1 Samuel 10
10
Rey kananpaq Saúlpa umanman aceitita winapashqan
1Nirkurmi Saúlpa umanman taksha botëllapita aceitita Samuel winaparqan. Mutsarkurmi kayno nirqan: <<Tayta Diosmi churashushqanki kuyashqan Israel nacionpa mandaqnin rey kanaykipaq.#10.1 Septuaginta nishqan unay griego traduccionchöqa Samuel kayno nishqanmi yaparaykan: <<Tayta Dios kuyashqan runakunapa mandaqnin rey karmi contran runakunata vincinkipaq. Kaypita aywakur pï piwan tinkunaykipaq kashqantapis kanan wilashayki. Nishqäno kaptinmi tantiyakunkipaq Tayta Dios rasunpa akrashushqaykita>>. 2Kaypita aywakur Selsaman chayarmi ishkay runakunawan tinkunkipaq. (Selsaqa Benjamín trïbu runakuna tashqan lindërunchömi kaykan.) Paykunawan tinkunkipaq Raquel pamparaykashqan kaqchömi. Paykunami wilashunkipaq ashiykashqayki bürruykikunata papäniki mayna tarishqanta. Tsaynöpis wilashunkipaq papäniki qampaq lakikuykashqanta.
3<<Tsaypita pasar Taborcho kaq encina yöraman chayaykurmi tinkunkipaq kimsa runakunawan. Paykunaqa Bet-elmanmi Tayta Diosta adorananpaq aywarkaykanqa. Jukaqmi apaykanqa kimsa cabrata, jukaqmi apaykanqa kimsa tantata y jukaqnami apaykanqa vïnu puritsikuna qarawan vïnuta. 4Paykuna winchikushushpayki ishkay tantata qarashuptiki chaskinki.
5<<Tsaypita pasarna chayankipaq Tayta Diosta adorakuna Gabaa markaman. Tsay markachömi kaykan filisteo soldädukunapa cuartilnin. Tsay markaman yaykushqaykichömi tinkunkipaq Tayta Diospa profëtankunawan. Paykunami aywaykämunqa jirkancho kaykaq altarcho Tayta Diosta adorashqanpita. Puntantami runakuna aywaykämunqa salteriuta, panderëtata, kënata y arpata tukaraykar. Profëtakunanami aywaykämunqa Tayta Diospa wilakuyninta wilakuraykar. 6Tsaychömi Tayta Diospa Espïritun tantiyakuq kanaykipaq yanapashuptiki paykunano Tayta Diospa wilakuyninta wilakunkipaq. 7Kay nishqäkuna cumpliptinmi musyankipaq Tayta Dios yanapaykäshushqaykita. Tsayno yanapaykäshuptikiqa shumaq yarpachakurir imatapis ruranki.
8<<Nirkurna Gilgal markaman nawpashpayki noqa chayamunäyaq qanchis junaq shuyarämanki. Tsaymanmi chayamushaq rupatsina sacrificiuta y jawka kawakuy sacrificiuta rupatsinäpaq.#1Sam. 13.8. Nirkurnami yätsishayki imata ruranaykipaq kaqtapis>>.
Saúlta Samuel nishqannöla lapanpis kashqan
9Samuel kaqpita aywakuykaptinnami Saúlpa yarpayninta Tayta Dios tikratsirqan mas tantiyakuq kananpaq. Tsaynöpis Samuel nishqannölami lapanpis tsay junaq pasarqan. 10Tsaymi Gabaa markaman ashmayninwan Saúl chayaykur profëtakunawan tinkupäkurqan. Tsawraqa Tayta Diospa Espïritun Saúlta yanapaptin paypis profëtano wilakuyta qalaykurqan. 11Profëtakunanöna wilakushqanta rikarmi reqinakushqan runakuna kikinpura kayno nir parlapäkurqan: <<¿Imataq pasashqa Cispa tsurin Saúlta? ¿Paypis Tayta Diospa profëtannaku kaykan?>>
12Tsayno niptinmi tsaycho kaykaq juk runa kayno nirqan: <<Papänin profëta mana kaptinpis ¿imanirtaq tsurinqa profëta mana kanmantsu?>>
Tsay junaqpitami kananyaqpis kayno nipäkun: <<¿Saúlpis Tayta Diospa profëtannaku?>>#10.12 Unay Israel runakuna tsayno nipäkuq juk runa o juk warmi imaypis mana rurashqanta ruraptinmi. Tsaynölami kaykan 1Sam. 19.23-24 versïculukunachöpis.
13Wilakuyta usharkurnami Saúlqa Diosta adorakunan kaqman chayarqan.
14Wayinman chayaykuptinnami payta y ashmayninta tiyun tapurqan kayno nir: <<¿Maypataq aywakärirqayki?>>
Tsawraqa Saúl kayno nirqan: <<Bürrükunata ashiqmi aywapäkushqä. Maychöpis mana tarirmi Samuel kaqman tapukunäpaq aywapäkurqä>>.
15Tsawraqa Saúlpa tiyun kayno nirqan: <<Samuel imata nishushqaykitapis wilamay>>.
16Tsayno tapuptinpis Saúl manami rey kananpaq Samuel nishqankunata wilaparqantsu. Tsaypa trukanqa wilarqan bürrukunata mayna tarishqanta nishqalantami.
Rey kananpaq Saúlta churapäkushqan
17Nirkurnami Israel runakunata Mizpa markaman Samuel qayatsimurqan Tayta Diospa nawpancho juntakänanpaq. 18Tsayman juntakaykuptinmi Samuel kayno nirqan: <<Tayta Diosmi nin: <Egipto runakunapa munaynincho nakarkaykaptiki noqami qamkunata jorqamushqä. Tsaynölami wakin nacionpa mandaqnin reykuna munayninman churashuptikipis salvashqä. 19Tsayno salvaykaptïpis qamkuna manami munapäkushqankitsu mandaqniki rey kanäta. Tsaymi manakamashqanki noqapa trukä juk runa mandaqniki rey kananpaq> >>.
Tsayno nirkushpanmi Samuel kayno nirqan: <<Kananqa trïbunpa trïbunpa y aylunpa aylunpa qayayläta Tayta Diospa nawpanman shapäkamunki>>.
20Tsayno nir Israel trïbukunata Samuel qayaykatsir suertita jitaptinmi Benjamín trïbupaq suerti yarqamurqan. 21Nirkurna Benjamín trïbupita lapan aylukunata qayaykatsir suertita jitaptinmi Matri aylupaq yarqamurqan. Matri aylucho suertita jitaptin yarqamurqan Cispa tsurin Saúlpaq. Tsaymi Saúlta ashir mana taripäkurqantsu. 22Mana tarirmi Tayta Diosta yapay manakushpan tapukärirqan Saúl maycho kashqantapis musyapäkunanpaq. Tsaymi Tayta Dios wilarqan qepikuna kaykashqancho pakaraykashqanta. 23Tsayno wilaptinmi warakayla aywar pakaraykashqanpita jorqaykamur lapan runakunapa chawpinman pushapäkurqan. Saúl mas jatun kaptinmi wakin runakuna umrunyaqla karqan. 24Tsawraqa runakunata Samuel kayno nirqan: <<Rikarkaykankinami Tayta Dios akrashqan runata. Manami mayqan Israel runakunapis paynöqa kantsu>>.
Tsawraqa runakuna kayno nipäkurqan: <<¡Viva mandamaqnintsi rey!>>
25Tsayno nipäkuptinmi runakunata Samuel tantiyatsirqan rey imano kananpaq kashqanta y imata rurananpaq kashqantapis. Tsay tantiyatsishqantami juk rölluman qelqarkur Tayta Dioswan Tinkuna Toldu rurinman churarqan. Nirkurnami runakunata Samuel nirqan wayinpana kutikärinanpaq.
26Saúlpis Gabaacho kaykaq wayinman kutikuptinmi mas ali chölu kaq runakunata Tayta Dios shakyätsirqan Saúlta yanaqänanpaq. 27Tsayno kaptinpis wakin runakunaqa manakaqman churashpan kayno nipäkurqan: <<¡Payqa imanöpashi contrantsipa munayninpita jorqamäshun!>>
Tsayno nirmi Saúlta manakaqman churar ni ima qaraylatapis#10.27 Wakin runakunaqa regälulatapis nipäkun. aparqantsu. Paykuna tsayno kaptinpis Saúlqa manami cäsuparqantsu.
Currently Selected:
1 Samuel 10: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
1 Samuel 10
10
Rey kananpaq Saúlpa umanman aceitita winapashqan
1Nirkurmi Saúlpa umanman taksha botëllapita aceitita Samuel winaparqan. Mutsarkurmi kayno nirqan: <<Tayta Diosmi churashushqanki kuyashqan Israel nacionpa mandaqnin rey kanaykipaq.#10.1 Septuaginta nishqan unay griego traduccionchöqa Samuel kayno nishqanmi yaparaykan: <<Tayta Dios kuyashqan runakunapa mandaqnin rey karmi contran runakunata vincinkipaq. Kaypita aywakur pï piwan tinkunaykipaq kashqantapis kanan wilashayki. Nishqäno kaptinmi tantiyakunkipaq Tayta Dios rasunpa akrashushqaykita>>. 2Kaypita aywakur Selsaman chayarmi ishkay runakunawan tinkunkipaq. (Selsaqa Benjamín trïbu runakuna tashqan lindërunchömi kaykan.) Paykunawan tinkunkipaq Raquel pamparaykashqan kaqchömi. Paykunami wilashunkipaq ashiykashqayki bürruykikunata papäniki mayna tarishqanta. Tsaynöpis wilashunkipaq papäniki qampaq lakikuykashqanta.
3<<Tsaypita pasar Taborcho kaq encina yöraman chayaykurmi tinkunkipaq kimsa runakunawan. Paykunaqa Bet-elmanmi Tayta Diosta adorananpaq aywarkaykanqa. Jukaqmi apaykanqa kimsa cabrata, jukaqmi apaykanqa kimsa tantata y jukaqnami apaykanqa vïnu puritsikuna qarawan vïnuta. 4Paykuna winchikushushpayki ishkay tantata qarashuptiki chaskinki.
5<<Tsaypita pasarna chayankipaq Tayta Diosta adorakuna Gabaa markaman. Tsay markachömi kaykan filisteo soldädukunapa cuartilnin. Tsay markaman yaykushqaykichömi tinkunkipaq Tayta Diospa profëtankunawan. Paykunami aywaykämunqa jirkancho kaykaq altarcho Tayta Diosta adorashqanpita. Puntantami runakuna aywaykämunqa salteriuta, panderëtata, kënata y arpata tukaraykar. Profëtakunanami aywaykämunqa Tayta Diospa wilakuyninta wilakuraykar. 6Tsaychömi Tayta Diospa Espïritun tantiyakuq kanaykipaq yanapashuptiki paykunano Tayta Diospa wilakuyninta wilakunkipaq. 7Kay nishqäkuna cumpliptinmi musyankipaq Tayta Dios yanapaykäshushqaykita. Tsayno yanapaykäshuptikiqa shumaq yarpachakurir imatapis ruranki.
8<<Nirkurna Gilgal markaman nawpashpayki noqa chayamunäyaq qanchis junaq shuyarämanki. Tsaymanmi chayamushaq rupatsina sacrificiuta y jawka kawakuy sacrificiuta rupatsinäpaq.#1Sam. 13.8. Nirkurnami yätsishayki imata ruranaykipaq kaqtapis>>.
Saúlta Samuel nishqannöla lapanpis kashqan
9Samuel kaqpita aywakuykaptinnami Saúlpa yarpayninta Tayta Dios tikratsirqan mas tantiyakuq kananpaq. Tsaynöpis Samuel nishqannölami lapanpis tsay junaq pasarqan. 10Tsaymi Gabaa markaman ashmayninwan Saúl chayaykur profëtakunawan tinkupäkurqan. Tsawraqa Tayta Diospa Espïritun Saúlta yanapaptin paypis profëtano wilakuyta qalaykurqan. 11Profëtakunanöna wilakushqanta rikarmi reqinakushqan runakuna kikinpura kayno nir parlapäkurqan: <<¿Imataq pasashqa Cispa tsurin Saúlta? ¿Paypis Tayta Diospa profëtannaku kaykan?>>
12Tsayno niptinmi tsaycho kaykaq juk runa kayno nirqan: <<Papänin profëta mana kaptinpis ¿imanirtaq tsurinqa profëta mana kanmantsu?>>
Tsay junaqpitami kananyaqpis kayno nipäkun: <<¿Saúlpis Tayta Diospa profëtannaku?>>#10.12 Unay Israel runakuna tsayno nipäkuq juk runa o juk warmi imaypis mana rurashqanta ruraptinmi. Tsaynölami kaykan 1Sam. 19.23-24 versïculukunachöpis.
13Wilakuyta usharkurnami Saúlqa Diosta adorakunan kaqman chayarqan.
14Wayinman chayaykuptinnami payta y ashmayninta tiyun tapurqan kayno nir: <<¿Maypataq aywakärirqayki?>>
Tsawraqa Saúl kayno nirqan: <<Bürrükunata ashiqmi aywapäkushqä. Maychöpis mana tarirmi Samuel kaqman tapukunäpaq aywapäkurqä>>.
15Tsawraqa Saúlpa tiyun kayno nirqan: <<Samuel imata nishushqaykitapis wilamay>>.
16Tsayno tapuptinpis Saúl manami rey kananpaq Samuel nishqankunata wilaparqantsu. Tsaypa trukanqa wilarqan bürrukunata mayna tarishqanta nishqalantami.
Rey kananpaq Saúlta churapäkushqan
17Nirkurnami Israel runakunata Mizpa markaman Samuel qayatsimurqan Tayta Diospa nawpancho juntakänanpaq. 18Tsayman juntakaykuptinmi Samuel kayno nirqan: <<Tayta Diosmi nin: <Egipto runakunapa munaynincho nakarkaykaptiki noqami qamkunata jorqamushqä. Tsaynölami wakin nacionpa mandaqnin reykuna munayninman churashuptikipis salvashqä. 19Tsayno salvaykaptïpis qamkuna manami munapäkushqankitsu mandaqniki rey kanäta. Tsaymi manakamashqanki noqapa trukä juk runa mandaqniki rey kananpaq> >>.
Tsayno nirkushpanmi Samuel kayno nirqan: <<Kananqa trïbunpa trïbunpa y aylunpa aylunpa qayayläta Tayta Diospa nawpanman shapäkamunki>>.
20Tsayno nir Israel trïbukunata Samuel qayaykatsir suertita jitaptinmi Benjamín trïbupaq suerti yarqamurqan. 21Nirkurna Benjamín trïbupita lapan aylukunata qayaykatsir suertita jitaptinmi Matri aylupaq yarqamurqan. Matri aylucho suertita jitaptin yarqamurqan Cispa tsurin Saúlpaq. Tsaymi Saúlta ashir mana taripäkurqantsu. 22Mana tarirmi Tayta Diosta yapay manakushpan tapukärirqan Saúl maycho kashqantapis musyapäkunanpaq. Tsaymi Tayta Dios wilarqan qepikuna kaykashqancho pakaraykashqanta. 23Tsayno wilaptinmi warakayla aywar pakaraykashqanpita jorqaykamur lapan runakunapa chawpinman pushapäkurqan. Saúl mas jatun kaptinmi wakin runakuna umrunyaqla karqan. 24Tsawraqa runakunata Samuel kayno nirqan: <<Rikarkaykankinami Tayta Dios akrashqan runata. Manami mayqan Israel runakunapis paynöqa kantsu>>.
Tsawraqa runakuna kayno nipäkurqan: <<¡Viva mandamaqnintsi rey!>>
25Tsayno nipäkuptinmi runakunata Samuel tantiyatsirqan rey imano kananpaq kashqanta y imata rurananpaq kashqantapis. Tsay tantiyatsishqantami juk rölluman qelqarkur Tayta Dioswan Tinkuna Toldu rurinman churarqan. Nirkurnami runakunata Samuel nirqan wayinpana kutikärinanpaq.
26Saúlpis Gabaacho kaykaq wayinman kutikuptinmi mas ali chölu kaq runakunata Tayta Dios shakyätsirqan Saúlta yanaqänanpaq. 27Tsayno kaptinpis wakin runakunaqa manakaqman churashpan kayno nipäkurqan: <<¡Payqa imanöpashi contrantsipa munayninpita jorqamäshun!>>
Tsayno nirmi Saúlta manakaqman churar ni ima qaraylatapis#10.27 Wakin runakunaqa regälulatapis nipäkun. aparqantsu. Paykuna tsayno kaptinpis Saúlqa manami cäsuparqantsu.
© 2003, Wycliffe Bible Translators, Inc. All rights reserved.