Ezequiel 32
32
Faraón ushakänanpaq kashqanpita cantashqan
1Babiloniaman prësu apapäkamashqan chunka juk wataman aywaykaptinnami chunka ishkay kaq killa punta kaq junaqcho Tayta Dios kayno nimarqan: 2<<Runapa tsurin, Egipto nación ushakänanpaq kashqanpita mandaqnin rey Faraónta cantapar kayno ninki:
<< <Wakin nacionkunapita mas munayniyuq karmi leonno kaykanki.
Tsaynöpis lamarcho mantsakuypaq uywanömi kaykanki.
Tsaymi mayukunatapis pulchaqyätsinki.
Yakutapis chakikiwanmi puchkatätsinki.
Kuchunkunatapis jarukurmi ushanki> >>.
3<< <Tayta Diosmi kayno nin:
Atska nación soldädukuna favorniki sharkuptinpis rednïwan tsarirkurmi yakupita jorqamushayki.
4Pampaman jorqaykamurmi jitaraykaqta kacharishayki.
Nirkurmi kamakätsishaq wiskulkuna y lapan jirka uywakuna maytsaypitapis shamur saksashqanyaq mikushunaykipaq.
5Jirkakunaman y pampakunamanmi pedäzu pedäzu jitarishayki.
6Tsayno wanutsiptïmi yawarnikipis mayukunaman juntar puntakunayaq chayanqa.
7<< <Qamta ushakätsishqä junaqqa patsatapis tsakätsishaqmi.
Qoylarkunatapis manami chipchipyätsimushaqtsu.
Intitapis pukutaywanmi tsaparkushaq.
Killatapis manami atsikyätsimushaqnatsu.#Isa. 13.10; Amós 8.9; Mat. 24.29; Mar. 13.24-25; Luc. 21.25; Apoc. 6.12-13; 8.12.
8Jutsa rurashqaykikunapitami jana patsacho lapan atsikyaqkunata tsakätsishaq.
Tsaymi intëru nacionnikipis tsakaq rikakunqa.
Tayta Diosmi tsayno nin.
9<< <Mana reqishqayki nacionkunaman ushakashqaykita wilakatsiptïmi atska markakunacho fiyupa mantsarinqapaq.
10Qamta castigashqäta musyarmi maytsay nacioncho taq runakuna mantsakärinqa.
Espädäta joqarkuptïmi mandaqnin reykunapis pasaypa mantsakärinqa.
Qam ushakashqaykino paykunapis ushakänanpaq kashqanta yarparmi pasaypa siksikyanqa> >>.
11<< <Faraónta Tayta Dios kaynömi nin:
<< <Babilonia nacionpa mandaqnin rey shamushpanmi espädanwan wanutsishunkipaq.
12Babilonia soldädukuna fiyu kaptinmi pïmay runakunapis mantsakärin.
Tsay soldädukuna markaykikunacho tsaytsika runakunata wanutsinanpaqmi kamakätsishaq.
Tsaymi Egipto runakuna chölu tukärinqanatsu.
Tsaytsika kaptinpis lapantami Egipto runakunata wanutsipäkunqa.
13<< <Mayu kuchunkunacho mitsitsishqayki uywaykikunatapis lapantami ushakätsishaqpaq.
Tsaymi runapis ni uywakunapis mana jarukuptin yakupis puchkatanqanatsu.
14Tsaypitanami yaku chuyänanpaq kamakätsiptï jichashqa aceitinölana mayukuna liwaylapana aywanqa.
Tayta Diosmi tsayno nin.
15<< <Egipto nacionta chunyaqmanmi tikratsishaq.
Lapan imaykantapis chipyaqmi ushakätsishaq.
Lapan runakunatami tsaycho wanutsishaq.
Tsayraqmi Tayta Dios kashqäta musyapäkunqa.
16<< <Egipto nación ushakashqanpitami tsayno nir cantapäkunqa. Tsay cantaqa runa wanuptin fiyupa lakikur cantashqan cantami kanqa. Tsaynömi juk lädu nación warmikuna Egiptupaq fiyupa lakikur cantapanqa. Egiptucho tsaytsika wanuq runakunapaq waqarmi cantapanqa. Tayta Diosmi tsayno nin> >>.
Egipto runakuna wanur mayman chayananpaqpis nishqan
17Babiloniaman prësu apapäkamashqan chunka juk wataman aywaykaptinnami chunka ishkay kaq killa chunka pitsqa junaqcho Tayta Dios kayno nimarqan: 18<<Runapa tsurin, Egiptucho taykaq tsaytsika runakuna y wakin nación runakuna wanunanpaq kashqanpita fiyupa lakikur cantay. Noqami wanushkunapa almankuna kaykashqanman paykunata qarpurishaqpaq. 19Paykunata cantapar kayno niy:
<< <Egipto runakuna, wakin nación runakunapita ¿mas ali kashqaykitaku yarparkaykanki?
Tsayno yarparpis Diosta mana cäsukuq runakunapa almankuna kashqanmanmi qamkunapis wanur chayapäkunkipaq> >>.
20Tsaynöpis Tayta Dios kayno nimarqan: <<Egipto runakunata wanutsinäpaq espädapis kamarishqanami kaykan. Tsaymi lapanpis paykuna guërracho ushakanqapaq. 21Wanushkunapa almankuna kaykashqanman chayarmi munayniyuq mandaqkunapa almankunawanpis tinkupäkunqa. Egipto runakunapa almankunata y yanapaqnin soldädukunapa almankunata chaskikushpanmi tsay almakuna kayno nipäkunqa: <¿Qamkunapis kaymannaku urämushqanki? ¡Espädawan wanutsishqa jutsasapa runakunapa almankunawanpis kaychömi kaykantsi!>
22<<Tsaychömi Asiria nacionpis lapan soldädunkunawan kaykan. Paykunata castigaptïmi guërracho lapanpis wanur ushakashqa. 23Paykunaqa wanushkuna kaykashqanpita mas rurichömi kaykan. Kawashqan witsan runakunata fiyupa mantsakätsishqa karpis kananqa guërracho wanushpan tsay soldädukunaqa almakuna kaykashqanchömi lapan karkaykan.
24<<Tsaychömi Elam nacionpis lapan soldädunkunawan karkaykan. Paykunata castigaptïmi guërracho lapanpis wanushqa. Mana cäsukamashqanpitami wanushkuna kaykashqanpita mas ruricho karkaykan. Kawashqan witsan runakunata fiyupa mantsakätsishqa karpis kananqa wanuqkuna kaykashqancho penqaypaq jitarpaykan.
25<<Elam nación tsaycho kananpaqmi sitiu kaykan. Tsaytsika soldädunkunapis intërupami tumaparaykan. Mana cäsukamaq runakunata castigaptïmi lapanpis guërracho wanupäkushqa. Paykunaqa kawashqan witsan runakunata fiyupami mantsakätsiq. Tsaypitami kananqa wanuqkuna kaykashqancho penqaypaq jitarpaykan.
26<<Tsaychömi Mesec nación y Tubal nación runakunapis soldädunkunapa chawpincho karkaykan. Tsay mana cäsukamaq runakunaqa guërrachömi lapanpis wanushqa. Paykunaqa kawashqan witsan runakunata fiyupami mantsakätsiq. 27Paykunata manami unay geniuyuq runakunata pampashqannötsu pampapäkushqa. Tsay geniuyuq runakunataqa espädankunatapis y wakin armankunatapis jawnanman churaparkurmi pampapäkurqan. Tsapakunan escüdunkunatapis jananmanmi churaparqan. Kawashqan witsan geniuyuq kashpanmi paykunapis runakunata mantsakätsiq.
28<<Egipto runakuna, qamkunapis wanushpaykimi mana cäsukamaq runakunapa y guërracho wanuqkunapa almankuna kashqancho kankipaq.
29<<Edom nacionpis mandaqnin reykunawan y mandäshiqninkunawan tsaychömi karkaykan. Kawashqan witsan pasaypa munayniyuq kashqa karpis kananqa guërracho wanuqkunapa y mana cäsukamaq runakunapa almankunawanmi karkaykan.
30<<Norti kaq lädu nacionkunapa lapan mandaqnin reykunapis y lapan Sidón runakunapis tsaychömi karkaykan. Kawashqan witsan pasaypa munayniyuq kashpan runakunata fiyupami mantsakätsiq. Kananmi itsanqa guërracho wanuqkunapa y mana cäsukamaq runakunapa almankuna kaykashqancho penqaypaq jitarpaykan. 31Tsayman chayaykurmi tsaytsika wanushkunata rikashpan mandaq Faraón lapan soldädunkunawan kayno nir kushikärinqa: <Manami noqalantsitatsu wanutsimashqantsi>. Noqa Tayta Diosmi tsayno kananpaq nï.
32<<Fiyupa mantsakätsikuq karpis mana cäsukamaq runakunapa y guërracho wanuqkunapa almankunawan juntumi Faraón y soldädunkunapis jitarpanqa>>. Tayta Diosmi tsayno nin.
Currently Selected:
Ezequiel 32: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Ezequiel 32
32
Faraón ushakänanpaq kashqanpita cantashqan
1Babiloniaman prësu apapäkamashqan chunka juk wataman aywaykaptinnami chunka ishkay kaq killa punta kaq junaqcho Tayta Dios kayno nimarqan: 2<<Runapa tsurin, Egipto nación ushakänanpaq kashqanpita mandaqnin rey Faraónta cantapar kayno ninki:
<< <Wakin nacionkunapita mas munayniyuq karmi leonno kaykanki.
Tsaynöpis lamarcho mantsakuypaq uywanömi kaykanki.
Tsaymi mayukunatapis pulchaqyätsinki.
Yakutapis chakikiwanmi puchkatätsinki.
Kuchunkunatapis jarukurmi ushanki> >>.
3<< <Tayta Diosmi kayno nin:
Atska nación soldädukuna favorniki sharkuptinpis rednïwan tsarirkurmi yakupita jorqamushayki.
4Pampaman jorqaykamurmi jitaraykaqta kacharishayki.
Nirkurmi kamakätsishaq wiskulkuna y lapan jirka uywakuna maytsaypitapis shamur saksashqanyaq mikushunaykipaq.
5Jirkakunaman y pampakunamanmi pedäzu pedäzu jitarishayki.
6Tsayno wanutsiptïmi yawarnikipis mayukunaman juntar puntakunayaq chayanqa.
7<< <Qamta ushakätsishqä junaqqa patsatapis tsakätsishaqmi.
Qoylarkunatapis manami chipchipyätsimushaqtsu.
Intitapis pukutaywanmi tsaparkushaq.
Killatapis manami atsikyätsimushaqnatsu.#Isa. 13.10; Amós 8.9; Mat. 24.29; Mar. 13.24-25; Luc. 21.25; Apoc. 6.12-13; 8.12.
8Jutsa rurashqaykikunapitami jana patsacho lapan atsikyaqkunata tsakätsishaq.
Tsaymi intëru nacionnikipis tsakaq rikakunqa.
Tayta Diosmi tsayno nin.
9<< <Mana reqishqayki nacionkunaman ushakashqaykita wilakatsiptïmi atska markakunacho fiyupa mantsarinqapaq.
10Qamta castigashqäta musyarmi maytsay nacioncho taq runakuna mantsakärinqa.
Espädäta joqarkuptïmi mandaqnin reykunapis pasaypa mantsakärinqa.
Qam ushakashqaykino paykunapis ushakänanpaq kashqanta yarparmi pasaypa siksikyanqa> >>.
11<< <Faraónta Tayta Dios kaynömi nin:
<< <Babilonia nacionpa mandaqnin rey shamushpanmi espädanwan wanutsishunkipaq.
12Babilonia soldädukuna fiyu kaptinmi pïmay runakunapis mantsakärin.
Tsay soldädukuna markaykikunacho tsaytsika runakunata wanutsinanpaqmi kamakätsishaq.
Tsaymi Egipto runakuna chölu tukärinqanatsu.
Tsaytsika kaptinpis lapantami Egipto runakunata wanutsipäkunqa.
13<< <Mayu kuchunkunacho mitsitsishqayki uywaykikunatapis lapantami ushakätsishaqpaq.
Tsaymi runapis ni uywakunapis mana jarukuptin yakupis puchkatanqanatsu.
14Tsaypitanami yaku chuyänanpaq kamakätsiptï jichashqa aceitinölana mayukuna liwaylapana aywanqa.
Tayta Diosmi tsayno nin.
15<< <Egipto nacionta chunyaqmanmi tikratsishaq.
Lapan imaykantapis chipyaqmi ushakätsishaq.
Lapan runakunatami tsaycho wanutsishaq.
Tsayraqmi Tayta Dios kashqäta musyapäkunqa.
16<< <Egipto nación ushakashqanpitami tsayno nir cantapäkunqa. Tsay cantaqa runa wanuptin fiyupa lakikur cantashqan cantami kanqa. Tsaynömi juk lädu nación warmikuna Egiptupaq fiyupa lakikur cantapanqa. Egiptucho tsaytsika wanuq runakunapaq waqarmi cantapanqa. Tayta Diosmi tsayno nin> >>.
Egipto runakuna wanur mayman chayananpaqpis nishqan
17Babiloniaman prësu apapäkamashqan chunka juk wataman aywaykaptinnami chunka ishkay kaq killa chunka pitsqa junaqcho Tayta Dios kayno nimarqan: 18<<Runapa tsurin, Egiptucho taykaq tsaytsika runakuna y wakin nación runakuna wanunanpaq kashqanpita fiyupa lakikur cantay. Noqami wanushkunapa almankuna kaykashqanman paykunata qarpurishaqpaq. 19Paykunata cantapar kayno niy:
<< <Egipto runakuna, wakin nación runakunapita ¿mas ali kashqaykitaku yarparkaykanki?
Tsayno yarparpis Diosta mana cäsukuq runakunapa almankuna kashqanmanmi qamkunapis wanur chayapäkunkipaq> >>.
20Tsaynöpis Tayta Dios kayno nimarqan: <<Egipto runakunata wanutsinäpaq espädapis kamarishqanami kaykan. Tsaymi lapanpis paykuna guërracho ushakanqapaq. 21Wanushkunapa almankuna kaykashqanman chayarmi munayniyuq mandaqkunapa almankunawanpis tinkupäkunqa. Egipto runakunapa almankunata y yanapaqnin soldädukunapa almankunata chaskikushpanmi tsay almakuna kayno nipäkunqa: <¿Qamkunapis kaymannaku urämushqanki? ¡Espädawan wanutsishqa jutsasapa runakunapa almankunawanpis kaychömi kaykantsi!>
22<<Tsaychömi Asiria nacionpis lapan soldädunkunawan kaykan. Paykunata castigaptïmi guërracho lapanpis wanur ushakashqa. 23Paykunaqa wanushkuna kaykashqanpita mas rurichömi kaykan. Kawashqan witsan runakunata fiyupa mantsakätsishqa karpis kananqa guërracho wanushpan tsay soldädukunaqa almakuna kaykashqanchömi lapan karkaykan.
24<<Tsaychömi Elam nacionpis lapan soldädunkunawan karkaykan. Paykunata castigaptïmi guërracho lapanpis wanushqa. Mana cäsukamashqanpitami wanushkuna kaykashqanpita mas ruricho karkaykan. Kawashqan witsan runakunata fiyupa mantsakätsishqa karpis kananqa wanuqkuna kaykashqancho penqaypaq jitarpaykan.
25<<Elam nación tsaycho kananpaqmi sitiu kaykan. Tsaytsika soldädunkunapis intërupami tumaparaykan. Mana cäsukamaq runakunata castigaptïmi lapanpis guërracho wanupäkushqa. Paykunaqa kawashqan witsan runakunata fiyupami mantsakätsiq. Tsaypitami kananqa wanuqkuna kaykashqancho penqaypaq jitarpaykan.
26<<Tsaychömi Mesec nación y Tubal nación runakunapis soldädunkunapa chawpincho karkaykan. Tsay mana cäsukamaq runakunaqa guërrachömi lapanpis wanushqa. Paykunaqa kawashqan witsan runakunata fiyupami mantsakätsiq. 27Paykunata manami unay geniuyuq runakunata pampashqannötsu pampapäkushqa. Tsay geniuyuq runakunataqa espädankunatapis y wakin armankunatapis jawnanman churaparkurmi pampapäkurqan. Tsapakunan escüdunkunatapis jananmanmi churaparqan. Kawashqan witsan geniuyuq kashpanmi paykunapis runakunata mantsakätsiq.
28<<Egipto runakuna, qamkunapis wanushpaykimi mana cäsukamaq runakunapa y guërracho wanuqkunapa almankuna kashqancho kankipaq.
29<<Edom nacionpis mandaqnin reykunawan y mandäshiqninkunawan tsaychömi karkaykan. Kawashqan witsan pasaypa munayniyuq kashqa karpis kananqa guërracho wanuqkunapa y mana cäsukamaq runakunapa almankunawanmi karkaykan.
30<<Norti kaq lädu nacionkunapa lapan mandaqnin reykunapis y lapan Sidón runakunapis tsaychömi karkaykan. Kawashqan witsan pasaypa munayniyuq kashpan runakunata fiyupami mantsakätsiq. Kananmi itsanqa guërracho wanuqkunapa y mana cäsukamaq runakunapa almankuna kaykashqancho penqaypaq jitarpaykan. 31Tsayman chayaykurmi tsaytsika wanushkunata rikashpan mandaq Faraón lapan soldädunkunawan kayno nir kushikärinqa: <Manami noqalantsitatsu wanutsimashqantsi>. Noqa Tayta Diosmi tsayno kananpaq nï.
32<<Fiyupa mantsakätsikuq karpis mana cäsukamaq runakunapa y guërracho wanuqkunapa almankunawan juntumi Faraón y soldädunkunapis jitarpanqa>>. Tayta Diosmi tsayno nin.
© 2003, Wycliffe Bible Translators, Inc. All rights reserved.