Jueces 16
16
Gaza markacho Sansón kashqan
1Juk kuticho Sansón aywarqan filisteo runakunapa markan Gazaman. Tsaychömi wayrapakuq warmipa wayinman aywaykur paywan punurqan. 2Markancho kaykashqanta musyarmi Gaza runakuna jiruruypa churanakur marka yaykuna punkucho täparqan kayno wilanakushpan: <<Patsa wararkuptinnami tsarirkur wanuratsishun>>.
3Sansónqa pulan paqasyaqlami punurqan. Tsay hörami aywakur markaman yaykuna punku wichqaraykaqta tarirqan. Tsaymi punkuta jorqurir quiciuntinta trancantinta umrukurkur apakurqan Hebrón tsimpan jirkanyaq.#16.3 Hebrón markaqa Gaza markapita ishkay chunka lëwami karqan. Hebrónqa Judá trïbu runakuna tashqanchömi karqan.
Dalilata Sansón namurashqan
4Tsaypita qepatanami Sorec pampacho taq Dalilatana Sansónqa kuyakurkurqan. 5Tsayta musyaykurmi filisteo runakunapa mandaqninkuna aywaykur Dalilata kayno nirqan: <<Sansónpa kalpan tsayjinanpa imano kashqanta y payta imano vincinantsipaq kashqantapis musyanantsipaq kuyaq tumpala tapunki. Wilamaptikiqa imanöpapis prësu tsariykurmi liyapäkushaq. Nirkur juknï juknïmi pägashayki waranqa pachak (1,100) siclo qellayta>>.#16.5 Juk siclo qellayqa juk killa arur gänashqannömi karqan.
6Tsaymi Sansónta Dalila kayno tapurqan: <<¿Imanöpataq tsayjinanpa kalpasapa kaykanki? ¿Imawan liyashuptikitaq kalpaynaq rikakunkiman?>>
7Tsayno tapuptinmi Sansón kayno nirqan: <<Flëchapaq rurashqa qanchis manaraq tsakiq wanuwan liyamaptin kalpä manami kanqanatsu. Tsaynöpami wakin runanölana rikakushaq>>.
8Sansón nishqanta wilaykuptinmi filisteo runakunapa mandaqninkuna apaparqan qanchis manaraq tsakiq wanuta. Tsaywanmi Sansónta Dalila liyarqan. 9Manaraq liyarmi Dalilaqa runakunata wayinman pakarqan. Tsaymi Sansónta liyarkushpan kayno nirqan: <<¡Sansón, filisteo runakuna janaykichönami!>>
Tsayno niptinmi Sansónqa ismushqa hïlutano wanuta rachirirqan. Tsaymi filisteo runakuna mana tantiyarqantsu imanir aläpa kalpayuq kashqantapis.
10Tsaypitanami Sansónta Dalila kayno nirqan: <<¿Imanirtaq lulapämashqanki? Kananqa rasun kaqta wilamay. ¿Imano liyashuptikitaq mana qeshpinkimantsu?>>
11Tsawraqa Sansón kayno nirqan: <<Manaraq imatapis liyashqan mushuq waskawan liyamaptinqa kalpä manami kanqanatsu. Tsaynöpami wakin runanölana kashaq>>.
12Tsaymi Dalilaqa mushuq waskawan liyarkur qayararqan kayno nir: <<¡Sansón, filisteo runakuna janaykichönami!>>
Tsay hörapis Dalilaqa runakunata maynami wayincho pakaraykätsirqan. Filisteo runakuna janancho kashqanta niptinmi Sansónqa llanu hïluta rachiqnöla waskakunata rachirirqan.
13Tsaypitanami Sansónta Dalila yapay kayno nirqan: <<¡Yapaymi lulapämashqanki! Kananqa rasun kaqta wilamay. ¿Imano liyashuptikitaq mana qeshpinkimantsu?>>
Tsayno niptin Sansón kayno nirqan: <<Kalwawan awashqaykiman qanchis piltäta awarkur shumaq takanki. Nirkurqa jawiraykaq estäcaman awata shumaq watanki>>.
14Tsayno niptinmi estäcaman shumaq wataykur qayararqan kayno nir: <<¡Sansón, filisteo runakuna janaykichönami!>>
Tsayno niptinmi Sansónqa punuykashqanpita sharkurkur estäcantinta tsutariykurqan.
15Tsawraqa Dalila kayno nirqan: <<Rasun kaqta mana wilaykämarqa ¿imanirtaq <kuyämi waylümi> nimanki? Kimsa kutinami lulapämashpayki mana wilamankiraqtsu imanöpa kalpayki kashqantapis>>.
16Waran waran Dalila tsayno tapupaptinmi Sansónqa pasaypa lakikurqan. 17Tsaymi Dalilata rasun kaqta wilashpan kayno nirqan: <<Manaraq yuriptïmi nazareo#Núm. 6.1-21. kanäpaq Tayta Dios akramashqa. Tsaymi iti kashqäpita patsa aqtsäta pipis mana rutumashqatsu. Aqtsäta pipis rutuptinqa kalpaynaqna rikakur wakin runanölami kashaq>>.
18Rasun kaqta wilashqanta musyaykurmi filisteo runakunapa mandaqninkunaman Dalila wilakatsirqan kayno nir: <<¡Kanan itsanqa lapayki shapäkamuy! ¡Rasun kaqtami Sansón wilamashqa!>>
Tsawraqa mandaqkuna promitishqannölami qellayta apakurkur Dalilaman aywapäkurqan. 19Nirkurnami Sansónta Dalila melqaynincho punukätsirqan. Punukäkuptinmi juk runata qayaykur Sansónpa qanchis piltankunata rututsirqan. Tsaynöpa Sansón kalpaynaq rikakuptin 20qayararqan kayno nir: <<¡Sansón, filisteo runakuna janaykichönami!>>
Tsaymi Sansónqa rikcharkur yarparqan imaypis salvakushqannöla salvakunanpaq kashqanta. Itsanqa mana musyarqantsu Tayta Dios manana yanapashqanta. 21Tsawraqa filisteo runakunaqa jinan höra Sansónta prësu tsarirkur ishkan nawinta jorqurqan. Gaza markaman prësu apaykushpan bronci cadinawan watapäkurqan carcilcho rumi mulinuta tumatsinanpaq. 22Tsaycho kaykaptinmi aqtsanpis yapay winarqan.
Sansón wanushqan
23Tsaypitami filisteo runakunapa mandaqninkuna juntakaykur diosnin Dagónpaq sacrificiukunata rupatsipäkurqan. Tsaycho kushikurmi tsay mandaqkuna kayno nipäkurqan: <<¡Contrantsi Sansóntami diosnintsi Dagón munaynintsiman churamushqa!>>
24Sansónta rikaykurmi runakuna diosninta alabar kayno nipäkurqan: <<¡Mikuynintsita ushakätsiq y wanutsimaqnintsi Sansóntaqa diosnintsi Dagónmi munaynintsiman churamushqa!>>
25Tsayno kushikärishpanmi kayno nipäkurqan: <<¡Sansónta burlakunantsipaq carcilpita apamuy!>>
Tsaymi carcilpita apaykuptin pasaypa burlakushpan templu tuknaraq ishkay columna chawpinman ichitsirqan.
26Tsawraqa janchaqnin mözuta Sansón kayno nirqan: <<Templu tuknaraq columnata yatatsimay tuknakunäpaq>>.
27Tsay hörami templu rurincho filisteo runakunapa mandaqninkunawan tsaytsika runakuna kaykarqan. Sansónta burlakushqanta rikäkurmi warmipis olqupis kimsa waranqano (3,000) templu janancho kaykarqan.
28Tsaymi Sansónqa Tayta Diosta manakur kayno nirqan: <<Tayta Dios, kalpä yurinanpaq yapay yanapaykalämay. Tsaynöpami ishkan nawïta jorqushqanpita juk golpila filisteo runakunata ushakätsishaq>>.
29Tsayno manakurkurmi templuta tuknaraq ishkan columnakunaman tuknakurqan itsuq kaq makinwan jukaqman y alawqa kaq makinwan jukaqman. 30Nirkurmi qayararqan kayno nir: <<¡Filisteo runakunawan juntu ushakäshaq!>>
Tsayno nir lapan kalpanwan columnakunata tanqariptinmi templu juchur nitirqan lapan runakunata y mandaqninkunata. Puntata wanutsishqanpitapis mas atska filisteo runakunatami tsay höra Sansón wanutsirqan.
31Tsaypitami Sansónpa wawqinkuna y lapan aylunkuna aywar ayanta apakärirqan pampapäkunanpaq. Papänin Manoa pamparashqanman apaykurmi Sansóntapis pampapäkurqan. Tsayqa Zora y Estaol markakuna chawpinchömi kaykan. Sansónqa Israel runakunapa jueznin karqan ishkay chunka (20) watami.
Currently Selected:
Jueces 16: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Jueces 16
16
Gaza markacho Sansón kashqan
1Juk kuticho Sansón aywarqan filisteo runakunapa markan Gazaman. Tsaychömi wayrapakuq warmipa wayinman aywaykur paywan punurqan. 2Markancho kaykashqanta musyarmi Gaza runakuna jiruruypa churanakur marka yaykuna punkucho täparqan kayno wilanakushpan: <<Patsa wararkuptinnami tsarirkur wanuratsishun>>.
3Sansónqa pulan paqasyaqlami punurqan. Tsay hörami aywakur markaman yaykuna punku wichqaraykaqta tarirqan. Tsaymi punkuta jorqurir quiciuntinta trancantinta umrukurkur apakurqan Hebrón tsimpan jirkanyaq.#16.3 Hebrón markaqa Gaza markapita ishkay chunka lëwami karqan. Hebrónqa Judá trïbu runakuna tashqanchömi karqan.
Dalilata Sansón namurashqan
4Tsaypita qepatanami Sorec pampacho taq Dalilatana Sansónqa kuyakurkurqan. 5Tsayta musyaykurmi filisteo runakunapa mandaqninkuna aywaykur Dalilata kayno nirqan: <<Sansónpa kalpan tsayjinanpa imano kashqanta y payta imano vincinantsipaq kashqantapis musyanantsipaq kuyaq tumpala tapunki. Wilamaptikiqa imanöpapis prësu tsariykurmi liyapäkushaq. Nirkur juknï juknïmi pägashayki waranqa pachak (1,100) siclo qellayta>>.#16.5 Juk siclo qellayqa juk killa arur gänashqannömi karqan.
6Tsaymi Sansónta Dalila kayno tapurqan: <<¿Imanöpataq tsayjinanpa kalpasapa kaykanki? ¿Imawan liyashuptikitaq kalpaynaq rikakunkiman?>>
7Tsayno tapuptinmi Sansón kayno nirqan: <<Flëchapaq rurashqa qanchis manaraq tsakiq wanuwan liyamaptin kalpä manami kanqanatsu. Tsaynöpami wakin runanölana rikakushaq>>.
8Sansón nishqanta wilaykuptinmi filisteo runakunapa mandaqninkuna apaparqan qanchis manaraq tsakiq wanuta. Tsaywanmi Sansónta Dalila liyarqan. 9Manaraq liyarmi Dalilaqa runakunata wayinman pakarqan. Tsaymi Sansónta liyarkushpan kayno nirqan: <<¡Sansón, filisteo runakuna janaykichönami!>>
Tsayno niptinmi Sansónqa ismushqa hïlutano wanuta rachirirqan. Tsaymi filisteo runakuna mana tantiyarqantsu imanir aläpa kalpayuq kashqantapis.
10Tsaypitanami Sansónta Dalila kayno nirqan: <<¿Imanirtaq lulapämashqanki? Kananqa rasun kaqta wilamay. ¿Imano liyashuptikitaq mana qeshpinkimantsu?>>
11Tsawraqa Sansón kayno nirqan: <<Manaraq imatapis liyashqan mushuq waskawan liyamaptinqa kalpä manami kanqanatsu. Tsaynöpami wakin runanölana kashaq>>.
12Tsaymi Dalilaqa mushuq waskawan liyarkur qayararqan kayno nir: <<¡Sansón, filisteo runakuna janaykichönami!>>
Tsay hörapis Dalilaqa runakunata maynami wayincho pakaraykätsirqan. Filisteo runakuna janancho kashqanta niptinmi Sansónqa llanu hïluta rachiqnöla waskakunata rachirirqan.
13Tsaypitanami Sansónta Dalila yapay kayno nirqan: <<¡Yapaymi lulapämashqanki! Kananqa rasun kaqta wilamay. ¿Imano liyashuptikitaq mana qeshpinkimantsu?>>
Tsayno niptin Sansón kayno nirqan: <<Kalwawan awashqaykiman qanchis piltäta awarkur shumaq takanki. Nirkurqa jawiraykaq estäcaman awata shumaq watanki>>.
14Tsayno niptinmi estäcaman shumaq wataykur qayararqan kayno nir: <<¡Sansón, filisteo runakuna janaykichönami!>>
Tsayno niptinmi Sansónqa punuykashqanpita sharkurkur estäcantinta tsutariykurqan.
15Tsawraqa Dalila kayno nirqan: <<Rasun kaqta mana wilaykämarqa ¿imanirtaq <kuyämi waylümi> nimanki? Kimsa kutinami lulapämashpayki mana wilamankiraqtsu imanöpa kalpayki kashqantapis>>.
16Waran waran Dalila tsayno tapupaptinmi Sansónqa pasaypa lakikurqan. 17Tsaymi Dalilata rasun kaqta wilashpan kayno nirqan: <<Manaraq yuriptïmi nazareo#Núm. 6.1-21. kanäpaq Tayta Dios akramashqa. Tsaymi iti kashqäpita patsa aqtsäta pipis mana rutumashqatsu. Aqtsäta pipis rutuptinqa kalpaynaqna rikakur wakin runanölami kashaq>>.
18Rasun kaqta wilashqanta musyaykurmi filisteo runakunapa mandaqninkunaman Dalila wilakatsirqan kayno nir: <<¡Kanan itsanqa lapayki shapäkamuy! ¡Rasun kaqtami Sansón wilamashqa!>>
Tsawraqa mandaqkuna promitishqannölami qellayta apakurkur Dalilaman aywapäkurqan. 19Nirkurnami Sansónta Dalila melqaynincho punukätsirqan. Punukäkuptinmi juk runata qayaykur Sansónpa qanchis piltankunata rututsirqan. Tsaynöpa Sansón kalpaynaq rikakuptin 20qayararqan kayno nir: <<¡Sansón, filisteo runakuna janaykichönami!>>
Tsaymi Sansónqa rikcharkur yarparqan imaypis salvakushqannöla salvakunanpaq kashqanta. Itsanqa mana musyarqantsu Tayta Dios manana yanapashqanta. 21Tsawraqa filisteo runakunaqa jinan höra Sansónta prësu tsarirkur ishkan nawinta jorqurqan. Gaza markaman prësu apaykushpan bronci cadinawan watapäkurqan carcilcho rumi mulinuta tumatsinanpaq. 22Tsaycho kaykaptinmi aqtsanpis yapay winarqan.
Sansón wanushqan
23Tsaypitami filisteo runakunapa mandaqninkuna juntakaykur diosnin Dagónpaq sacrificiukunata rupatsipäkurqan. Tsaycho kushikurmi tsay mandaqkuna kayno nipäkurqan: <<¡Contrantsi Sansóntami diosnintsi Dagón munaynintsiman churamushqa!>>
24Sansónta rikaykurmi runakuna diosninta alabar kayno nipäkurqan: <<¡Mikuynintsita ushakätsiq y wanutsimaqnintsi Sansóntaqa diosnintsi Dagónmi munaynintsiman churamushqa!>>
25Tsayno kushikärishpanmi kayno nipäkurqan: <<¡Sansónta burlakunantsipaq carcilpita apamuy!>>
Tsaymi carcilpita apaykuptin pasaypa burlakushpan templu tuknaraq ishkay columna chawpinman ichitsirqan.
26Tsawraqa janchaqnin mözuta Sansón kayno nirqan: <<Templu tuknaraq columnata yatatsimay tuknakunäpaq>>.
27Tsay hörami templu rurincho filisteo runakunapa mandaqninkunawan tsaytsika runakuna kaykarqan. Sansónta burlakushqanta rikäkurmi warmipis olqupis kimsa waranqano (3,000) templu janancho kaykarqan.
28Tsaymi Sansónqa Tayta Diosta manakur kayno nirqan: <<Tayta Dios, kalpä yurinanpaq yapay yanapaykalämay. Tsaynöpami ishkan nawïta jorqushqanpita juk golpila filisteo runakunata ushakätsishaq>>.
29Tsayno manakurkurmi templuta tuknaraq ishkan columnakunaman tuknakurqan itsuq kaq makinwan jukaqman y alawqa kaq makinwan jukaqman. 30Nirkurmi qayararqan kayno nir: <<¡Filisteo runakunawan juntu ushakäshaq!>>
Tsayno nir lapan kalpanwan columnakunata tanqariptinmi templu juchur nitirqan lapan runakunata y mandaqninkunata. Puntata wanutsishqanpitapis mas atska filisteo runakunatami tsay höra Sansón wanutsirqan.
31Tsaypitami Sansónpa wawqinkuna y lapan aylunkuna aywar ayanta apakärirqan pampapäkunanpaq. Papänin Manoa pamparashqanman apaykurmi Sansóntapis pampapäkurqan. Tsayqa Zora y Estaol markakuna chawpinchömi kaykan. Sansónqa Israel runakunapa jueznin karqan ishkay chunka (20) watami.
© 2003, Wycliffe Bible Translators, Inc. All rights reserved.