Jueces 14
14
Jamutsikuyta Sansón nishqan
1Juk junaqmi Sansón aywarqan Timnat markaman. Tsaychömi filistea jipashta rikaykur pasaypa kuyakurkurqan. 2Tsaymi wayinman kutiykur mamanta y taytanta kayno nirqan: <<Timnat markachömi kuyaylapaq filistea jipashta rikashqä. Tsay jipashta warmïpaq ashipaykalämay>>.
3Tsayno niptinmi maman y taytan kayno nirqan: <<¿Imanirtaq munanki filistea jipashwan tayta? Filisteo runakunaqa manami Tayta Diosman yärakuntsu. ¿Manaku Israel mayintsicho jipashkuna kan?>>
Tsawraqa Sansón kayno nirqan: <<Tsay jipashta pasaypami kuyä. Payta warmïpaq ashipaykalämay>>.
4Sansónpa maman y taytanqa manami tantiyarqantsu filisteo runakunata achäquita ashipänanpaq Tayta Dios tsay yarpayta Sansónman churashqanta. Tsay witsanqa filisteo runakunapa munayninchömi Israel runakuna kaykarqan.
5Tsayno kaykaptinpis Sansónqa mamanwan y taytanwan Timnatmanmi aywarqan. Üva chakrapa pasaykaptinmi Sansónta juk manta león qaparashpan atacarqan. 6Tsawraqa Tayta Diospa Espïritun yanapaptinmi kapshita rachiriqnöla pulanpa rachiriykurqan. Tsayno wanutsishqantaqa manami mamanta ni taytanta wilaparqantsu. 7Timnatman chayaykurnami kuyashqan jipashwan parlar Sansón kushikurqan.
8Tsaypitanami markanman kutiykur Timnatman yapay aywarqan jipashta jorqunanpaq. Aywaykashqancho wanutsishqan leonta rikaq yaykurmi leonpa aytsancho tsaytsika abëjata y mishkinta Sansón tarirqan. 9Tsay mishkita jorqurirmi mikuraykar aywarqan. Mamanta y taytanta taripaykur yawatsirpis manami wilarqantsu maypita jorqushqanta.
10Timnatman chayaykurnami Sansónpa taytan aywarqan jipashpa wayinman. Tsaychömi paykunapa costumbrin kashqanno casaray fiestata Sansón rurarqan. 11Sansónta rikaykurmi filisteo runakuna kimsa chunka (30) mözukunata qayatsirqan paywan mikunanpaq y upunanpaq. 12Fiestaman chayaptinmi tsay mözukunata Sansón kayno nirqan: <<Juk jamutsikuyta#14.12a Wakin runakunaqa adivinanzata nipäkun. nishayki. Qanchis junaq fiesta kashqanyaq nishqäta adivinaptikiqa cada ünuykitami qarashayki#14.12b Wakin runakunaqa regalashayki nipäkun. fïnu lïnupita rurashqa röpata y fiestaman aywanaykipaq röpatapis. 13Mana adivinarmi itsanqa cada ünuyki qomankipaq fïnu lïnupita rurashqa röpata y fiestaman aywanäpaq röpata>>.
Tsawraqa paykunaqa kayno nirqan: <<Mä nimay tsay jamutsikuyta. Noqakuna mayashaykimi>>.
14Tsawraqa Sansón kayno nirqan:
<<¿Ima imataq kä?
Mikukuq kaptïpis noqacho mikuy yurishqa.
Kalpayuq kaptïpis noqapita mishkita jorqushqa>>.
Tsay jamutsikuy ima kashqantapis manami mözukuna kimsa junaqchöpis tantiyapäkurqantsu. 15Chusku junaq kaqchöna Sansónpa warminta kayno nipäkurqan: <<Runayki Sansónta tapuy tsay jamutsikuy ima kashqantapis wilapäkamänaykipaq. Mana wilamaptikiqa wayikicho kaqkunata lapaykitami rupatsishayki. ¡Qamkunaqa kay fiestaman qayatsimashqanki waktsayätsimayta yarparmi!>>
16Tsawraqa Sansónta waqapashpan warmin kayno nirqan: <<¡Manami kuyamankitsu! ¡Kuyamänaykipa trukanqa chikiykämankimi! Rasunpa kuyamarqa marka mayïkunata nishqayki jamutsikuyta wilamankimanmi>>.
Niptin Sansón kayno nirqan: <<Mamäta y taytätapis manami wilashqätsu. ¿Tsaytsuraq qamta wiläman?>>
17Jamutsikuy ima kashqantapis mana wilaptinmi warmiqa fiesta ushananyaq waran waran waqaparqan. Yaparir yaparir tapuptinmi fiesta ushay qanchis junaqchöqa Sansón wilarqan ima kashqantapis. Wilaykuptinmi warmin jukla aywarqan marka mayinkunata wilananpaq.
18Tsaymi fiesta ushanan qanchis junaqchöqa inti manaraq jeqaptin filisteo mözukuna Sansónta kayno nirqan:
<<Abëjapa mishkinpitaqa imapis mas manami mishkintsu.
Ni leonpita mas kalpayuqqa imapis manami kantsu>>.
Tsawraqa Sansón paykunata kayno nirqan: <<¡Ternëräta mana arutsirqa manami musyankimantsu karqan!>>
19Nirkur Tayta Diospa Espïritun yanapaptinmi Ascalón markaman aywaykur kimsa chunka (30) runakunata wanutsirqan. Tsay runakunapa röpankunata apaykur jamutsikuynin ima kashqantapis niq mözukunata aypurqan. Tsayno rurarkurnami Sansón pasaypa rabyashqa taytanpa wayinman kutikurqan. 20Tsaymi jipashpa papäninqa Sansónpa warminta tsay fiestaman aywaq mözuwan tätsirqan. Tsay mözuqa Sansónpa yanasanmi karqan.
Currently Selected:
Jueces 14: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Jueces 14
14
Jamutsikuyta Sansón nishqan
1Juk junaqmi Sansón aywarqan Timnat markaman. Tsaychömi filistea jipashta rikaykur pasaypa kuyakurkurqan. 2Tsaymi wayinman kutiykur mamanta y taytanta kayno nirqan: <<Timnat markachömi kuyaylapaq filistea jipashta rikashqä. Tsay jipashta warmïpaq ashipaykalämay>>.
3Tsayno niptinmi maman y taytan kayno nirqan: <<¿Imanirtaq munanki filistea jipashwan tayta? Filisteo runakunaqa manami Tayta Diosman yärakuntsu. ¿Manaku Israel mayintsicho jipashkuna kan?>>
Tsawraqa Sansón kayno nirqan: <<Tsay jipashta pasaypami kuyä. Payta warmïpaq ashipaykalämay>>.
4Sansónpa maman y taytanqa manami tantiyarqantsu filisteo runakunata achäquita ashipänanpaq Tayta Dios tsay yarpayta Sansónman churashqanta. Tsay witsanqa filisteo runakunapa munayninchömi Israel runakuna kaykarqan.
5Tsayno kaykaptinpis Sansónqa mamanwan y taytanwan Timnatmanmi aywarqan. Üva chakrapa pasaykaptinmi Sansónta juk manta león qaparashpan atacarqan. 6Tsawraqa Tayta Diospa Espïritun yanapaptinmi kapshita rachiriqnöla pulanpa rachiriykurqan. Tsayno wanutsishqantaqa manami mamanta ni taytanta wilaparqantsu. 7Timnatman chayaykurnami kuyashqan jipashwan parlar Sansón kushikurqan.
8Tsaypitanami markanman kutiykur Timnatman yapay aywarqan jipashta jorqunanpaq. Aywaykashqancho wanutsishqan leonta rikaq yaykurmi leonpa aytsancho tsaytsika abëjata y mishkinta Sansón tarirqan. 9Tsay mishkita jorqurirmi mikuraykar aywarqan. Mamanta y taytanta taripaykur yawatsirpis manami wilarqantsu maypita jorqushqanta.
10Timnatman chayaykurnami Sansónpa taytan aywarqan jipashpa wayinman. Tsaychömi paykunapa costumbrin kashqanno casaray fiestata Sansón rurarqan. 11Sansónta rikaykurmi filisteo runakuna kimsa chunka (30) mözukunata qayatsirqan paywan mikunanpaq y upunanpaq. 12Fiestaman chayaptinmi tsay mözukunata Sansón kayno nirqan: <<Juk jamutsikuyta#14.12a Wakin runakunaqa adivinanzata nipäkun. nishayki. Qanchis junaq fiesta kashqanyaq nishqäta adivinaptikiqa cada ünuykitami qarashayki#14.12b Wakin runakunaqa regalashayki nipäkun. fïnu lïnupita rurashqa röpata y fiestaman aywanaykipaq röpatapis. 13Mana adivinarmi itsanqa cada ünuyki qomankipaq fïnu lïnupita rurashqa röpata y fiestaman aywanäpaq röpata>>.
Tsawraqa paykunaqa kayno nirqan: <<Mä nimay tsay jamutsikuyta. Noqakuna mayashaykimi>>.
14Tsawraqa Sansón kayno nirqan:
<<¿Ima imataq kä?
Mikukuq kaptïpis noqacho mikuy yurishqa.
Kalpayuq kaptïpis noqapita mishkita jorqushqa>>.
Tsay jamutsikuy ima kashqantapis manami mözukuna kimsa junaqchöpis tantiyapäkurqantsu. 15Chusku junaq kaqchöna Sansónpa warminta kayno nipäkurqan: <<Runayki Sansónta tapuy tsay jamutsikuy ima kashqantapis wilapäkamänaykipaq. Mana wilamaptikiqa wayikicho kaqkunata lapaykitami rupatsishayki. ¡Qamkunaqa kay fiestaman qayatsimashqanki waktsayätsimayta yarparmi!>>
16Tsawraqa Sansónta waqapashpan warmin kayno nirqan: <<¡Manami kuyamankitsu! ¡Kuyamänaykipa trukanqa chikiykämankimi! Rasunpa kuyamarqa marka mayïkunata nishqayki jamutsikuyta wilamankimanmi>>.
Niptin Sansón kayno nirqan: <<Mamäta y taytätapis manami wilashqätsu. ¿Tsaytsuraq qamta wiläman?>>
17Jamutsikuy ima kashqantapis mana wilaptinmi warmiqa fiesta ushananyaq waran waran waqaparqan. Yaparir yaparir tapuptinmi fiesta ushay qanchis junaqchöqa Sansón wilarqan ima kashqantapis. Wilaykuptinmi warmin jukla aywarqan marka mayinkunata wilananpaq.
18Tsaymi fiesta ushanan qanchis junaqchöqa inti manaraq jeqaptin filisteo mözukuna Sansónta kayno nirqan:
<<Abëjapa mishkinpitaqa imapis mas manami mishkintsu.
Ni leonpita mas kalpayuqqa imapis manami kantsu>>.
Tsawraqa Sansón paykunata kayno nirqan: <<¡Ternëräta mana arutsirqa manami musyankimantsu karqan!>>
19Nirkur Tayta Diospa Espïritun yanapaptinmi Ascalón markaman aywaykur kimsa chunka (30) runakunata wanutsirqan. Tsay runakunapa röpankunata apaykur jamutsikuynin ima kashqantapis niq mözukunata aypurqan. Tsayno rurarkurnami Sansón pasaypa rabyashqa taytanpa wayinman kutikurqan. 20Tsaymi jipashpa papäninqa Sansónpa warminta tsay fiestaman aywaq mözuwan tätsirqan. Tsay mözuqa Sansónpa yanasanmi karqan.
© 2003, Wycliffe Bible Translators, Inc. All rights reserved.