Levítico 11

Püru kaq y impüru kaq uywakuna

Deuteronomio 14.3-21

1Moisésta y Aarónta Tayta Dios kayno nirqan: 2<<Israel runakunata kayno niy: <Uywakunata mikupäkunki 3ishkay shilluyuq kutipaq kaqta. 4Kutipaq kaptinpis cada chakincho ishkay shilluyuq mana kaptinqa ama mikupäkunkitsu. Tsaynöpis cada chakincho ishkay shilluyuq kaptinpis mana kutipaq kaptinqa ama mikupäkunkitsu.

<< <Tsayno kaptinqa camëllu aytsata ama mikupäkunkitsu. Camëlluqa kutipaq karpis cada chakincho manami ishkay shilluyuqtsu. Tsaymi qamkunapaq impüru kaykan. 5Tsaynöla tejón aytsata ama mikupäkunkitsu. Tejonqa kutipaq karpis manami ishkay shilluyuqtsu. Tsaymi qamkunapaq impüru kaykan. 6Tsaynöla munti cunish aytsata ama mikupäkunkitsu. Munti cunishqa kutipaq#11.6 Mana kutipaq kaptinpis kuchkuypa mikuq kaq uywakunata tsay witsan nipäkurqan kutipaq kashqanta. karpis manami ishkay shilluyuqtsu. Tsaymi qamkunapaq impüru kaykan. 7Kuchi aytsatapis ama mikupäkunkitsu. Kuchiqa ishkay shilluyuq karpis mana kutipaq karmi qamkunapaq impüru kaykan. 8Tsay uywakunapa aytsantaqa ama mikupäkunkitsu. Wanuptinpis ama yataylapis yatankitsu. Tsay uywakunaqa qamkunapaq impürumi kaykan.

9<< <Mayucho kaqkunata y lamarcho kaqkunatapis alëtayuq y escämayuq kaqkunalata mikupäkunki. 10Lamarcho kaptinpis, mayucho kaptinpis escämaynaq y alëtaynaq kaqkunataqa ama mikupäkunkitsu. Tsaykunaqa qamkunapaq impürumi kaykan. 11Tsaykunapa aytsantaqa ama mikupäkunkitsu. Impüru kaptin wanushqatapis melananki. 12Lapantapis alëtaynaq y escämaynaq kaqkunataqa impüru kaptin melananki.

13<< <Wakin kaqtaqa päriqkunatapis ama mikupäkunkitsu. Tsaypa trukanqa impüru kaptin melananki. Ama mikupäkunkitsu ankata, wiskulta, lamarcho pescädu tsariq äguilata, 14milänu nishqan ankata, tukuy casta halconkunata, 15tukuy casta cuervukunata, 16avestruzta, chushiqta, qewllata#11.16 Wakin runakunaqa qewllanchu nipäkun., tukuy casta ankata, 17tukuta, cormorán nishqan yaku pätuta, ibis nishqan yaku pätuta, 18cisnita, pelïcanuta, condorta, 19cigüeñata, lapan casta garzata, abubillata y chikchita.

20<< <Lapan casta päriq y chusku chakiyuq insectukunapis#11.20 Insectukunaqa kaykan chuspikuna, chinraykuna, pitishkuna, upakurukuna, tinyaykuna, chukluskuna y mas wakinkunapis. qamkunapaq impürumi kaykan. Tsaykunataqa melananki. 21Chusku chakiyuq y älayuq saltaqkunatami itsanqa mikupäkunki. 22Tsayno kaptinqa lapan casta chukluskunapis alimi kaykan mikupäkunaykipaq. 23Mana saltaqkunataqa päriq kaptinpis y chusku chakiyuq kaptinpis ama mikunkitsu.

24<< <Kanan tantiyatsishayki imata yatar impüru rikakunaykipaq kashqantapis. Pipis impüru uywa wanushqata yatarqa patsa tsakashqanyaqmi impüru kanqa. 25Tsay wanushqa uywakunata pipis joqarirqa röpanta taqshakunqa. Tsayno taqshakurpis patsa tsakashqanyaqmi impüru kanqa.

26<< <Ima uywapis ishkay shilluyuq karpis mana kutipaq karqa qamkunapaq impürumi kaykan. Tsay uywakuna wanuptin mayqanpis yataq kaqqa impürumi rikakunqa.

27<< <Chaki paltalanwan puriq uywakunapis#11.27 Chaki paltalanwan puriq uywakunaqa kaykan alqu, ösu, atuq, añas y mas uywakunapis. qamkunapaq impürumi kaykan. Tsay uywakuna wanuptin pipis yataq kaqqa patsa tsakashqanyaqmi impüru kanqa. 28Tsay impüru uywakuna wanushqa jitaraykaqta joqariq kaqqa röpanta taqshakunqa. Taqshakurpis patsa tsakashqanyaqmi impüru kanqa.

29<< <Tsaynöpis pachalanpa y lätaypa puriqkuna qamkunapaq impürumi kaykan. Tsaykuna kaykan waywash, ukush y lapan casta shulakkunami. 30Shulakkuna impürumi kaykan salamanquesa karpis, cocodrilu karpis, lagartu karpis, lagartija karpis y camaleón karpis. 31Tsaykunaqa qamkunapaq impürumi kaykan. Pipis tsaykuna wanuptin yataq kaqqa patsa tsakashqanyaqmi impüru kanqa.

32<< <Tsay impüru kaqkuna wanur imamanpis töpashqan kaqqa impürumi kanqa qeru karpis, röpa karpis, qara karpis, costal karpis, herramienta karpis. Töpaq kaqtaqa jukla yakuman jatinki. Tsayno ruraptikipis patsa tsakashqanyaqmi impüru kanqa.

33<< <Tsay impüru kaqkuna wanur mitu mankaman winakaptinqa manka rurincho kaq lapanpis impürumi kanqa. Tsayno kaptinqa mankatapis pakinki. 34Ima mikuymanpis tsay mankacho kaykaq yaku pilchiptinqa mikuypis impürumi rikakunqa. Tsay mankacho kaykaq yakupis impürumi rikakunqa. 35Hornu jananman o tulpa jananman tsay impüru kaqkuna wanur shikwaptinqa impürumi rikakunqa. Tsaykunataqa impüru kaptin chipyaq talamarinki.

36<< <Tsayno kaptinpis yaku upukunayki pukyucho o pözucho tsay impüru kaqkuna wanushqa winaraptinpis tsay yaku manami impürutsu rikakunqa. Wanushqata yataq kaqmi itsanqa impüru rikakunqa.

37<< <Murunaykipaq kaq muruman tsay impüru kaqkuna wanur töpaptinpis muru manami impürutsu rikakunqa. 38Muru ushmaraykaq jananman shikwaptinmi itsanqa impüru rikakunqa.

39<< <Mikunaykipaq kaq uywa wanuptin pipis yataq kaqqa patsa tsakashqanyaqmi impüru kanqa. 40Kikilan wanushqa uywapa aytsanta mikuq kaqqa röpanta taqshakunqa. Tsay wanushqa uywata jorquq kaqpis röpanta taqshakunqa. Tsayno taqshakurpis patsa tsakashqanyaqmi impüru kanqa.

41<< <Pachalanpa y lätaypa puriqkunataqa imatapis ama mikupäkunkitsu. Tsaykunaqa impüru kar melanaypaqmi kaykan. 42Tsaykunata ama mikupäkunkitsu pachalanpa puriptinpis o chuskun chakiwan puriptinpis o atska chakinwan puriptinpis. Tsaykunaqa impüru karmi melanaypaq kaykan. 43Cuidädu tsaykunata yatar qamkuna impüru rikakunkiman. 44Noqaqa Tayta Diosnikimi kaykä. Noqaqa santumi kaykä. Tsayno kaykaptinqa nishqäkunata cäsukur santu kapäkuy. Tsayno kaptinqa pachalanpa y lätaypa puriqkunata ama mikupäkunkitsu. 45Tayta Diosniki kanäpaqmi Egiptupita qamkunata jorqamushqä. Noqaqa santumi kaykä. Tsayno kaykaptïqa qamkunapis santu kapäkuy.#Lev. 19.2; Mat. 5.48; 1Ped. 1.15-16.

46<< <Kay leykunami kaykan tukuy casta uywakuna, tukuy casta päriqkuna, yakucho tukuy casta kaqkuna y tukuy casta pachalanpa y lätaypa puriqkuna 47mayqan impüru kashqanta y mayqan püru kashqantapis tantiyapäkunaykipaq. Tsaynölami tantiyankipaq mayqanta mikunaykipaq kashqanta y mayqanta mana mikunaykipaq kashqantapis> >>.

Currently Selected:

Levítico 11: qvmB

Highlight

Copy

Compare