Daniel 5
5
Wayi tapiacho juk maki qelqashqan
1Babiloniapa mandaqnin rey Belsasar fiestata rurarmi waranqa (1,000) mandäshiqkunata qayatsirqan juntu mikupäkunanpaq. Tsaychömi paykunawan vïnuta upupäkurqan shinkashqanyaq. 2-3Shinkakurkurmi rey Belsasar ordenarqan papänin Nabucodonosor Jerusalén templupita apamushqan qori y qellay väsukunata jorqamunanpaq. Tsaykunata jorqatsimurqan mandäshiqninkunawan, warminkunawan y concubïnankunawan upyapäkunanpaqmi. Ordenashqanno apamuptinmi upyapäkurqan. 4Vïnuta upyashpanmi qoripita, qellaypita, broncipita, fiërrupita, qerupita y rumipita rurashqa diosninkunata alabapäkurqan.
5Tsay hörami palaciupa sälancho runapa makin elaqpita rikakämur mechëru atsikyapaykaq qepan yoraq tapiacho qelqarqan. Tsay qelqaykaq makita rikaykurmi 6rey pasaypa almatakashqa rikakurqan. Qonqurninpis pasaypa siksikyaptinmi ichiränanpaq kalpanpis mana karqantsu. 7Tsawraqa brüjukunata, qoylar estudiaqkunata y rikakuqkunata qayaykatsir rey kayno nirqan: <<Mayqaykitapis kay qelqaraykaqta liyirkur ima niykashqantapis tantiyatsimaptikiqa granäti röpatami jatipäshayki. Tsaynöpis qoripita rurashqa walqatami walqapäshayki. Nirkurmi noqawan juntu mandanaykipaq churashayki>>.
8Qayatsishqan yachaq runakunaqa tapiacho qelqaraykaqta liyirpis manami tantiyapäkurqantsu. Tsaymi reyta ima niytapis mana kamäpakärirqantsu. 9Tsaymi Belsasarqa fiyupa mantsakar pasaypa almatarqan. Mandäshiqninkunapis manami ima ruraytapis kamäpakurqantsu.
10Rey y mandäshiqninkuna bülla ruraykaqta mayarmi chakwan reina yaykurqan mikurkaykashqanman. Tsaychömi reyta kayno nirqan: <<¡Qamla imayyaqpis rey kaykulay! Ama mantsakaytsu ni almatakaytsu. 11Kay mandaykashqayki nacioncho kaykaq juk runatami lapan dioskuna shumaq yanapan. Papäniki Nabucodonosor mandaq kashqan witsanmi dioskunanöraq tsay runaqa imatapis shumaq tantiyaq. Tsaymi papäniki payta churarqan lapan musyakuqkunapa, brüjukunapa, qoylar estudiaqkunapa y rikakuqkunapa mandaqnin kananpaq. 12Paypa jutin Daniel kaptinpis jutinta papänikimi trukatsirqan Beltsasar jutin kananpaq. Danielqa imatapis shumaq tantiyakuq karmi runakuna sueñushqan imapaq kashqantapis musyan. Tsaynölami sasa kaptinpis shumaq arreglananpaq tantiyan. Payta qayatsimuy tapiacho qelqaraykashqan imata niykashqantapis tantiyatsishunaykipaq>>.
13Tsayno niptinmi Danielta qayaykatsir rey tapurqan kayno nir: <<¿Qamku kaykanki Judá nacionpita papänï prësu apamushushqayki runa? 14Qampaqmi wilapäkamashqa dioskuna shumaq yanapashushqaykita. Tsayshi qamqa imatapis shumaq tantiyanki.
15<<Perqacho qelqaraykaqta liyirkur imapaq kashqantapis nimänanpaqmi yachaqkunata y brüjukunata qayatsimushqä. Qelqaraykaqta liyirpis manami musyapäkuntsu imata niykashqantapis. 16Qampaqmi wilamashqa sasa tantiyaypaq kaqkunatapis tantiyashqaykita y mayjina sasa kaptinpis shumaq arreglashqaykita. Tsaymi manakü tapiacho qelqaraykaqta liyirkur imapaq kashqantapis tantiyatsimänaykipaq. Tantiyatsimaptikiqa granäti röpatami jatipäshayki. Tsaynöpis qoripita rurashqa walqatami walqapäshayki. Nirkurmi mandashqä nacioncho noqawan juntu mandanaykipaq churashayki>>.
17Tsayno niptin Danielqa kayno nirqan: <<Tsay qaramänaykipaq#5.17 Wakin runakunaqa regalamänaykipaq nipäkun. kaqkunaqa kikikipaq kakutsun o jukta qaraykuy. Perqacho qelqaraykaqta liyirkurmi imapaq kashqantapis tantiyatsishayki.
18<<Tayta rey, papäniki Nabucodonosorta munayniyuq Tayta Diosmi yanaparqan maytsay nacionkunata munayninman churananpaq, respitashqa kananpaq y mandaq kananpaq. 19Payqa munayniyuq karmi pitapis munashqan kaqta wanutsiq y mana munashqan kaqtana mana wanutsiqtsu. Wakintana churaq mas mandaq kananpaq y wakintana qarquq mandaq kashqanpita. Tsayno munayniyuq kaptinmi lapan nacioncho y markacho taq runakuna ima idiömata parlaq karpis payta mantsakärirqan.
20<<Tsaypitanami orgullösu rikakur munashqanta ruraptin mandaq kashqanpita Tayta Dios qarqurqan. 21Runa mayinkunapita qarquptinmi yarpayninpis uywapano rikakurqan. Tsaymi chucaru bürrukunawan juntu tashpan töruno qewata mikur kawarqan. Cuerpuntapis shulyami ushmarqan. Tsayno kawarqan Tayta Diosla lapan mandaqkunapaqpis munayniyuq kashqanta tantiyakunanyaqmi. Tayta Dioslami nacionta mandananpaq pitapis munashqan kaqta churan.
22<<Nabucodonosorpa tsurin kaykar tsayno pasashqanta musyaykarpis orgullösumi rikakushqanki, tayta. 23Tsaymi jana patsacho kaykaq Tayta Diosta rabyanätsir templuncho manijashqan väsukunata jorqatsimushqanki. Tsaykunawanmi vïnuta upyashqanki kikikipis, mandäshishuqnikikunapis, warmikikunapis y concubïnaykikunapis. Nirkurmi alabashqanki qoripita, qellaypita, broncipita, fiërrupita, qerupita y rumipita rurashqa dioskunata. Tsay dioskunaqa manami rikantsu ni mayantsu ni imatapis musyantsu. Munayniyuq Tayta Diostami itsanqa mana alabashqankitsu. Payta rabyanätsishqanki paypita lapanta chaskiykarpis. Paymi rey kanaykipaqpis churashushqanki.
24<<Tsaymi makita Tayta Dios kachamushqa tapiaman qelqananpaq. 25Tsay qelqatsishqancho kaynömi niykan: <Yupashqa, yupashqa, pësashqa, rakishqa>.#5.25 Arameo idiömachöqa niykan <<Mene, Mene, Tekel, Uparsin>>. 26<Yupashqa> niykan mandaq kashqayki junaqkuna yupashqala kaptinmi. Tsay junaqkuna tsaylachöna ushakänanpaqmi Tayta Dios nishqa. 27<Pësashqa> niykan Tayta Dios balanzacho pësashuptiki pësuyki pasaypa pishiptinmi.#5.27 Pësuyki pasaypa pishiptin ninanqa pasaypa jutsayuq kaptiki ninanmi. 28<Rakishqa> niykan mandashayki nacionta rakirkur Media y Persia runakunapa makinman churashunaykipaq destinashqa kaptinmi>>.
29Tsayno wilaptin Belsasarqa yanapaqninkunata nirqan granäti röpata Danielta jatipänanpaq y qoripita rurashqa walqatapis walqapänanpaq. Tsaynöpis paywan juntu mandananpaqmi churarqan.
30Tsay tsakaymi Babilonia#5.30 Hebreo idiömachöqa Caldea ninmi. Caldeaqa Babiloniapa jukaq jutinmi kaykan. runakunapa mandaqnin rey Belsasarta wanutsipäkurqan. 31 31 (6.1) Nirkurmi Mediapita kaq rey Darío Babilonia nacionta munayninman churarqan. Darío tsayno rurarqan soqta chunka ishkay (62) watayuq kaykarmi.
Currently Selected:
Daniel 5: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Daniel 5
5
Wayi tapiacho juk maki qelqashqan
1Babiloniapa mandaqnin rey Belsasar fiestata rurarmi waranqa (1,000) mandäshiqkunata qayatsirqan juntu mikupäkunanpaq. Tsaychömi paykunawan vïnuta upupäkurqan shinkashqanyaq. 2-3Shinkakurkurmi rey Belsasar ordenarqan papänin Nabucodonosor Jerusalén templupita apamushqan qori y qellay väsukunata jorqamunanpaq. Tsaykunata jorqatsimurqan mandäshiqninkunawan, warminkunawan y concubïnankunawan upyapäkunanpaqmi. Ordenashqanno apamuptinmi upyapäkurqan. 4Vïnuta upyashpanmi qoripita, qellaypita, broncipita, fiërrupita, qerupita y rumipita rurashqa diosninkunata alabapäkurqan.
5Tsay hörami palaciupa sälancho runapa makin elaqpita rikakämur mechëru atsikyapaykaq qepan yoraq tapiacho qelqarqan. Tsay qelqaykaq makita rikaykurmi 6rey pasaypa almatakashqa rikakurqan. Qonqurninpis pasaypa siksikyaptinmi ichiränanpaq kalpanpis mana karqantsu. 7Tsawraqa brüjukunata, qoylar estudiaqkunata y rikakuqkunata qayaykatsir rey kayno nirqan: <<Mayqaykitapis kay qelqaraykaqta liyirkur ima niykashqantapis tantiyatsimaptikiqa granäti röpatami jatipäshayki. Tsaynöpis qoripita rurashqa walqatami walqapäshayki. Nirkurmi noqawan juntu mandanaykipaq churashayki>>.
8Qayatsishqan yachaq runakunaqa tapiacho qelqaraykaqta liyirpis manami tantiyapäkurqantsu. Tsaymi reyta ima niytapis mana kamäpakärirqantsu. 9Tsaymi Belsasarqa fiyupa mantsakar pasaypa almatarqan. Mandäshiqninkunapis manami ima ruraytapis kamäpakurqantsu.
10Rey y mandäshiqninkuna bülla ruraykaqta mayarmi chakwan reina yaykurqan mikurkaykashqanman. Tsaychömi reyta kayno nirqan: <<¡Qamla imayyaqpis rey kaykulay! Ama mantsakaytsu ni almatakaytsu. 11Kay mandaykashqayki nacioncho kaykaq juk runatami lapan dioskuna shumaq yanapan. Papäniki Nabucodonosor mandaq kashqan witsanmi dioskunanöraq tsay runaqa imatapis shumaq tantiyaq. Tsaymi papäniki payta churarqan lapan musyakuqkunapa, brüjukunapa, qoylar estudiaqkunapa y rikakuqkunapa mandaqnin kananpaq. 12Paypa jutin Daniel kaptinpis jutinta papänikimi trukatsirqan Beltsasar jutin kananpaq. Danielqa imatapis shumaq tantiyakuq karmi runakuna sueñushqan imapaq kashqantapis musyan. Tsaynölami sasa kaptinpis shumaq arreglananpaq tantiyan. Payta qayatsimuy tapiacho qelqaraykashqan imata niykashqantapis tantiyatsishunaykipaq>>.
13Tsayno niptinmi Danielta qayaykatsir rey tapurqan kayno nir: <<¿Qamku kaykanki Judá nacionpita papänï prësu apamushushqayki runa? 14Qampaqmi wilapäkamashqa dioskuna shumaq yanapashushqaykita. Tsayshi qamqa imatapis shumaq tantiyanki.
15<<Perqacho qelqaraykaqta liyirkur imapaq kashqantapis nimänanpaqmi yachaqkunata y brüjukunata qayatsimushqä. Qelqaraykaqta liyirpis manami musyapäkuntsu imata niykashqantapis. 16Qampaqmi wilamashqa sasa tantiyaypaq kaqkunatapis tantiyashqaykita y mayjina sasa kaptinpis shumaq arreglashqaykita. Tsaymi manakü tapiacho qelqaraykaqta liyirkur imapaq kashqantapis tantiyatsimänaykipaq. Tantiyatsimaptikiqa granäti röpatami jatipäshayki. Tsaynöpis qoripita rurashqa walqatami walqapäshayki. Nirkurmi mandashqä nacioncho noqawan juntu mandanaykipaq churashayki>>.
17Tsayno niptin Danielqa kayno nirqan: <<Tsay qaramänaykipaq#5.17 Wakin runakunaqa regalamänaykipaq nipäkun. kaqkunaqa kikikipaq kakutsun o jukta qaraykuy. Perqacho qelqaraykaqta liyirkurmi imapaq kashqantapis tantiyatsishayki.
18<<Tayta rey, papäniki Nabucodonosorta munayniyuq Tayta Diosmi yanaparqan maytsay nacionkunata munayninman churananpaq, respitashqa kananpaq y mandaq kananpaq. 19Payqa munayniyuq karmi pitapis munashqan kaqta wanutsiq y mana munashqan kaqtana mana wanutsiqtsu. Wakintana churaq mas mandaq kananpaq y wakintana qarquq mandaq kashqanpita. Tsayno munayniyuq kaptinmi lapan nacioncho y markacho taq runakuna ima idiömata parlaq karpis payta mantsakärirqan.
20<<Tsaypitanami orgullösu rikakur munashqanta ruraptin mandaq kashqanpita Tayta Dios qarqurqan. 21Runa mayinkunapita qarquptinmi yarpayninpis uywapano rikakurqan. Tsaymi chucaru bürrukunawan juntu tashpan töruno qewata mikur kawarqan. Cuerpuntapis shulyami ushmarqan. Tsayno kawarqan Tayta Diosla lapan mandaqkunapaqpis munayniyuq kashqanta tantiyakunanyaqmi. Tayta Dioslami nacionta mandananpaq pitapis munashqan kaqta churan.
22<<Nabucodonosorpa tsurin kaykar tsayno pasashqanta musyaykarpis orgullösumi rikakushqanki, tayta. 23Tsaymi jana patsacho kaykaq Tayta Diosta rabyanätsir templuncho manijashqan väsukunata jorqatsimushqanki. Tsaykunawanmi vïnuta upyashqanki kikikipis, mandäshishuqnikikunapis, warmikikunapis y concubïnaykikunapis. Nirkurmi alabashqanki qoripita, qellaypita, broncipita, fiërrupita, qerupita y rumipita rurashqa dioskunata. Tsay dioskunaqa manami rikantsu ni mayantsu ni imatapis musyantsu. Munayniyuq Tayta Diostami itsanqa mana alabashqankitsu. Payta rabyanätsishqanki paypita lapanta chaskiykarpis. Paymi rey kanaykipaqpis churashushqanki.
24<<Tsaymi makita Tayta Dios kachamushqa tapiaman qelqananpaq. 25Tsay qelqatsishqancho kaynömi niykan: <Yupashqa, yupashqa, pësashqa, rakishqa>.#5.25 Arameo idiömachöqa niykan <<Mene, Mene, Tekel, Uparsin>>. 26<Yupashqa> niykan mandaq kashqayki junaqkuna yupashqala kaptinmi. Tsay junaqkuna tsaylachöna ushakänanpaqmi Tayta Dios nishqa. 27<Pësashqa> niykan Tayta Dios balanzacho pësashuptiki pësuyki pasaypa pishiptinmi.#5.27 Pësuyki pasaypa pishiptin ninanqa pasaypa jutsayuq kaptiki ninanmi. 28<Rakishqa> niykan mandashayki nacionta rakirkur Media y Persia runakunapa makinman churashunaykipaq destinashqa kaptinmi>>.
29Tsayno wilaptin Belsasarqa yanapaqninkunata nirqan granäti röpata Danielta jatipänanpaq y qoripita rurashqa walqatapis walqapänanpaq. Tsaynöpis paywan juntu mandananpaqmi churarqan.
30Tsay tsakaymi Babilonia#5.30 Hebreo idiömachöqa Caldea ninmi. Caldeaqa Babiloniapa jukaq jutinmi kaykan. runakunapa mandaqnin rey Belsasarta wanutsipäkurqan. 31 31 (6.1) Nirkurmi Mediapita kaq rey Darío Babilonia nacionta munayninman churarqan. Darío tsayno rurarqan soqta chunka ishkay (62) watayuq kaykarmi.
© 2003, Wycliffe Bible Translators, Inc. All rights reserved.