Jueces 7
7
Madianita runakunata Gedeón vincishqan
1Tsaypitanami Jerobaal nipäkushqan Gedeón y paywan kaykaq runakuna tutala yarqur Harod pukyukuna nawpancho campamentunta sharkatsipäkurqan. Madianita runakunapa campamentunnami Israel runakunapita norti kaq lädupa kaykarqan. Tsayqa More jirka sikin pampachömi kaykarqan.
2Tsaychömi Gedeónta Tayta Dios kayno nirqan: <<Aläpa atska runakunawanmi aywarkaykanki. Madianita runakunata vincipäkunaykipaq yanapaptï yarpapäkunkiman atskaq kar vincipäkushqaykita. Tsayno yarparqa alabakurmi rabyanätsipäkamanki. 3Tsayno mana kananpaq kanan ninki mantsakuq kaqkuna wayinkunaman kutikunanpaq>>.#Deut. 20.8.
Kutikärinanpaq Gedeón niptinmi ishkay chunka ishkay waranqa (22,000) runakuna kutikurqan. Chunka waranqalanami (10,000) Gedeónwan quëdarqan.
4Tsaypita yapaymi Gedeónta Tayta Dios kayno nirqan: <<Kananpis atskaraqmi runakuna karkaykan. Kananqa paykunapita akranaykipaq yakuta upunanpaq pushapäkuy. Tsaychömi musyatsishayki mayqankuna guërraman aywananpaq kashqanta y mayqankuna wayinpa kutikunanpaq kashqantapis>>.
5Tsaymi Gedeónqa runakunata pusharqan yaku kaqman. Tsaychöna Tayta Dios kayno nirqan: <<Makinwan chaqarkur alquno laqwaypa upuqkunata juk läduman akranki. Tsaynöpis qonqurpaykur upuqkunata juk läduman akranki>>.
6Yakuta makinwan chaqarkur laqwaypa upuqkuna karqan kimsa pachak (300) runakunami. Wakin kaqqa qonqurpaykurmi upupäkurqan.
7Tsawraqa Gedeónta Tayta Dios kayno nirqan: <<Tsay kimsa pachak (300) runakunalawan madianita runakunata vincinaykipaqmi yanapashayki. Wakin kaq runakunaqa wayinpa kutikäritsun>>.
8Tsawraqa tsay runakunata Gedeón nirqan cornëtankunata y mirkapanta kachaykur wayinman kutikärinanpaq. Kutikuptinmi akrashqan kimsa pachak runakunalawanna quëdarqan. Madianita runakunapa campamentunqa ura pampachömi kaykarqan.
9Tsay tsakaymi Gedeónta Tayta Dios kayno nirqan: <<Jukla aywaykur madianita runakunata atacapäkuy. Qamkunapa makikimannami paykunata churamushqä. 10Atacayta mantsakurqa ashmayniki Furalawan puntata campamentunman rikapakuq ayway. 11Chayaykur paykuna imata parlashqantapis shumaq mayamuy. Parlashqanta mayarmi musyanki mana mantsakuypa paykunawan pelyanaykipaq>>.
Tayta Dios tsayno niptinmi contran runakunapa campamentun kuchunman ashmaynin Furawan Gedeón aywarqan. 12Campamentunchömi madianita runakuna, amalecita runakuna y inti jeqamunan kaq lädupita shamuq wakin runakunapis pitishnöraq tsaytsika juntarpaykarqan. Tsaynölami camëllunkunapis yupayta mana atipaypaq tsaytsika kaykarqan. 13Tsayman chayaykur mayaparaykashqanchömi Gedeón mayarqan juk soldädu sueñuyninta wilapar kayno nishqanta: <<Sueñuynïchömi rikashqä cebäda tanta janapita kuchpamur tolduntsita juchutsishqanta>>.
14Tsayno wilapaptinmi yanaqin kayno nirqan: <<Tsayqa kanqa Joáspa tsurin Gedeónpa espädanmi. Madianita runakunata y lapan campamentuntami Gedeónpa makinman Tayta Dios churanqa>>.
15Sueñushqanta wilashqanta mayarmi Gedeónqa Tayta Diosta agradëcikurqan. Nirkurna Israel runakuna kaykashqan campamentuman kutiykur kayno nirqan: <<¡Sharkapäkuy! ¡Tayta Diosmi madianita runakunata makintsiman churamushqa!>>
16Tsaymi kimsa pachak (300) soldädunkunata kimsa puntaman rakiykur cornëtakunata y puyñukunata aypurqan. Puyñukuna rurinman aceitiwan ushmashqa rupaykaq träpukunata winarkur 17soldädunkunata kayno nirqan: <<Madianita runakunapa campamentun kuchunman tumariq churakanki. Campamentu jukaq kuchunman noqa chayaykur rurashqäno qamkunapis rurapäkunki. 18Tsaycho cornëtata tukapäkamuptï qamkunapis madianita runakunapa campamentunkunata jirurupaykur tukapäkamunki. Nirkur lapan kalpaykiwan kayno nipäkamunki: <¡Tayta Diospa espädanwan y Gedeónpa espädanwan contrantsikunata atacashun!> >>
19Tsayno yätsirkurmi ishkay punta runakunata Gedeón puntata kacharqan. Paykunapa qepantanami pachak (100) runakunawan Gedeón aywar pulan paqas chayapäkurqan madianita soldädukunapa campamentun kuchunman. Tsay hörami täpaq soldädukuna trukanakuykarqan. Campamentuman chayaykurmi cornëtata tukapäkurqan y apashqan puyñukunata pakipäkurqan. 20Tsaymi wakin kaq runakunapis cornëtata tukashpan puyñunkunata pakipäkurqan. Itsuq kaq makinwan atskita aptararqan y alawqa kaq makinwanna cornëtata tukarqan. Tsay hörami fuertipa kayno nipäkurqan: <<¡Tayta Diospa espädanwan y Gedeónpa espädanwan contrantsikunata atacashun!>>
21Tsayno nirmi Israel runakunaqa maypapis mana yarquypa madianita runakunapa campamentun chuchunman tumariq churanakushqalancho ichirpaykarqan. Tsawraqa madianita runakunaqa qaparashpan qeshpiyta munar wakpa kaypa cörrikacharqan. 22Cornëtakunata kimsa pachak (300) Israel runakuna tukaykaptinmi madianita runakunata Tayta Dios pantakätsirqan kikinpura espädawan wanutsinakunanpaq. Wakin kaq madianita soldädukunanami Zereraman aywaq nänikunapa qeshpir Bet-sita lädupa aywakärirqan. Wakinkunaqa chayapäkurqan hasta Tabatpa nawpan Abel-meholapa lindërunyaqmi.
23Madianita soldädukuna qeshpir aywakäriptinmi Neftalí trïbu runakuna, Aser trïbu runakuna y Manasés trïbu runakuna juntakaykur qatikacharqan. 24Tsaynöpis Efraín jalqakunaman Gedeón wilakatsirmi kayno nirqan: <<Qamkunapis shapäkamuy madianita runakunata atacanaykipaq. Bet-bara väduta y Jordán mayu väduta manaraq pasaptin yalipaykur atacapäkuy>>.
Tsayno niptinmi Efraín trïbu runakuna lapan juntakaykur Bet-bara väduman y Jordán mayu väduman atacananpaq aywapäkurqan.
25Tsayman chayaykurmi madianita runakunapa mandaqnin Orebta y mandaqnin Zeebta prësu tsariykurqan. Orebtami qaqacho wanutsipäkurqan y Zeebtanami üva jarukunan pözu kaqcho wanutsipäkurqan. Tsaypita patsami Orebta wanutsishqan qaqapa jutin kaykan Oreb Qaqa y Zeebta wanutsishqan pözupa jutin kaykan Zeeb Pözu. Madianita runakunata karuyaq qatiparkurmi Efraín trïbu runakuna Jordán tsimpanman kutiykur Orebpa y Zeebpa umanta Gedeónman apapäkurqan.
Currently Selected:
Jueces 7: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Jueces 7
7
Madianita runakunata Gedeón vincishqan
1Tsaypitanami Jerobaal nipäkushqan Gedeón y paywan kaykaq runakuna tutala yarqur Harod pukyukuna nawpancho campamentunta sharkatsipäkurqan. Madianita runakunapa campamentunnami Israel runakunapita norti kaq lädupa kaykarqan. Tsayqa More jirka sikin pampachömi kaykarqan.
2Tsaychömi Gedeónta Tayta Dios kayno nirqan: <<Aläpa atska runakunawanmi aywarkaykanki. Madianita runakunata vincipäkunaykipaq yanapaptï yarpapäkunkiman atskaq kar vincipäkushqaykita. Tsayno yarparqa alabakurmi rabyanätsipäkamanki. 3Tsayno mana kananpaq kanan ninki mantsakuq kaqkuna wayinkunaman kutikunanpaq>>.#Deut. 20.8.
Kutikärinanpaq Gedeón niptinmi ishkay chunka ishkay waranqa (22,000) runakuna kutikurqan. Chunka waranqalanami (10,000) Gedeónwan quëdarqan.
4Tsaypita yapaymi Gedeónta Tayta Dios kayno nirqan: <<Kananpis atskaraqmi runakuna karkaykan. Kananqa paykunapita akranaykipaq yakuta upunanpaq pushapäkuy. Tsaychömi musyatsishayki mayqankuna guërraman aywananpaq kashqanta y mayqankuna wayinpa kutikunanpaq kashqantapis>>.
5Tsaymi Gedeónqa runakunata pusharqan yaku kaqman. Tsaychöna Tayta Dios kayno nirqan: <<Makinwan chaqarkur alquno laqwaypa upuqkunata juk läduman akranki. Tsaynöpis qonqurpaykur upuqkunata juk läduman akranki>>.
6Yakuta makinwan chaqarkur laqwaypa upuqkuna karqan kimsa pachak (300) runakunami. Wakin kaqqa qonqurpaykurmi upupäkurqan.
7Tsawraqa Gedeónta Tayta Dios kayno nirqan: <<Tsay kimsa pachak (300) runakunalawan madianita runakunata vincinaykipaqmi yanapashayki. Wakin kaq runakunaqa wayinpa kutikäritsun>>.
8Tsawraqa tsay runakunata Gedeón nirqan cornëtankunata y mirkapanta kachaykur wayinman kutikärinanpaq. Kutikuptinmi akrashqan kimsa pachak runakunalawanna quëdarqan. Madianita runakunapa campamentunqa ura pampachömi kaykarqan.
9Tsay tsakaymi Gedeónta Tayta Dios kayno nirqan: <<Jukla aywaykur madianita runakunata atacapäkuy. Qamkunapa makikimannami paykunata churamushqä. 10Atacayta mantsakurqa ashmayniki Furalawan puntata campamentunman rikapakuq ayway. 11Chayaykur paykuna imata parlashqantapis shumaq mayamuy. Parlashqanta mayarmi musyanki mana mantsakuypa paykunawan pelyanaykipaq>>.
Tayta Dios tsayno niptinmi contran runakunapa campamentun kuchunman ashmaynin Furawan Gedeón aywarqan. 12Campamentunchömi madianita runakuna, amalecita runakuna y inti jeqamunan kaq lädupita shamuq wakin runakunapis pitishnöraq tsaytsika juntarpaykarqan. Tsaynölami camëllunkunapis yupayta mana atipaypaq tsaytsika kaykarqan. 13Tsayman chayaykur mayaparaykashqanchömi Gedeón mayarqan juk soldädu sueñuyninta wilapar kayno nishqanta: <<Sueñuynïchömi rikashqä cebäda tanta janapita kuchpamur tolduntsita juchutsishqanta>>.
14Tsayno wilapaptinmi yanaqin kayno nirqan: <<Tsayqa kanqa Joáspa tsurin Gedeónpa espädanmi. Madianita runakunata y lapan campamentuntami Gedeónpa makinman Tayta Dios churanqa>>.
15Sueñushqanta wilashqanta mayarmi Gedeónqa Tayta Diosta agradëcikurqan. Nirkurna Israel runakuna kaykashqan campamentuman kutiykur kayno nirqan: <<¡Sharkapäkuy! ¡Tayta Diosmi madianita runakunata makintsiman churamushqa!>>
16Tsaymi kimsa pachak (300) soldädunkunata kimsa puntaman rakiykur cornëtakunata y puyñukunata aypurqan. Puyñukuna rurinman aceitiwan ushmashqa rupaykaq träpukunata winarkur 17soldädunkunata kayno nirqan: <<Madianita runakunapa campamentun kuchunman tumariq churakanki. Campamentu jukaq kuchunman noqa chayaykur rurashqäno qamkunapis rurapäkunki. 18Tsaycho cornëtata tukapäkamuptï qamkunapis madianita runakunapa campamentunkunata jirurupaykur tukapäkamunki. Nirkur lapan kalpaykiwan kayno nipäkamunki: <¡Tayta Diospa espädanwan y Gedeónpa espädanwan contrantsikunata atacashun!> >>
19Tsayno yätsirkurmi ishkay punta runakunata Gedeón puntata kacharqan. Paykunapa qepantanami pachak (100) runakunawan Gedeón aywar pulan paqas chayapäkurqan madianita soldädukunapa campamentun kuchunman. Tsay hörami täpaq soldädukuna trukanakuykarqan. Campamentuman chayaykurmi cornëtata tukapäkurqan y apashqan puyñukunata pakipäkurqan. 20Tsaymi wakin kaq runakunapis cornëtata tukashpan puyñunkunata pakipäkurqan. Itsuq kaq makinwan atskita aptararqan y alawqa kaq makinwanna cornëtata tukarqan. Tsay hörami fuertipa kayno nipäkurqan: <<¡Tayta Diospa espädanwan y Gedeónpa espädanwan contrantsikunata atacashun!>>
21Tsayno nirmi Israel runakunaqa maypapis mana yarquypa madianita runakunapa campamentun chuchunman tumariq churanakushqalancho ichirpaykarqan. Tsawraqa madianita runakunaqa qaparashpan qeshpiyta munar wakpa kaypa cörrikacharqan. 22Cornëtakunata kimsa pachak (300) Israel runakuna tukaykaptinmi madianita runakunata Tayta Dios pantakätsirqan kikinpura espädawan wanutsinakunanpaq. Wakin kaq madianita soldädukunanami Zereraman aywaq nänikunapa qeshpir Bet-sita lädupa aywakärirqan. Wakinkunaqa chayapäkurqan hasta Tabatpa nawpan Abel-meholapa lindërunyaqmi.
23Madianita soldädukuna qeshpir aywakäriptinmi Neftalí trïbu runakuna, Aser trïbu runakuna y Manasés trïbu runakuna juntakaykur qatikacharqan. 24Tsaynöpis Efraín jalqakunaman Gedeón wilakatsirmi kayno nirqan: <<Qamkunapis shapäkamuy madianita runakunata atacanaykipaq. Bet-bara väduta y Jordán mayu väduta manaraq pasaptin yalipaykur atacapäkuy>>.
Tsayno niptinmi Efraín trïbu runakuna lapan juntakaykur Bet-bara väduman y Jordán mayu väduman atacananpaq aywapäkurqan.
25Tsayman chayaykurmi madianita runakunapa mandaqnin Orebta y mandaqnin Zeebta prësu tsariykurqan. Orebtami qaqacho wanutsipäkurqan y Zeebtanami üva jarukunan pözu kaqcho wanutsipäkurqan. Tsaypita patsami Orebta wanutsishqan qaqapa jutin kaykan Oreb Qaqa y Zeebta wanutsishqan pözupa jutin kaykan Zeeb Pözu. Madianita runakunata karuyaq qatiparkurmi Efraín trïbu runakuna Jordán tsimpanman kutiykur Orebpa y Zeebpa umanta Gedeónman apapäkurqan.
© 2003, Wycliffe Bible Translators, Inc. All rights reserved.