Jueces 9
9
Israel runakunapa jueznin Abimelec kashqan
1Juk junaqmi Jerobaalpa tsurin Abimelec aywarqan Siquem markaman tiyunkunawan y aylunkunawan parlaq. Chayaykurmi paykunata kayno nirqan: 2<<Musyashqaykinöpis ayluykimi kaykä. Tsaymi qamkunata ruwakü marka mayintsikunata shuntaykur kayno nipäkunaykipaq: <Mas alimi kanman Jerobaalpa qanchis chunka (70) tsurinkunapa trukan Abimelec japalan mandamaqnintsi kaptin> >>.
3Abimelec nishqannömi marka mayinkunata tiyunkuna nirqan. Marka mayin kashqanta nipäkuptinmi lapan wilanakurqan paykunapa mandaqnin Abimelec kananpaq. 4Tsayno wilanakurmi Baal-beritpa templunpita qanchis chunka (70) qellayta jorqurir Abimelecta qoykurqan. Tsay qellayta wanutsikuq runakunata pägaykurmi Abimelec pusharqan 5papänin Jerobaal tashqan Ofra markaman. Tsaychömi juk rumi janancho qanchis chunka (70) wawqinkunata wanutsirqan. Shulka kaq wawqin Jotamlami pakakuyninpa qeshpirqan.
6Tsaypitanami Siquem y Bet-milo runakuna Siquemcho kaykaq encina yöra kaqcho sagrädu rumi#Jos. 24.26-27. kaqman juntakaykur rey kananpaq Abimelecta churapäkurqan.
Gerizim puntapita Jotam qayakushqan
7Abimelecta rey kananpaq churapäkushqanta musyaykurmi Jotam witsarqan Gerizim puntaman. Tsaypita fuertipa qayakur kayno nirqan: <<Siquem runakuna, kanan nimushqäta shumaq mayapäkuy. ¡Mayamaptikiqa capazchari qamkunatapis Tayta Dios mayashunkipaq!
8<<Juk kutichöshi lapan yörakuna juntakarqan mandaqnin reyta churananpaq. Tsayshi olïvu yörata kayno nirqan: <Mandamaqnï rey kanaykitami noqakuna munapäkü>.
9<<Tsayshi olïvu yöraqa kayno nirqan: <Rey kaptïqa Tayta Diosta adorananpaq y runakunata respitananpaq ¿maypitataq aceitipis kanqa?>
10<<Mana munaptinshi yörakunaqa hïgustana mandaqnin rey kananpaq nipäkurqan. 11Tsayshi hïgus kayno nirqan: <Rey kaptïqa ¿maypitataq mishkiq hïguskunapis kanqa?>
12<<Mana munaptinshi yörakunaqa üvatana nipäkurqan mandaqnin rey kananpaq. 13Tsayshi üvapis kayno nirqan: <Rey kaptïqa Tayta Dios y runakuna kushikunanpaq ¿maypitataq vïnupis kanqa?>
14<<Mana munaptinshi yörakunaqa shirakatana nirqan mandaqnin rey kananpaq. 15Tsayshi shirakaqa kayno nirqan: <Rasunpa mandaqniki rey kanäta munarqa rämäkuna rurinman yaykapäkamuy. Mana munaptikiqa noqapita nina ratarmi Líbanucho jatusaq cedrukunatapis rupanqa> >>.
16Tsayno wilaparkurshi Jotam kayno nirqan: <<Kanan shumaq tantiyakäriy. ¿Alitaku rurapäkushqanki Abimelecta mandaqniki rey kananpaq churar? ¿Qamkunata ali rikashushqaykinöku papänïta y wawqïkunata rikapäkushqanki? 17Madianita runakunapa munayninpita salvashunaykipaqmi papänï wanuy kaway pelyarqan. 18Tsayno salvaykäshuptikipis papänïpa contran sharkur qanchis chunka (70) olqu tsurinkunata rumi janancho wanutsipäkushqanki. Nirkurqa ayluyki kaptilan papänïpa concubïna warminpa wawan Abimelecta mandaqniki rey kananpaq churapäkushqanki.
19<<Jerobaalwan y tsurinkunawan ali kawashqa kaptikiqa qamkunawan Abimelec ali kawatsun y qamkunapis paywan ali kawapäkuy. 20Paykunawan mana ali kawashqa kaptikiqa Abimelecpita nina yarqamur rupar ushashunki. Tsaynöla markaykikunapita nina yarqamur Abimelectapis rupar ushatsun>>.
21Nirkurnami qeshpir aywakurqan Beer markaman. Tsaychömi wawqin Abimelecta mantsakushpan täkurqan.
Siquem runakuna Abimelecpa contran sharkushqan
22Kimsa watana Israel runakunapa mandaqnin Abimelec kaykaptinmi 23Siquem runakunawan chikinakunanpaq mana ali yarpayta paykunaman Tayta Dios churarqan. 24Tsaynöpami Abimelecta Tayta Dios castigarqan Jerobaalpa qanchis chunka (70) olqu tsurinkunata wanutsishqanpita. Siquem runakunatapis tsaynöpa castigarqan wawqinkunata wanutsinanpaq Abimelecta yanapashqanpita. 25Tsaymi Siquem runakunaqa jalqakunaman aywaykur tsaypa pasaq runakunata asaltapäkurqan. Tsayno rurashqantami Abimelecta wilapäkurqan.
26Juk junaqmi Ebedpa tsurin Gaal wawqinkunawan chayarqan Siquem markaman. Tsaycho taptinmi tsay runakuna amistäta paykunawan rurapäkurqan. 27Tsaypitanami chakrapa aywar üvata shuntarkur vïnuta rurapäkurqan. Nirkurmi diosninkunapa templuncho fiestata rurashpan mikur upur Abimelecpa wasanta rimapäkurqan. 28Tsawraqa Ebedpa tsurin Gaal kayno nirqan: <<¿Pitaq Abimelecqa payta cäsukunantsipaqqa? Siquem runakuna kaykar ¿imanirtaq paypa munaynincho kawashun? Abimelecqa ¿manaku Jerobaalpa tsurin kaykan? Markantsita mandaq Zebulpis ¿manaku paypa yanapaqnin kaykan? Abimelecta sirvinantsipa trukanqa Siquempa taytan Hamor aylu runakunalata sirvishun.#9.28 Siquempita y Hamorpita musyanaykipaq liyinki Gén. 34.1-31. Siquempa taytan Hamor aylu runakunalata sirvishun nishqanqa legïtimu Siquem runalata sirvishun ninanmi. 29¡Qamkunapa mandaqniki karqa maynami Abimelecta ushakätsïman karqan! Tsaynöpis payta maynami nïman karqan soldädunkunata shuntarkur noqakunawan pelyapäkunanpaq>>.
30Ebedpa tsurin Gaal tsayno nishqanta mayaykurmi Siquem markapa mandaqnin Zebul pasaypa rabyakurqan. 31Tsaymi pakaylapa wilakuqkunata kachakurqan Abimelecta kayno nir wilapäkunanpaq: <<Ebedpa tsurin Gaalmi wawqinkunawan chayamushqa kay markaman. Nirkurmi runakunata shimita jatipaykan qampa contrayki sharkunanpaq. 32Imapis manaraq kashqanyaq soldäduykikunawan tsakaypa yaykuykur marka nawpankunaman churanakärinki. 33Nirkur patsa wararkuptinna markata atacapäkuy. Gaal y paywan kaykaq runakuna pelyananpaq yarqamuptinqa lapanta wanutsipäkuy>>.
34Tsawraqa Abimelec tsay tsakay chusku punta soldädunkunawan aywaykur Siquem marka nawpankunaman churanakurqan. 35Ebedpa tsurin Gaal marka punkucho ichiraykashqan hörami soldädunkunawan Abimelec pakarpaykashqanpita yarqupäkurqan. 36Tsayta rikarmi Zebulta Gaal kayno nirqan: <<¡Rikay! ¡Jirkakunapita runakuna uraykämun!>>
Tsayno niptinmi Zebul kayno nirqan: <<Jirkakunacho lantuykunatachari runakunatano rikapakuykanki>>.
37Tsawraqa Gaal kayno nirqan: <<Patsapa Pupun nishqan jirkanpapis soldädukunami aywarkaykämun. Tsaynölami Adivinaqkunapa Encinan nishqan yöraman aywaq nänipapis juk punta soldädukuna aywarkaykämun>>.
38Tsawraqa Zebul kayno nirqan: <<¡Kananmi parlaqta rikashayki, baduläqui! <Pitaq kantsi Abimelecta cäsukunantsipaqqa> ¿manaku nirqayki? Manakaqman churashqayki runakunami yaykaykämun. ¡Kanan mä, runa karqa paykunawan pelyaq ayway!>>
39Tsawraqa Siquem runakunawan Gaal aywarqan Abimelecwan pelyapäkunanpaq. 40Abimelec vinciptinmi Gaal y paywan kaykaq runakuna qeshpir markaman kutikärirqan. Tsayno kaptinpis marka punkuman chayashqanyaqmi atskata wanutsipäkurqan. 41Tsaypitami Abimelec kutikurqan Aruma markaman. Zebulnami Gaalta wawqinkunatawan Siquempita qarqurqan.
42Waraynin#9.42 Wakin runakunaqa warantin nipäkun. junaqnami Abimelec mayarqan Siquemcho taq runakuna chakrankunapa yarqupäkushqanta. 43Tsayta musyaykurmi yanapaqnin runakunawan kimsa puntaman churanakurqan. Nirkur Siquemman aywapäkurqan pakakuykur markapita yarquqta shuyarpänanpaq. Tsaymi runakuna markapita yarquptin elaqpita atacapäkurqan. 44Markaman kutir mana qeshpinanpaqmi Abimelecqa tröpancho kaykaq runakunawan marka punkuman yaliparqan. Ishkay kaq punta runakunanami chakrakunacho kaykaq runakunata wanutsipäkurqan. 45Tsay junaq qoyaylatami Siquem runakunawan Abimelec pelyapäkurqan. Vincirkurmi tsay markacho kaykaq runakunata wanuykatsir wayinkunatapis juchutsir usharqan. Nirkurmi tsaycho imapis mana winananpaq kachita mashtarqan.
46Abimelec tsayno rurashqanta mayaykurmi Siquem törricho taq runakuna El-berit templuman amparakärirqan. Tsay templuqa ali sigurashqami karqan. 47Tsayman amparakushqa karkaykashqanta musyaykurmi 48Abimelecqa paywan kaykaq runakunata pushakurkur aywarqan Salmón jirkanman. Nirkurmi fïlu hächawan yörapa rämanta muturishpan umrukurkur wakin runakunatapis kayno nirqan: <<¡Lapayki noqano rämakunata mutuykur umrukäriy!>>
49Tsayno niptinmi rämata cada ünun muturir Abimelecpa qepanpa aywaykur templuta rupatsipäkurqan. Tsayno rupatsirmi törricho kaq runakunata warmita olqutapis juk waranqatano (1,000) wanutsipäkurqan.
50Tsaypita Tebes markaman aywaykur Abimelec y paywan kaykaq runakuna jiruruypa churanakurqan. Atacarmi tsay markaman yaykapäkurqan. 51Marka chawpinchömi ali sigurashqa jatun törri karqan. Abimelec y paywan kaykaq runakuna markaman yaykuptinmi markacho taq runakuna warmipis olqupis törriman yaykuykur punkuta shumaq trancakamurqan. Nirkurmi törri jananman lapan witsäpäkurqan. 52Tsaymi Abimelecqa törrita rupatsiyta munar ninata ratatsinanpaq kaykaptin 53törri jananpita juk warmi tunaywan Abimelecta umapis pakiqpaq saqmaykamurqan.
54Tsawraqa armanta apapaq yanapaqnin runata jinan höra qayarkur Abimelec kayno nirqan: << <Juk warmilami wanutsishqa> nir runakuna mana parlaykänanpaq espädaykiwan jukla tuksiramay>>.
Niptin yanapaqninqa espädanwan wanuqpaq tuksirirqan. 55Abimelec wanushqa jitaraykaqta rikaykurmi Israel runakuna wayinpana kutikärirqan.
56Tsaynömi Abimelecta Tayta Dios ushakätsirqan papäninta chikishpan qanchis chunka (70) wawqinkunata wanutsishqanpita. 57Tsaynölami Siquem runakunatapis Tayta Dios ushakätsirqan Jerobaalpa tsurinkunata wanutsishqanpita. Tsaynöpami Jerobaalpa tsurin Jotam maldicionashqantapis cumplirqan.
Currently Selected:
Jueces 9: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Jueces 9
9
Israel runakunapa jueznin Abimelec kashqan
1Juk junaqmi Jerobaalpa tsurin Abimelec aywarqan Siquem markaman tiyunkunawan y aylunkunawan parlaq. Chayaykurmi paykunata kayno nirqan: 2<<Musyashqaykinöpis ayluykimi kaykä. Tsaymi qamkunata ruwakü marka mayintsikunata shuntaykur kayno nipäkunaykipaq: <Mas alimi kanman Jerobaalpa qanchis chunka (70) tsurinkunapa trukan Abimelec japalan mandamaqnintsi kaptin> >>.
3Abimelec nishqannömi marka mayinkunata tiyunkuna nirqan. Marka mayin kashqanta nipäkuptinmi lapan wilanakurqan paykunapa mandaqnin Abimelec kananpaq. 4Tsayno wilanakurmi Baal-beritpa templunpita qanchis chunka (70) qellayta jorqurir Abimelecta qoykurqan. Tsay qellayta wanutsikuq runakunata pägaykurmi Abimelec pusharqan 5papänin Jerobaal tashqan Ofra markaman. Tsaychömi juk rumi janancho qanchis chunka (70) wawqinkunata wanutsirqan. Shulka kaq wawqin Jotamlami pakakuyninpa qeshpirqan.
6Tsaypitanami Siquem y Bet-milo runakuna Siquemcho kaykaq encina yöra kaqcho sagrädu rumi#Jos. 24.26-27. kaqman juntakaykur rey kananpaq Abimelecta churapäkurqan.
Gerizim puntapita Jotam qayakushqan
7Abimelecta rey kananpaq churapäkushqanta musyaykurmi Jotam witsarqan Gerizim puntaman. Tsaypita fuertipa qayakur kayno nirqan: <<Siquem runakuna, kanan nimushqäta shumaq mayapäkuy. ¡Mayamaptikiqa capazchari qamkunatapis Tayta Dios mayashunkipaq!
8<<Juk kutichöshi lapan yörakuna juntakarqan mandaqnin reyta churananpaq. Tsayshi olïvu yörata kayno nirqan: <Mandamaqnï rey kanaykitami noqakuna munapäkü>.
9<<Tsayshi olïvu yöraqa kayno nirqan: <Rey kaptïqa Tayta Diosta adorananpaq y runakunata respitananpaq ¿maypitataq aceitipis kanqa?>
10<<Mana munaptinshi yörakunaqa hïgustana mandaqnin rey kananpaq nipäkurqan. 11Tsayshi hïgus kayno nirqan: <Rey kaptïqa ¿maypitataq mishkiq hïguskunapis kanqa?>
12<<Mana munaptinshi yörakunaqa üvatana nipäkurqan mandaqnin rey kananpaq. 13Tsayshi üvapis kayno nirqan: <Rey kaptïqa Tayta Dios y runakuna kushikunanpaq ¿maypitataq vïnupis kanqa?>
14<<Mana munaptinshi yörakunaqa shirakatana nirqan mandaqnin rey kananpaq. 15Tsayshi shirakaqa kayno nirqan: <Rasunpa mandaqniki rey kanäta munarqa rämäkuna rurinman yaykapäkamuy. Mana munaptikiqa noqapita nina ratarmi Líbanucho jatusaq cedrukunatapis rupanqa> >>.
16Tsayno wilaparkurshi Jotam kayno nirqan: <<Kanan shumaq tantiyakäriy. ¿Alitaku rurapäkushqanki Abimelecta mandaqniki rey kananpaq churar? ¿Qamkunata ali rikashushqaykinöku papänïta y wawqïkunata rikapäkushqanki? 17Madianita runakunapa munayninpita salvashunaykipaqmi papänï wanuy kaway pelyarqan. 18Tsayno salvaykäshuptikipis papänïpa contran sharkur qanchis chunka (70) olqu tsurinkunata rumi janancho wanutsipäkushqanki. Nirkurqa ayluyki kaptilan papänïpa concubïna warminpa wawan Abimelecta mandaqniki rey kananpaq churapäkushqanki.
19<<Jerobaalwan y tsurinkunawan ali kawashqa kaptikiqa qamkunawan Abimelec ali kawatsun y qamkunapis paywan ali kawapäkuy. 20Paykunawan mana ali kawashqa kaptikiqa Abimelecpita nina yarqamur rupar ushashunki. Tsaynöla markaykikunapita nina yarqamur Abimelectapis rupar ushatsun>>.
21Nirkurnami qeshpir aywakurqan Beer markaman. Tsaychömi wawqin Abimelecta mantsakushpan täkurqan.
Siquem runakuna Abimelecpa contran sharkushqan
22Kimsa watana Israel runakunapa mandaqnin Abimelec kaykaptinmi 23Siquem runakunawan chikinakunanpaq mana ali yarpayta paykunaman Tayta Dios churarqan. 24Tsaynöpami Abimelecta Tayta Dios castigarqan Jerobaalpa qanchis chunka (70) olqu tsurinkunata wanutsishqanpita. Siquem runakunatapis tsaynöpa castigarqan wawqinkunata wanutsinanpaq Abimelecta yanapashqanpita. 25Tsaymi Siquem runakunaqa jalqakunaman aywaykur tsaypa pasaq runakunata asaltapäkurqan. Tsayno rurashqantami Abimelecta wilapäkurqan.
26Juk junaqmi Ebedpa tsurin Gaal wawqinkunawan chayarqan Siquem markaman. Tsaycho taptinmi tsay runakuna amistäta paykunawan rurapäkurqan. 27Tsaypitanami chakrapa aywar üvata shuntarkur vïnuta rurapäkurqan. Nirkurmi diosninkunapa templuncho fiestata rurashpan mikur upur Abimelecpa wasanta rimapäkurqan. 28Tsawraqa Ebedpa tsurin Gaal kayno nirqan: <<¿Pitaq Abimelecqa payta cäsukunantsipaqqa? Siquem runakuna kaykar ¿imanirtaq paypa munaynincho kawashun? Abimelecqa ¿manaku Jerobaalpa tsurin kaykan? Markantsita mandaq Zebulpis ¿manaku paypa yanapaqnin kaykan? Abimelecta sirvinantsipa trukanqa Siquempa taytan Hamor aylu runakunalata sirvishun.#9.28 Siquempita y Hamorpita musyanaykipaq liyinki Gén. 34.1-31. Siquempa taytan Hamor aylu runakunalata sirvishun nishqanqa legïtimu Siquem runalata sirvishun ninanmi. 29¡Qamkunapa mandaqniki karqa maynami Abimelecta ushakätsïman karqan! Tsaynöpis payta maynami nïman karqan soldädunkunata shuntarkur noqakunawan pelyapäkunanpaq>>.
30Ebedpa tsurin Gaal tsayno nishqanta mayaykurmi Siquem markapa mandaqnin Zebul pasaypa rabyakurqan. 31Tsaymi pakaylapa wilakuqkunata kachakurqan Abimelecta kayno nir wilapäkunanpaq: <<Ebedpa tsurin Gaalmi wawqinkunawan chayamushqa kay markaman. Nirkurmi runakunata shimita jatipaykan qampa contrayki sharkunanpaq. 32Imapis manaraq kashqanyaq soldäduykikunawan tsakaypa yaykuykur marka nawpankunaman churanakärinki. 33Nirkur patsa wararkuptinna markata atacapäkuy. Gaal y paywan kaykaq runakuna pelyananpaq yarqamuptinqa lapanta wanutsipäkuy>>.
34Tsawraqa Abimelec tsay tsakay chusku punta soldädunkunawan aywaykur Siquem marka nawpankunaman churanakurqan. 35Ebedpa tsurin Gaal marka punkucho ichiraykashqan hörami soldädunkunawan Abimelec pakarpaykashqanpita yarqupäkurqan. 36Tsayta rikarmi Zebulta Gaal kayno nirqan: <<¡Rikay! ¡Jirkakunapita runakuna uraykämun!>>
Tsayno niptinmi Zebul kayno nirqan: <<Jirkakunacho lantuykunatachari runakunatano rikapakuykanki>>.
37Tsawraqa Gaal kayno nirqan: <<Patsapa Pupun nishqan jirkanpapis soldädukunami aywarkaykämun. Tsaynölami Adivinaqkunapa Encinan nishqan yöraman aywaq nänipapis juk punta soldädukuna aywarkaykämun>>.
38Tsawraqa Zebul kayno nirqan: <<¡Kananmi parlaqta rikashayki, baduläqui! <Pitaq kantsi Abimelecta cäsukunantsipaqqa> ¿manaku nirqayki? Manakaqman churashqayki runakunami yaykaykämun. ¡Kanan mä, runa karqa paykunawan pelyaq ayway!>>
39Tsawraqa Siquem runakunawan Gaal aywarqan Abimelecwan pelyapäkunanpaq. 40Abimelec vinciptinmi Gaal y paywan kaykaq runakuna qeshpir markaman kutikärirqan. Tsayno kaptinpis marka punkuman chayashqanyaqmi atskata wanutsipäkurqan. 41Tsaypitami Abimelec kutikurqan Aruma markaman. Zebulnami Gaalta wawqinkunatawan Siquempita qarqurqan.
42Waraynin#9.42 Wakin runakunaqa warantin nipäkun. junaqnami Abimelec mayarqan Siquemcho taq runakuna chakrankunapa yarqupäkushqanta. 43Tsayta musyaykurmi yanapaqnin runakunawan kimsa puntaman churanakurqan. Nirkur Siquemman aywapäkurqan pakakuykur markapita yarquqta shuyarpänanpaq. Tsaymi runakuna markapita yarquptin elaqpita atacapäkurqan. 44Markaman kutir mana qeshpinanpaqmi Abimelecqa tröpancho kaykaq runakunawan marka punkuman yaliparqan. Ishkay kaq punta runakunanami chakrakunacho kaykaq runakunata wanutsipäkurqan. 45Tsay junaq qoyaylatami Siquem runakunawan Abimelec pelyapäkurqan. Vincirkurmi tsay markacho kaykaq runakunata wanuykatsir wayinkunatapis juchutsir usharqan. Nirkurmi tsaycho imapis mana winananpaq kachita mashtarqan.
46Abimelec tsayno rurashqanta mayaykurmi Siquem törricho taq runakuna El-berit templuman amparakärirqan. Tsay templuqa ali sigurashqami karqan. 47Tsayman amparakushqa karkaykashqanta musyaykurmi 48Abimelecqa paywan kaykaq runakunata pushakurkur aywarqan Salmón jirkanman. Nirkurmi fïlu hächawan yörapa rämanta muturishpan umrukurkur wakin runakunatapis kayno nirqan: <<¡Lapayki noqano rämakunata mutuykur umrukäriy!>>
49Tsayno niptinmi rämata cada ünun muturir Abimelecpa qepanpa aywaykur templuta rupatsipäkurqan. Tsayno rupatsirmi törricho kaq runakunata warmita olqutapis juk waranqatano (1,000) wanutsipäkurqan.
50Tsaypita Tebes markaman aywaykur Abimelec y paywan kaykaq runakuna jiruruypa churanakurqan. Atacarmi tsay markaman yaykapäkurqan. 51Marka chawpinchömi ali sigurashqa jatun törri karqan. Abimelec y paywan kaykaq runakuna markaman yaykuptinmi markacho taq runakuna warmipis olqupis törriman yaykuykur punkuta shumaq trancakamurqan. Nirkurmi törri jananman lapan witsäpäkurqan. 52Tsaymi Abimelecqa törrita rupatsiyta munar ninata ratatsinanpaq kaykaptin 53törri jananpita juk warmi tunaywan Abimelecta umapis pakiqpaq saqmaykamurqan.
54Tsawraqa armanta apapaq yanapaqnin runata jinan höra qayarkur Abimelec kayno nirqan: << <Juk warmilami wanutsishqa> nir runakuna mana parlaykänanpaq espädaykiwan jukla tuksiramay>>.
Niptin yanapaqninqa espädanwan wanuqpaq tuksirirqan. 55Abimelec wanushqa jitaraykaqta rikaykurmi Israel runakuna wayinpana kutikärirqan.
56Tsaynömi Abimelecta Tayta Dios ushakätsirqan papäninta chikishpan qanchis chunka (70) wawqinkunata wanutsishqanpita. 57Tsaynölami Siquem runakunatapis Tayta Dios ushakätsirqan Jerobaalpa tsurinkunata wanutsishqanpita. Tsaynöpami Jerobaalpa tsurin Jotam maldicionashqantapis cumplirqan.
© 2003, Wycliffe Bible Translators, Inc. All rights reserved.