1 CORINTIOS 12
12
Diospaj Espiritumi, imata rurachumbash ushaita caran
1Huauquicuna, panicuna, canguna imata rurai ushachumbash, Diospaj Espíritu caramujujta yachachunmi munani.
2Diosta nara cazushpa causanajushpaca, rimaitapash na rimajuj, yanga dioscunapajman apai tucushpami pandashpa causarcanguichi. Chaitaca, ña yachanguichimi. 3Shinamandami, caita yachachun munani: Maijan cashpapash, Taita Diospaj Espíritu rimachijpi rimajushpaca, Jesusca ninanda llaquichi tucunapachami nishpaca na ninllu. Shinallata, Jesusca ñucata Mandajmi nitaca, pipash na paillata ni ushanllu. Ashtahuangarin Diospaj jucha illaj Espíritu yuyaita cujpillami, shina ni ushan.
4Shina cajpimi, imata rurai ushanacunapash shican shican tian. Shina cajpipash, Diospaj Espirituca paillatami. 5Shinallata Diospajta ruranacunapash, shican shicanmi tian. Shina cajpipash, Apunchi Jesusca paillatami. 6Imata ruranacunapash, shican shicanmi tian. Shina cajpipash, tucui imata ruranacunapipash, paillata rurajuj Taita Diosca paillatami. 7Ashtahuangarin tucuicunapaj ali cachunmi Diosca, paipaj Espirituta tucuicunaman carashpa ricuchijun. 8Diosca, paipaj Espiritumandami, aliguta yachajushcalla shimicunata villachunga tucuicunaman caran. Shujmanga, Diospajta aliguta yachajunatami, chai Espiritullata caramujun. 9Caishujmanga, aligutapacha crinatami, chai Espiritullata caramujun. Caishujmanga, huañujujcunata alichi ushanatami, chai Espiritullata caramujun. 10Shujca, pipash na rurai ushanallata rurai ushachun, shujca Dios villashcata villachunmi, shina caramujun. Shujca, Diospaj Espíritu yarichijpi villajujta, na Diospaj Espíritu yarichijpi villajujta yachai ushachunmi, shina caramujun. Shujca, shuj shuj rimaicunata parlachun, shujca chai shuj shuj rimaicunata yalichishpa villai ushachunmi, chai Espiritullata caramujun. 11Ashtahuangarin cai tucuita ruranacunataca, Diospaj Espiritullatami chaupishpa, pai imashna munashcashna shican shican imata rurai ushachumbash, tucuicunaman caramujun.
12Cuerpoca shujlla cashpapash, imatapash ashtacatami charin. Cuerpoca imatapash ashtacata charishpapash, shujlla cuerpomi. Shinallata Cristopash shujllami. 13Ñucanchica, Judea llacta gentecuna cashpa, griego nishca gentecuna cashpa, gañanguna cashpa, na gañanguna cashpapash, Diospaj shujlla Espiritumanda bautizarishpami, tucuilla shujlla cuerposhnalla canchi. Ñucanchica, chai Espiritutallatami ufiachijpishna chasquircanchi.
14Ashtahuangarin cuerpoca, na shujlla parteta charishpami, ashtaca partecunata charin. 15Chaquica: “Na maqui cashcamandaca, na cuerpopajchu cani” nijushpapash, ¿nachu cuerpopajllata canga? 16Shinallata rinripash: “Na ñavi cashcamandaca, na cuerpopajchu cani” nijushpapash, ¿nachu cuerpopajllata canga? 17Tucui cuerpo ñavi cashca cajpica, ¿maipishi rinrica tiajunman? Tucui cuerpo rinri cashca cajpica, ¿maipishi singaca tiajunman? 18Ashtahuangarin cunanga, Taita Diosmi cuerpopi ima tiachumbash, pai munashcashna churashca. 19Cuerpopi ima tiashcapash, shujlla tiajpica, ¿cuerpoca maipishi tianman? 20Ashtahuangarin cunanga cuerpoca, imatapash ashtacata charishpapash, shujlla cuerpomi.
21Shina cajpica, ñavica: “Canda na minishtinichu” nishpaca, na maquitaca ni ushanllu. Shinallata umapash, chaquitaca: “Cangunataca na minishtinichu” nitaca, na ushanllu. 22Ashtahuangarin cuerpopi tiaj, imatapash na rurai ushanashnallacuna cashpapash, ashtahuan minishtirishcami. 23Cuerpopi ashtahuan pinganayai ricurijcunapirami, ashtahuan aliguta churajunchi. Shinallata na yapa juyailla alichina pinganayaicunatarami, ashtahuan juyailla alichirinchi. 24Ñucanchipi ashtahuan juyailla alichirishca ricurijcunaca, na imatapash minishtinllu. Ashtahuangarin Taita Diosmi, ñucanchi cuerpogutaca aliguta churashca. Maipi imapash nalishnalla ricurijujtaca, ashtahuan ninanda alicachishpami churashca. 25Cuerpopi tiajcunaca, ama shican shican cashpa, caishuj chaishuj ayudarichunmi, Diosca chashna churashca. 26Shina cajpimi, cuerpopi tiajcunamanda shuj nanachijpica, tucuilla paihuan nanachin. Shinallata shuj alicachi tucujpica, tucuillami paihuan cushijun.
27Cangunaca, Cristopaj cuerposhna cashpami, tucuilla chai cuerpo purallata canguichi. 28Shina cajpimi Taita Diosca, huaquingunataca tandanajuj crij purapica, pundaca Jesusmanda villachun cachashcacunata churashca. Chaipaj catica, pai ima nishcata villajcunata, chaipaj catica yachachijcunata, chaipaj catica pipash na rurai ushanallata rurajcunatami churashca. Chaipaj catimi, huañujujcunata alichijcunata, shujcunata ayudajcunata, crijcunata mandajcunata, shuj shuj rimaita rimajcunata churashca. 29Paicunaca, ¿tucuicunachu Jesusmanda villachun cachashcacuna? ¿Tucuicunachu Dios ima nishcata villajcuna? ¿Tucuicunachu yachachijcuna? ¿Tucuicunachu, pipash na rurai ushanallata rurajcuna? 30¿Tucuicunachu huañujujcunata alichina ushaita Dios carajpi charin? ¿Tucuicunachu shuj shuj rimaita rimajcuna? ¿Tucuicunachu chai rimashcata yalichishpa villajcuna? 31Shina cashcamanda Dios carajpi ruranataca, ashtahuan aliguta mascaichi. Ashtahuangarin cunanga, cai tucuitapash yali ashtahuan juyailla causanagutami, ñucaca cangunaman yachachigrini.
Currently Selected:
1 CORINTIOS 12: QUII
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.
1 CORINTIOS 12
12
Diospaj Espiritumi, imata rurachumbash ushaita caran
1Huauquicuna, panicuna, canguna imata rurai ushachumbash, Diospaj Espíritu caramujujta yachachunmi munani.
2Diosta nara cazushpa causanajushpaca, rimaitapash na rimajuj, yanga dioscunapajman apai tucushpami pandashpa causarcanguichi. Chaitaca, ña yachanguichimi. 3Shinamandami, caita yachachun munani: Maijan cashpapash, Taita Diospaj Espíritu rimachijpi rimajushpaca, Jesusca ninanda llaquichi tucunapachami nishpaca na ninllu. Shinallata, Jesusca ñucata Mandajmi nitaca, pipash na paillata ni ushanllu. Ashtahuangarin Diospaj jucha illaj Espíritu yuyaita cujpillami, shina ni ushan.
4Shina cajpimi, imata rurai ushanacunapash shican shican tian. Shina cajpipash, Diospaj Espirituca paillatami. 5Shinallata Diospajta ruranacunapash, shican shicanmi tian. Shina cajpipash, Apunchi Jesusca paillatami. 6Imata ruranacunapash, shican shicanmi tian. Shina cajpipash, tucui imata ruranacunapipash, paillata rurajuj Taita Diosca paillatami. 7Ashtahuangarin tucuicunapaj ali cachunmi Diosca, paipaj Espirituta tucuicunaman carashpa ricuchijun. 8Diosca, paipaj Espiritumandami, aliguta yachajushcalla shimicunata villachunga tucuicunaman caran. Shujmanga, Diospajta aliguta yachajunatami, chai Espiritullata caramujun. 9Caishujmanga, aligutapacha crinatami, chai Espiritullata caramujun. Caishujmanga, huañujujcunata alichi ushanatami, chai Espiritullata caramujun. 10Shujca, pipash na rurai ushanallata rurai ushachun, shujca Dios villashcata villachunmi, shina caramujun. Shujca, Diospaj Espíritu yarichijpi villajujta, na Diospaj Espíritu yarichijpi villajujta yachai ushachunmi, shina caramujun. Shujca, shuj shuj rimaicunata parlachun, shujca chai shuj shuj rimaicunata yalichishpa villai ushachunmi, chai Espiritullata caramujun. 11Ashtahuangarin cai tucuita ruranacunataca, Diospaj Espiritullatami chaupishpa, pai imashna munashcashna shican shican imata rurai ushachumbash, tucuicunaman caramujun.
12Cuerpoca shujlla cashpapash, imatapash ashtacatami charin. Cuerpoca imatapash ashtacata charishpapash, shujlla cuerpomi. Shinallata Cristopash shujllami. 13Ñucanchica, Judea llacta gentecuna cashpa, griego nishca gentecuna cashpa, gañanguna cashpa, na gañanguna cashpapash, Diospaj shujlla Espiritumanda bautizarishpami, tucuilla shujlla cuerposhnalla canchi. Ñucanchica, chai Espiritutallatami ufiachijpishna chasquircanchi.
14Ashtahuangarin cuerpoca, na shujlla parteta charishpami, ashtaca partecunata charin. 15Chaquica: “Na maqui cashcamandaca, na cuerpopajchu cani” nijushpapash, ¿nachu cuerpopajllata canga? 16Shinallata rinripash: “Na ñavi cashcamandaca, na cuerpopajchu cani” nijushpapash, ¿nachu cuerpopajllata canga? 17Tucui cuerpo ñavi cashca cajpica, ¿maipishi rinrica tiajunman? Tucui cuerpo rinri cashca cajpica, ¿maipishi singaca tiajunman? 18Ashtahuangarin cunanga, Taita Diosmi cuerpopi ima tiachumbash, pai munashcashna churashca. 19Cuerpopi ima tiashcapash, shujlla tiajpica, ¿cuerpoca maipishi tianman? 20Ashtahuangarin cunanga cuerpoca, imatapash ashtacata charishpapash, shujlla cuerpomi.
21Shina cajpica, ñavica: “Canda na minishtinichu” nishpaca, na maquitaca ni ushanllu. Shinallata umapash, chaquitaca: “Cangunataca na minishtinichu” nitaca, na ushanllu. 22Ashtahuangarin cuerpopi tiaj, imatapash na rurai ushanashnallacuna cashpapash, ashtahuan minishtirishcami. 23Cuerpopi ashtahuan pinganayai ricurijcunapirami, ashtahuan aliguta churajunchi. Shinallata na yapa juyailla alichina pinganayaicunatarami, ashtahuan juyailla alichirinchi. 24Ñucanchipi ashtahuan juyailla alichirishca ricurijcunaca, na imatapash minishtinllu. Ashtahuangarin Taita Diosmi, ñucanchi cuerpogutaca aliguta churashca. Maipi imapash nalishnalla ricurijujtaca, ashtahuan ninanda alicachishpami churashca. 25Cuerpopi tiajcunaca, ama shican shican cashpa, caishuj chaishuj ayudarichunmi, Diosca chashna churashca. 26Shina cajpimi, cuerpopi tiajcunamanda shuj nanachijpica, tucuilla paihuan nanachin. Shinallata shuj alicachi tucujpica, tucuillami paihuan cushijun.
27Cangunaca, Cristopaj cuerposhna cashpami, tucuilla chai cuerpo purallata canguichi. 28Shina cajpimi Taita Diosca, huaquingunataca tandanajuj crij purapica, pundaca Jesusmanda villachun cachashcacunata churashca. Chaipaj catica, pai ima nishcata villajcunata, chaipaj catica yachachijcunata, chaipaj catica pipash na rurai ushanallata rurajcunatami churashca. Chaipaj catimi, huañujujcunata alichijcunata, shujcunata ayudajcunata, crijcunata mandajcunata, shuj shuj rimaita rimajcunata churashca. 29Paicunaca, ¿tucuicunachu Jesusmanda villachun cachashcacuna? ¿Tucuicunachu Dios ima nishcata villajcuna? ¿Tucuicunachu yachachijcuna? ¿Tucuicunachu, pipash na rurai ushanallata rurajcuna? 30¿Tucuicunachu huañujujcunata alichina ushaita Dios carajpi charin? ¿Tucuicunachu shuj shuj rimaita rimajcuna? ¿Tucuicunachu chai rimashcata yalichishpa villajcuna? 31Shina cashcamanda Dios carajpi ruranataca, ashtahuan aliguta mascaichi. Ashtahuangarin cunanga, cai tucuitapash yali ashtahuan juyailla causanagutami, ñucaca cangunaman yachachigrini.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.