Ka Rome 5
5
Nza kwelɛŋe le Shala
1Ma tsagha ne, nahe gheɓəmə kenza kambeli nyi tiɗiɗi kwa kema ta Shala laka yɛ. Tsetsenya ne, kwelɛŋe gheɓəmə le Shala laka Nde sleke ɓəmə Yɛsə Kriste. 2Laka Yɛsə ne, wərə gheɓəmə kahendave nda geva ke zlaɓa ta Shala nya nza gheɓəmə mbe tsetsenya. Ma wəsə nya keve ɓəmə zlama ne, ghə nya vate gheɓəmə te kemave zləvəa Shala. 3Ma nya za ma ke nyagha ɓiyitsa ne, kamene fege gheɓəmə te yaka nya sa gheɓəmə, kwa nza ŋkɛ nahe gheɓəmə keɗepe yaka shɛ nde teke ɓəmə zereghe ghena. 4Zereghe ghena nde ve nda berete ke wəndə kanza dɛŋe dɛŋe mbe yaka. Kave nda ve ghə nza dɛŋe dɛŋe ke wəndə. 5Kaghwete ŋkwa ve ghəa shɛ we, kwa nza ŋkɛ nahe Shala keveyi ɗe ta ŋkɛ kwa wənəa ɓəmə laka Sefəa ŋkɛ nya ndeke ɓəmə ŋkɛ.
6Kwa nza ŋkɛ ma vəa ŋkwa nya se gheɓəmə kaka dewə ŋeli ne, nahe Kriste kemte kezha ka jaɗafa te və nya tarete Shala. 7Dzawe nda nza wəndə kayɛhwe mte kezha wəndə nya tiɗiɗi, nda kwete wərə kwete wəndə kahwepete ghə kezha mte te ŋkwa wəndə ganyɛ. 8Ama wa nya wəsə nya kencɛte ɓəmə ɗe ta Shala kaŋa ɓəmə nya: ma vəa ŋkwa nya nza gheɓəmə kaka jaɗafa ne, nahe Kriste kemte kezha gheɓəmə. 9Tsetsenya ne, nahe ŋkɛ keveyi ɓəmə kambeli nyi tiɗiɗi kwa kema ta Shala laka mte ta ŋkɛ. Ma nya za ma ke nya ɓiyitsa ne, laka gheŋkɛ tenza gheɓəmə pələsə va hwepe wənəa Shala. 10Kaka ghema ta Shala se gheɓəmə, ama nahe ŋkɛ ketseɓate ɓəmə le ghəa ŋkɛ laka mte ta Wəzege ta ŋkɛ. Ma kwa nza gheɓəmə ketseɓa tseɓa le, katembele ɓəmə ŋkɛ laka mpia Wəzege ta ŋkɛ. 11Ɓiyitsa ne, kazlama gheɓəmə le Shala laka Nde sleke ɓəmə Yɛsə Kriste nya tseɓate geva gheɓəmə le Shala.
Yɛ Adam le Kriste
12Nahe jaɗafa kese kadzete hɛɗi tewəmbəreke wəndə kwetɛŋe, Adam, tagha gɛ, pa jaɗafa keleke mte. Vatse keseve mbeli pɛtɛ mte, va nya menete jaɗafa hɛ pɛtɛ. 13Ma nda temene geva wəsə mahalegəa Shala ne, jaɗafa ya te hɛɗi. Ama kwa nakama wəsə mahalegəa Shala kase ne, kaɓela jaɗafa ta mbeli Shala we.
14Ndagwara se te vəa Adam hwa'a te ŋa Moyize ne, mte nde sleke mbeli nyi keɗema kemenete jaɗafa kala nya menete Adam. Gheŋkɛ nde ɗema keyɛhwe fete te ghena nya gezeke nda Shala. Adam ya kapa ta wəndə nya ketese. 15Ama kayipəte geva beze ghena ta Adam le wəsə nya ve ɓəmə Shala gəmə we. Kaganda ne, pɛtɛ mbeli kempənji se te ghena nya bezemte wəndə kwetɛŋe, ama za ma zlaɓa ta Shala ba'a wəsə nya ndeke nda ŋkɛ gəmə ke mbeli laka wəndə kwetɛŋe, gheŋkɛ Yɛsə Kriste. 16Nahe Shala kendeke nda fete ke mbeli laka jaɗafa shɛ, ama nahe ŋkɛ kezhɛrete mbeli kambeli nyi tiɗiɗi se te wəsə ve nda ŋkɛ ke hɛ laka zlaɓa ta ŋkɛ, ya kwela bezemte ghena mbeli kwele kwele. Ama zlaɓa ta Shala ne, kahərə ŋkwa ŋkɛ, kave ŋkwa ŋkɛ pɛtɛ tiɗiɗi. 17Kwa nza ŋkɛ, nahe mte kesleke ŋkwa se te fete ta wəndə kwetɛŋe. Ama laka Yɛsə Kriste kwetɛŋe ne, katenza pɛtɛa mbeli nyi kekemave zlaɓa kwele kwele va Shala ba'a nza tiɗiɗi teghweme ba'a kaka meghe laka Kriste.
18Kala nya ndeke nda fete jaɗafa ta wəndə kwetɛŋe, Adam ke mbeli pɛtɛ ne, tsagha mbele mbeli pɛtɛ slene ta wəndə kwetɛŋe, Yɛsə Kriste va meha ghwə ba'a ve mbeli ŋkɛ teghweme. 19Kala nya zhɛrete mbeli kwele kwele fama ghena ta wəndə kwetɛŋe kaka jaɗafa ne, tsagha zhɛrete mbeli kwele kwele fa ghena ta wəndə kwetɛŋe kambeli nyi tiɗiɗi.
20Ma nda se wəsə mahalegəa Shala ne, kezha ncɛ mbake geva ta beze ghena ta mbeli, ama te ŋkwa nya mbakete geva jaɗafa ne, kwele ma mbake geva zlaɓa ta Shala. 21Tsagha gɛ, ma kala nya ncɛ berete ta ŋkɛ jaɗafa laka mte, tsagha ncɛ berete ta ŋkɛ zlaɓa ta Shala laka nza ta mbeli tiɗiɗi, kezha kemave mpi nya kaghala ghala hɛ laka Yɛsə Kriste Nde sleke ɓəmə.
Currently Selected:
Ka Rome 5: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Ka Rome 5
5
Nza kwelɛŋe le Shala
1Ma tsagha ne, nahe gheɓəmə kenza kambeli nyi tiɗiɗi kwa kema ta Shala laka yɛ. Tsetsenya ne, kwelɛŋe gheɓəmə le Shala laka Nde sleke ɓəmə Yɛsə Kriste. 2Laka Yɛsə ne, wərə gheɓəmə kahendave nda geva ke zlaɓa ta Shala nya nza gheɓəmə mbe tsetsenya. Ma wəsə nya keve ɓəmə zlama ne, ghə nya vate gheɓəmə te kemave zləvəa Shala. 3Ma nya za ma ke nyagha ɓiyitsa ne, kamene fege gheɓəmə te yaka nya sa gheɓəmə, kwa nza ŋkɛ nahe gheɓəmə keɗepe yaka shɛ nde teke ɓəmə zereghe ghena. 4Zereghe ghena nde ve nda berete ke wəndə kanza dɛŋe dɛŋe mbe yaka. Kave nda ve ghə nza dɛŋe dɛŋe ke wəndə. 5Kaghwete ŋkwa ve ghəa shɛ we, kwa nza ŋkɛ nahe Shala keveyi ɗe ta ŋkɛ kwa wənəa ɓəmə laka Sefəa ŋkɛ nya ndeke ɓəmə ŋkɛ.
6Kwa nza ŋkɛ ma vəa ŋkwa nya se gheɓəmə kaka dewə ŋeli ne, nahe Kriste kemte kezha ka jaɗafa te və nya tarete Shala. 7Dzawe nda nza wəndə kayɛhwe mte kezha wəndə nya tiɗiɗi, nda kwete wərə kwete wəndə kahwepete ghə kezha mte te ŋkwa wəndə ganyɛ. 8Ama wa nya wəsə nya kencɛte ɓəmə ɗe ta Shala kaŋa ɓəmə nya: ma vəa ŋkwa nya nza gheɓəmə kaka jaɗafa ne, nahe Kriste kemte kezha gheɓəmə. 9Tsetsenya ne, nahe ŋkɛ keveyi ɓəmə kambeli nyi tiɗiɗi kwa kema ta Shala laka mte ta ŋkɛ. Ma nya za ma ke nya ɓiyitsa ne, laka gheŋkɛ tenza gheɓəmə pələsə va hwepe wənəa Shala. 10Kaka ghema ta Shala se gheɓəmə, ama nahe ŋkɛ ketseɓate ɓəmə le ghəa ŋkɛ laka mte ta Wəzege ta ŋkɛ. Ma kwa nza gheɓəmə ketseɓa tseɓa le, katembele ɓəmə ŋkɛ laka mpia Wəzege ta ŋkɛ. 11Ɓiyitsa ne, kazlama gheɓəmə le Shala laka Nde sleke ɓəmə Yɛsə Kriste nya tseɓate geva gheɓəmə le Shala.
Yɛ Adam le Kriste
12Nahe jaɗafa kese kadzete hɛɗi tewəmbəreke wəndə kwetɛŋe, Adam, tagha gɛ, pa jaɗafa keleke mte. Vatse keseve mbeli pɛtɛ mte, va nya menete jaɗafa hɛ pɛtɛ. 13Ma nda temene geva wəsə mahalegəa Shala ne, jaɗafa ya te hɛɗi. Ama kwa nakama wəsə mahalegəa Shala kase ne, kaɓela jaɗafa ta mbeli Shala we.
14Ndagwara se te vəa Adam hwa'a te ŋa Moyize ne, mte nde sleke mbeli nyi keɗema kemenete jaɗafa kala nya menete Adam. Gheŋkɛ nde ɗema keyɛhwe fete te ghena nya gezeke nda Shala. Adam ya kapa ta wəndə nya ketese. 15Ama kayipəte geva beze ghena ta Adam le wəsə nya ve ɓəmə Shala gəmə we. Kaganda ne, pɛtɛ mbeli kempənji se te ghena nya bezemte wəndə kwetɛŋe, ama za ma zlaɓa ta Shala ba'a wəsə nya ndeke nda ŋkɛ gəmə ke mbeli laka wəndə kwetɛŋe, gheŋkɛ Yɛsə Kriste. 16Nahe Shala kendeke nda fete ke mbeli laka jaɗafa shɛ, ama nahe ŋkɛ kezhɛrete mbeli kambeli nyi tiɗiɗi se te wəsə ve nda ŋkɛ ke hɛ laka zlaɓa ta ŋkɛ, ya kwela bezemte ghena mbeli kwele kwele. Ama zlaɓa ta Shala ne, kahərə ŋkwa ŋkɛ, kave ŋkwa ŋkɛ pɛtɛ tiɗiɗi. 17Kwa nza ŋkɛ, nahe mte kesleke ŋkwa se te fete ta wəndə kwetɛŋe. Ama laka Yɛsə Kriste kwetɛŋe ne, katenza pɛtɛa mbeli nyi kekemave zlaɓa kwele kwele va Shala ba'a nza tiɗiɗi teghweme ba'a kaka meghe laka Kriste.
18Kala nya ndeke nda fete jaɗafa ta wəndə kwetɛŋe, Adam ke mbeli pɛtɛ ne, tsagha mbele mbeli pɛtɛ slene ta wəndə kwetɛŋe, Yɛsə Kriste va meha ghwə ba'a ve mbeli ŋkɛ teghweme. 19Kala nya zhɛrete mbeli kwele kwele fama ghena ta wəndə kwetɛŋe kaka jaɗafa ne, tsagha zhɛrete mbeli kwele kwele fa ghena ta wəndə kwetɛŋe kambeli nyi tiɗiɗi.
20Ma nda se wəsə mahalegəa Shala ne, kezha ncɛ mbake geva ta beze ghena ta mbeli, ama te ŋkwa nya mbakete geva jaɗafa ne, kwele ma mbake geva zlaɓa ta Shala. 21Tsagha gɛ, ma kala nya ncɛ berete ta ŋkɛ jaɗafa laka mte, tsagha ncɛ berete ta ŋkɛ zlaɓa ta Shala laka nza ta mbeli tiɗiɗi, kezha kemave mpi nya kaghala ghala hɛ laka Yɛsə Kriste Nde sleke ɓəmə.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.