MATEO 6
6
Jesusca, shujcunaman caranatami yachachishca
1Shujcuna ricuchun yashpalla runacunapaj ñaupajpi, imatapash cashcatapacha ruranamandaca cuidarinami canguichi. Chashna rurashpaca, jahua pachapi tiajuj cangunapaj Taita caranataca, napacha japi ushanachu canguichi. 2Imagutapash na charijcunaman carashpaca, ama tucuicunaman parlanguichu. Mishqui shimi nali shungucunami, carashcataca tandanajuna huasicunapi, ñangunapi parlashpa purin. Gentecuna alicachihuachun yashpallami, chashnaca parlanajun. Na llullashpami, cangunataca cashna nini: Chashnacunaca, caipillatami paicuna japinataca ña japinajun. 3Ashtahuangarin cambaj ali lado maquihuan imaguta carashcataca, cambaj lluqui maquipash ama yachachun. 4Can chashna pacalla carashcamandaca, pacalla carajujta ricujuj cambaj Taitami, tucuicuna ricujta canman caranga.
Diosta imashna mañanata, Jesús yachachishcami
(Luc. 11:2-4)
5Diosta mañajushpaca, ama mishqui shimi jayaj shungucuna mañanshnaca mañanguichu. Gentecuna ricuchun yashpallami, tandanajuna huasicunapi, ñan tigranacunapi shayarishpa mañanajun. Na llullashpami, cangunataca cashna nini: Chashnacunaca, caipillatami paicuna japinataca ña japinajun. 6Ashtahuangarin ñavipi na ricurij cambaj Taitataca, huasi ucuman yaicushpa, pungutapash vicharishpa mañangui. Chashna pacalla mañajujta ricujuj cambaj Taitami, tucuicuna ricujta canman caranga.
7Diosta mañanajushpaca, ama chai shimicunatallata cutin cutin tigrashpa mañanguichu. Diosta na cazujcunallami, chashna mañajpimi uyanga yashpa, cutin cutin chaitallata tigrashpa mañanajun. 8Cangunaca, na paicunashna ruranachu canguichi. Ashtahuangarin canguna nara mañajpillatami, cangunapaj Taitaca canguna imaguta minishtijtapash ña yachan. 9Chaimandami, cashna nishpa mañana canguichi:
‘Jahua pachapi tiajuj ñucanchi Taitalla, cambaj jucha illaj shutiguca, alicachi tucushca cachun. 10Can mandanaca, ucha chayamuchunmi munanchi. Imashnami jahua pachapica can munashcashna ruranajun, chashnallata cai pachapipash, can munashcashna ruranajushpami ali canman. 11Punllandi ñucanchi micunagutaca, cunan punllapash carahuailla. 12Ñucanchita ima nalita rurashcacunata ñucanchi cungashcashnallata, ñucanchi ima juchata rurashcatapash cungapailla. 13Juchata rurana munaicunamandapash jarcahuangui. Ashtahuangarin ima nalimandapash huacaichihuangui. Tucuita mandanapash, ninan ushaipash, ninan punchapambagu canapash, causaita causaicaman cambajmi. Shina cachun’ nishpami, mañana canguichi.
14Cangunata shujcuna ima nalita rurashcata cungajpica, jahua pachapi tiajuj cangunapaj Taitami, cangunapaj juchacunatapash anchuchinga. 15Ashtahuangarin cangunata imatapash nalita rurajcunata na perdonajpica, cangunapaj Taitapash, canguna rurashca juchacunataca na anchuchingachu.
Na micushpa Diosta mañanata, Jesús yachachishcami
16Canguna na micushpa chishanajushpaca, na llaqui llaqui tianajunachu canguichi. Mishqui shimi jayaj shungucunami, Diosta yarinchimi nishpaca, na micushpa llaqui llaqui chishanajun. Paicunaca, na micushpa chishanajujta gentecuna ricuchun nishpallami, llaqui llaqui ricunajun. Na llullashpami, cangunataca cashna nini: Chashnacunaca, caipillatami paicuna japinataca ña japinajun. 17Ashtahuangarin na micushpa Diosta mañajushpaca, cambaj umata aceitehuan javirishpa, ñavitapash maillaringui. 18Can na micushpa chishajujta gentecunaman na ricuchingapajmi, chashna rurana cangui. Ñavipi na ricurij, pacalla tiajuj cambaj Taitallami, chaitaca ricunga. Chashna rurashcamandaca, pacalla ricujuj cambaj Taitallami tucuicuna ricujta canman imagutapash caranga.
Jahua pachapi charij canamandami yachachishca
(Luc. 12:33-34)
19Cangunaca, na cai pachapi charijyangapajlla, imatapash ninanda mirachinachu canguichi. Cai pachapica, polilla jurucuna micushpa tucuchinllami, ismushpapash tucurinllami. Shuhuacunapash, huasita utujushpa apanllami. 20Ashtahuangarin jahua pachapi charij cangapajmi, imagutapash aliguta rurana canguichi. Jahua pachapica, polilla jurucunapash na micushpa tucuchinllu, na ismushpa tucurinllu. Shuhuacunapash, na allashpa apanllu. 21Maipi imata charishpapash, shungupica chaita yariashpami purinajunguichi.
Ñavica, cuerpopaj michagumi nishcami
(Luc. 11:34-36)
22Cambaj ñavica, cuerpopaj michagushnami. Shinamandami, cambaj ñavi ali cajpica, cuerpogupash tucuilla michashnallapacha punchayachijunga. 23Ashtahuangarin cambaj ñavi yapa nali cajpica, cambaj tucuilla cuerpomi yana yana tutapishna causajunga. Cambaj cuerpopi tiajuj michagu yanayajpica, ¿nachu chashnallata ashtahuan ninanda yanayanga?
Diospajta ruranamandapash, charij tucunamandapashmi yachachishca
(Luc. 16:13)
24Pipash ishcai amota servitaca, na ushanllu. Ishcai amota servijushpaca, shujtaca na ricunayachishpa, shujtallami juyanga. Na cashpaca shuj amotalla cazushpami, shujtaca yangapi churashpa puringa. Shinallatami cangunaca, Taita Diostapash, imata charishcacunatapash, ishcandita servitaca na ushanguichi.
Imatapash ninanda munashpa, na musparina canguichi nishcami
(Luc. 12:22-31)
25Chaimandami cangunataca, cashna nini: ‘Imata micushpata, imata ufiashpata, imata churajushpata causashun’ nishpaca, na chaitalla yarishpa musparinachu canguichi. Cangunapaj causaica, micunatapash ashtahuan yali aligumi. Shinallata cuerpogupash, churajunataca ashtahuan yali aligumi. 26Alasyu animalcunata ricushpami, yarina canguichi. Paicunaca, na tarpunajunllu, granotapash na tandachishpa alichinajunllu. Paicuna micuchunga, jahua pachapi tiajuj cangunapaj Taitami caramujun. ¿Nachu cangunaca, chaicunatapash ashtahuan yali valishca canguichi? 27Canguna puramandaca, ashtahuan jatunyangapaj ninanda munajushpapash, ¿maijanshi chuscu chunga picha centimetrotallapash mirachita ushanguichi? 28¿Imashpata, imatata churajushun nishpa, chaitalla yarinajunguichi? Lirio sisacuna pambapi viñashcata ricushpami, yarina canguichi: Chai sisacunaca, na imatapash ruranllu, na puchanajunllu. 29Ashtahuangarin cangunataca, cashnami nini: Salomonga, ninan charij cashpapash, na chai sisacunashna churajuita usharcachu. 30Taita Diosmi, jihuagutapash juyailla viñachishpa sisachin. Shina juyailla cajpipash, cayapaca cuchushpa, tulpapi rupachinllami. Na tucui shunguhuan crishpa causajcuna, ¿nachu cangunamangarin churajunaguta caramunga? 31Cangunaca cashnami ninajunguichi: ‘¿Imatashi micushun? ¿Imatashi ufiashun? ¿Imatashi churajushun?’ ninajunguichimi. Na chashna nishpa musparinachu canguichi. 32Chashnaca, Diosta na rijsijcunallami chaicunatalla yariashpa causanajun. Ashtahuangarin canguna chaicunata minishtijujtaca, jahua pachapi tiajuj cangunapaj Taitaca ña yachanmi. 33Ashtahuangarin Taita Dios mandajuj llactagupi causanatara, imagutapash cashcatapacha rurashpa causanatarami, pundaca mascana canguichi. Shina causajpica, tucui chaicunata canguna munashcataca jahuan jahuan caramujungallami. 34Shina cashcamanda cangunaca, na cayandi punllamanda yarishpa musparinachu canguichi. Punllandimi llaquicunaca tian. Ima llaqui shamushpapash, punllandi yalijunllami.
Currently Selected:
MATEO 6: QUII
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.
MATEO 6
6
Jesusca, shujcunaman caranatami yachachishca
1Shujcuna ricuchun yashpalla runacunapaj ñaupajpi, imatapash cashcatapacha ruranamandaca cuidarinami canguichi. Chashna rurashpaca, jahua pachapi tiajuj cangunapaj Taita caranataca, napacha japi ushanachu canguichi. 2Imagutapash na charijcunaman carashpaca, ama tucuicunaman parlanguichu. Mishqui shimi nali shungucunami, carashcataca tandanajuna huasicunapi, ñangunapi parlashpa purin. Gentecuna alicachihuachun yashpallami, chashnaca parlanajun. Na llullashpami, cangunataca cashna nini: Chashnacunaca, caipillatami paicuna japinataca ña japinajun. 3Ashtahuangarin cambaj ali lado maquihuan imaguta carashcataca, cambaj lluqui maquipash ama yachachun. 4Can chashna pacalla carashcamandaca, pacalla carajujta ricujuj cambaj Taitami, tucuicuna ricujta canman caranga.
Diosta imashna mañanata, Jesús yachachishcami
(Luc. 11:2-4)
5Diosta mañajushpaca, ama mishqui shimi jayaj shungucuna mañanshnaca mañanguichu. Gentecuna ricuchun yashpallami, tandanajuna huasicunapi, ñan tigranacunapi shayarishpa mañanajun. Na llullashpami, cangunataca cashna nini: Chashnacunaca, caipillatami paicuna japinataca ña japinajun. 6Ashtahuangarin ñavipi na ricurij cambaj Taitataca, huasi ucuman yaicushpa, pungutapash vicharishpa mañangui. Chashna pacalla mañajujta ricujuj cambaj Taitami, tucuicuna ricujta canman caranga.
7Diosta mañanajushpaca, ama chai shimicunatallata cutin cutin tigrashpa mañanguichu. Diosta na cazujcunallami, chashna mañajpimi uyanga yashpa, cutin cutin chaitallata tigrashpa mañanajun. 8Cangunaca, na paicunashna ruranachu canguichi. Ashtahuangarin canguna nara mañajpillatami, cangunapaj Taitaca canguna imaguta minishtijtapash ña yachan. 9Chaimandami, cashna nishpa mañana canguichi:
‘Jahua pachapi tiajuj ñucanchi Taitalla, cambaj jucha illaj shutiguca, alicachi tucushca cachun. 10Can mandanaca, ucha chayamuchunmi munanchi. Imashnami jahua pachapica can munashcashna ruranajun, chashnallata cai pachapipash, can munashcashna ruranajushpami ali canman. 11Punllandi ñucanchi micunagutaca, cunan punllapash carahuailla. 12Ñucanchita ima nalita rurashcacunata ñucanchi cungashcashnallata, ñucanchi ima juchata rurashcatapash cungapailla. 13Juchata rurana munaicunamandapash jarcahuangui. Ashtahuangarin ima nalimandapash huacaichihuangui. Tucuita mandanapash, ninan ushaipash, ninan punchapambagu canapash, causaita causaicaman cambajmi. Shina cachun’ nishpami, mañana canguichi.
14Cangunata shujcuna ima nalita rurashcata cungajpica, jahua pachapi tiajuj cangunapaj Taitami, cangunapaj juchacunatapash anchuchinga. 15Ashtahuangarin cangunata imatapash nalita rurajcunata na perdonajpica, cangunapaj Taitapash, canguna rurashca juchacunataca na anchuchingachu.
Na micushpa Diosta mañanata, Jesús yachachishcami
16Canguna na micushpa chishanajushpaca, na llaqui llaqui tianajunachu canguichi. Mishqui shimi jayaj shungucunami, Diosta yarinchimi nishpaca, na micushpa llaqui llaqui chishanajun. Paicunaca, na micushpa chishanajujta gentecuna ricuchun nishpallami, llaqui llaqui ricunajun. Na llullashpami, cangunataca cashna nini: Chashnacunaca, caipillatami paicuna japinataca ña japinajun. 17Ashtahuangarin na micushpa Diosta mañajushpaca, cambaj umata aceitehuan javirishpa, ñavitapash maillaringui. 18Can na micushpa chishajujta gentecunaman na ricuchingapajmi, chashna rurana cangui. Ñavipi na ricurij, pacalla tiajuj cambaj Taitallami, chaitaca ricunga. Chashna rurashcamandaca, pacalla ricujuj cambaj Taitallami tucuicuna ricujta canman imagutapash caranga.
Jahua pachapi charij canamandami yachachishca
(Luc. 12:33-34)
19Cangunaca, na cai pachapi charijyangapajlla, imatapash ninanda mirachinachu canguichi. Cai pachapica, polilla jurucuna micushpa tucuchinllami, ismushpapash tucurinllami. Shuhuacunapash, huasita utujushpa apanllami. 20Ashtahuangarin jahua pachapi charij cangapajmi, imagutapash aliguta rurana canguichi. Jahua pachapica, polilla jurucunapash na micushpa tucuchinllu, na ismushpa tucurinllu. Shuhuacunapash, na allashpa apanllu. 21Maipi imata charishpapash, shungupica chaita yariashpami purinajunguichi.
Ñavica, cuerpopaj michagumi nishcami
(Luc. 11:34-36)
22Cambaj ñavica, cuerpopaj michagushnami. Shinamandami, cambaj ñavi ali cajpica, cuerpogupash tucuilla michashnallapacha punchayachijunga. 23Ashtahuangarin cambaj ñavi yapa nali cajpica, cambaj tucuilla cuerpomi yana yana tutapishna causajunga. Cambaj cuerpopi tiajuj michagu yanayajpica, ¿nachu chashnallata ashtahuan ninanda yanayanga?
Diospajta ruranamandapash, charij tucunamandapashmi yachachishca
(Luc. 16:13)
24Pipash ishcai amota servitaca, na ushanllu. Ishcai amota servijushpaca, shujtaca na ricunayachishpa, shujtallami juyanga. Na cashpaca shuj amotalla cazushpami, shujtaca yangapi churashpa puringa. Shinallatami cangunaca, Taita Diostapash, imata charishcacunatapash, ishcandita servitaca na ushanguichi.
Imatapash ninanda munashpa, na musparina canguichi nishcami
(Luc. 12:22-31)
25Chaimandami cangunataca, cashna nini: ‘Imata micushpata, imata ufiashpata, imata churajushpata causashun’ nishpaca, na chaitalla yarishpa musparinachu canguichi. Cangunapaj causaica, micunatapash ashtahuan yali aligumi. Shinallata cuerpogupash, churajunataca ashtahuan yali aligumi. 26Alasyu animalcunata ricushpami, yarina canguichi. Paicunaca, na tarpunajunllu, granotapash na tandachishpa alichinajunllu. Paicuna micuchunga, jahua pachapi tiajuj cangunapaj Taitami caramujun. ¿Nachu cangunaca, chaicunatapash ashtahuan yali valishca canguichi? 27Canguna puramandaca, ashtahuan jatunyangapaj ninanda munajushpapash, ¿maijanshi chuscu chunga picha centimetrotallapash mirachita ushanguichi? 28¿Imashpata, imatata churajushun nishpa, chaitalla yarinajunguichi? Lirio sisacuna pambapi viñashcata ricushpami, yarina canguichi: Chai sisacunaca, na imatapash ruranllu, na puchanajunllu. 29Ashtahuangarin cangunataca, cashnami nini: Salomonga, ninan charij cashpapash, na chai sisacunashna churajuita usharcachu. 30Taita Diosmi, jihuagutapash juyailla viñachishpa sisachin. Shina juyailla cajpipash, cayapaca cuchushpa, tulpapi rupachinllami. Na tucui shunguhuan crishpa causajcuna, ¿nachu cangunamangarin churajunaguta caramunga? 31Cangunaca cashnami ninajunguichi: ‘¿Imatashi micushun? ¿Imatashi ufiashun? ¿Imatashi churajushun?’ ninajunguichimi. Na chashna nishpa musparinachu canguichi. 32Chashnaca, Diosta na rijsijcunallami chaicunatalla yariashpa causanajun. Ashtahuangarin canguna chaicunata minishtijujtaca, jahua pachapi tiajuj cangunapaj Taitaca ña yachanmi. 33Ashtahuangarin Taita Dios mandajuj llactagupi causanatara, imagutapash cashcatapacha rurashpa causanatarami, pundaca mascana canguichi. Shina causajpica, tucui chaicunata canguna munashcataca jahuan jahuan caramujungallami. 34Shina cashcamanda cangunaca, na cayandi punllamanda yarishpa musparinachu canguichi. Punllandimi llaquicunaca tian. Ima llaqui shamushpapash, punllandi yalijunllami.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.