Ka Rome 11
11
Keneghamte ka Israyɛl Shala we
1Tagha gɛ, ma 'ya sha 'yɛwe: Nahe Shala keneghakɛ mbelia ŋkɛ na? Tsagha we. Kwa nza ŋkɛ nde Israyɛl 'ya le ghəa ɗa, hwelefe ta Abraham, wəndə nya kwa yita ta Bɛnjamɛn. 2Keneghamte mbelia ŋkɛ nyi ntave ŋkɛ vəashi kaŋa ŋkɛ Shala we. Keɗepe ghena nya gezete Ghena ta Shala te Ɛli kwa ŋgaɗe ghə ŋkɛ va ka Israyɛl kwa kema ta Shala yɛ wəka? 3Ma ke: «Mahwətə, nahe hɛ kempəmte ka mɛ ŋkwa ta ŋa ba'a keŋzlamte reghwetɛa ŋa. Tene 'ya kwetɛŋe ɗa, 'ya yaghweze hɛ kezha pesle ɗa.» 4Tsema zhɛnete nda Shala wa? Ma ke shɛ: «Nahe 'ya keveyi mbeli slibə mberefaŋe nyi keɗema kagwəɗəŋə mbe kema ta Ba'al#11.4 Ba'al: sləa shala ta mbeli nyi kese vəashi te hɛɗia ka Kana, gheŋkɛ yahawe hɛ ve. kaŋa ɗa.» 5Tsagha tsetsenya ne, nahe mbeli nyi tsehave Shala ɓɛhwɛ le zlaɓa ta ŋkɛ ketene. 6Ma kenza nde laka zlaɓa ta ŋkɛ tsehave hɛ ŋkɛ ne, kenza laka slene ta nci we. Ma nda tsagha ŋkɛ ne, katenza zlaɓa ta Shala gəmə we.
7Tsema ɗe ŋkɛ kageze wa? Kekemave wəsə nya zele hɛ ka Israyɛl we. Deke mbeli nyi tsehave Shala ka kemave. Ma kweci mbeli ne, ntɛaŋe ntɛaŋe zhɛrenji ghəa nci, 8kwa nza ŋkɛ ma ke Ghena ta Shala: «Nahe Shala kezhɛrete mehele ta nci ntɛaŋe ntɛaŋe, nahe ŋkɛ kefɛake ntsə ta nci kenewe ŋkwa ba'a sleme ta nci kefa ghena pa ɓeshi nya.»
9Ma ke David perə:
«Nza wəshi kezeme ta nci kakeleŋa kezha hɛ,
kaki nya bete hɛ kwa,
katehene ketsa hɛ ba'a kazhɛme nya ŋ'we hɛ.
10Ghwələpənji ntsə ta nci
kezha shɛma hɛ nakɛ ŋkwa,
ŋeŋa geva wəmbə te hɛ kevə kevə.»
11Ma 'ya sha 'yɛwe gɛ: ma kwa tsakɛ ka Zhəwif tehene ne, nahe hɛ kebetenji fəyitekeghə na? Kenza ŋkɛ tsagha we. Ama te zlaɓa ta beze ghena ta nci mbelenji kweci hwelefefi kezha mbake geva zlɛa ka Zhəwif. 12Ma kenza nde beze ghena ta nci nde mbakete nda mcɛlə ke mbeli nyi te hɛɗi pɛtɛ ne, dzeyi ta nci te sebe nde zhɛrete kweci hwelefefi kaka mcɛlə ne, tsema tenza ŋkɛ vəa ŋkwa nya tezhɛre nda geva hɛ fate fate ke mbele wa?
Mbele ta kweci hwelefefi
13Ke gheyɛ kweci hwelefefi geze ŋayɛ ghena 'ya: Wəndə nya ghwenakɛ Yɛsə Kriste sha kweci hwelefefi 'ya. Tsagha ne, kave zləvə 'ya te slene ta ɗa shɛ 14laka ve ghə te mtsehe zlɛa mbeli nyi mbe hwelefe ta ɗa ba'a kezha mbele kweci mbelia nci. 15Kwa nza ŋkɛ ma kwa veyi geva hɛ va bela ne, kezha tseɓate geva hɛɗi lema le Shala. Wa nde temene Ma kese hɛ zhɛkwa kambelia Shala ne, kala mbeli nyi kelakame hɛ Shala same kwa kwele le mpi kele hɛ ŋkɛ.
16Ma keveyi geva kwa ghate ta bela ta ɗafa kaŋa Shala ne, nahe pɛtɛ nya ketene ɗafa shɛ kenza kaŋa ŋkɛ perə. Ma keveyi slərəa wəfe mbeli kaŋa Shala ne, kaŋa ŋkɛ tenza dzeve ta wəfea shɛ perə. 17Nahe ka Zhəwif kenza kala wəfe nya mɓete mbeli, nya tsaslemte kweci dzeve ta ŋkɛ mbeli. Nahe gha nya keɗema kande Zhəwif kenza kala dzeve ta wəfe nya hwa gamba, nahe mbeli kendeɓate ŋa te ŋkwa nci: deme yafa na tsetsenya le dzevea shɛhɛ te ŋkwa ganyɛ nya mbe yɛ slərəa ŋkɛ. 18Vatse gɛ ne, kashɛ na yiɗə dzeve ta wəfe nyi tsaslemte mbeli we. Tsema mene fege na wa? Gha yase slərə te we, ama gha nde se te slərə.
19Nda kwete ma pa na sha tegeze: «Nahe mbeli ketsaslemte dzeve ta wəfea shɛ kezha ndeɓe ɗa kadzete ŋkwa nci.» 20Kaganda ŋa, nahe hɛ ketsaslemte geva va nya ɗema yɛ va hɛ. Gha ɓiyitsa, te ŋkwa nci nza na va nya nza yɛ va gha. Ama menema fege na ma, megela ma ghazlənə na. 21Ma kaɗema Shala kesərəakɛ dzeve ta wəfe nya kepese te ne, halama gha nya kendeɓate geva te yatesərə ŋkɛ na? 22Newema tsema tsema nza Shala ganyɛke ba'a ghyanake: nahe ŋkɛ kenza ghyanake laka mbeli nyi kebetenji ba'a ganyɛke laka gha. Ama nda na kanza dɛŋe dɛŋe te ganyɛa ŋkɛ. Ma keɗema ŋkɛ tsagha ne, katetsaslemte geva na kala dzeve ta wəfe. 23Ama kesərəakɛ fama ghena ta nci ka Zhəwif ne, katendeɓe hɛ Shala kadzete ŋkwa nya se hɛ vəashi, kwa nza ŋkɛ berete ya va Shala kazhɛne kandeɓe hɛ. 24Kwa nza ŋkɛ ma gha ne, dzeve ta wəfe nya hwa gamba na. Nahe Shala ketsasleve ŋa ba'a kendeɓate ŋa te wəfe nya mɓete mbeli kaɗema kala nya kemenete geva. Kadzeve nyi te wəfe nya mɓete mbeli ka Zhəwif. Vatse gɛ, dekwede ma ndeɓe geva hɛ kadzete wəfe nya se hɛ.
Pɛtɛ tembele ta ka Zhəwif
25Ka kesaka ma, kaɗe 'ya kancɛ ŋayɛ ghena nya wəba nya, kezha ɗema yɛ kave ghəa ŋayɛ kaka ɗepe wəshi: kwete bela ta ka Israyɛl nyi dewə berete ta nci kafave ghena shɛ hwa'a te və nya kemave mbele pɛtɛa kweci hwelefefi ya shɛ. 26Tsetse ne, katembelemte geva pɛtɛa ka Israyɛl, kwa nza ŋkɛ ma ke rafete geva:
«Katese nde tsa ŋkwa same kwa dəŋwə mbe Siyon,
katekelemte fama ghena ta hwelefefia Zhakob ŋkɛ.
27Nya ya kajikə geva nya temene 'ya le hɛ,
vəa ŋkwa nya tekelemte jaɗafa ta nci 'ya.»
28Ma va nya ɗema Ghena kwatenca nya ganyɛ ka Zhəwif ne, nahe hɛ kezhɛrenji kaka jaga ta Shala kezha ganyɛa ŋayɛ. Ma kenakɛ nta nya ntave hɛ Shala wəndə ne, kaka jiwəni ta Shala hɛ tewəmbəreke ka shihɛ nci. 29Kwa nza ŋkɛ ne, kazhɛne nya ndeke nda ŋkɛ ke wəndə Shala we, kazhɛre nda mehele ŋkɛ ke mbeli nyi hekakɛ ŋkɛ we. 30Kwa nza ŋkɛ kaghate ne, kese yɛ kafa nda ghena ke Shala we, ama nahe Shala kezhɛakɛ heli yitea gheyɛ, va nya ɗema ka Zhəwif kefate nda ghena ta ŋkɛ. 31Tsagha ŋkɛ tsetsenya, nahe hɛ kesərəakɛ ghena ta Shala kezha kemave zhɛ helia ŋkɛ yɛ, kezha kemave zhɛ heli Shala hɛ laka ŋa nci və perə. 32Kwa nza ŋkɛ pɛtɛ zhɛrete mbeli Shala kaka mavashia jaɗafa kezha ncɛ nda zhɛ helia ŋkɛ ke mbeli pɛtɛ.
Shala ya kwele
33Wəbake mcɛləa Shala deŋwa! Nahe ɗepe wəsə ta ŋkɛ ba'a ntsehwelea ŋkɛ kenza dzawe deŋwa! Wa nde nza kaɗepete ghwə nya temeha Shala wa? Wa nde nza kaɗepe wəshi nyi mene ŋkɛ wa? 34Kwa nza ŋkɛ ma ke Ghena ta Shala:
«Wa nde ɗepe wəshi nyi zəzə Mahwətə wa?
Wa wəndə nya kenza kancɛte nda ghena wa?
35Wa nde ndeke nda wəsə kaghate, kezha ŋki nda ŋkɛ mbeli kwa sebe wa?»
36Kwa nza ŋkɛ ve se pɛtɛa wəshi, nahe pɛtɛa wəshi kenza laka gheŋkɛ ba'a kezha gheŋkɛ. Ŋa ŋkɛ nza zləvə kaghala ghala. Amɛn.
Currently Selected:
Ka Rome 11: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Ka Rome 11
11
Keneghamte ka Israyɛl Shala we
1Tagha gɛ, ma 'ya sha 'yɛwe: Nahe Shala keneghakɛ mbelia ŋkɛ na? Tsagha we. Kwa nza ŋkɛ nde Israyɛl 'ya le ghəa ɗa, hwelefe ta Abraham, wəndə nya kwa yita ta Bɛnjamɛn. 2Keneghamte mbelia ŋkɛ nyi ntave ŋkɛ vəashi kaŋa ŋkɛ Shala we. Keɗepe ghena nya gezete Ghena ta Shala te Ɛli kwa ŋgaɗe ghə ŋkɛ va ka Israyɛl kwa kema ta Shala yɛ wəka? 3Ma ke: «Mahwətə, nahe hɛ kempəmte ka mɛ ŋkwa ta ŋa ba'a keŋzlamte reghwetɛa ŋa. Tene 'ya kwetɛŋe ɗa, 'ya yaghweze hɛ kezha pesle ɗa.» 4Tsema zhɛnete nda Shala wa? Ma ke shɛ: «Nahe 'ya keveyi mbeli slibə mberefaŋe nyi keɗema kagwəɗəŋə mbe kema ta Ba'al#11.4 Ba'al: sləa shala ta mbeli nyi kese vəashi te hɛɗia ka Kana, gheŋkɛ yahawe hɛ ve. kaŋa ɗa.» 5Tsagha tsetsenya ne, nahe mbeli nyi tsehave Shala ɓɛhwɛ le zlaɓa ta ŋkɛ ketene. 6Ma kenza nde laka zlaɓa ta ŋkɛ tsehave hɛ ŋkɛ ne, kenza laka slene ta nci we. Ma nda tsagha ŋkɛ ne, katenza zlaɓa ta Shala gəmə we.
7Tsema ɗe ŋkɛ kageze wa? Kekemave wəsə nya zele hɛ ka Israyɛl we. Deke mbeli nyi tsehave Shala ka kemave. Ma kweci mbeli ne, ntɛaŋe ntɛaŋe zhɛrenji ghəa nci, 8kwa nza ŋkɛ ma ke Ghena ta Shala: «Nahe Shala kezhɛrete mehele ta nci ntɛaŋe ntɛaŋe, nahe ŋkɛ kefɛake ntsə ta nci kenewe ŋkwa ba'a sleme ta nci kefa ghena pa ɓeshi nya.»
9Ma ke David perə:
«Nza wəshi kezeme ta nci kakeleŋa kezha hɛ,
kaki nya bete hɛ kwa,
katehene ketsa hɛ ba'a kazhɛme nya ŋ'we hɛ.
10Ghwələpənji ntsə ta nci
kezha shɛma hɛ nakɛ ŋkwa,
ŋeŋa geva wəmbə te hɛ kevə kevə.»
11Ma 'ya sha 'yɛwe gɛ: ma kwa tsakɛ ka Zhəwif tehene ne, nahe hɛ kebetenji fəyitekeghə na? Kenza ŋkɛ tsagha we. Ama te zlaɓa ta beze ghena ta nci mbelenji kweci hwelefefi kezha mbake geva zlɛa ka Zhəwif. 12Ma kenza nde beze ghena ta nci nde mbakete nda mcɛlə ke mbeli nyi te hɛɗi pɛtɛ ne, dzeyi ta nci te sebe nde zhɛrete kweci hwelefefi kaka mcɛlə ne, tsema tenza ŋkɛ vəa ŋkwa nya tezhɛre nda geva hɛ fate fate ke mbele wa?
Mbele ta kweci hwelefefi
13Ke gheyɛ kweci hwelefefi geze ŋayɛ ghena 'ya: Wəndə nya ghwenakɛ Yɛsə Kriste sha kweci hwelefefi 'ya. Tsagha ne, kave zləvə 'ya te slene ta ɗa shɛ 14laka ve ghə te mtsehe zlɛa mbeli nyi mbe hwelefe ta ɗa ba'a kezha mbele kweci mbelia nci. 15Kwa nza ŋkɛ ma kwa veyi geva hɛ va bela ne, kezha tseɓate geva hɛɗi lema le Shala. Wa nde temene Ma kese hɛ zhɛkwa kambelia Shala ne, kala mbeli nyi kelakame hɛ Shala same kwa kwele le mpi kele hɛ ŋkɛ.
16Ma keveyi geva kwa ghate ta bela ta ɗafa kaŋa Shala ne, nahe pɛtɛ nya ketene ɗafa shɛ kenza kaŋa ŋkɛ perə. Ma keveyi slərəa wəfe mbeli kaŋa Shala ne, kaŋa ŋkɛ tenza dzeve ta wəfea shɛ perə. 17Nahe ka Zhəwif kenza kala wəfe nya mɓete mbeli, nya tsaslemte kweci dzeve ta ŋkɛ mbeli. Nahe gha nya keɗema kande Zhəwif kenza kala dzeve ta wəfe nya hwa gamba, nahe mbeli kendeɓate ŋa te ŋkwa nci: deme yafa na tsetsenya le dzevea shɛhɛ te ŋkwa ganyɛ nya mbe yɛ slərəa ŋkɛ. 18Vatse gɛ ne, kashɛ na yiɗə dzeve ta wəfe nyi tsaslemte mbeli we. Tsema mene fege na wa? Gha yase slərə te we, ama gha nde se te slərə.
19Nda kwete ma pa na sha tegeze: «Nahe mbeli ketsaslemte dzeve ta wəfea shɛ kezha ndeɓe ɗa kadzete ŋkwa nci.» 20Kaganda ŋa, nahe hɛ ketsaslemte geva va nya ɗema yɛ va hɛ. Gha ɓiyitsa, te ŋkwa nci nza na va nya nza yɛ va gha. Ama menema fege na ma, megela ma ghazlənə na. 21Ma kaɗema Shala kesərəakɛ dzeve ta wəfe nya kepese te ne, halama gha nya kendeɓate geva te yatesərə ŋkɛ na? 22Newema tsema tsema nza Shala ganyɛke ba'a ghyanake: nahe ŋkɛ kenza ghyanake laka mbeli nyi kebetenji ba'a ganyɛke laka gha. Ama nda na kanza dɛŋe dɛŋe te ganyɛa ŋkɛ. Ma keɗema ŋkɛ tsagha ne, katetsaslemte geva na kala dzeve ta wəfe. 23Ama kesərəakɛ fama ghena ta nci ka Zhəwif ne, katendeɓe hɛ Shala kadzete ŋkwa nya se hɛ vəashi, kwa nza ŋkɛ berete ya va Shala kazhɛne kandeɓe hɛ. 24Kwa nza ŋkɛ ma gha ne, dzeve ta wəfe nya hwa gamba na. Nahe Shala ketsasleve ŋa ba'a kendeɓate ŋa te wəfe nya mɓete mbeli kaɗema kala nya kemenete geva. Kadzeve nyi te wəfe nya mɓete mbeli ka Zhəwif. Vatse gɛ, dekwede ma ndeɓe geva hɛ kadzete wəfe nya se hɛ.
Pɛtɛ tembele ta ka Zhəwif
25Ka kesaka ma, kaɗe 'ya kancɛ ŋayɛ ghena nya wəba nya, kezha ɗema yɛ kave ghəa ŋayɛ kaka ɗepe wəshi: kwete bela ta ka Israyɛl nyi dewə berete ta nci kafave ghena shɛ hwa'a te və nya kemave mbele pɛtɛa kweci hwelefefi ya shɛ. 26Tsetse ne, katembelemte geva pɛtɛa ka Israyɛl, kwa nza ŋkɛ ma ke rafete geva:
«Katese nde tsa ŋkwa same kwa dəŋwə mbe Siyon,
katekelemte fama ghena ta hwelefefia Zhakob ŋkɛ.
27Nya ya kajikə geva nya temene 'ya le hɛ,
vəa ŋkwa nya tekelemte jaɗafa ta nci 'ya.»
28Ma va nya ɗema Ghena kwatenca nya ganyɛ ka Zhəwif ne, nahe hɛ kezhɛrenji kaka jaga ta Shala kezha ganyɛa ŋayɛ. Ma kenakɛ nta nya ntave hɛ Shala wəndə ne, kaka jiwəni ta Shala hɛ tewəmbəreke ka shihɛ nci. 29Kwa nza ŋkɛ ne, kazhɛne nya ndeke nda ŋkɛ ke wəndə Shala we, kazhɛre nda mehele ŋkɛ ke mbeli nyi hekakɛ ŋkɛ we. 30Kwa nza ŋkɛ kaghate ne, kese yɛ kafa nda ghena ke Shala we, ama nahe Shala kezhɛakɛ heli yitea gheyɛ, va nya ɗema ka Zhəwif kefate nda ghena ta ŋkɛ. 31Tsagha ŋkɛ tsetsenya, nahe hɛ kesərəakɛ ghena ta Shala kezha kemave zhɛ helia ŋkɛ yɛ, kezha kemave zhɛ heli Shala hɛ laka ŋa nci və perə. 32Kwa nza ŋkɛ pɛtɛ zhɛrete mbeli Shala kaka mavashia jaɗafa kezha ncɛ nda zhɛ helia ŋkɛ ke mbeli pɛtɛ.
Shala ya kwele
33Wəbake mcɛləa Shala deŋwa! Nahe ɗepe wəsə ta ŋkɛ ba'a ntsehwelea ŋkɛ kenza dzawe deŋwa! Wa nde nza kaɗepete ghwə nya temeha Shala wa? Wa nde nza kaɗepe wəshi nyi mene ŋkɛ wa? 34Kwa nza ŋkɛ ma ke Ghena ta Shala:
«Wa nde ɗepe wəshi nyi zəzə Mahwətə wa?
Wa wəndə nya kenza kancɛte nda ghena wa?
35Wa nde ndeke nda wəsə kaghate, kezha ŋki nda ŋkɛ mbeli kwa sebe wa?»
36Kwa nza ŋkɛ ve se pɛtɛa wəshi, nahe pɛtɛa wəshi kenza laka gheŋkɛ ba'a kezha gheŋkɛ. Ŋa ŋkɛ nza zləvə kaghala ghala. Amɛn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.