2 Timoteo 4
4
Imaypis wilakunanpaq nishqan
1Tayta Diospa jutincho y kawaqkunata y wanuqkunata juzgaq [Señor] Jesucristupa jutinchömi qamta kayno nï: 2Chaskikunan o mana chaskikunan kaptinpis Tayta Diospa palabranta imaypis wilakuy. Mana ajayaypa shumaq tantiyatsiy, anyapay y shakyätsiy.
3Shamuq watakunachöqa Jesucristupa wilakuyninta manami mayayta munapäkunqanatsu. Tsaypa trukanqa lutan yachatsikuqkunata ashirmi paykuna yachatsishqalanta chaskikuyta munapäkunqa. 4Manakaqkunalata mayayta munarmi rasun kaq yachatsikuyta mana chaskikunqatsu. 5Qam itsanqa Tayta Dios munashqanno kawanaykipaq shumaq tantiyakuy. Imano nakarpis payman yärakuy. Wilakuyninta pïmaytapis wilapay. Mana qelanaylapa Tayta Diosta sirviy.
6Noqaqa wanunäpaqnami kaykä. Sacrificiuman jichashqan vïnu altarcho ushakashqannömi#Éxo. 29.38-41. noqapis ushakänäpaqna kaykä. 7Ali soldädunömi lapanta cumplishqä. Yalinakuqnömi chayanäpaq kaqman chayashqä. Yärakushqänölami imaypis yärakushqä. 8Kananqa shuyaraykä ali juzgaq juez Señor Jesucristo kutimunan junaq corönata entregamänantami. Tsay coröna kaykan nawpancho jutsaynaqta chaskimashqanmi. Manami noqalatsu corönata chaskishaq, sinöqa Jesucristuta shuyarpaqkuna lapanmi chaskipäkunqa.
Carcilcho kashqanta wilapashqan
9Timoteo, tinkunantsipaq jukla aywaykalämuy. 10Wawqintsi Demasmi#Col. 4.14; Film. 24. kikin munashqanno kawayta munashpan kacharimar Tesalónica markaman aywakushqa. Crescentitami kachashqä Galacia provinciaman, Titutanami#2Cor. 8.23; Gál. 2.3; Tito 1.4. kachashqä Dalmacia markaman. 11Lucaslanami#Col. 4.14; Film. 24. noqawan kaykan. Shamurqa Marcusta#Hech. 12.12, 25; 13.13; 15.37-39; Col. 4.10; Film. 24. pushakarkamunki. Payqa Tayta Diospa wilakuyninta wilakuptï alimi yanapamanqa. 12Wawqintsi Tíquicutanami#Hech. 20.4; Efe. 6.21-22; Col. 4.7-8. Éfesuman kachaykämü.
13Troaschömi#Hech. 20.6. Carpupa wayincho capötïta kachaykamurqä. Shamurqa capötïta y librükunatapis apakalämunki. Mana qonqaylapa pergamïnükunatapis apakalämunki.
14Fiërru takaq Alejandrumi#1Tim. 1.20. pasaypa conträ rikakushqa. Tsayno kashqanpita Señor Jesucristumi juzganqa.#Sal. 62.12; Rom. 2.6. 15Alejandrupitaqa alcäbu qampis kakunki. Wilakushqantsikuna lutan kashqantami wilapaykan.
16Autoridäkunapa nawpancho puntata declaraptï manami pipis favornï sharkushqatsu. Lapanmi japaläta kachariykamashqa. Tsayno ruramashqanpita Tayta Dios perdonaykulätsun. 17Paykuna kacharimaptinpis Tayta Diosqa noqawan kaykarmi shakyätsimashqa. Tsaymi mana Israel autoridäkunapa nawpanchöpis ali wilakuyninta wilakunäpaq yanapamashqa. Wanutsimänanpaq kaykaptinpis leonpa shiminpitanömi Tayta Dios salvamashqa. 18Tsaynölami lapan mana alikunapitapis salvamanqa. Nirkurmi mandaykashqancho imayyaqpis kawanäpaq pushakamanqa. ¡Tayta Dios imaypis alabashqa kaykulätsun! Amén.
Carta ushanan
19Salüdüta qoykulanki Priscilata y Aquilata.#Hech. 18.2, 18. Onesíforupa#2Tim. 1.16-17. ayluntapis salüdüta qoykulanki. 20Corintuchömi Erasto#Hech. 19.22; Rom. 16.23. quëdakamushqa. Trófimutanami#Hech. 20.4; 21.29. Miletucho qeshyaykaqta kachaykamurqä. 21Tamya killa manaraq chayamuptin imaykatapis kachaykur shamunki. Eubulo, Pudente, Lino, Claudia y lapan wawqi panikunami salüdunta apatsikamun.
22Señor Jesucristo imachöpis yanapaykuläshunki. Tsaycho kaqkunata lapaykita kuyapaykuläshunki. [Amén.]
Currently Selected:
2 Timoteo 4: qvmB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.