Efesios 2

Kuyamashpantsi Tayta Dios salvamashqantsi

1Nawpataqa qamkuna jutsata rurar wanushqanömi kapäkurqayki.#2.1 Juk ishkay castellänu traduccionkunachöqa versïculu 5-pita jorqur kayno nirmi yapan: Tsayno kaptikipis kananqa mushuq kawaytami qoshurqayki. 2Wakin runakunanölami qamkunapis Tayta Diosta mana cäsukur Satanáspa makincho kawapäkurqayki. 3Tsaynölami lapantsipis shonquntsi munashqanta rurar y mana alita yarpar kawarqantsi. Tsayno kawashqantsipitami wakin runakunatano Tayta Dios castigamänantsipaq karqan.#Col. 3.6.

4Tsayno kaykaptintsipis Tayta Dios kuyapäkuq karmi pasaypa kuyamashqantsi. 5Tsaymi jutsa ruraycho wanushqano kaykaptintsipis Jesucristuta wanushqanpita kawaritsimur noqantsitapis wanushqano kashqantsipita kawaritsimashqantsi.#Col. 2.13. Kuyapäkuq karmi salvamashqantsi. 6Jesucristuwan kawaritsimashqantsinömi gloriacho paywan jamatsimashqantsi. 7Tsayno jamatsimashqantsi Jesucristucho kaptintsi pasaypa kuyapämashqantsita shamuq watakunacho pïmaypis tantiyakunanpaqmi.

8-9Tayta Dios kuyapäkuq karmi Jesucristuman yärakuptintsi salvacionta qaramashqantsi#2.8-9 Wakin runakunaqa regalamashqantsi nipäkun.. Manami kikintsipitatsu ni alita rurashqantsipitatsu salvacionta tarishqantsi, sinöqa Tayta Diospitami. Tsaymi pipis alabakunqatsu kayno nir: <<Alikunata rurashqäpitami Tayta Dios salvamashqa>>. 10Jesucristucho kaptintsimi alikunata rurar kawanantsipaq mushuq kawayta Tayta Dios qomashqantsi. Tsayno kawanantsipaqqa unaypita patsami destinamarqantsi.

Israel runakunatapis mana Israel runakunatapis Jesucristo amistatsishqan

11Ama qonqapäkuytsu mana Israel runa kar nawpata imano kashqaykitapis. Israel runakunaqa señalakushqa karmi señalaküni kashqaykipita manakaqman churapäkushurqayki. 12Jesucristupa wilakuynintapis manami musyapäkurqaykitsu. Israel runapitapis jäpami kapäkurqayki. Tayta Dios promitishqanta chaskinaykipaq rurashqan pactukunapis manami qamkunapaqtsu karqan. Kay patsacho Diosniynaq oqrakashqami kawapäkurqayki.

13Tayta Diospita karucho kashqa karpis Jesucristucho karnami yawarninta jichashqanpita Tayta Diospa nawpanchöna karkaykanki. 14Jesucristo tsayno salvashushqanki ali kawayta qomaqnintsi karmi.#Juan 14.27. Mana rikanakunanpaq tsaparaq tapiata juchutsiqnömi Israel runa kaptintsipis mana Israel runa kaptintsipis juk aylunöla kanantsipaq shuntamashqantsi. 15Tsayno shuntamashqantsi Israel runakunapa leyninkunata, mandamientukunata y reglamentukunata anularmi.#Rom. 10.4; Heb. 8.13. Jesucristucho mushuq runa kanantsipaqmi Israel runakunatapis y mana Israel runakunatapis shuntamashqantsi. 16Cruzcho wanurmi Tayta Dioswan amistatsimashqantsi mana chikinakur alina kawanantsipaq.#Col. 1.20.

17Kay patsaman Jesucristo shamurmi Tayta Diospa makincho ali kawanantsipaq kaq wilakuyta wilakurqan. Tsay wilakuy kaykan Tayta Diospita karucho kaykaq mana Israel runakunapaq y paypa nawpancho kaykaq Israel runakunapaqmi.#Isa. 57.19. 18Tsaymi Israel runa kaptintsipis mana Israel runa kaptintsipis Tayta Diosta imay hörapis manakunantsipaq Jesucristo kayninpa Espíritu Santu yanapaykämantsi.

Tayta Dios täkunan templu kashqantsi

19Tsayno kaykaptinqa mana Israel runakuna karpis mananami jäpanatsu karkaykanki, sinöqa Tayta Diospa wamrankuna karmi lapan salvashqa kaqkunawan tsay aylulana karkaykanki.

20Ali cimientushqa wayinömi karkaykanki. Tsay wayipa cimientunqa apostolkuna y profëtakuna yachatsishqanmi kaykan. Jesucristunami wayipa esquïnancho mas alinnin kaq rumi kaykan.#Isa. 28.16; Mat. 21.42.

21Jesucristuman yärakuptintsimi rumita shumaq perqaqno noqantsitapis churaykämantsi Tayta Diospa sagrädu templun kanantsipaq. 22Qamkunapis Jesucristuman yärakurmi templuta sharkatsishqa rumino karkaykanki.#1Cor. 3.16-17; 1Ped. 2.4-5. Tsay templuchömi Tayta Diospa Espïritun taykan.

Currently Selected:

Efesios 2: qvmB

Highlight

Copy

Compare