ISAÍAS 35
35
Jipa punllacunapica, israelcunaca Sion shuti puebloman tigrangami
1Jichushca chulunlla sirij pambaca, cushillami tucunga. Chaquishca yuracunapash cushijushpami, juyailla rosas sisashna sisanga. 2Pamba junda sisashpami, ninan cushijuihuan candanga. Líbano shuti urcutashna, juyaillagutami ruranga. Carmelo shuti urcutashna, Sarón shuti pambatashnami, juyaillaguta ruranga. Paicunaca, Mandaj Diostaca punchapamba cajtami ricunajunga. Ñucanchi Taita Diostaca, juyailla cajtami ricunajunga. 3Shaijushca maquita shinlliyachichi. Ushai illaj cunguricunata, ali shayachichi. 4Paicunapaj shungupi ninan manllaihuan causajcunataca, cashna ninguichi: “Shinlli tucushpa, imatapash na manllanachu canguichi. Ricuichi, cangunapaj Taita Dios shamushpami, imata cuna cashcatallata cunga. Taita Diosllatami, quishpichingapaj shamunga” ninguichi. 5Pai shamujpica, ñausacunapaj ñavipash pascaringami. Na uyajcunapaj rinripash pascaringami. 6Chaipica, suchucunapash tarugashnami fahuanajunga. Upacunapash juyaillami candanajunga. Jichushca pambacunapica, allashpami yacuta llujchinga. Pipash na causaj pambapipash, yacuca urai calpajungami. 7Chaquishca pushtupica, yacumi cuchayanga. Chaquishca alpacunapica, yacu cuchacuna jundami tucunga. Chacal nishca animalcuna causaj huaicucunapica, sucuscuna, juncocunami viñanga. 8Chaipica, chaqui ñambash, jatun ñambashmi tianga. Chai ñandaca, jucha illaj Ñan ningami. Chai ñandaca, mapa runacunaca na puringachu. Chai ñanda purijcunaca, imata na yachajushca cashpapash, na pandangachu. Diosllatami, paicunahuan canga. 9Chaipica, leonbash na tiangachu. Shuj millai animalpash, chaitaca na vichai shamungachu. Chaipica, imapash na tuparingachu. Chaitaca, quishpirishcacunallami puringa. 10Mandaj Dios quishpichishcacunaca tigramunajungami. Cushijushpami Sion puebloman shamunajunga. Paicunaca, causaita causaicamanmi cushijuita charinga. Ninan cushijuita charijpimi, paicunapaca ima llaquipash, huacaipash illanga.
Currently Selected:
ISAÍAS 35: QUII
Highlight
Copy
Compare
Share
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.
ISAÍAS 35
35
Jipa punllacunapica, israelcunaca Sion shuti puebloman tigrangami
1Jichushca chulunlla sirij pambaca, cushillami tucunga. Chaquishca yuracunapash cushijushpami, juyailla rosas sisashna sisanga. 2Pamba junda sisashpami, ninan cushijuihuan candanga. Líbano shuti urcutashna, juyaillagutami ruranga. Carmelo shuti urcutashna, Sarón shuti pambatashnami, juyaillaguta ruranga. Paicunaca, Mandaj Diostaca punchapamba cajtami ricunajunga. Ñucanchi Taita Diostaca, juyailla cajtami ricunajunga. 3Shaijushca maquita shinlliyachichi. Ushai illaj cunguricunata, ali shayachichi. 4Paicunapaj shungupi ninan manllaihuan causajcunataca, cashna ninguichi: “Shinlli tucushpa, imatapash na manllanachu canguichi. Ricuichi, cangunapaj Taita Dios shamushpami, imata cuna cashcatallata cunga. Taita Diosllatami, quishpichingapaj shamunga” ninguichi. 5Pai shamujpica, ñausacunapaj ñavipash pascaringami. Na uyajcunapaj rinripash pascaringami. 6Chaipica, suchucunapash tarugashnami fahuanajunga. Upacunapash juyaillami candanajunga. Jichushca pambacunapica, allashpami yacuta llujchinga. Pipash na causaj pambapipash, yacuca urai calpajungami. 7Chaquishca pushtupica, yacumi cuchayanga. Chaquishca alpacunapica, yacu cuchacuna jundami tucunga. Chacal nishca animalcuna causaj huaicucunapica, sucuscuna, juncocunami viñanga. 8Chaipica, chaqui ñambash, jatun ñambashmi tianga. Chai ñandaca, jucha illaj Ñan ningami. Chai ñandaca, mapa runacunaca na puringachu. Chai ñanda purijcunaca, imata na yachajushca cashpapash, na pandangachu. Diosllatami, paicunahuan canga. 9Chaipica, leonbash na tiangachu. Shuj millai animalpash, chaitaca na vichai shamungachu. Chaipica, imapash na tuparingachu. Chaitaca, quishpirishcacunallami puringa. 10Mandaj Dios quishpichishcacunaca tigramunajungami. Cushijushpami Sion puebloman shamunajunga. Paicunaca, causaita causaicamanmi cushijuita charinga. Ninan cushijuita charijpimi, paicunapaca ima llaquipash, huacaipash illanga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.