MATEO 16
16
Imatapash rurashpa ricuchi nishcami
(Mar. 8:11-13; Luc. 12:54-56)
1Fariseocunapash, saduceocunapash, Jesuspajman shamushpami, imata tigrachijpipash, paita juchachingapaj munashpa, jahua pachamanda imatapash rurashpa ricuchijuchun mañanajurca.
2Shinamandami Jesusca, cashna nijurca:
—Ña amsayajpica: ‘Indi huashajushpa fuyuta pucayachishcamari, cayapaca ali punllami cagrin’ ninatami yachanguichi. 3Shinallata tutamandata: ‘Yana fuyu ricurijpica, ninan huairahuanmi chishica tamiagrin’ ninatami yachanguichi. ¡Mishqui shimi, nali shungucunami canguichi! Cangunaca, fuyuta ricushpami, punlla imashna chishanatapash yachanguichi. ¡Ashtahuangarin cunan punllacunapi ñuca imata juyailla rurajujta ricushpapash, chaitaca na yachai ushashpami causanguichi! 4Cunan miraicunaca, nalicuna, cazarashca jahua shujcunahuan causajcuna cashpami, imagutapash rurashpa ricuchijujta ricungapaj munashpapash, napacha ricunajunga. Profeta Jonás imashnami tucurca, chashnatallami ricunajunga— nijurcami.
Shina nishpallami Jesusca, paicunata saquishpa rirca.
Fariseocuna yachachishcacunaca, levadurashnami cashca nishcami
(Mar. 8:14-21)
5Tandata apanataca cungashpami, Jesuspaj yachajujcunaca cuchata chimbashca carca. 6Chaipimi Jesusca, paicunata cashna nirca:
—Aliguta uyahuaichi, pactarallapash fariseocunapaj, saduceocunapaj levaduratara chasquinguichiman— nircami.
7Shina nijpimi, paicunapaj shungupica cashna yarinajurca:
—Tandata na apamushcata yachashpami, chashna nijun— ninajurcami
8Paipaj yachajujcuna chashna yarinajujta yachashpami, Jesusca cashna nijurca:
—¡Ñucata na tucui shunguhuan crij runacuna! ¿Imashpata tandaca illanchimari nishpa yarinajunguichi? 9Ñuca imata rurashcatapash, ¿narachu yachai ushanguichi? Picha tandata chaupishpaca, picha huaranga runacuna micuchunmi cararcani. Chai puchushcataca, mashna canasta jundata tandachishcatapash, ¿nachu yaritallapash yaringuichi? 10Shinallata canchis tandata chaupishpaca, chuscu huaranga runacuna micuchunmi cararcani. Chai puchushcataca, mashna canasta jundatata tandachishcatapash, ¿nachu yaringuichi? 11‘¿Imashpata na yaringuichi? Fariseocunapaj, saduceocunapaj levaduratara, pactarallapash chasquinguichiman’ ninimi. Chashna nishpaca, tandata na apamushcamandaca, na nijunichu— nijurcami.
12Jesús chashna nijpimi paipaj yachajcunaca, na tandata rurana levaduramanda parlajushcataca yacharca. Ashtahuangarin fariseocuna, saduceocuna yachachishcataca, na catinachu nishcatami yacharca.
Pedroca, Quishpichij Cristomi cangui nishcami
(Mar. 8:27-30; Luc. 9:18-21)
13Jesusca, paipaj yachajujcunandi shamujushpami, Filipo nishca Cesarea pueblo ladolla llactaman chayamujurca. Chaipimi paipaj yachajujcunataca:
—Gentecunaca, Runa Aichayu tucushca ñucataca, ¿maijan yashpashi ricuhuan?— nishpa tapurca.
14Shina nijpimi paicunaca, cashna ninajurca:
—Huaquinguna canmanda parlashpaca: ‘Bautizaj Juanmi canga’ ninajunmi. Huaquingunaca: ‘Eliasmi canga’ ninajunmi. Shujcunaca: ‘Jeremiasmi canga, na cashpaca Profeta puramanda maijambashmi canga’ ninajunmi— ninajurcami.
15Shina ninajujpimi:
—¿Cangunaca, cutin maijan nihuanguichita?— nishpa, Jesusca tapurca.
16Shina tapujpimi:
—Canga, causajujlla Taita Diospaj Churi, Quishpichij Cristomi cangui— nishpa, Simón Pedroca tigrachirca.
17Shina nijpimi Jesusca, cashna nijurca:
—Jonaspaj churi Simón. Canga, ninandapacha cushijuilla. Chashna rimachunga, pipash aichata yahuarta charijca, na canman yarichircachu. Ashtahuangarin jahua pachapi tiajuj ñuca Taitami chashna yarichirca. 18Ñucapash candaca, Pedromi#16:18 Pedro nishpaca: «Rumi» nijunmi. cangui ninimi. Ñucata crishpa tandanajujcunataca, cai rumipimi huasichinshna mirachisha. Paicunataca, Hades nishcapaj pungucunapash na mishai ushangachu. 19Jahua pachapi Dios mandajuj llactagupaj llavecunatami, canman cusha. Cai pachapi tucui imatapash huatashcashna saquijpica, jahua pachapipash huatashcashnami canga. Shinallata cai pachapi tucui imatapash cacharijpica, jahua pachapipash cacharishcami canga— nijurcami.
20Shina nishpallami:
—Quishpichij Cristo ñuca cajtaca, pimambash na villanachu canguichi— nishpa Jesusca, paipaj yachajujcunata mandarca.
Jesusca, pai huañunatami villashca
(Mar. 8:31—9:1; Luc. 9:22-27)
21Shina nishpallami Jesusca, paipaj yachajujcunaman ali yachachun, villai callarirca:
—Jerusalenman rinapachami cani. Chaipimi, mandaj rucucunapash, curacunata mandaj curacunapash, mandashca shimita yachachijcunapash, ñucataca ninanda llaquichishpa huañuna cani. Shina huañujpipash, quimsa punllahuanga causarishallami— nircami.
22Shina nijpimi Jesustaca, paitalla shuj ladoman pushashpa, Pedroca cashna ninanda nirijurca:
—Apunchi Jesús, can chashna tucuchunga, Taita Diospash ama munachun. Chai llaquica, amapacha japichun ninimi— nircami.
23Shina nijpimi tigrarishpa ricushpa Jesusca, Pedrotaca cashna nirca:
—¡Ñuca ñaupajmanda anchuri, Satanás! ¡Canga, ñucata nitijachinshna pandachingapajllami cangui! Canga, Taita Dios yarijunshnaca na yarijunguichu. Ashtahuangarin gentecuna yarijujtallami yarijungui— nircami.
24Shina nishpallami Jesusca, paipaj yachajujcunata cashna nijurca:
—Maijan cashpapash ñucata catingapaj munashpaca, paipaj causaita na llaquishpa, paipaj cruzta aparinshna ñucata catihuachun. 25Maijan cashpapash paipaj causaitalla quishpichingapaj munashpaca, chingaitami chinganga. Ashtahuangarin ñucata catijushcamanda huañunatapash na manllashpaca, causaitami charinga. 26Shuj runa cai pachapi ima tiajta tucuita japishpapash, paipaj alma chingaita chingagrishpaca, ¿ima alita canga? Chashna chingashpaca, paipaj almamandaca, ¿imatashi cui ushanga? 27Runa Aichayu tucushca ñucami, ñuca Taita punchapamba tiajunshna, jucha illaj paipaj angelcunahuan shamusha. Chai punllapimi, imata ruranajushcatapash ricushpa tucuicunaman cusha. 28Na llullashpami, cangunataca cashna nini: Runa Aichayu tucushca ñucami, mandangapaj tigramusha. Chaitaca, caipi shayanajuj puramanda huaquingunaca, nara huañushpallatami ricunguichi— nijurcami.
Currently Selected:
MATEO 16: QUII
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.
MATEO 16
16
Imatapash rurashpa ricuchi nishcami
(Mar. 8:11-13; Luc. 12:54-56)
1Fariseocunapash, saduceocunapash, Jesuspajman shamushpami, imata tigrachijpipash, paita juchachingapaj munashpa, jahua pachamanda imatapash rurashpa ricuchijuchun mañanajurca.
2Shinamandami Jesusca, cashna nijurca:
—Ña amsayajpica: ‘Indi huashajushpa fuyuta pucayachishcamari, cayapaca ali punllami cagrin’ ninatami yachanguichi. 3Shinallata tutamandata: ‘Yana fuyu ricurijpica, ninan huairahuanmi chishica tamiagrin’ ninatami yachanguichi. ¡Mishqui shimi, nali shungucunami canguichi! Cangunaca, fuyuta ricushpami, punlla imashna chishanatapash yachanguichi. ¡Ashtahuangarin cunan punllacunapi ñuca imata juyailla rurajujta ricushpapash, chaitaca na yachai ushashpami causanguichi! 4Cunan miraicunaca, nalicuna, cazarashca jahua shujcunahuan causajcuna cashpami, imagutapash rurashpa ricuchijujta ricungapaj munashpapash, napacha ricunajunga. Profeta Jonás imashnami tucurca, chashnatallami ricunajunga— nijurcami.
Shina nishpallami Jesusca, paicunata saquishpa rirca.
Fariseocuna yachachishcacunaca, levadurashnami cashca nishcami
(Mar. 8:14-21)
5Tandata apanataca cungashpami, Jesuspaj yachajujcunaca cuchata chimbashca carca. 6Chaipimi Jesusca, paicunata cashna nirca:
—Aliguta uyahuaichi, pactarallapash fariseocunapaj, saduceocunapaj levaduratara chasquinguichiman— nircami.
7Shina nijpimi, paicunapaj shungupica cashna yarinajurca:
—Tandata na apamushcata yachashpami, chashna nijun— ninajurcami
8Paipaj yachajujcuna chashna yarinajujta yachashpami, Jesusca cashna nijurca:
—¡Ñucata na tucui shunguhuan crij runacuna! ¿Imashpata tandaca illanchimari nishpa yarinajunguichi? 9Ñuca imata rurashcatapash, ¿narachu yachai ushanguichi? Picha tandata chaupishpaca, picha huaranga runacuna micuchunmi cararcani. Chai puchushcataca, mashna canasta jundata tandachishcatapash, ¿nachu yaritallapash yaringuichi? 10Shinallata canchis tandata chaupishpaca, chuscu huaranga runacuna micuchunmi cararcani. Chai puchushcataca, mashna canasta jundatata tandachishcatapash, ¿nachu yaringuichi? 11‘¿Imashpata na yaringuichi? Fariseocunapaj, saduceocunapaj levaduratara, pactarallapash chasquinguichiman’ ninimi. Chashna nishpaca, tandata na apamushcamandaca, na nijunichu— nijurcami.
12Jesús chashna nijpimi paipaj yachajcunaca, na tandata rurana levaduramanda parlajushcataca yacharca. Ashtahuangarin fariseocuna, saduceocuna yachachishcataca, na catinachu nishcatami yacharca.
Pedroca, Quishpichij Cristomi cangui nishcami
(Mar. 8:27-30; Luc. 9:18-21)
13Jesusca, paipaj yachajujcunandi shamujushpami, Filipo nishca Cesarea pueblo ladolla llactaman chayamujurca. Chaipimi paipaj yachajujcunataca:
—Gentecunaca, Runa Aichayu tucushca ñucataca, ¿maijan yashpashi ricuhuan?— nishpa tapurca.
14Shina nijpimi paicunaca, cashna ninajurca:
—Huaquinguna canmanda parlashpaca: ‘Bautizaj Juanmi canga’ ninajunmi. Huaquingunaca: ‘Eliasmi canga’ ninajunmi. Shujcunaca: ‘Jeremiasmi canga, na cashpaca Profeta puramanda maijambashmi canga’ ninajunmi— ninajurcami.
15Shina ninajujpimi:
—¿Cangunaca, cutin maijan nihuanguichita?— nishpa, Jesusca tapurca.
16Shina tapujpimi:
—Canga, causajujlla Taita Diospaj Churi, Quishpichij Cristomi cangui— nishpa, Simón Pedroca tigrachirca.
17Shina nijpimi Jesusca, cashna nijurca:
—Jonaspaj churi Simón. Canga, ninandapacha cushijuilla. Chashna rimachunga, pipash aichata yahuarta charijca, na canman yarichircachu. Ashtahuangarin jahua pachapi tiajuj ñuca Taitami chashna yarichirca. 18Ñucapash candaca, Pedromi#16:18 Pedro nishpaca: «Rumi» nijunmi. cangui ninimi. Ñucata crishpa tandanajujcunataca, cai rumipimi huasichinshna mirachisha. Paicunataca, Hades nishcapaj pungucunapash na mishai ushangachu. 19Jahua pachapi Dios mandajuj llactagupaj llavecunatami, canman cusha. Cai pachapi tucui imatapash huatashcashna saquijpica, jahua pachapipash huatashcashnami canga. Shinallata cai pachapi tucui imatapash cacharijpica, jahua pachapipash cacharishcami canga— nijurcami.
20Shina nishpallami:
—Quishpichij Cristo ñuca cajtaca, pimambash na villanachu canguichi— nishpa Jesusca, paipaj yachajujcunata mandarca.
Jesusca, pai huañunatami villashca
(Mar. 8:31—9:1; Luc. 9:22-27)
21Shina nishpallami Jesusca, paipaj yachajujcunaman ali yachachun, villai callarirca:
—Jerusalenman rinapachami cani. Chaipimi, mandaj rucucunapash, curacunata mandaj curacunapash, mandashca shimita yachachijcunapash, ñucataca ninanda llaquichishpa huañuna cani. Shina huañujpipash, quimsa punllahuanga causarishallami— nircami.
22Shina nijpimi Jesustaca, paitalla shuj ladoman pushashpa, Pedroca cashna ninanda nirijurca:
—Apunchi Jesús, can chashna tucuchunga, Taita Diospash ama munachun. Chai llaquica, amapacha japichun ninimi— nircami.
23Shina nijpimi tigrarishpa ricushpa Jesusca, Pedrotaca cashna nirca:
—¡Ñuca ñaupajmanda anchuri, Satanás! ¡Canga, ñucata nitijachinshna pandachingapajllami cangui! Canga, Taita Dios yarijunshnaca na yarijunguichu. Ashtahuangarin gentecuna yarijujtallami yarijungui— nircami.
24Shina nishpallami Jesusca, paipaj yachajujcunata cashna nijurca:
—Maijan cashpapash ñucata catingapaj munashpaca, paipaj causaita na llaquishpa, paipaj cruzta aparinshna ñucata catihuachun. 25Maijan cashpapash paipaj causaitalla quishpichingapaj munashpaca, chingaitami chinganga. Ashtahuangarin ñucata catijushcamanda huañunatapash na manllashpaca, causaitami charinga. 26Shuj runa cai pachapi ima tiajta tucuita japishpapash, paipaj alma chingaita chingagrishpaca, ¿ima alita canga? Chashna chingashpaca, paipaj almamandaca, ¿imatashi cui ushanga? 27Runa Aichayu tucushca ñucami, ñuca Taita punchapamba tiajunshna, jucha illaj paipaj angelcunahuan shamusha. Chai punllapimi, imata ruranajushcatapash ricushpa tucuicunaman cusha. 28Na llullashpami, cangunataca cashna nini: Runa Aichayu tucushca ñucami, mandangapaj tigramusha. Chaitaca, caipi shayanajuj puramanda huaquingunaca, nara huañushpallatami ricunguichi— nijurcami.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.