2 Samuel 20
20
Davidpa contran Seba sharkushqan
1Tsaychömi kaykarqan Bicripa tsurin Seba. Sebaqa Benjamín trïbu fiyu runami karqan. Paymi cornëtata tukashpan Davidpa contran sharkur kayno nirqan:
<<¡Israel runakuna, wayintsikunapa kutikushun!
¡Davidqa manami mandamaqnintsi rey kanmantsu!
¡Isaípa tsurin Davidpitaqa manami imatapis chaskishuntsu!>>#1Rey. 12.16; 2Crón. 10.16.
2Tsayno niptinmi Israel runakuna Davidta kachariykur Bicripa tsurin Sebapa qepanpa aywakärirqan. Judá runakunami itsanqa rey Davidwan Jordán mayupita Jerusalénman aywapäkurqan.
3Jerusalénman David kutiykurmi palaciuta täpananpaq kachashqan chunka concubïna warminkunata#2Sam. 16.22. juk wayiman churaykurqan. Munashqankunata kamariparpis manami paykunawan David punurqannatsu. Tsaymi tsay warmikunaqa viüdano täkurqan wanunanyaq.
4Nirkurnami Amasata rey David kayno nirqan: <<Kananpita kimsa junaqta Judá soldädukunata shuntarkur paykunawan kayman kutimunki>>.
5Tsawraqa Amasa aywarqan soldädukunata shuntamunanpaq. Tsayno kaptinpis kimsa junaqlacho shuntamuyta mana kamäpakurmi jukla mana kutimurqantsu. 6Amasa mana kutimuptinmi Abisaita David kayno nirqan: <<Absalónpita masmi problëmaman Seba churamäshun. Kaycho kaykaq soldädükunata jukla pushakurkur qatipay wanutsinaykipaq. Manaraq taripaptiki paqta ali murallashqa markaman chayaykur pakakunman>>.
7Tsayno niptinmi cereteo soldädukunata, peleteo soldädukunata, tsaycho kaykaq alinnin kaq soldädukunata y Joabpa soldädunkunata pushakurkur Joabwan Abisai Jerusalénpita aywapäkurqan Bicripa tsurin Sebata qatipashpan. 8Gabaóncho jatun rumi kaykashqanman chayaykaptinnami Amasa yarqamurqan paykunawan tinkunanpaq. Joabqa pelyananpaq kaq röpan jatishqa y tseqlanman cuchillun jatishqami purirqan. Amasaman tinkuq aywarmi tsay cuchilluta pakaylapa jorqurirqan. 9Nirkurmi Joab kayno nirqan: <<¿Alilaku kaykanki, wawqi?>>
Tsayno nishpanmi alawqa kaq makinwan shaprapita tsarirqan qaqlancho mutsananpaqno. 10Jukaq makincho cuchillun aptaraykashqanta Amasa mana tantiyaptinmi Joabqa tuksiriykurqan ashashninpis pampaman qotukaqpaq. Jinan höra wanuptinmi yapay mana tuksirqannatsu. Nirkurnami Joab y wawqin Abisai Bicripa tsurin Sebata wanutsinanpaq qepanta aywapäkurqan.
11Aya jitaraykaqpa nawpanman ichiykurmi Joabpa juk soldädun kayno nirqan: <<¡Joabta y Davidta yanapayta munaqkunaqa Joabwan aywapäkushun!>>
12Tsayno niptinpis nänicho pasaypa yawarlana Amasa wanushqa jitaraptinmi tsaypa pasaq soldädukuna ichiykur rikapaykarqan. Tsaymi tsay soldäduqa nänipita juk läduman tsutaykur cäpawan tsapaykurqan. 13Juk läduman witirkatsiptinmi Joabwan aywaq soldädukuna Bicripa tsurin Sebata qatipäkurqan.
14Tsayyaqmi lapan trïbu Israel runakuna tashqankunapa pasar Seba chayarqan Abel-bet-maaca markayaq. Tsaychömi Bicripita miraq aylunkunawan talukarkur yaykapäkurqan tsay markaman. 15Tsaypitana soldädunkunawan Joab chayapäkurqan Abel-bet-maacaman. Marka punkun shumaq wichqaraptinmi yaykuyta mana kamäpakushpan marka murälla waqtanman rumikunata y alpata qoturqan. Tsaypa witsarkurnami lapan soldädukuna murällata juchutsiyta qalaykurqan. 16Tsayno rurapäkushqanta rikaykurmi juk astüta warmi qayakurqan kayno nir: <<¡Taytakuna! ¡Tayta Joabta niykulay kayman shamunanpaq! Paywanmi parlayta munaykä>>.
17Tsawraqa Joab chayaykuptinmi warmi kayno tapurqan: <<¿Qamku kaykanki Joab?>>
Tsawraqa Joab nirqan: <<Aw, noqami kaykä>>.
Tsayno niptin warmi nirqan: <<Nishqäkunata shumaq mayaykalämay, tayta>>.
Tsawraqa Joab nirqan: <<¿Imataq kaykan nimänaykipaq?>>
18Niptin warmi nirqan: <<Unay runakuna kaynömi nipäkuq: <Yätsikuqta tariyta munarqa Abel markapa#20.18 Abel markapaq parlarqa Abel-bet-maaca markapaqmi parlarqan. aywatsun>. Tsay nishqannölami kay markachöqa ali yätsikuqta pipis tarin. 19Tsaynölami kay markacho pïmaywanpis ali kawapäkü. Rey nishqantami imaypis rurapäkü. Kay markano ali markaqa juk ishkaylami Israel nacioncho kaykan. Tayta Diospa herencian kay marka kaykaptinqa ¿imanirtaq juchurkaykätsinki?>>
20Tsayno niptin Joab kayno nirqan: <<¡Tsaytaqa ama yarpaytsu! Manami kay markata ushakätsinäpaqtsu shapäkamushqä. 21Tsaypa trukanqa shapäkamushqä Efraín jalqakunacho taq Bicripa tsurin Sebata wanutsinäpaqmi. Payqa rey Davidpa contran sharkushqanpitami kayman amparakamushqa. Tsay runata wanurkatsirmi kay markapita aywakärishaq>>.
Tsayno niptinmi warmi kayno nirqan: <<Tsayno kaptinqa Sebapa umanta marka murälla jananpa jitapämushayki>>.
22Tsayno nirmi tsay warmiqa Sebata wanutsipäkunanpaq marka mayin runakunawan parlakurqan. Nirkurmi Sebapa umanta roquriykur jitamurqan marka murälla jananpa. Jitamuptinnami cornëtata Joab tukatsirqan soldädunkuna markata manana atacananpaq. Tsawraqa lapan soldädukuna wayinpana kutikärirqan. Joabnami Jerusalénman kutikurqan rey David kaqman.
Davidpa yanapaqninkuna pï pï kashqanpis
2 Samuel 8.15-18; 1 Crónicas 18.14-17
23Joabmi karqan Israel nacioncho lapan soldädukunapa capitannin. Joiadapa tsurin Benaíanami karqan cereteo soldädukunapa y peleteo soldädukunapa capitannin. 24Adorammi karqan rey Davidpa aruqninkunapa capataznin. Ahiludpa tsurin Josafatmi karqan Israelcho ima pasashqankunatapis qelqaq. 25Sevanami karqan Davidpa secretariun. Sadocwan Abiatarmi karqan cürakuna. 26Jairpita miraq Irapis Davidpa cüranmi karqan.
Currently Selected:
2 Samuel 20: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
2 Samuel 20
20
Davidpa contran Seba sharkushqan
1Tsaychömi kaykarqan Bicripa tsurin Seba. Sebaqa Benjamín trïbu fiyu runami karqan. Paymi cornëtata tukashpan Davidpa contran sharkur kayno nirqan:
<<¡Israel runakuna, wayintsikunapa kutikushun!
¡Davidqa manami mandamaqnintsi rey kanmantsu!
¡Isaípa tsurin Davidpitaqa manami imatapis chaskishuntsu!>>#1Rey. 12.16; 2Crón. 10.16.
2Tsayno niptinmi Israel runakuna Davidta kachariykur Bicripa tsurin Sebapa qepanpa aywakärirqan. Judá runakunami itsanqa rey Davidwan Jordán mayupita Jerusalénman aywapäkurqan.
3Jerusalénman David kutiykurmi palaciuta täpananpaq kachashqan chunka concubïna warminkunata#2Sam. 16.22. juk wayiman churaykurqan. Munashqankunata kamariparpis manami paykunawan David punurqannatsu. Tsaymi tsay warmikunaqa viüdano täkurqan wanunanyaq.
4Nirkurnami Amasata rey David kayno nirqan: <<Kananpita kimsa junaqta Judá soldädukunata shuntarkur paykunawan kayman kutimunki>>.
5Tsawraqa Amasa aywarqan soldädukunata shuntamunanpaq. Tsayno kaptinpis kimsa junaqlacho shuntamuyta mana kamäpakurmi jukla mana kutimurqantsu. 6Amasa mana kutimuptinmi Abisaita David kayno nirqan: <<Absalónpita masmi problëmaman Seba churamäshun. Kaycho kaykaq soldädükunata jukla pushakurkur qatipay wanutsinaykipaq. Manaraq taripaptiki paqta ali murallashqa markaman chayaykur pakakunman>>.
7Tsayno niptinmi cereteo soldädukunata, peleteo soldädukunata, tsaycho kaykaq alinnin kaq soldädukunata y Joabpa soldädunkunata pushakurkur Joabwan Abisai Jerusalénpita aywapäkurqan Bicripa tsurin Sebata qatipashpan. 8Gabaóncho jatun rumi kaykashqanman chayaykaptinnami Amasa yarqamurqan paykunawan tinkunanpaq. Joabqa pelyananpaq kaq röpan jatishqa y tseqlanman cuchillun jatishqami purirqan. Amasaman tinkuq aywarmi tsay cuchilluta pakaylapa jorqurirqan. 9Nirkurmi Joab kayno nirqan: <<¿Alilaku kaykanki, wawqi?>>
Tsayno nishpanmi alawqa kaq makinwan shaprapita tsarirqan qaqlancho mutsananpaqno. 10Jukaq makincho cuchillun aptaraykashqanta Amasa mana tantiyaptinmi Joabqa tuksiriykurqan ashashninpis pampaman qotukaqpaq. Jinan höra wanuptinmi yapay mana tuksirqannatsu. Nirkurnami Joab y wawqin Abisai Bicripa tsurin Sebata wanutsinanpaq qepanta aywapäkurqan.
11Aya jitaraykaqpa nawpanman ichiykurmi Joabpa juk soldädun kayno nirqan: <<¡Joabta y Davidta yanapayta munaqkunaqa Joabwan aywapäkushun!>>
12Tsayno niptinpis nänicho pasaypa yawarlana Amasa wanushqa jitaraptinmi tsaypa pasaq soldädukuna ichiykur rikapaykarqan. Tsaymi tsay soldäduqa nänipita juk läduman tsutaykur cäpawan tsapaykurqan. 13Juk läduman witirkatsiptinmi Joabwan aywaq soldädukuna Bicripa tsurin Sebata qatipäkurqan.
14Tsayyaqmi lapan trïbu Israel runakuna tashqankunapa pasar Seba chayarqan Abel-bet-maaca markayaq. Tsaychömi Bicripita miraq aylunkunawan talukarkur yaykapäkurqan tsay markaman. 15Tsaypitana soldädunkunawan Joab chayapäkurqan Abel-bet-maacaman. Marka punkun shumaq wichqaraptinmi yaykuyta mana kamäpakushpan marka murälla waqtanman rumikunata y alpata qoturqan. Tsaypa witsarkurnami lapan soldädukuna murällata juchutsiyta qalaykurqan. 16Tsayno rurapäkushqanta rikaykurmi juk astüta warmi qayakurqan kayno nir: <<¡Taytakuna! ¡Tayta Joabta niykulay kayman shamunanpaq! Paywanmi parlayta munaykä>>.
17Tsawraqa Joab chayaykuptinmi warmi kayno tapurqan: <<¿Qamku kaykanki Joab?>>
Tsawraqa Joab nirqan: <<Aw, noqami kaykä>>.
Tsayno niptin warmi nirqan: <<Nishqäkunata shumaq mayaykalämay, tayta>>.
Tsawraqa Joab nirqan: <<¿Imataq kaykan nimänaykipaq?>>
18Niptin warmi nirqan: <<Unay runakuna kaynömi nipäkuq: <Yätsikuqta tariyta munarqa Abel markapa#20.18 Abel markapaq parlarqa Abel-bet-maaca markapaqmi parlarqan. aywatsun>. Tsay nishqannölami kay markachöqa ali yätsikuqta pipis tarin. 19Tsaynölami kay markacho pïmaywanpis ali kawapäkü. Rey nishqantami imaypis rurapäkü. Kay markano ali markaqa juk ishkaylami Israel nacioncho kaykan. Tayta Diospa herencian kay marka kaykaptinqa ¿imanirtaq juchurkaykätsinki?>>
20Tsayno niptin Joab kayno nirqan: <<¡Tsaytaqa ama yarpaytsu! Manami kay markata ushakätsinäpaqtsu shapäkamushqä. 21Tsaypa trukanqa shapäkamushqä Efraín jalqakunacho taq Bicripa tsurin Sebata wanutsinäpaqmi. Payqa rey Davidpa contran sharkushqanpitami kayman amparakamushqa. Tsay runata wanurkatsirmi kay markapita aywakärishaq>>.
Tsayno niptinmi warmi kayno nirqan: <<Tsayno kaptinqa Sebapa umanta marka murälla jananpa jitapämushayki>>.
22Tsayno nirmi tsay warmiqa Sebata wanutsipäkunanpaq marka mayin runakunawan parlakurqan. Nirkurmi Sebapa umanta roquriykur jitamurqan marka murälla jananpa. Jitamuptinnami cornëtata Joab tukatsirqan soldädunkuna markata manana atacananpaq. Tsawraqa lapan soldädukuna wayinpana kutikärirqan. Joabnami Jerusalénman kutikurqan rey David kaqman.
Davidpa yanapaqninkuna pï pï kashqanpis
2 Samuel 8.15-18; 1 Crónicas 18.14-17
23Joabmi karqan Israel nacioncho lapan soldädukunapa capitannin. Joiadapa tsurin Benaíanami karqan cereteo soldädukunapa y peleteo soldädukunapa capitannin. 24Adorammi karqan rey Davidpa aruqninkunapa capataznin. Ahiludpa tsurin Josafatmi karqan Israelcho ima pasashqankunatapis qelqaq. 25Sevanami karqan Davidpa secretariun. Sadocwan Abiatarmi karqan cürakuna. 26Jairpita miraq Irapis Davidpa cüranmi karqan.
© 2003, Wycliffe Bible Translators, Inc. All rights reserved.