1 Samuel 23
23
Keila markata David salvashqan
1Tsaypitanami David musyarqan filisteo runakuna Keila markaman chayaykur tsayraq jarutsishqan trïguta ërapita apakärishqanta. 2Tsaymi Tayta Diosta manakur tapurqan kayno nir: <<¿Filisteo runakunawan pelyaq aywämanku, Tayta?>>
Tsawraqa Tayta Dios kayno nirqan: <<Aywapäkuy filisteo runakunata atacar Keila markata salvapäkunaykipaq>>.
3Tsayno nishqanta wilaptinmi Davidta yanapaq runakuna aywayta mana munar kayno nirqan: <<Kay Judálachöpis mantsakuykarqa ¡masraqchari mantsakushun Keila markaman aywaykur filisteo runakunapa soldädunkunawan pelyayta!>>
4Tsaymi David yapay Tayta Diosta manakur tapuptin kayno nirqan: <<Aywapäkuy Keila markaman. Filisteo runakunata vincinaykipaq noqami yanapashaykipaq>>.
5Tsayno niptinmi yanapaqnin runakunawan Keila markaman David aywarqan. Tsaychömi filisteo runakunata vincir Keila marka runakunata David salvarqan. Tsaynölami filisteo runakunapa uywankunatapis apakärirqan.
6Keila markacho David kaykaptinmi pay kaqman Saúlpita qeshpir Ahimelecpa tsurin Abiatar aywarqan efodta apakurkur. 7Keila markacho David kaykashqanta musyaykurmi Saúl kushikushpan kayno nirqan: <<Davidqa corralashqa markacho kar manami maypapis qeshpinqatsu. Tsaynöpami makïman Tayta Dios churamushqa>>.
8Tsawraqa jinan höra lapan soldädunkunata Keila markaman Saúl kacharqan Davidta y yanapaqninkunata churanakuypa prësu tsarimunanpaq. 9Soldädunkunata Saúl kachashqanta wilaptinmi cüra Abiatarta David manakurqan efodta apapänanpaq.
10Chayaykatsiptinmi Tayta Diosta David kayno nir tapukurqan: <<Israel runakunata kuyaq Tayta Dios, noqa mayashqä Saúl shamur kay markata ushakätsinanpaq kashqantami. Tsayno yarpaykan kaycho kashqäta musyarmi. 11¿Rasunpatsuraq wilapäkamashqanno kay markaman Saúl shamunqa? ¿Kaycho taq runakuna paypa makinmantsuraq churaykamanqa? Imano kananpaq kaqtapis wilaykalämay, Tayta Dios>>.
Tsawraqa Tayta Dios kayno nirqan: <<Rasunpami Saúl shamunqa>>.
12Tsawraqa yapay David kayno tapukurqan: <<¿Yanapamaq runakunata y noqata Keila marka runakuna Saúlpa munayninmantsuraq churaykamanqa?>>
Tsayno niptin Tayta Dios kayno nirqan: <<Aw, nishqaykinömi kanqa>>.
13Tsayno niptinmi yanapaqnin runakunawan David tsay markapita aywakur jalqan jalqan purikärirqan. Yanapaqnin runakunaqa soqta pachakmi (600) karqan. Aywakärishqanta musyaykurmi Saúlqa Keila markaman mana aywarqannatsu.
Chunyaq jirkacho David pakarashqan
14Tsaynöpami Zif nishqan chunyaq jirkaman chayaykur yanapaqninkunawan qaqakunacho y machaykunacho David tarqan. Tayta Dios tsapaptinmi waran waran ashirpis Saúl mana tarirqantsu.
15Zif chunyaq jirkacho kaykaq Horescho kaykaptinmi Davidta wilarqan wanutsinanpaq Saúl aywaykashqanta. 16Saúlpa tsurin Jonatánnami David kaqman puntata chayaykur shakyätsirqan Tayta Diosman imaypis yärakunanpaq. 17Tsaymi kayno nirqan: <<Ama mantsakuytsu. Mayjina ashishushpaykipis papänï manami tarishunkipaqtsu. Israel runakunapa mandaqnin reymi qam kankipaq. Noqami qampa yanapaqniki kashaqpaq. Tsaytaqa papänïpis musyanmi>>.
18Tsay junaqmi Tayta Diospa jutincho pactuta yapay rurapäkurqan imaypis yanapanakunanpaq.#1Sam. 18.3. Nirkurmi Jonatánqa wayinpa kutikurqan y Davidnami Horescho quëdakurqan.
19Tsaypitanami Zifcho taq runakuna Gabaa markaman aywarqan Saúlta kayno nir wilananpaq: <<Haquila jirkacho Hores qaqakunachömi David pakaraykan.#Sal. 54. Tsayqa kaykan chunyaq jirkapita sur kaq lädupami. 20Munashqayki höra soldäduykikunawan shamuy, tayta. Shamuptikiqa tsay runata tsarïshishaykimi>>.
21Tsawraqa Saúl kayno nirqan: <<Kuyapämashqaykipita Tayta Dios yanapaykuläshunki. 22Nipäkamashqa tsay runa pasaypa astütu kashqantami. Tsayno kaptinqa aywapäkuy pï rikashqanta y maynincho pakaraykashqantapis shumaq musyapakamunaykipaq. 23Maynincho pakaraykashqantapis shumaq rikapakarkamur wilapäkamaptikiqa qamkunawanmi tsarimunäpaq aywashaq. Rasunpa Judá particho kaptinqa kuchu kuchumi tarishqäyaq ashishaq>>.
24Tsaypitana Zifcho taq runakuna Saúl kaqpita markanman kutikärirqan. Davidnami yanapaqnin runakunawan kaykarqan Maón tsaki jirkapita sur kaq läducho. Tsayqa kaykan Arabá pampachömi. 25Yanapaqnin runakunawan Saúl aywaykashqanta musyarmi Maón tsaki jirkacho kaykaq jatun qaqaman pakakunanpaq David aywarqan. Tsayta musyaykurmi Saúlpis aywarqan Davidta tsarinanpaq. 26Tsaymi jirka jukaq waqtanpa Saúl aywaptin Davidqa yanapaqninkunawan jirkan jukaq waqtanpa qeshpirqan. Jina kaqtami Saúlqa soldädunkunawan Davidta tsarinanpaq jiruruparqan. 27Tsay hörami juk wilakuq chayaykur Saúlta kayno nirqan: <<¡Jukla kutiy, tayta! ¡Filisteo runakunami nacionnintsiman yaykapäkamushqa!>>
28Tsayno niptinmi Saúlqa Davidta manaraq tsarir soldädunkunawan aywakurqan filisteo runakunata atacananpaq. Tsay junaqpitanami tsay qaqapa jutinta churaparqan Sela-hama-lecot#23.28 Sela-hama-lecot ninanqa Tsapäkuq Qaqa ninanmi. jutin kananpaq. 29 29 (24.1) Tsaypita David aywakurqan En-gadiman pakakunanpaq.
Currently Selected:
1 Samuel 23: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
1 Samuel 23
23
Keila markata David salvashqan
1Tsaypitanami David musyarqan filisteo runakuna Keila markaman chayaykur tsayraq jarutsishqan trïguta ërapita apakärishqanta. 2Tsaymi Tayta Diosta manakur tapurqan kayno nir: <<¿Filisteo runakunawan pelyaq aywämanku, Tayta?>>
Tsawraqa Tayta Dios kayno nirqan: <<Aywapäkuy filisteo runakunata atacar Keila markata salvapäkunaykipaq>>.
3Tsayno nishqanta wilaptinmi Davidta yanapaq runakuna aywayta mana munar kayno nirqan: <<Kay Judálachöpis mantsakuykarqa ¡masraqchari mantsakushun Keila markaman aywaykur filisteo runakunapa soldädunkunawan pelyayta!>>
4Tsaymi David yapay Tayta Diosta manakur tapuptin kayno nirqan: <<Aywapäkuy Keila markaman. Filisteo runakunata vincinaykipaq noqami yanapashaykipaq>>.
5Tsayno niptinmi yanapaqnin runakunawan Keila markaman David aywarqan. Tsaychömi filisteo runakunata vincir Keila marka runakunata David salvarqan. Tsaynölami filisteo runakunapa uywankunatapis apakärirqan.
6Keila markacho David kaykaptinmi pay kaqman Saúlpita qeshpir Ahimelecpa tsurin Abiatar aywarqan efodta apakurkur. 7Keila markacho David kaykashqanta musyaykurmi Saúl kushikushpan kayno nirqan: <<Davidqa corralashqa markacho kar manami maypapis qeshpinqatsu. Tsaynöpami makïman Tayta Dios churamushqa>>.
8Tsawraqa jinan höra lapan soldädunkunata Keila markaman Saúl kacharqan Davidta y yanapaqninkunata churanakuypa prësu tsarimunanpaq. 9Soldädunkunata Saúl kachashqanta wilaptinmi cüra Abiatarta David manakurqan efodta apapänanpaq.
10Chayaykatsiptinmi Tayta Diosta David kayno nir tapukurqan: <<Israel runakunata kuyaq Tayta Dios, noqa mayashqä Saúl shamur kay markata ushakätsinanpaq kashqantami. Tsayno yarpaykan kaycho kashqäta musyarmi. 11¿Rasunpatsuraq wilapäkamashqanno kay markaman Saúl shamunqa? ¿Kaycho taq runakuna paypa makinmantsuraq churaykamanqa? Imano kananpaq kaqtapis wilaykalämay, Tayta Dios>>.
Tsawraqa Tayta Dios kayno nirqan: <<Rasunpami Saúl shamunqa>>.
12Tsawraqa yapay David kayno tapukurqan: <<¿Yanapamaq runakunata y noqata Keila marka runakuna Saúlpa munayninmantsuraq churaykamanqa?>>
Tsayno niptin Tayta Dios kayno nirqan: <<Aw, nishqaykinömi kanqa>>.
13Tsayno niptinmi yanapaqnin runakunawan David tsay markapita aywakur jalqan jalqan purikärirqan. Yanapaqnin runakunaqa soqta pachakmi (600) karqan. Aywakärishqanta musyaykurmi Saúlqa Keila markaman mana aywarqannatsu.
Chunyaq jirkacho David pakarashqan
14Tsaynöpami Zif nishqan chunyaq jirkaman chayaykur yanapaqninkunawan qaqakunacho y machaykunacho David tarqan. Tayta Dios tsapaptinmi waran waran ashirpis Saúl mana tarirqantsu.
15Zif chunyaq jirkacho kaykaq Horescho kaykaptinmi Davidta wilarqan wanutsinanpaq Saúl aywaykashqanta. 16Saúlpa tsurin Jonatánnami David kaqman puntata chayaykur shakyätsirqan Tayta Diosman imaypis yärakunanpaq. 17Tsaymi kayno nirqan: <<Ama mantsakuytsu. Mayjina ashishushpaykipis papänï manami tarishunkipaqtsu. Israel runakunapa mandaqnin reymi qam kankipaq. Noqami qampa yanapaqniki kashaqpaq. Tsaytaqa papänïpis musyanmi>>.
18Tsay junaqmi Tayta Diospa jutincho pactuta yapay rurapäkurqan imaypis yanapanakunanpaq.#1Sam. 18.3. Nirkurmi Jonatánqa wayinpa kutikurqan y Davidnami Horescho quëdakurqan.
19Tsaypitanami Zifcho taq runakuna Gabaa markaman aywarqan Saúlta kayno nir wilananpaq: <<Haquila jirkacho Hores qaqakunachömi David pakaraykan.#Sal. 54. Tsayqa kaykan chunyaq jirkapita sur kaq lädupami. 20Munashqayki höra soldäduykikunawan shamuy, tayta. Shamuptikiqa tsay runata tsarïshishaykimi>>.
21Tsawraqa Saúl kayno nirqan: <<Kuyapämashqaykipita Tayta Dios yanapaykuläshunki. 22Nipäkamashqa tsay runa pasaypa astütu kashqantami. Tsayno kaptinqa aywapäkuy pï rikashqanta y maynincho pakaraykashqantapis shumaq musyapakamunaykipaq. 23Maynincho pakaraykashqantapis shumaq rikapakarkamur wilapäkamaptikiqa qamkunawanmi tsarimunäpaq aywashaq. Rasunpa Judá particho kaptinqa kuchu kuchumi tarishqäyaq ashishaq>>.
24Tsaypitana Zifcho taq runakuna Saúl kaqpita markanman kutikärirqan. Davidnami yanapaqnin runakunawan kaykarqan Maón tsaki jirkapita sur kaq läducho. Tsayqa kaykan Arabá pampachömi. 25Yanapaqnin runakunawan Saúl aywaykashqanta musyarmi Maón tsaki jirkacho kaykaq jatun qaqaman pakakunanpaq David aywarqan. Tsayta musyaykurmi Saúlpis aywarqan Davidta tsarinanpaq. 26Tsaymi jirka jukaq waqtanpa Saúl aywaptin Davidqa yanapaqninkunawan jirkan jukaq waqtanpa qeshpirqan. Jina kaqtami Saúlqa soldädunkunawan Davidta tsarinanpaq jiruruparqan. 27Tsay hörami juk wilakuq chayaykur Saúlta kayno nirqan: <<¡Jukla kutiy, tayta! ¡Filisteo runakunami nacionnintsiman yaykapäkamushqa!>>
28Tsayno niptinmi Saúlqa Davidta manaraq tsarir soldädunkunawan aywakurqan filisteo runakunata atacananpaq. Tsay junaqpitanami tsay qaqapa jutinta churaparqan Sela-hama-lecot#23.28 Sela-hama-lecot ninanqa Tsapäkuq Qaqa ninanmi. jutin kananpaq. 29 29 (24.1) Tsaypita David aywakurqan En-gadiman pakakunanpaq.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.