Oseas 13
13
Israel runakuna castigashqa kananpaq nishqan
1Nawpataqa Efraín runakuna yätsiptin Israelcho wakin trïbukuna chaskikuqmi.
Tsayno kaykarpis Baal diosta adorarmi Efraín runakunaqa wanushqanöna karkaykan.
2Jutsa ruraytaqa manami kacharipäkuntsu.
Qellayta fundirkatsirmi munashqanno ïdulukunata rurarkaykätsin.
Nirkurmi kayno nipäkun: <<Ïduluntsipaq sacrificiuta rupatsipäkushun>>.
Tsayno nirmi turitu niraq ïduluta mutsapäkun.
3Tsaymi tutapa pukutaypis y shulyapis elqakäkuqno elqanqa.
Tsaki oqshata wayra apakushqanno y hornupita qoshtay yarqur elqakaqnömi elqanqa.#Sal. 1.4; Jer. 13.24; Sof. 2.2.
4 Tayta Diosmi kayno nin:
<<Egiptucho unay ayluykikuna kashqanpita patsami Tayta Diosniki kaykä.
Noqalami qamkunapa salvadorniki kaykä.
Tsayno kaykaptïqa imamanpis ama <diosnï> nir yärakäriytsu.#Éxo. 20.2; Isa. 43.11; 45.21.
5<<Unay ayluykikuna chunyaq jirkapa puriptin noqami ali rikarqä.
6Qamkunaqa putsuy putsuy mikuyta kamariptïmi ali chölu tukärishqanki.
Tsaymi qonqaykamar mana cäsukärimashqankitsu.#Deut. 8.11-17.
7Tsayno kapäkushqaykipitami leonno y nänicho tigri pakakuykur atacaqno atacashayki.
8Wawankunata suwapaptin ösu atacashqannömi qamkunatapis ushakätsishayki.
León atacar ushaqnömi pasaypa ushakätsishaykipaq.
Fiyu uywanömi pedäzu pedäzu ushakätsishayki.
9<<Israel runakuna, yanapaykaptïpis conträ kaptikimi ushakätsishayki.
10Unay ayluykikunami manakärirqan mandashuqniki reykuna kananpaq.#1Sam. 8.5-6.
Kananqa ¡maychötaq tsay rey kaykan salvashunaykipaq!
Autoridänikikunapis ¡maychötaq karkaykan yanapashunaykipaq!
11Mandashuqniki reykunata churapänäpaq manakamaptinmi rabyashqa karpis reyta churaparqä.#1Sam. 10.17-24.
Kananqa qamkunapitapis rabyashqa karmi mandashuqniki reyta elqätsishaq.#1Sam. 15.26.
12<<Qamkuna jutsata rurashqaykikunaqa lapanmi librucho apuntaraykan.
13Wachay nanaywan warmi nakashqannömi qamkunapis nakapäkunkipaq.
Wachay nanay tsariptinpis yurinanpaq mana kamakaq y caprichüdu wamranömi karkaykanki.
Tsay wamra mamanpa pachancho jatikashqa kar wanushqannömi qamkunapis wanunkipaq.
14<<¿Wanuypita salvashaykitsuraq?
¡Manami salvashaykitsu!
¡Wanuy! ¡Ushakätsinaykipaq yarqamuy!
¡Sepultüra! ¡Ultakurkunaykipaq shamuy!
Tsay runakunata manami kuyapäshaqtsu.#1Cor. 15.55.
15<<Israel runakuna, pasaypa rïcuyashpayki kuyaylapaq waytano kaptikipis ushakätsishaykipaqmi.
Akaq wayra chunyaq tsaki jirkapita shamur yakuta y pukyukunata tsakitsishqannömi qamkunata ushakätsishaykipaq.
Contraykikuna shamurmi riquëzaykikunata y alhäjaykikunatapis qechurishushpayki apakärinqapaq.
16 16 (14.1) Samaria marka asulashqami kanqa.
Conträ rikakushqaykipitami espädawan wanutsishunkipaq.
Tsurikikunatapis pampamanmi saqtarinqapaq.
Chichu warmikunapa pachantapis qasharqärinqami>>.
Currently Selected:
Oseas 13: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Oseas 13
13
Israel runakuna castigashqa kananpaq nishqan
1Nawpataqa Efraín runakuna yätsiptin Israelcho wakin trïbukuna chaskikuqmi.
Tsayno kaykarpis Baal diosta adorarmi Efraín runakunaqa wanushqanöna karkaykan.
2Jutsa ruraytaqa manami kacharipäkuntsu.
Qellayta fundirkatsirmi munashqanno ïdulukunata rurarkaykätsin.
Nirkurmi kayno nipäkun: <<Ïduluntsipaq sacrificiuta rupatsipäkushun>>.
Tsayno nirmi turitu niraq ïduluta mutsapäkun.
3Tsaymi tutapa pukutaypis y shulyapis elqakäkuqno elqanqa.
Tsaki oqshata wayra apakushqanno y hornupita qoshtay yarqur elqakaqnömi elqanqa.#Sal. 1.4; Jer. 13.24; Sof. 2.2.
4 Tayta Diosmi kayno nin:
<<Egiptucho unay ayluykikuna kashqanpita patsami Tayta Diosniki kaykä.
Noqalami qamkunapa salvadorniki kaykä.
Tsayno kaykaptïqa imamanpis ama <diosnï> nir yärakäriytsu.#Éxo. 20.2; Isa. 43.11; 45.21.
5<<Unay ayluykikuna chunyaq jirkapa puriptin noqami ali rikarqä.
6Qamkunaqa putsuy putsuy mikuyta kamariptïmi ali chölu tukärishqanki.
Tsaymi qonqaykamar mana cäsukärimashqankitsu.#Deut. 8.11-17.
7Tsayno kapäkushqaykipitami leonno y nänicho tigri pakakuykur atacaqno atacashayki.
8Wawankunata suwapaptin ösu atacashqannömi qamkunatapis ushakätsishayki.
León atacar ushaqnömi pasaypa ushakätsishaykipaq.
Fiyu uywanömi pedäzu pedäzu ushakätsishayki.
9<<Israel runakuna, yanapaykaptïpis conträ kaptikimi ushakätsishayki.
10Unay ayluykikunami manakärirqan mandashuqniki reykuna kananpaq.#1Sam. 8.5-6.
Kananqa ¡maychötaq tsay rey kaykan salvashunaykipaq!
Autoridänikikunapis ¡maychötaq karkaykan yanapashunaykipaq!
11Mandashuqniki reykunata churapänäpaq manakamaptinmi rabyashqa karpis reyta churaparqä.#1Sam. 10.17-24.
Kananqa qamkunapitapis rabyashqa karmi mandashuqniki reyta elqätsishaq.#1Sam. 15.26.
12<<Qamkuna jutsata rurashqaykikunaqa lapanmi librucho apuntaraykan.
13Wachay nanaywan warmi nakashqannömi qamkunapis nakapäkunkipaq.
Wachay nanay tsariptinpis yurinanpaq mana kamakaq y caprichüdu wamranömi karkaykanki.
Tsay wamra mamanpa pachancho jatikashqa kar wanushqannömi qamkunapis wanunkipaq.
14<<¿Wanuypita salvashaykitsuraq?
¡Manami salvashaykitsu!
¡Wanuy! ¡Ushakätsinaykipaq yarqamuy!
¡Sepultüra! ¡Ultakurkunaykipaq shamuy!
Tsay runakunata manami kuyapäshaqtsu.#1Cor. 15.55.
15<<Israel runakuna, pasaypa rïcuyashpayki kuyaylapaq waytano kaptikipis ushakätsishaykipaqmi.
Akaq wayra chunyaq tsaki jirkapita shamur yakuta y pukyukunata tsakitsishqannömi qamkunata ushakätsishaykipaq.
Contraykikuna shamurmi riquëzaykikunata y alhäjaykikunatapis qechurishushpayki apakärinqapaq.
16 16 (14.1) Samaria marka asulashqami kanqa.
Conträ rikakushqaykipitami espädawan wanutsishunkipaq.
Tsurikikunatapis pampamanmi saqtarinqapaq.
Chichu warmikunapa pachantapis qasharqärinqami>>.
© 2003, Wycliffe Bible Translators, Inc. All rights reserved.