ROMANOS 2
2
Taita Diosca, imatapash cashcatapacha rurashpami llaquichinga
1Maijan cashpapash ñucaca alimi cani nishpa, shuj runata llaquichij runalla, ima nishpa ricurinatapash na charinguichu. Shujta llaquichishpaca, canllatami ninandapacha llaquichi tucungapaj shina nijungui. 2Ashtahuangarin chashna nalita rurajcunataca, Taita Diosca na llullashpa llaquichinatami yachanchi. 3Shujcuna nalita rurajpi, caica llaquichi tucunapachami nishpa parlaj runalla, cambash chashnallatami nalita rurajungui. Canga, ¿Taita Dios llaquichinamandaca pacajui ushashami yanguichu? 4¿Dios ninanda juyajujta, na fiñarishpa shuyajujta, jatun llaquij cajtachu yangapi churangui? ¿Diospajman tigrarichun canda juyashpa shuyajujtachu yangapi churangui? 5Ashtahuangarin canga, shinlliyashcapacha cashpa, cambaj shungupipash na llaquirishca cashpami, Taita Dios imatapash cashcatapacha rurashpa llaquichimui punllapaca, ashtahuan llaquichi tucungapaj mirachijungui. Chai punllapimi, Diosca ninanda fiñashpa, can nali cashcatapacha ricuchishpa llaquichijunga. 6Imashna rurashcashnallatami, Diosca tucuicunaman cujunga. 7Aligutalla rurashpa catijcunamanmi, causaita causagrinata caranga. Paicunaca, juyailla canata, causaita causagrinatami mascanajun. 8Ashtahuangarin fiñanajushpalla causajcunata, na llullashpa villajuj shimitapash na cazushpa, ashtahuangarin imatapash cashcatapacha na ruranatara cazushpa causajcunataca, Diosca ninandapacha fiñashpami llaquichijunga. 9Nalitalla rurashpa causanajuj tucui gentecunamanmi, jatun llaquita, ninan llaquita cachamunga. Pundaca, Judea llactamanda gentecunamanra, shinallata griego nishca gentecunamambashmi cachamunga. 10Ashtahuangarin alita rurashpa tucui causajcunamanmi, juyailla canatapash, ninanda alicachi tucunatapash, casilla ali causaigutapash caranga. Pundaca, Judea llactamanda gentecunamanra, shinallata griego gentecunamambashmi caranga.
11Taita Diospaca, ñavipi ricushpalla agllanaca napacha tianllu. 12Ashtahuangarin mandashca shimita na yachaimanda juchata tucui rurajcunaca, mandashca shimita na yachashpallatami, chingaita chinganajunga. Ashtahuangarin chai mandashca shimita yachashpata juchata tucui rurajcunaca, chai mandashcapi nijunshnallatami llaquichi tucunga. 13Taita Diospaj ñaupajpi imatapash cashcatapacha rurashpa causajcunaca, mandashcata uyashpalla causajcunaca na canllu. Ashtahuangarin mandashcata cazushpa pactachijcuna cajpimi paicunataca, imatapash cashcatapacha rurashcatashna Diosca chasquijun. 14Na israelcunaca mandashcata na charishpapash yarishpa rurashpallami, chai mandashcapi nijujtashna ruranajun. Mandashcata na charishpapash, paicunapaca chaicunaca mandashcallatami. 15Chai mandashcata shungupi escribishcashna charishpami, mandashcapi nijunshna imashna causashcata ricuchinajun. Paicunapaj shungupillata imatapash yachashpami nalicachin, na cashpaca paicunapaj yuyaicunata alicachin. 16Taita Dios llaquichijui punllapimi Jesucristoca, gentecuna imata pacalla yarinajushcata ricuchimunga. Chashnallatami, ali villaita villajuni.
Mandashca shimicunataca, Judea llacta gentecunaca na cazushcachu
17Ricui canga, Judea llacta runa ni tucushcami cangui. Mandashca shimitami yariajlla causangui. Shinallata Taita Diospimi cushijungui. 18Imata rurachun Dios munajtapash yachanguimi. Mandashca shimi yachachijpimi, imatapash ashtahuan aliguta ruranata yachangui. 19Ñausashna causajcunatapash pushajmi cani, yana yana tutapishna causajcunatapash punchayachijmi cani yashpami, chaita yariajlla causajungui. 20Nara yachajushcacunaman, aliguta entendichijmi cani. Huahuashna causajcunaman yachachijmi cani yanguimi. Mandashca shimimanda na llullashpa villajuj shimimandami, ali yachaita charini yanguimi. 21Shujcunaman yachachij runa, ¿imashpata canra na yachajungui? “Na shuhuanachu” nishpa villajushpapash, ¿imashpata shuhuanguilla? 22“Na huainayanachu” nijushpapash, ¿imashpata huainayanguilla? Yanga dioscunata millanayachishpapash, ¿imashpata chai dioscuna tiajuj huasimandaca shuhuanguilla? 23Mandashca shimita yachashpa jariyashpapash, ¿imashpata chai mandashca shimita na cazushpa, Taita Dios alicachi tucushcatapash huaglichijungui? 24Escribishcapica cashnami nijun: “Cangunamandami na israelcunaca, Taita Diospaj shutita nali shimicunata rimanajun” nijunmi.
25Mandashca shimipi nijujta can pactachijpica, circuncisión nishcata can rurashcapash alipachami. Ashtahuangarin mandashca shimipi nijujta can na cazujpica, circuncisionda can rurashcapash, circuncisionda na rurashcashnami. 26Circuncisionda na rurashca runa cashpapash, mandashcapi imata nijujta pactachijushpaca, ¿nachu circuncisionda rurashcashnallata, Diospaj ñaupajpica ricuringa? 27Circuncisionda na rurashca cashpapash, mandashcapi nijujta aligutapacha pactachijcunaca, candarami llaquichi tucunapipacha churanga. Escribishpa mandashcata yachashpapash, circuncisionda rurashca cashpapash, canga na cazujmi cangui. 28Gentecunapaj ricuipilla Judea llacta runa cashpapash, napacha chai purachu. Aichapi circuncisionda rurashca cashpapash, napacha circuncisionda rurashcachu. 29Ashtahuangarin ucu shunguta circuncisionda rurashca runami, Judea llacta runa. Diospaj Espirituca, shungutami circuncisionda ruran. Mandashca shimica, na chashna rurai ushanllu. Paita alicachinaca, na gentecunamanda shamunllu, ashtahuangarin Taita Diosmandami shamun.
Currently Selected:
ROMANOS 2: QUII
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.
ROMANOS 2
2
Taita Diosca, imatapash cashcatapacha rurashpami llaquichinga
1Maijan cashpapash ñucaca alimi cani nishpa, shuj runata llaquichij runalla, ima nishpa ricurinatapash na charinguichu. Shujta llaquichishpaca, canllatami ninandapacha llaquichi tucungapaj shina nijungui. 2Ashtahuangarin chashna nalita rurajcunataca, Taita Diosca na llullashpa llaquichinatami yachanchi. 3Shujcuna nalita rurajpi, caica llaquichi tucunapachami nishpa parlaj runalla, cambash chashnallatami nalita rurajungui. Canga, ¿Taita Dios llaquichinamandaca pacajui ushashami yanguichu? 4¿Dios ninanda juyajujta, na fiñarishpa shuyajujta, jatun llaquij cajtachu yangapi churangui? ¿Diospajman tigrarichun canda juyashpa shuyajujtachu yangapi churangui? 5Ashtahuangarin canga, shinlliyashcapacha cashpa, cambaj shungupipash na llaquirishca cashpami, Taita Dios imatapash cashcatapacha rurashpa llaquichimui punllapaca, ashtahuan llaquichi tucungapaj mirachijungui. Chai punllapimi, Diosca ninanda fiñashpa, can nali cashcatapacha ricuchishpa llaquichijunga. 6Imashna rurashcashnallatami, Diosca tucuicunaman cujunga. 7Aligutalla rurashpa catijcunamanmi, causaita causagrinata caranga. Paicunaca, juyailla canata, causaita causagrinatami mascanajun. 8Ashtahuangarin fiñanajushpalla causajcunata, na llullashpa villajuj shimitapash na cazushpa, ashtahuangarin imatapash cashcatapacha na ruranatara cazushpa causajcunataca, Diosca ninandapacha fiñashpami llaquichijunga. 9Nalitalla rurashpa causanajuj tucui gentecunamanmi, jatun llaquita, ninan llaquita cachamunga. Pundaca, Judea llactamanda gentecunamanra, shinallata griego nishca gentecunamambashmi cachamunga. 10Ashtahuangarin alita rurashpa tucui causajcunamanmi, juyailla canatapash, ninanda alicachi tucunatapash, casilla ali causaigutapash caranga. Pundaca, Judea llactamanda gentecunamanra, shinallata griego gentecunamambashmi caranga.
11Taita Diospaca, ñavipi ricushpalla agllanaca napacha tianllu. 12Ashtahuangarin mandashca shimita na yachaimanda juchata tucui rurajcunaca, mandashca shimita na yachashpallatami, chingaita chinganajunga. Ashtahuangarin chai mandashca shimita yachashpata juchata tucui rurajcunaca, chai mandashcapi nijunshnallatami llaquichi tucunga. 13Taita Diospaj ñaupajpi imatapash cashcatapacha rurashpa causajcunaca, mandashcata uyashpalla causajcunaca na canllu. Ashtahuangarin mandashcata cazushpa pactachijcuna cajpimi paicunataca, imatapash cashcatapacha rurashcatashna Diosca chasquijun. 14Na israelcunaca mandashcata na charishpapash yarishpa rurashpallami, chai mandashcapi nijujtashna ruranajun. Mandashcata na charishpapash, paicunapaca chaicunaca mandashcallatami. 15Chai mandashcata shungupi escribishcashna charishpami, mandashcapi nijunshna imashna causashcata ricuchinajun. Paicunapaj shungupillata imatapash yachashpami nalicachin, na cashpaca paicunapaj yuyaicunata alicachin. 16Taita Dios llaquichijui punllapimi Jesucristoca, gentecuna imata pacalla yarinajushcata ricuchimunga. Chashnallatami, ali villaita villajuni.
Mandashca shimicunataca, Judea llacta gentecunaca na cazushcachu
17Ricui canga, Judea llacta runa ni tucushcami cangui. Mandashca shimitami yariajlla causangui. Shinallata Taita Diospimi cushijungui. 18Imata rurachun Dios munajtapash yachanguimi. Mandashca shimi yachachijpimi, imatapash ashtahuan aliguta ruranata yachangui. 19Ñausashna causajcunatapash pushajmi cani, yana yana tutapishna causajcunatapash punchayachijmi cani yashpami, chaita yariajlla causajungui. 20Nara yachajushcacunaman, aliguta entendichijmi cani. Huahuashna causajcunaman yachachijmi cani yanguimi. Mandashca shimimanda na llullashpa villajuj shimimandami, ali yachaita charini yanguimi. 21Shujcunaman yachachij runa, ¿imashpata canra na yachajungui? “Na shuhuanachu” nishpa villajushpapash, ¿imashpata shuhuanguilla? 22“Na huainayanachu” nijushpapash, ¿imashpata huainayanguilla? Yanga dioscunata millanayachishpapash, ¿imashpata chai dioscuna tiajuj huasimandaca shuhuanguilla? 23Mandashca shimita yachashpa jariyashpapash, ¿imashpata chai mandashca shimita na cazushpa, Taita Dios alicachi tucushcatapash huaglichijungui? 24Escribishcapica cashnami nijun: “Cangunamandami na israelcunaca, Taita Diospaj shutita nali shimicunata rimanajun” nijunmi.
25Mandashca shimipi nijujta can pactachijpica, circuncisión nishcata can rurashcapash alipachami. Ashtahuangarin mandashca shimipi nijujta can na cazujpica, circuncisionda can rurashcapash, circuncisionda na rurashcashnami. 26Circuncisionda na rurashca runa cashpapash, mandashcapi imata nijujta pactachijushpaca, ¿nachu circuncisionda rurashcashnallata, Diospaj ñaupajpica ricuringa? 27Circuncisionda na rurashca cashpapash, mandashcapi nijujta aligutapacha pactachijcunaca, candarami llaquichi tucunapipacha churanga. Escribishpa mandashcata yachashpapash, circuncisionda rurashca cashpapash, canga na cazujmi cangui. 28Gentecunapaj ricuipilla Judea llacta runa cashpapash, napacha chai purachu. Aichapi circuncisionda rurashca cashpapash, napacha circuncisionda rurashcachu. 29Ashtahuangarin ucu shunguta circuncisionda rurashca runami, Judea llacta runa. Diospaj Espirituca, shungutami circuncisionda ruran. Mandashca shimica, na chashna rurai ushanllu. Paita alicachinaca, na gentecunamanda shamunllu, ashtahuangarin Taita Diosmandami shamun.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.