Oseas 4
4
Israel runakuna jutsata ruraptin Tayta Dios rabyakushqan
1Israel runakuna, Tayta Dios nishushqaykita tantiyakäriy.
Paymi jutsata rurapäkushqaykipita niykäshunki.
Tsaymi kayno nishunki: <<Qamkunaqa manami promitimashqaykita cumplirkaykankitsu, kuyanakärinkitsu ni reqipäkamankitsu.
2Jutïcho promitirkurpis manami cumplirkaykankitsu.
Tsaynöpis lulakurkaykanki, runa mayikita wanurkaykätsinki, suwakurkaykanki y jukpa warminwanpis punurkaykanki.
Pïmayta wanutsirpis manami ajayankitsu.
3Tsayno kapäkuptikimi Israelcho taqkuna pasaypa lakikur ima ruraytapis mana kamäpakärintsu.
Jirka uywakunapis, pishqukunapis y pescädukunapis wanurmi ushakarkaykan>>.
Cürakuna jutsata rurashqan
4 Tayta Diosmi cürakunata kayno nin:
<<Israel runakuna lutan rurayman uman churakashqa kananpaqqa qamkunami jutsayuq karkaykanki.
Tsayno kaykarqa pitapis ama jitapaytsu.
5Jutsayuq kashqaykipitaqa imay karpis elaqpitami castigashayki.
Qamkunatapis y lula profëtaykikunatapis castigarmi nacionnikita ushakätsishaq.
6Yachatsikuq karpis mandamientükunata mana yachatsiptikimi#Lev. 10.11; Mal. 2.7. kuyashqä runakuna ushakanqapaq.
Kikikikunapis manami yachatsikuynïkunata chaskikärinkitsu.
Mana chaskikärishqaykipitami cüra kashqaykipita qarqushayki.
Leynïkunata mana cumplishqaykipitami qamkunapita miraqkunatapis mana yanapashaqnatsu.
7<<Qamkuna atskaman miraptikipis masmi runakuna jutsata rurarkaykan.
Tsaymi respitashqa kanaykipaq churashqa kaykarpis pasaypa penqayman churashayki.
8Jutsata rurapäkushqanpita uywata sacrificiupaq apamuptinmi kushikärinki.
Sacrificiu aytsata chaskinayki kashqami runakuna mas jutsata rurananta munarkaykanki.#Lev. 6.26.
9Wakin runakuna jutsata rurashqannölami qamkunapis jutsata rurarkaykanki.
Tsaymi qamkunatapis wakin runakunatanöla castigashayki.
10Mana cäsukamashqaykipitami mikuyta tarirpis ukushnikita watarkunalaykipaq mikapäkunki.
Juk dioskunaman yärakurpis manami ima bendiciontapis chaskipäkunkitsu>>.
Israel runakuna ïdulukunata adorashqan
11<<Wayrapakuq warmiwan kakur y upyaman churakarmi runakuna toqshun tsakishqa karkaykan.
12¡Tsaymi qerupita rurashqa ïdulukunata tapukurkaykan!
¡Qeruwanmi suertita rikarkaykan!
Ïdulukunaman uman churakashqa karmi lutanta rurar kawarkaykan.
Warminta runa kacharir juk warmiwan tashqannömi noqatapis mana cäsumar juk diosman yärakurkaykan.
13Jirkancho kaykaq altarkunacho sacrificiuta rupatsirmi juk dioskunata inciensuwan qoshtarkaykätsin.
Roble, álamo y encina yörakuna sikincho lantuy ali kaptinmi tsay yörakuna kaqcho tsayno rurarkaykan.
<<Israel runakuna, qamkunapitami warmi tsurikikuna y lumtsuynikikuna ïdulukuna adorayta yachakurkaykan.
Ïdulukunata adorarmi altarkuna kashqancho runanta jarukur jutsata rurarkaykan.#4.13 Tsay witsanmi Baal diosta adorar payta adorana altarkunacho warmikunawan runakuna kakurqan.
14Qamkunapis tsaynölami juk dioskunapaq sacrificiukunata rupatsir altarkunacho jukwan jukwan kakuq warmikunawan kakurkaykanki.
Warmi tsurikikunata y lumtsuynikikunata tsayno kananpaq churashqaykipita paykunata castiganäpa trukanqa kikikikunatami castigashayki.
Mana tantiyakuq kashqaykipitami lapayki ushakankipaq.#Jer. 2.23-27; 3.1-2; Ose. 2.5.
15<<Judá runakuna, cuidädu qamkunapis Israel runakunano ïdulukunata adorapäkunkiman.
Tsayno niykaptïqa Gilgalmanpis ni Bet-avénmanpis#4.15 Bet-avén ninanqa jutsa wayi ninanmi. Bet-avénpaq parlarqa tumatsipaylapa Bet-el markapaqmi parlarqan. Bet-elpaq tsayno parlarqan Tayta Diosta tsaycho adorananpa trukan Baal diostapis tsaycho adorapäkuptinmi. adoraq ama aywapäkuytsu.
Ïdulukunaman yärakuykarqa jutïtapis ama joqaripäkuytsu.#Amós 4.4; 5.5.
16<<Israel runakunaqa chucaru wäkano mana cäsukuqmi karkaykan.
Tsayno kaykaptinqa ¿imanöraq washki uyshata ali qewacho mitsiqno paykunata shumaq rikäman?
17Efraín runakunaqa#4.17 Efraín runakunapaq parlarqa Israel nación runakunapaqmi parlan. ïdulukunatami adorarkaykan.
Tsaynöla karqa ¡munashqanno kawakäritsun!
18Paykunaqa upyalaman churakashqami karkaykan.
Altarkunacho kaykaq wayrapakuq warmikunamanmi imaypis aywarkaykan.
Autoridäninkunapis jutsata rurar penqakuypaqmi karkaykan.
19Tsayno kashqanpitami punshata shukukuy wayra apaqno castigar maytsaymanpis qarqushaq.
Juk dioskunaman yärakärishqanpis manakaqlapaqmi kanqa>>.
Currently Selected:
Oseas 4: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Oseas 4
4
Israel runakuna jutsata ruraptin Tayta Dios rabyakushqan
1Israel runakuna, Tayta Dios nishushqaykita tantiyakäriy.
Paymi jutsata rurapäkushqaykipita niykäshunki.
Tsaymi kayno nishunki: <<Qamkunaqa manami promitimashqaykita cumplirkaykankitsu, kuyanakärinkitsu ni reqipäkamankitsu.
2Jutïcho promitirkurpis manami cumplirkaykankitsu.
Tsaynöpis lulakurkaykanki, runa mayikita wanurkaykätsinki, suwakurkaykanki y jukpa warminwanpis punurkaykanki.
Pïmayta wanutsirpis manami ajayankitsu.
3Tsayno kapäkuptikimi Israelcho taqkuna pasaypa lakikur ima ruraytapis mana kamäpakärintsu.
Jirka uywakunapis, pishqukunapis y pescädukunapis wanurmi ushakarkaykan>>.
Cürakuna jutsata rurashqan
4 Tayta Diosmi cürakunata kayno nin:
<<Israel runakuna lutan rurayman uman churakashqa kananpaqqa qamkunami jutsayuq karkaykanki.
Tsayno kaykarqa pitapis ama jitapaytsu.
5Jutsayuq kashqaykipitaqa imay karpis elaqpitami castigashayki.
Qamkunatapis y lula profëtaykikunatapis castigarmi nacionnikita ushakätsishaq.
6Yachatsikuq karpis mandamientükunata mana yachatsiptikimi#Lev. 10.11; Mal. 2.7. kuyashqä runakuna ushakanqapaq.
Kikikikunapis manami yachatsikuynïkunata chaskikärinkitsu.
Mana chaskikärishqaykipitami cüra kashqaykipita qarqushayki.
Leynïkunata mana cumplishqaykipitami qamkunapita miraqkunatapis mana yanapashaqnatsu.
7<<Qamkuna atskaman miraptikipis masmi runakuna jutsata rurarkaykan.
Tsaymi respitashqa kanaykipaq churashqa kaykarpis pasaypa penqayman churashayki.
8Jutsata rurapäkushqanpita uywata sacrificiupaq apamuptinmi kushikärinki.
Sacrificiu aytsata chaskinayki kashqami runakuna mas jutsata rurananta munarkaykanki.#Lev. 6.26.
9Wakin runakuna jutsata rurashqannölami qamkunapis jutsata rurarkaykanki.
Tsaymi qamkunatapis wakin runakunatanöla castigashayki.
10Mana cäsukamashqaykipitami mikuyta tarirpis ukushnikita watarkunalaykipaq mikapäkunki.
Juk dioskunaman yärakurpis manami ima bendiciontapis chaskipäkunkitsu>>.
Israel runakuna ïdulukunata adorashqan
11<<Wayrapakuq warmiwan kakur y upyaman churakarmi runakuna toqshun tsakishqa karkaykan.
12¡Tsaymi qerupita rurashqa ïdulukunata tapukurkaykan!
¡Qeruwanmi suertita rikarkaykan!
Ïdulukunaman uman churakashqa karmi lutanta rurar kawarkaykan.
Warminta runa kacharir juk warmiwan tashqannömi noqatapis mana cäsumar juk diosman yärakurkaykan.
13Jirkancho kaykaq altarkunacho sacrificiuta rupatsirmi juk dioskunata inciensuwan qoshtarkaykätsin.
Roble, álamo y encina yörakuna sikincho lantuy ali kaptinmi tsay yörakuna kaqcho tsayno rurarkaykan.
<<Israel runakuna, qamkunapitami warmi tsurikikuna y lumtsuynikikuna ïdulukuna adorayta yachakurkaykan.
Ïdulukunata adorarmi altarkuna kashqancho runanta jarukur jutsata rurarkaykan.#4.13 Tsay witsanmi Baal diosta adorar payta adorana altarkunacho warmikunawan runakuna kakurqan.
14Qamkunapis tsaynölami juk dioskunapaq sacrificiukunata rupatsir altarkunacho jukwan jukwan kakuq warmikunawan kakurkaykanki.
Warmi tsurikikunata y lumtsuynikikunata tsayno kananpaq churashqaykipita paykunata castiganäpa trukanqa kikikikunatami castigashayki.
Mana tantiyakuq kashqaykipitami lapayki ushakankipaq.#Jer. 2.23-27; 3.1-2; Ose. 2.5.
15<<Judá runakuna, cuidädu qamkunapis Israel runakunano ïdulukunata adorapäkunkiman.
Tsayno niykaptïqa Gilgalmanpis ni Bet-avénmanpis#4.15 Bet-avén ninanqa jutsa wayi ninanmi. Bet-avénpaq parlarqa tumatsipaylapa Bet-el markapaqmi parlarqan. Bet-elpaq tsayno parlarqan Tayta Diosta tsaycho adorananpa trukan Baal diostapis tsaycho adorapäkuptinmi. adoraq ama aywapäkuytsu.
Ïdulukunaman yärakuykarqa jutïtapis ama joqaripäkuytsu.#Amós 4.4; 5.5.
16<<Israel runakunaqa chucaru wäkano mana cäsukuqmi karkaykan.
Tsayno kaykaptinqa ¿imanöraq washki uyshata ali qewacho mitsiqno paykunata shumaq rikäman?
17Efraín runakunaqa#4.17 Efraín runakunapaq parlarqa Israel nación runakunapaqmi parlan. ïdulukunatami adorarkaykan.
Tsaynöla karqa ¡munashqanno kawakäritsun!
18Paykunaqa upyalaman churakashqami karkaykan.
Altarkunacho kaykaq wayrapakuq warmikunamanmi imaypis aywarkaykan.
Autoridäninkunapis jutsata rurar penqakuypaqmi karkaykan.
19Tsayno kashqanpitami punshata shukukuy wayra apaqno castigar maytsaymanpis qarqushaq.
Juk dioskunaman yärakärishqanpis manakaqlapaqmi kanqa>>.
© 2003, Wycliffe Bible Translators, Inc. All rights reserved.