1 SAMUEL 3
3
1Samuel huambraguca, Elí shuti curapaj ñaupajpimi, Mandaj Diospajta rurashpa causajurca. Chai punllacunapica, Mandaj Diospaj Shimipash na yapa uyarijurcachu. Shinallata huaquimbi huaquimbillami, muscuipishnapash ricurin carca. 2Shuj punllami cashna tucurca: Elí runaca, paipaj ñavi na ali ricui ushajushpami, pai puñuna ucupillata sirijurca. 3Shinallata Samuelpash, Mandaj Diospaj huasipillata shuj ucupimi puñujurca. Taita Diospaj arcapash, chai huasipimi carca. Chai huasi ucupi rupajuj, Taita Diospaj lamparatapash nara huañuchijpillatami, 4Mandaj Diosca Samuelta cayarca. Shina cayajpimi, Samuelca: —Caipimi capani— nishpa tigrachirca. 5Shina nishpa, Elí puñujuj ucuman calpashpa rishpami: —Caipimi capani. ¿Imapajta cayahuarcangui?— nirca. Shina nijpimi, Elí runaca: —Ñucaca na cayarcanichu. Cutin puñungapaj tigrailla— nirca. Shina nijpimi, Samuelca tigrashpa puñugrirca. 6Mandaj Diosca, cutinllatami Samuelta cayarca. Shina cayajpimi Samuelca, jatarishpa Elipajman shamushpaca: —Caipimi capani. ¿Imapajta cayahuarcangui?— nirca. Shina nijpimi, Elí runaca: —Ñuca huahualla, ñucaca na cayarcanichu. Cutin puñungapaj tigrailla— nirca. 7Samuelca, Mandaj Diostaca nara rijsishcachu carca. Shinallata Mandaj Diospaj Shimitapash, nara uyashcachu carca. 8Mandaj Diosca, caihuanga ña quimsacamanmi cayarca. Shina cayajpi jatarishpa, Elipajman shamushpami Samuelca: —Caipimi capani. ¿Imapajta cayahuarcangui?— nirca. Shina nijpimi Elí runaca, Samuel huambragutaca Mandaj Dios cayajujta yacharca. 9Chaimandami Elí runaca, Samueltaca cashna nirca: —Cutin puñungapaj rilla. Cutin cayajpica: ‘Mandaj Dioslla, canda servij ñucaca uyajupanimi, rimahuailla’ ningui— nircami. Shina nijpimi Samuelca, maipi puñujushca ucumanllata rishpa siririgrirca. 10Mandaj Dios shamushpa shayarimushpami, pundashnallata cutin: —¡Samuel, Samuel!— nishpa cayarca. Shina cayajpimi, Samuelca: —Canda servij ñucaca uyajupanimi, rimahuailla— nirca. 11Shina nijpimi Mandaj Diosca, Samueltaca cashna nijurca: —Ricui, cai Israel purapica, jatun manllarinatami ruragrini. Chashna rurashcata maijan uyashpapash, ishcandi rinritami nanachinga. 12Chai punllapimi, Elí curata llaquichisha nishcataca pactachisha. Paipaj huasi ucu purata tucui imatalla rurasha nishcatami, callarimanda tucuringacaman pactachisha. 13Nalita rurashcataca, paica yachanmi. Chai nalita rurashcamanda causaita causaicaman paipaj huasi ucu purata ñuca llaquichinatami ricuchisha. Paipaj churicunami, Taita Diostaca nali shimicunahuan rimanajurca. Shina cajpipash paica, na jarcashpa saquircallami. 14Chaimandami, Elipaj huasi ucu puraman cashna nishpa juramenturcani: ‘Elipaj huasi ucu puracuna nalita rurashcataca, animalcunata ñucaman cushpa huañuchijpipash, ashtahuan imacunatalla cujpipash, napacha cungashachu’ nircanimi— nijurcami. 15Samuelca, punllayangacaman sirijushpa ña jatarishpami, Mandaj Diospaj huasi pungucunata pascarca. Samuelca, muscuipishna ricushpa uyashcata, Eliman parlangapaca manllarcami. 16Chashna manllajujpipash Elí runaca, Samueltaca: —Ñuca huahua Samuel— nishpami cayarca. Shina cayajpimi: —Caipimi capani— nishpa tigrachirca. 17Shina nijpimi Elí runaca, cashna nirca: —Taita Diosca, ¿imatata canman villarca? Pai imatalla nishcataca, ama pacashpa villahuailla nipanimi. Canman tucui imatalla parlashcata pacashpa ñucaman na villajpica, Taita Diosllata candaca ninanda llaquichijuchun— nircami. 18Shina nijpimi Samuelca, imatallapash na pacashpa tucuita villarca. Chaita uyashpami, Elí runaca: —Paica Mandaj Diosmi. Paipaj ima ali cajpipash, chaita rurachunlla— nirca. 19Samuelca jatunyarcami, Mandaj Diospash paihuanmi carca. Chaimandami, Dios rimashca shimicunataca tucuita pactachijurca. 20Chaimandami tucuilla israelcunaca, Dan pueblopi causajcunamanda callarishpa, Beerseba pueblopi causajcunacaman Samueltaca, Mandaj Dios imata nishcatapash villashpa, aliguta pactachij cajta yachanajurca. 21Mandaj Diosca cutinmi, Silo pueblopi ricurirca. Mandaj Diosca, Silo shuti pueblopimi pai Mandaj Diosllata rimashpa, Samuelman ricurirca. Diospaj arcatami, filisteocuna apashca
Currently Selected:
1 SAMUEL 3: QUII
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.
1 SAMUEL 3
3
1Samuel huambraguca, Elí shuti curapaj ñaupajpimi, Mandaj Diospajta rurashpa causajurca. Chai punllacunapica, Mandaj Diospaj Shimipash na yapa uyarijurcachu. Shinallata huaquimbi huaquimbillami, muscuipishnapash ricurin carca. 2Shuj punllami cashna tucurca: Elí runaca, paipaj ñavi na ali ricui ushajushpami, pai puñuna ucupillata sirijurca. 3Shinallata Samuelpash, Mandaj Diospaj huasipillata shuj ucupimi puñujurca. Taita Diospaj arcapash, chai huasipimi carca. Chai huasi ucupi rupajuj, Taita Diospaj lamparatapash nara huañuchijpillatami, 4Mandaj Diosca Samuelta cayarca. Shina cayajpimi, Samuelca: —Caipimi capani— nishpa tigrachirca. 5Shina nishpa, Elí puñujuj ucuman calpashpa rishpami: —Caipimi capani. ¿Imapajta cayahuarcangui?— nirca. Shina nijpimi, Elí runaca: —Ñucaca na cayarcanichu. Cutin puñungapaj tigrailla— nirca. Shina nijpimi, Samuelca tigrashpa puñugrirca. 6Mandaj Diosca, cutinllatami Samuelta cayarca. Shina cayajpimi Samuelca, jatarishpa Elipajman shamushpaca: —Caipimi capani. ¿Imapajta cayahuarcangui?— nirca. Shina nijpimi, Elí runaca: —Ñuca huahualla, ñucaca na cayarcanichu. Cutin puñungapaj tigrailla— nirca. 7Samuelca, Mandaj Diostaca nara rijsishcachu carca. Shinallata Mandaj Diospaj Shimitapash, nara uyashcachu carca. 8Mandaj Diosca, caihuanga ña quimsacamanmi cayarca. Shina cayajpi jatarishpa, Elipajman shamushpami Samuelca: —Caipimi capani. ¿Imapajta cayahuarcangui?— nirca. Shina nijpimi Elí runaca, Samuel huambragutaca Mandaj Dios cayajujta yacharca. 9Chaimandami Elí runaca, Samueltaca cashna nirca: —Cutin puñungapaj rilla. Cutin cayajpica: ‘Mandaj Dioslla, canda servij ñucaca uyajupanimi, rimahuailla’ ningui— nircami. Shina nijpimi Samuelca, maipi puñujushca ucumanllata rishpa siririgrirca. 10Mandaj Dios shamushpa shayarimushpami, pundashnallata cutin: —¡Samuel, Samuel!— nishpa cayarca. Shina cayajpimi, Samuelca: —Canda servij ñucaca uyajupanimi, rimahuailla— nirca. 11Shina nijpimi Mandaj Diosca, Samueltaca cashna nijurca: —Ricui, cai Israel purapica, jatun manllarinatami ruragrini. Chashna rurashcata maijan uyashpapash, ishcandi rinritami nanachinga. 12Chai punllapimi, Elí curata llaquichisha nishcataca pactachisha. Paipaj huasi ucu purata tucui imatalla rurasha nishcatami, callarimanda tucuringacaman pactachisha. 13Nalita rurashcataca, paica yachanmi. Chai nalita rurashcamanda causaita causaicaman paipaj huasi ucu purata ñuca llaquichinatami ricuchisha. Paipaj churicunami, Taita Diostaca nali shimicunahuan rimanajurca. Shina cajpipash paica, na jarcashpa saquircallami. 14Chaimandami, Elipaj huasi ucu puraman cashna nishpa juramenturcani: ‘Elipaj huasi ucu puracuna nalita rurashcataca, animalcunata ñucaman cushpa huañuchijpipash, ashtahuan imacunatalla cujpipash, napacha cungashachu’ nircanimi— nijurcami. 15Samuelca, punllayangacaman sirijushpa ña jatarishpami, Mandaj Diospaj huasi pungucunata pascarca. Samuelca, muscuipishna ricushpa uyashcata, Eliman parlangapaca manllarcami. 16Chashna manllajujpipash Elí runaca, Samueltaca: —Ñuca huahua Samuel— nishpami cayarca. Shina cayajpimi: —Caipimi capani— nishpa tigrachirca. 17Shina nijpimi Elí runaca, cashna nirca: —Taita Diosca, ¿imatata canman villarca? Pai imatalla nishcataca, ama pacashpa villahuailla nipanimi. Canman tucui imatalla parlashcata pacashpa ñucaman na villajpica, Taita Diosllata candaca ninanda llaquichijuchun— nircami. 18Shina nijpimi Samuelca, imatallapash na pacashpa tucuita villarca. Chaita uyashpami, Elí runaca: —Paica Mandaj Diosmi. Paipaj ima ali cajpipash, chaita rurachunlla— nirca. 19Samuelca jatunyarcami, Mandaj Diospash paihuanmi carca. Chaimandami, Dios rimashca shimicunataca tucuita pactachijurca. 20Chaimandami tucuilla israelcunaca, Dan pueblopi causajcunamanda callarishpa, Beerseba pueblopi causajcunacaman Samueltaca, Mandaj Dios imata nishcatapash villashpa, aliguta pactachij cajta yachanajurca. 21Mandaj Diosca cutinmi, Silo pueblopi ricurirca. Mandaj Diosca, Silo shuti pueblopimi pai Mandaj Diosllata rimashpa, Samuelman ricurirca. Diospaj arcatami, filisteocuna apashca
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.