chunyaq jirkaman apaykur chïvuta kacharinqa aywakunanpaq. 22Tsaynöpami tsay chïvu Israel runakunapa lapan jutsankunata apakunqa pipis mana tashqanman.
23<<Tsaypitanami Tinkuna Toldu rurinman Aarón aywar Lugar Santïsimuman yaykunanpaq jatikushqan lïnu röpata jorqurir churaykunqa.#Eze. 44.19. 24Armakurir röpanta jatikurkurna yarqunqa kikinpa jutsanpita y Israel runakunapa jutsanpita sacrificiuta rupatsinanpaq. Tsayno rupatsiptinmi kikinpa y Israel runakunapa jutsankuna perdonashqa kanqapaq. 25Nirkur purificatsina sacrificiupaq pishtashqan uywapa wiranta altarcho rupatsinqa.
26<<Chunyaq jirkaman Azazelpaq chïvuta apaq runapis röpanta taqshakurir y armakurirraqmi campamentuman kutimunqa.
27<<Purificatsina sacrificiupaq pishtashqan turitupa y chïvupa qaratsanta, aytsanta y ashashnintana campamentupita juk läduman apaykur rupatsinqa. Tsay uywakunapa yawarnintami Lugar Santïsimuta purificananpaq apashqana karqan.#Heb. 13.11. 28Tsaykunata rupatsiq runaqa röpanta taqshakurir y armakurir campamentuman kutimunqa.
29<<Cada wata lapan tsaykunata rurapäkunki qanchis kaq killa chunka junaqcho. Tsay junaq ayunar ima aruytapis kachaykunki. Qamkunacho taq jäpa runakunapis tsayno ruranqa. Kay nishqäkunaqa imayyaqpis leymi qamkunapaq kanqa. 30Tsay junaqqa lapaykitami purificashushpayki Tayta Dios perdonashunkipaq. Tsaymi Tayta Diospa nawpancho lapan jutsaykipita maylashqa kankipaq. 31Tsay junaqqa qamkunapaq jamay junaqmi kanqa. Tsaymi ayunar ima aruytapis ama rurapäkunkitsu. Tsay nishqäkunaqa imayyaqpis leymi qamkunapaq kanqa.
32<<Mayqanpis mandaq cüra kananpaq churashqan cürami tsaykunata ruranqa lapanpis purificashqa kananpaq. Paymi lïnupita rurashqa sagrädu röpata jatikurkur 33Lugar Santïsimuta, Tinkuna Tolduta y altarta purificanqa. Tsaynöpami cürakunapis y lapan Israel runakunapis purificashqa kar perdonashqa kanqapaq. 34Cada watacho juk kutimi tsay nishqäkunata Israel runakuna rurapäkunqa jutsankunapita perdonashqa kananpaq. Tsay nishqäkunaqa imayyaqpis leymi qamkunapaq kanqa>>.#Lev. 23.26-32; Núm. 29.7-11.
Moisésta Tayta Dios nishqannölami lapanta rurapäkurqan.
Currently Selected:
Levítico 16: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Levítico 16
16
Israel runakuna purificashqa kananpaq kaq junaq
1 Tayta Diospa nawpanman lutala yaykur Aarónpa ishkan tsurinkuna wanushqanpitami#Lev. 10.1-3. Moisésta Tayta Dios kayno nirqan: 2<<Wawqiki Aarónta wilay cortïnata pasar Lugar Santïsimuman lutala mana yaykunanpaq.#Heb. 6.19. Tsaycho kaykaq babulpa tsapanan jananmanmi pukutaycho yurimushaq. Tsaymi lutala tsayman yaykurqa wanunqa. 3Juk turituta purificatsina sacrificiupaq y juk carnita rupatsina sacrificiupaq altarcho ruparkatsirraqmi#Heb. 9.7. Lugar Santïsimuman Aarón yaykunqa. 4Tsaynöpis jatikunqa lïnupita awashqa sagrädu tünicanta y lïnupita awashqa calzoncïlluntapis. Tsaynöla lïnu wachkuwan wachkakurkur umanmanpis jatikunqa lïnu görranta. Tsay röpakuna sagrädu kaptin manaraq jatikur armakunqa. 5Israel runakuna apamushqanpita Aarón apamunqa purificatsina sacrificiupaq ishkay chïvukunata y rupatsina sacrificiupaq juk carnita.
6<<Tsaypitanami purificatsina sacrificiupaq Tinkuna Toldu patiuman turituta Aarón apamunqa. Tsay turitu kanqa Aarón y paypita miraq cürakuna purificashqa kananpaqmi. 7Tsaypitami ishkan chïvukunata Tinkuna Toldu patiuman apaykamur Tayta Diospa nawpanman churanqa. 8Tsaychömi suertita jitanqa mayqan chïvu Tayta Diospaq kananpaq y mayqan chïvu Azazelpaq#16.8 Azazelpaqqa chunyaq jirkacho taq diablupa jutin kashqantami unay Israel runakuna nipäkuq. kananpaqpis. 9Tayta Diospaq kaq chïvutaqa purificatsina sacrificiupaq altarcho Aarón rupatsinqa. 10Azazelpaq kaq chïvutana kawaykaqta Tayta Diospa nawpanman apamunqa. Nirkurmi chunyaq jirkaman apaykur Azazel kaykashqan kaqman qarqunqa. Qarquptinmi Israel runakuna jutsa rurashqanpita perdonashqa kar purificashqa kanqapaq.
11<<Tsaypitanami Tinkuna Tolduman apamushqan turituta altarcho Aarón rupatsinqa kikin y paypita miraq cürakuna purificashqa kananpaq. 12Nirkurnami Tayta Diospa nawpancho kaykaq altarpita shanshaykaq carbonta inciensu qoshtatsikunanwan juntata Tinkuna Toldu rurinman apanqa. Tsaynöpis apanqa ishkay aptay ñutqu aqashqa ali asyaq#16.12 Wakin runakunaqa mushkuq nipäkun. inciensuta. Tinkuna Toldu rurincho kaykaq cortïnata pasarmi Lugar Santïsimuman tsaykunata apanqa. 13Tsaychömi Tayta Diospa nawpancho shansha apashqanman inciensuta winanqa. Tsaymi inciensupa qoshtaynin tsapakurkunqa Pactu Babulpa tsapananta. Tsayno tsapakurkuptin Aarón manami wanunqatsu. 14Nirkurmi turitupa yawarninman dëdunta jatirkur babulpa tsapananta punku lädupita tsaqtsupanqa. Tsaypitana babultapis dëdunwan qanchis kuti tsaqtsupanqa.
15<<Lugar Santïsimupita yarqurkurna Israel runakuna jutsankunapita purificashqa kananpaq chïvuta pishtanqa. Tsay yawartapis turitupa yawarninwan rurashqannöla cortïna rurinman apaykur tsapananta y babulpa nawpanta tsaqtsupanqa.#Heb. 9.12. 16Tsaynöparaqmi Israel runakuna impüru kashqanpita, mana cäsukushqanpita y jutsa rurashqanpita Lugar Santïsimuta y lapan Tinkuna Toldutapis purificanqa.
17<<Lugar Santïsimucho Aarón kaykaptinqa manami pipis Tinkuna Tolduman yaykunmantsu. Tsaychömi Aarónqa yawarta tsaqtsupanqa kikinpis, aylunkunapis y lapan Israel runakunapis purificashqa kananpaq. 18Tsaypita yarqurnami Tayta Diospa nawpancho kaykaq altarta purificanqa. Tsaychömi turitupa yawarninwan y chïvupa yawarninwan altarpa waqrankunata lushipanqa. 19Nirkurnami altarpa jananman qanchis kuti dëdunwan yawarta tsaqtsupanqa. Tsaynöpami Israel runakuna jutsata rurar impüruyätsishqanpita altarta purificanqa sagrädu kananpaq.
20<<Lugar Santïsimuta, Tinkuna Tolduta y altarta purificayta usharkurna kawaykaq chïvuta apamunanpaq Aarón ninqa. 21Chïvupa umanman makinta churaykur Tayta Diosta wilanqa Israel runakuna mana alikunata rurashqanta, contran sharkushqanta y jutsakunata rurashqanta. Tsayno wilaparmi Israel runakunapa lapan jutsankunata chïvuman jitapanqa apakunanpaq. Nirkurmi juk runa chunyaq jirkaman apaykur chïvuta kacharinqa aywakunanpaq. 22Tsaynöpami tsay chïvu Israel runakunapa lapan jutsankunata apakunqa pipis mana tashqanman.
23<<Tsaypitanami Tinkuna Toldu rurinman Aarón aywar Lugar Santïsimuman yaykunanpaq jatikushqan lïnu röpata jorqurir churaykunqa.#Eze. 44.19. 24Armakurir röpanta jatikurkurna yarqunqa kikinpa jutsanpita y Israel runakunapa jutsanpita sacrificiuta rupatsinanpaq. Tsayno rupatsiptinmi kikinpa y Israel runakunapa jutsankuna perdonashqa kanqapaq. 25Nirkur purificatsina sacrificiupaq pishtashqan uywapa wiranta altarcho rupatsinqa.
26<<Chunyaq jirkaman Azazelpaq chïvuta apaq runapis röpanta taqshakurir y armakurirraqmi campamentuman kutimunqa.
27<<Purificatsina sacrificiupaq pishtashqan turitupa y chïvupa qaratsanta, aytsanta y ashashnintana campamentupita juk läduman apaykur rupatsinqa. Tsay uywakunapa yawarnintami Lugar Santïsimuta purificananpaq apashqana karqan.#Heb. 13.11. 28Tsaykunata rupatsiq runaqa röpanta taqshakurir y armakurir campamentuman kutimunqa.
29<<Cada wata lapan tsaykunata rurapäkunki qanchis kaq killa chunka junaqcho. Tsay junaq ayunar ima aruytapis kachaykunki. Qamkunacho taq jäpa runakunapis tsayno ruranqa. Kay nishqäkunaqa imayyaqpis leymi qamkunapaq kanqa. 30Tsay junaqqa lapaykitami purificashushpayki Tayta Dios perdonashunkipaq. Tsaymi Tayta Diospa nawpancho lapan jutsaykipita maylashqa kankipaq. 31Tsay junaqqa qamkunapaq jamay junaqmi kanqa. Tsaymi ayunar ima aruytapis ama rurapäkunkitsu. Tsay nishqäkunaqa imayyaqpis leymi qamkunapaq kanqa.
32<<Mayqanpis mandaq cüra kananpaq churashqan cürami tsaykunata ruranqa lapanpis purificashqa kananpaq. Paymi lïnupita rurashqa sagrädu röpata jatikurkur 33Lugar Santïsimuta, Tinkuna Tolduta y altarta purificanqa. Tsaynöpami cürakunapis y lapan Israel runakunapis purificashqa kar perdonashqa kanqapaq. 34Cada watacho juk kutimi tsay nishqäkunata Israel runakuna rurapäkunqa jutsankunapita perdonashqa kananpaq. Tsay nishqäkunaqa imayyaqpis leymi qamkunapaq kanqa>>.#Lev. 23.26-32; Núm. 29.7-11.
Moisésta Tayta Dios nishqannölami lapanta rurapäkurqan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.