Éxodo 12
12
Qechpa kaqkunata Tayta Dios ushakätsishqan
1Egiptulachöraq Israel runakuna karkaykaptinmi Moisésta y Aarónta Tayta Dios kayno nirqan: 2<<Kay killami qamkunapaq kanqa wata qalaykunan killa. 3Lapan Israel runakunata wilanki kay killa chunka junaqcho carnishta karpis o manta chïvuta karpis cada wayicho kamarikärinanpaq. 4Juk wayicho walkaqla kar lapanta mana ushananpaq kashqanta tantiyarqa vecïnunkunawan juntakaykur pishtashqan uywata ushaypa mikupäkutsun. 5Carnish kaptinpis chïvu kaptinpis juk watayuqta y sänuta akrapäkutsun.
6<<Tsay akrashqan uywata tsararätsun kay killa chunka chusku junaqyaq. Tsay tardina lapan Israel runakuna uywata pishtapäkutsun. 7Pishtarkur wayi punkupa marcuntapis uywapa yawarninwan lushipäkutsun. 8Tsaynöpis tsay tsakayla aytsata kankaylapa mikupäkutsun asqaq jachantawan#12.8 Asqaq jachata mikunanpaq Tayta Dios nirqan Egiptucho nakapäkushqanta yarpänanpaqmi. y levadüraynaq tantatawan. 9Chawalanpa ni calduypapis ama mikupäkutsuntsu. Tsaypa trukanqa kankaylapa mikupäkutsun aytsanta, umanta, atakshunta, pachanta, shonqunta, natinninta y rurunta. 10Waraynin#12.10 Wakin runakunaqa warantin nipäkun. tutapaqqa imatapis ama putsütsuntsu. Putsuq kaqtaqa lapanta rupatsipäkutsun. 11Röpantapis lanqintapis jatikushqalana y tukruntapis aptashqalana tsay kankashqa aytsata apurädu mikupäkutsun. Tsay Pascua fiestata#Lev. 23.5; Núm. 9.1-5; 28.16; Deut. 16.1-2; Mat. 26.1-2, 17-29; Mar. 14.1-2, 12-25; Luc. 22.1-2, 7-19; 1Cor. 5.7. noqapa jutïcho rurapäkutsun.
12<<Tsay tsakay intëru nacionpa pasarmi lapan Egipto runakunapa qechpa kaq tsurinkunata y uywankunapa punta yuriq orqu wawankunatapis wanutsishaq. Tsayno wanutsirmi Egipto runakuna adorashqan diosninkunata manakaqman churashaq. Noqaqa Tayta Diosmi kaykä. 13Wayi punkuykicho yawar lushiraykaqta rikarmi pasakushaq. Tsaymi Egipto runakunata wanutsirpis Israel runakunataqa ni juklaylatapis mana wanutsishaqtsu.
14<<Tsay junaq cada wata mana qonqaypa noqa Tayta Diosta adoramar jatun fiestata rurapäkunki. Tsay nishqäkunaqa imayyaqpis leymi kanqa qamkunapaq y qamkunapita miraqkunapaqpis.
15<<Fiesta qalaykushqan junaqpita qanchis junaqyaq levadüraynaq tantata mikupäkunki. Punta kaq junaqcho wayikipita lapan levadürata jitapäkunki. Tsay semäna levadürayuq tantata mikuq kaqtaqa Israel runakunapita qarqupäkunki. 16Punta kaq junaq y qanchis kaq junaq adorapäkamänaykipaq juntakanki. Tsay junaqkunaqa ima aruytapis ama arupäkunkitsu. Mikuytami itsanqa yanukärinki mikupäkunaykipaq.
17<<Levadüraynaq Tantata Mikupäkunan fiestata#Éxo. 23.15; 34.18; Lev. 23.6-8; Núm. 28.17-25; Deut. 16.3-8. rurar imaypis yarpapäkunki Egiptupita jorqushqäta. Tsay fiestata imayyaqpis cada wata rurapäkunki qamkunapis y qamkunapita miraqkunapis. 18Punta kaq killa chunka chusku junaq tardipita qalaykur levadüraynaq tantata mikupäkunki hasta ishkay chunka juk (21) junaq tardiyaq. 19Tsay qanchis junaqyaq qamkunapa wayikicho levadüra ama katsuntsu. Tsay junaqkuna levadürayuq tantata mikuq kaqtaqa Israel runakunapita qarqapäkunki Israel mayiki kaptinpis o jäpa runa kaptinpis. 20Tsay junaqkuna levadürayuqtaqa imatapis ama mikunkitsu. Maycho tarpis mikupäkunki levadüraynaq tantalata>>.
21 Tayta Dios tsayno niptinmi Israel mayor runakunata qayaykatsir Moisés kayno nirqan: <<Pascua mikuyta mikupäkunanpaq carnishta karpis o chïvuta karpis cada wayicho pishtapäkutsun. 22Tsay uywapa yawarninta chaskipäkunki juk matiman. Nirkur hisöpu jachata yawarman ushmarkatsir punkuykikunapa numbralninta y quiciunta lushipäkunki. Tsay tsakay patsa manaraq waraptin wayikipita ama yarqupäkunkitsu. 23Egipto runakunapa qechpa tsurinkunata wanutsinanpaq Tayta Dios pasar wayi punkutaraq rikanqa. Punkupa numbralnincho y quiciuncho yawar lushiraykaqta rikarqa pasakunqami. Payqa manami kachapanqatsu wanutsikuq ángel tsay wayiman yaykunanta.
24<<Pascua fiestata ruranaykipaq nishqätaqa imaypis mana qonqaypa rurapäkunki. Qamkunapita miraqkunapis tsaynöla imayyaqpis rurapäkunqa. 25Tayta Dios promitishushqayki nacionman yaykurpis mana qonqaypa Pascua fiestata rurapäkunki. 26<¿Imanirtaq kay fiestata rurantsi?> nir tsurikikuna tapushuptikiqa 27kayno nir wilapanki: <Cada wata uywata pishtar Pascua fiestata rurantsi Israel mayintsikunapa wayinpa Tayta Dios Egiptucho pasashqanta yarpänantsipaqmi. Tsaypa pasar Egipto runakunapa tsurinkunata wanutsirpis Israel mayintsikunapa tsurintaqa manami wanutsirqantsu. Tayta Dios tsayno salvashqanpitami payta adorar Pascua fiestata rurantsi> >>.
Moisés tsayno niptinmi lapan Israel runakuna qonqurpakuykur Tayta Diosta adorapäkurqan. 28Tsaymi Moisésta y Aarónta Tayta Dios nishqannöla lapanta rurapäkurqan.
29Tsay tsakay pulan paqasmi Tayta Dios wanutsirqan Egipto runakunapa lapan qechpa tsurinkunata.#Éxo. 4.22-23. Tsayno wanutsirqan Faraónpa qechpa olqu tsurinpita qalaykur hasta carcilcho wichqaraykaq runapa qechpa olqu tsurinyaqmi. Tsaynölami wanutsirqan lapan uywakunapa punta yuriq orqu wawankunatapis. 30Cada wayicho qechpa tsurinkuna wanuptinmi Faraónpis, mandäshiqninkunapis y lapan Egipto runakunapis tsay tsakay fiyupa waqapäkurqan.
Israel runakuna Egiptupita yarqupäkushqan
31Tsawraqa tsay tsakayla Moisésta y Aarónta qayaykatsir Faraón kayno nirqan: <<Qamkunapis Israel mayikikunapis kay nacionpita jukla aywakäriy. Kanan itsanqa manakamashqaykino Tayta Diosta adoraq aywapäkuy. 32Munapäkushqaykino uyshaykikunata, cabraykikunata y wäkaykikunata qatikurkur apurädu aywapäkuy. Tayta Diosta adorashpayki noqapaqpis payta manakuykulanki>>.
33Egipto runakunaqa lapan wanunanpaq kashqanta mantsakurmi Israel runakunata jukla aywakärinanpaq nipäkurqan. 34Tsaymi Israel runakunaqa artësantinta levadüraynaq mäsata jakunkunawan pitupäkurqan. Nirkurmi aparikurkur aywakärirqan. 35Moisés nishqannölami Egipto runakunata manakärirqan qoripita y qellaypita kaqtaqa imaykakunatapis. Tsaynölami manakärirqan röpakunatapis. 36Tsayno manakäriptinmi Egipto runakunapa yarpayninman Tayta Dios churarqan imatapis manakushqan kaqta qarananpaq#12.36 Wakin runakunaqa regalananpaq nipäkun.. Tsaynöpami Egipto runakunapata imaykantapis ali kaqtaqa apakärirqan.#Éxo. 3.21-22.
37Tsawraqa Ramesés partipita aywakur Israel runakuna Sucot lädupa aywapäkurqan. Egiptupita yarquq runakuna karqan soqta pachak waranqano (600,000), warmikunata y wamrakunata mana yupaylapa. 38Paykunawanmi mana Israel kaq runakunapis atskaq aywapäkurqan. Tsaypita yarqurmi runakuna qatipäkurqan uyshakunata, cabrakunata y tsaytsika wäkakunatapis. 39Egipto runakuna nacionninpita jukla qarquptinmi Israel runakunaqa mirkapanta rurananpaqpis tiempu mana karqantsu. Tsaymi jamapashqancho levadüraynaq mäsa apashqanpita tantata rurapäkurqan.
40Israel runakunaqa Egiptucho tarqan chusku pachak kimsa chunka (430) watami.#Gén. 15.13; Gál. 3.17. 41Tsay watakuna cumplinan junaqmi Tayta Dios kuyashqan runakuna trïbunpa trïbunpa Egiptupita yarqapäkamurqan. 42Tsay tsakaymi Israel runakunata Tayta Dios yanaparqan Egiptupita yarqamunanpaq. Tsaynöla cada wata tsay yarqushqan junaq cumpliptin lapan Israel runakuna Tayta Diosta warayta adorapäkunqa. Israel runakunapita miraq kaqkunaqa imaypis tsayno rurapäkunqa.
Pascua fiestata imano rurapäkunanpaq tantiyatsishqan
43Tsaypita Moisésta y Aarónta Tayta Dios kayno nirqan: <<Kaynömi Pascua fiestata rurapäkunkipaq. Pascua fiestapaq pishtashqayki uywapa aytsanta jäpa runa ama mikunqatsu. 44Rantishqayki ashmaynikikunami itsanqa cuerpunta señalakushqa kaqkuna mikunqapaq. 45Tsay uywapa aytsantaqa jäpa runapis ni arupakuq runapis ama mikunqatsu. 46Tsay aytsataqa wayilaykicho mikupäkunki. Wayipita juk lädumanqa ama apapäkunkitsu ni tuluntapis ama pakipäkunkitsu.#Núm. 9.12; Juan 19.36. 47Israel runakunaqa lapan tsaynöla rurapäkunqa.
48<<Mayqanpis jäpa runakuna qamkuna kaqcho tashpan Pascua fiestacho mikuyta munarqa wayincho kaq lapan olqukuna señalakärinqa. Señalakurqa paykunapis Israel runanöna kashpan Pascua mikuyta mikupäkunqa. Manaraq señalakurqa tsay uywapa aytsanta ama mikunqatsu. 49Qamkunacho taq jäpa runakuna señalakushqannöla Pascua mikuyta mikunanpaq jinan nacioncho yuriqkunapis señalakärinqa>>.#Núm. 9.14.
50Tsawraqa Israel runakuna lapanta rurarqan Moisésta y Aarónta Tayta Dios nishqannölami. 51Tsay junaqlami Egiptupita Israel runakunata punta punta Tayta Dios jorqamurqan.
Currently Selected:
Éxodo 12: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Éxodo 12
12
Qechpa kaqkunata Tayta Dios ushakätsishqan
1Egiptulachöraq Israel runakuna karkaykaptinmi Moisésta y Aarónta Tayta Dios kayno nirqan: 2<<Kay killami qamkunapaq kanqa wata qalaykunan killa. 3Lapan Israel runakunata wilanki kay killa chunka junaqcho carnishta karpis o manta chïvuta karpis cada wayicho kamarikärinanpaq. 4Juk wayicho walkaqla kar lapanta mana ushananpaq kashqanta tantiyarqa vecïnunkunawan juntakaykur pishtashqan uywata ushaypa mikupäkutsun. 5Carnish kaptinpis chïvu kaptinpis juk watayuqta y sänuta akrapäkutsun.
6<<Tsay akrashqan uywata tsararätsun kay killa chunka chusku junaqyaq. Tsay tardina lapan Israel runakuna uywata pishtapäkutsun. 7Pishtarkur wayi punkupa marcuntapis uywapa yawarninwan lushipäkutsun. 8Tsaynöpis tsay tsakayla aytsata kankaylapa mikupäkutsun asqaq jachantawan#12.8 Asqaq jachata mikunanpaq Tayta Dios nirqan Egiptucho nakapäkushqanta yarpänanpaqmi. y levadüraynaq tantatawan. 9Chawalanpa ni calduypapis ama mikupäkutsuntsu. Tsaypa trukanqa kankaylapa mikupäkutsun aytsanta, umanta, atakshunta, pachanta, shonqunta, natinninta y rurunta. 10Waraynin#12.10 Wakin runakunaqa warantin nipäkun. tutapaqqa imatapis ama putsütsuntsu. Putsuq kaqtaqa lapanta rupatsipäkutsun. 11Röpantapis lanqintapis jatikushqalana y tukruntapis aptashqalana tsay kankashqa aytsata apurädu mikupäkutsun. Tsay Pascua fiestata#Lev. 23.5; Núm. 9.1-5; 28.16; Deut. 16.1-2; Mat. 26.1-2, 17-29; Mar. 14.1-2, 12-25; Luc. 22.1-2, 7-19; 1Cor. 5.7. noqapa jutïcho rurapäkutsun.
12<<Tsay tsakay intëru nacionpa pasarmi lapan Egipto runakunapa qechpa kaq tsurinkunata y uywankunapa punta yuriq orqu wawankunatapis wanutsishaq. Tsayno wanutsirmi Egipto runakuna adorashqan diosninkunata manakaqman churashaq. Noqaqa Tayta Diosmi kaykä. 13Wayi punkuykicho yawar lushiraykaqta rikarmi pasakushaq. Tsaymi Egipto runakunata wanutsirpis Israel runakunataqa ni juklaylatapis mana wanutsishaqtsu.
14<<Tsay junaq cada wata mana qonqaypa noqa Tayta Diosta adoramar jatun fiestata rurapäkunki. Tsay nishqäkunaqa imayyaqpis leymi kanqa qamkunapaq y qamkunapita miraqkunapaqpis.
15<<Fiesta qalaykushqan junaqpita qanchis junaqyaq levadüraynaq tantata mikupäkunki. Punta kaq junaqcho wayikipita lapan levadürata jitapäkunki. Tsay semäna levadürayuq tantata mikuq kaqtaqa Israel runakunapita qarqupäkunki. 16Punta kaq junaq y qanchis kaq junaq adorapäkamänaykipaq juntakanki. Tsay junaqkunaqa ima aruytapis ama arupäkunkitsu. Mikuytami itsanqa yanukärinki mikupäkunaykipaq.
17<<Levadüraynaq Tantata Mikupäkunan fiestata#Éxo. 23.15; 34.18; Lev. 23.6-8; Núm. 28.17-25; Deut. 16.3-8. rurar imaypis yarpapäkunki Egiptupita jorqushqäta. Tsay fiestata imayyaqpis cada wata rurapäkunki qamkunapis y qamkunapita miraqkunapis. 18Punta kaq killa chunka chusku junaq tardipita qalaykur levadüraynaq tantata mikupäkunki hasta ishkay chunka juk (21) junaq tardiyaq. 19Tsay qanchis junaqyaq qamkunapa wayikicho levadüra ama katsuntsu. Tsay junaqkuna levadürayuq tantata mikuq kaqtaqa Israel runakunapita qarqapäkunki Israel mayiki kaptinpis o jäpa runa kaptinpis. 20Tsay junaqkuna levadürayuqtaqa imatapis ama mikunkitsu. Maycho tarpis mikupäkunki levadüraynaq tantalata>>.
21 Tayta Dios tsayno niptinmi Israel mayor runakunata qayaykatsir Moisés kayno nirqan: <<Pascua mikuyta mikupäkunanpaq carnishta karpis o chïvuta karpis cada wayicho pishtapäkutsun. 22Tsay uywapa yawarninta chaskipäkunki juk matiman. Nirkur hisöpu jachata yawarman ushmarkatsir punkuykikunapa numbralninta y quiciunta lushipäkunki. Tsay tsakay patsa manaraq waraptin wayikipita ama yarqupäkunkitsu. 23Egipto runakunapa qechpa tsurinkunata wanutsinanpaq Tayta Dios pasar wayi punkutaraq rikanqa. Punkupa numbralnincho y quiciuncho yawar lushiraykaqta rikarqa pasakunqami. Payqa manami kachapanqatsu wanutsikuq ángel tsay wayiman yaykunanta.
24<<Pascua fiestata ruranaykipaq nishqätaqa imaypis mana qonqaypa rurapäkunki. Qamkunapita miraqkunapis tsaynöla imayyaqpis rurapäkunqa. 25Tayta Dios promitishushqayki nacionman yaykurpis mana qonqaypa Pascua fiestata rurapäkunki. 26<¿Imanirtaq kay fiestata rurantsi?> nir tsurikikuna tapushuptikiqa 27kayno nir wilapanki: <Cada wata uywata pishtar Pascua fiestata rurantsi Israel mayintsikunapa wayinpa Tayta Dios Egiptucho pasashqanta yarpänantsipaqmi. Tsaypa pasar Egipto runakunapa tsurinkunata wanutsirpis Israel mayintsikunapa tsurintaqa manami wanutsirqantsu. Tayta Dios tsayno salvashqanpitami payta adorar Pascua fiestata rurantsi> >>.
Moisés tsayno niptinmi lapan Israel runakuna qonqurpakuykur Tayta Diosta adorapäkurqan. 28Tsaymi Moisésta y Aarónta Tayta Dios nishqannöla lapanta rurapäkurqan.
29Tsay tsakay pulan paqasmi Tayta Dios wanutsirqan Egipto runakunapa lapan qechpa tsurinkunata.#Éxo. 4.22-23. Tsayno wanutsirqan Faraónpa qechpa olqu tsurinpita qalaykur hasta carcilcho wichqaraykaq runapa qechpa olqu tsurinyaqmi. Tsaynölami wanutsirqan lapan uywakunapa punta yuriq orqu wawankunatapis. 30Cada wayicho qechpa tsurinkuna wanuptinmi Faraónpis, mandäshiqninkunapis y lapan Egipto runakunapis tsay tsakay fiyupa waqapäkurqan.
Israel runakuna Egiptupita yarqupäkushqan
31Tsawraqa tsay tsakayla Moisésta y Aarónta qayaykatsir Faraón kayno nirqan: <<Qamkunapis Israel mayikikunapis kay nacionpita jukla aywakäriy. Kanan itsanqa manakamashqaykino Tayta Diosta adoraq aywapäkuy. 32Munapäkushqaykino uyshaykikunata, cabraykikunata y wäkaykikunata qatikurkur apurädu aywapäkuy. Tayta Diosta adorashpayki noqapaqpis payta manakuykulanki>>.
33Egipto runakunaqa lapan wanunanpaq kashqanta mantsakurmi Israel runakunata jukla aywakärinanpaq nipäkurqan. 34Tsaymi Israel runakunaqa artësantinta levadüraynaq mäsata jakunkunawan pitupäkurqan. Nirkurmi aparikurkur aywakärirqan. 35Moisés nishqannölami Egipto runakunata manakärirqan qoripita y qellaypita kaqtaqa imaykakunatapis. Tsaynölami manakärirqan röpakunatapis. 36Tsayno manakäriptinmi Egipto runakunapa yarpayninman Tayta Dios churarqan imatapis manakushqan kaqta qarananpaq#12.36 Wakin runakunaqa regalananpaq nipäkun.. Tsaynöpami Egipto runakunapata imaykantapis ali kaqtaqa apakärirqan.#Éxo. 3.21-22.
37Tsawraqa Ramesés partipita aywakur Israel runakuna Sucot lädupa aywapäkurqan. Egiptupita yarquq runakuna karqan soqta pachak waranqano (600,000), warmikunata y wamrakunata mana yupaylapa. 38Paykunawanmi mana Israel kaq runakunapis atskaq aywapäkurqan. Tsaypita yarqurmi runakuna qatipäkurqan uyshakunata, cabrakunata y tsaytsika wäkakunatapis. 39Egipto runakuna nacionninpita jukla qarquptinmi Israel runakunaqa mirkapanta rurananpaqpis tiempu mana karqantsu. Tsaymi jamapashqancho levadüraynaq mäsa apashqanpita tantata rurapäkurqan.
40Israel runakunaqa Egiptucho tarqan chusku pachak kimsa chunka (430) watami.#Gén. 15.13; Gál. 3.17. 41Tsay watakuna cumplinan junaqmi Tayta Dios kuyashqan runakuna trïbunpa trïbunpa Egiptupita yarqapäkamurqan. 42Tsay tsakaymi Israel runakunata Tayta Dios yanaparqan Egiptupita yarqamunanpaq. Tsaynöla cada wata tsay yarqushqan junaq cumpliptin lapan Israel runakuna Tayta Diosta warayta adorapäkunqa. Israel runakunapita miraq kaqkunaqa imaypis tsayno rurapäkunqa.
Pascua fiestata imano rurapäkunanpaq tantiyatsishqan
43Tsaypita Moisésta y Aarónta Tayta Dios kayno nirqan: <<Kaynömi Pascua fiestata rurapäkunkipaq. Pascua fiestapaq pishtashqayki uywapa aytsanta jäpa runa ama mikunqatsu. 44Rantishqayki ashmaynikikunami itsanqa cuerpunta señalakushqa kaqkuna mikunqapaq. 45Tsay uywapa aytsantaqa jäpa runapis ni arupakuq runapis ama mikunqatsu. 46Tsay aytsataqa wayilaykicho mikupäkunki. Wayipita juk lädumanqa ama apapäkunkitsu ni tuluntapis ama pakipäkunkitsu.#Núm. 9.12; Juan 19.36. 47Israel runakunaqa lapan tsaynöla rurapäkunqa.
48<<Mayqanpis jäpa runakuna qamkuna kaqcho tashpan Pascua fiestacho mikuyta munarqa wayincho kaq lapan olqukuna señalakärinqa. Señalakurqa paykunapis Israel runanöna kashpan Pascua mikuyta mikupäkunqa. Manaraq señalakurqa tsay uywapa aytsanta ama mikunqatsu. 49Qamkunacho taq jäpa runakuna señalakushqannöla Pascua mikuyta mikunanpaq jinan nacioncho yuriqkunapis señalakärinqa>>.#Núm. 9.14.
50Tsawraqa Israel runakuna lapanta rurarqan Moisésta y Aarónta Tayta Dios nishqannölami. 51Tsay junaqlami Egiptupita Israel runakunata punta punta Tayta Dios jorqamurqan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.