Amós 6
6
Israel y Judá nacionkuna castigashqa kananpaq nishqan
1 Sióncho jawka täkuq autoridäkuna, ¡pasaypami nakapäkunkipaq!
Samaria jirkancho kushishqa täkuq yachaq runakuna, ¡pasaypami nakapäkunkipaq!
Qamkuna ali tantiyatsikuq kashqaykita yarparmi Israel mayikikuna shamun tantiyatsinaykipaq.
2Calne markaman aywaykur paykunata ima pasashqantapis tantiyakäriy.
Hamat markamanpis aywaykur paykunata ima pasashqantapis yarpachakäriy.
Rikapäkuy Filistea nacioncho kaykaq Gat markata ima pasashqantapis.
Tsay markakunacho taq runakunapita ¿mas ali pelyaq kashqaykitaku yarparkaykanki?
Markaykikunapis tsay markakunapita ¿mas jatun y mas atska runakuna kashqantaku yarparkaykanki?
3Qamkunaqa yarparkaykanki ima desgraciapis mana pasashunaykipaq kashqantami.
Tsayno yarpaptikipis lutankunata rurapäkushqaykipitami desgracia pasashunkipaq.
4Qamkunaqa marfilpita rurashqa kuyaylapaq catrichömi jitarpaykanki.
Uyshakunata y wera turitukunataraq mikurmi jamarpaykanki.
5Arpakunatapis waqay waqaylata tukarmi versukunatapis mushuqkunalata kamarkaykanki.
Instrumentukunatapis Davidnöraqmi tukuy niraqta rurarkaykanki.#1Crón. 23.5; Neh. 12.36.
6Jatusaq väsukunawanraqmi vïnutapis upyarkaykanki.
Alinnin perfümikunataraqmi winakurkaykanki.
Qamkunata manami imapis qokushunkitsu Israel nación ushakänanpaq kaptinpis.
7Tsayno kaykaqtami qamkunataqa jäpa markaman puntata prësu apapäkushunkipaq.
Tsaymi fiestatapis ni diya mikuypis kanqapaqnatsu.
8Lapanta mandaq Tayta Diosmi kikinpa jutincho jurar kayno nin:
<<Jacobpita miraq runakuna runa tukärishqan pasaypami rabyanätsiman.
Palaciunkunata rikaytapis manami munätsu.
Tsaymi markanta y lapan imaykankunatapis contrankunapa munayninman churashaq.
9Tsaynöpami juk wayicho chunka runakuna kawaykar quëdaqlapis wanunqapaq.
10Wanuq runakunapa ayanta shuntarkur rupatsinanpaqmi mayqan aylunpis aywanqa.
Wayiman chayaykur ruricho pilatapis rikarqa kayno nirmi tapunqa: <¿Pilaqa qamwan tsaycho kaykanku?>
Tsawraqa ruripita nimunqa: <Manami pipis kaycho kantsu>.
Mastapis kayno nimunqa: <Upälakuy. Cuidädu Tayta Diospa jutinta joqarinkiman.
Jutinta joqariptintsiqa maspis castigamäshunchari.
11 Tayta Diosmi kamakätsinqa jatusaq wayitapis taksha wayitapis juchutsipäkunanpaq> >>.
12¿Pilaqa cawallunta muntakurkur qaqakunapa cörrinmantsuraq?
¿Pilaqa lamarcho törukunawan arunmantsuraq?
Tsay yarpaykuna upa yarpay kashqannömi qamkunapis mana tantiyakuq runakuna karkaykanki.
¿Imanirtaq mana alikunata rurar Tayta Diospa leyninkunata venënumanno tikrarkaykätsinki?
Runakunata kushitsinaykipa trukanqa ¿imanirtaq mana alikunata rurar lakikarkaykätsinki?
13Qamkunaqa manakaqkunapita sumätsikurmi kayno nirkaykanki:
<<Kikintsipa kalpantsiwanmi munayniyuq kaykantsi>>.
14Lapanta mandaq Tayta Dios kaynömi nin:
<<Israel runakuna, shumaq mayapäkamay.
Noqami juk nación runakunata pushamushaq Hamat partipa lindërunpita hasta Arabá pampayaq munaynincho tsararäshunaykipaq>>.
Currently Selected:
Amós 6: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
