Matiye 25
25
Yipə pa te deghelɛshi meŋe
1Yipə yipə tenza Meghe nya pelɛ ghweme le deghelɛshi meŋe nyi kekelete paterela kalə kabegeme le za makwa. 2Kweci mcɛfe ne, kaka ɓaŋara hɛ, kweci mcɛfe ne, kentsehwele ntsehwele hɛ. 3Pa ka ɓaŋara nyi hwa hɛ kelete paterela ta nci, ama kese hɛ kakele kwalaba ta n'yi we. 4Pa ka ntsehwele ntsehwele shɛhɛ kelete paterela ba'a n'yi kwa kwalaba yitea dzeve ta nci. 5Ma kwa dera za makwa kaɗema kese kahe kahe ne, pɛtɛ hɛ dzetenji te hɛ.
6Ma te tepe ta viɗi ne, ma ke mbeli zlapete: Nahe za makwa kese. Sate mə kakemane ŋkɛ. 7Feɗeghakwe deghelɛshi shɛhɛ, ntake hɛ kahi paterela ta nci. 8Ma ke ka ɓaŋara kɛfi nyighɛ sha ka ntsehwele ntsehwele: Gəave n'yɛ mə n'yia ŋayɛ ɓɛhwɛ kadzawa paterela ta n'yɛ nza ŋkɛ kamte gi! 9Ma ke ka ntsehwele ntsehwele sha hɛ: Ewə, dewə kezha neheve gheɓəmə le gheyɛ. Kwiɗi mə kalə kapa ŋa ŋayɛ. 10Cape ka ɓaŋara kalə kapa n'yi. Ma kalənji hɛ ne, pɛkwe za makwa. Ma nyi mcɛfe nyi kehite geva ne, shilimə hɛ ki ghɛ yitea veghe, jaslɛ mbeli ŋzlete degha le lakelɛ. 11Temə ɓɛhwɛ ne, pɛkwe kweci deghelɛshi nyi mcɛfe. Ma ke hɛ: Nde sleke ŋkwa, Nde sleke ŋkwa, pelemte n'yɛ mə ŋkwa gi! 12Ma ke za makwa sha hɛ: Kaganda ne, ma 'ya sha gheyɛ: keɗepe ŋayɛ 'ya we.
13Ma ke Yɛsə mtsehete: Ntsehwele mə, kwa nza ŋkɛ keɗepe vecia shɛ keɗema vəa shɛ yɛ we.
Yipə pa te ka mavashi mahekene
(LWK 19.11-27)
14Katenza ŋkɛ kala wəndə nya kedzehwa mte. Pa ŋkɛ hekakɛ ka mavashia ŋkɛ ba'a dapate nda wəshia ŋkɛ te dzeve ke hɛ. 15Mcɛfe sha miliyeŋə va kwete, bake va kwete, təhə va nde maheke. Keberete keberete neheve nda ŋkɛ ke hɛ. Pa ŋkɛ lənyɛ yitea dzeghwa. 16Ma wəndə nya ndeke nda miliyeŋə mcɛfe mbeli ne, taghanyɛ lə ŋkɛ kafəlite fəli le, pa kemave meleɓe miliyeŋə mcɛfe kala ghəa cɛdɛa ŋkɛ. 17Ma wəndə nya ndeke nda miliyeŋə bake mbeli ne, pa ŋkɛ menete kala nde ghate. Pa ŋkɛ kemave meleɓe kamiliyeŋə bake. 18Ma wəndə nya ndeke nda miliyeŋə mbeli kwetɛŋe, pa late ki, pa wəfərəakɛ cɛdɛa nde sleke ŋkɛ kwa.
19Kwetere wəmbəa temə kwele kwele ne, hwa'a nde sleke ka mene slenea shɛhɛ se. Pa ŋkɛ 'yɛwete wəsə nya menete hɛ le cɛdɛa ŋkɛ va hɛ. 20Ma wəndə nya ndeke nda miliyeŋə mcɛfe mbeli ne, pa hendave nda geva ke nde sleke ŋkɛ. Ma ke shɛ: Nde sleke ɗa, miliyeŋə mcɛfe ndeke ɗa na. Wa nyi kweci nyi mcɛfe nyi kemave 'ya kameleɓe. 21Ma ke nde sleke ŋkɛ shɛ: Yewə, wəndə nya ganyɛa mehele na, mava nya dɛŋe dɛŋe te slene ta ŋkɛ na, ma va nya nza na dɛŋe dɛŋe te mene wəshi nyi ɓɛhwɛ ɓɛhwɛ ne, kateve ŋa 'ya kawəndə nya wəba te ghəa wəshi nyi kwele kwele, nde kazlama mə. 22Ma wəndə nya ndeke nda miliyeŋə mbeli bake ne, pa hendeke nda geva ke maze zhɛkwa. Ma ke shɛ: Nde sleke ɗa, miliyeŋə bake ndeke ɗa na. Wa nyi kweci nyi bake nyi kemave 'ya kameleɓe. 23Ma ke nde sleke ŋkɛ shɛ: Yewə, wəndə nya ganyɛa mehele na, mava nya dɛŋe dɛŋe te slene ta ŋkɛ na, ma va nya nza na dɛŋe dɛŋe te mene wəshi nyi ɓɛhwɛ ɓɛhwɛ ne, kateve ŋa 'ya kawəndə nya wəba te ghəa wəshi nyi kwele kwele, nde kazlama mə. 24Kakwa keɗaŋe ne, pɛkwe wəndə nya kekelete miliyeŋə kwetɛŋe. Ma ke: Nde sleke ɗa, nahe 'ya keɗepe dzawe na, katsa ha ta wəndə na kadzawa tame ta ŋa ya gha tsawetema ha. Katsene wəshi na te ŋkwa nya wəzatema na. 25Pa ghazlənə zhɛte ɗa. Pa 'ya late ki, pa 'ya wəfərəakɛ cɛdɛa ŋa kwa. Wa nya wəsəa ŋa nya. 26Ma ke nde sleke ŋkɛ shɛ: Mava nya kande mefətekwə ba'a nya kande meɗə na. Nahe na keɗepe katsa ha 'ya te ŋkwa nya wəzatema 'ya ba'a katsene wəshi 'ya te ŋkwa nya wəzatema 'ya. 27Wa raberə ɗema na keveyi ɗa cɛdɛa ɗa kakane wa? Nza kese 'ya ne, kakele cɛdɛa ɗa 'ya le meleɓe. 28Kelehwe mə cɛdɛa shɛ ve, ndeke nda mə ŋkɛ ke wəndə nya nza miliyeŋə meŋe ve. 29Kwa nza nde ma wəndə nya nza wəsə ve, mbake yambake nda mbeli yitea nza ŋkɛ kwele kwele ve. Ma wəndə nya ɗema wəsə ve ne, kele yakele nya ve mbeli ya kwela nza ŋkɛ ɓɛhwɛ. 30Ma mava nya kameɗə nya ne, negheyi mə ŋkɛ pelɛ hwa ŋkwesle. Tagha ne, katenehwene ba'a katenca slene ŋkɛ.
Ghwə nya temeha Shala te mbeli və nya tekiɗi hɛɗi
31Ma vəa ŋkwa nya tesawa Wəzege ta za mbe zləvəa ŋkɛ le ka ghwene ta Shala ne, katentishɛ ŋkɛ pelɛ pasla ta ŋkɛ nya nza zləvə te. 32Katetsene geva pɛtɛa hwelefefia mbeli kwa kema ta ŋkɛ nda tetsewele mbeli ŋkɛ kala nya tsewele yɛ kwi le timɛti nde ya wəshi. 33Te kwa zeme ta ŋkɛ tenza timɛti, te kwa gwela ta ŋkɛ tenza kwi. 34Ma ke meghe sha tegeze nda ke mbeli nyi te kwa zeme ta ŋkɛ: Nde mə, gheyɛ mbeli nyi wəpikɛ Yiteyɛ ɗa, dzembe mə Meghe nya hite ŋayɛ ŋkɛ vəashi ghala pate geva hɛɗi. 35Kwa nza ŋkɛ shewə se 'ya va ma, nahe yɛ keɗave ɗa wəsə kezeme, shewə se 'ya va ndere, nahe yɛ kesame ɗa yɛmə, kande se se se 'ya, pa yɛ kemaneve ɗa ki ghɛa ŋayɛ. 36Wəsə shɛ kese kənəa geva va 'ya we, nahe yɛ keseɗaghe ɗa lekwesa, shewə se 'ya, nahe yɛ kese kənəa 'ya yɛ shanda, kwa daŋgayɛ se 'ya, nahe yɛ kese kanewe ɗa. 37Ma ke mbeli nyi tiɗiɗi shɛhɛ sha tezhɛne nda: Nde sleke ŋkwa, hweŋkwa nakɛ ŋa ghen'yɛ shewə va ma nda ndeke ŋa wəsə kezeme ghen'yɛ wa? Shewə va ndere nda same ŋa yɛmə ghen'yɛ wa? 38Hweŋkwa nakɛ ŋa ghen'yɛ kande se se nda kemaneve ŋa ghen'yɛ ki ghɛa n'yɛ, kaɗema wəsə kənəa geva va gha nda seɗaghe ŋa lekwesa ghen'yɛ wa? 39Hweŋkwa nakɛ ŋa ghen'yɛ shewə ba'a kwa daŋgayɛ nda se ghen'yɛ kanewe ŋa wa? 40Ma ke meghe sha tezhɛne nda ke hɛ: Kaganda ne, ma 'ya sha gheyɛ: yayata wəsə nya menete nda yɛ ke kwete kwetɛŋe hwa ka dewə ŋeli ma nyi kaka kesaka meyɛ ɗa ne, ke 'ya menete ɗa ŋkɛ yɛ.
41Ma ke meghe sha tegeze nda ke nyi te kwa gwela ta ŋkɛ: Slə mə teke vare 'ya, gheyɛ ka bezla bezla. Kwiɗi mə kadzembe ghwə nya kaghala ghala nya hite Shala kezha gətəli ba'a ka ghwene ta ŋkɛ. 42Kwa nza ŋkɛ shewə se 'ya va ma, keɗave ɗa wəsə kezeme yɛ we, shewə se 'ya va ndere, kesame ɗa yɛmə yɛ we. 43Ma kwa se 'ya kande se se ne, kese yɛ kakemane ɗa ki ghɛa ŋayɛ we. Wəsə shɛ kese kənəa geva va 'ya we, keseɗaghe ɗa lekwesa yɛ we. Ma kwa nza 'ya shewə ba'a kwa daŋgayɛ, kese yɛ kanewe ɗa we. 44Ma ke hɛ sha tezhɛne nda: Nde sleke ŋkwa, hweŋkwa nakɛ ŋa ghen'yɛ shewə va ma, ndere, kande se se, kaɗema wəsə kənəa gha, shewə va zereghwe ba'a kwa daŋgayɛ na, nda ɗema ghen'yɛ kakemane ŋa wa? 45Ma ke meghe sha tezhɛne nda ke hɛ: Kaganda ne, ma 'ya sha gheyɛ: kwa ɗema yɛ kemenete nda ke kwete kwetɛŋe hwa ka dewə ŋeli ma shɛhɛ ne, ke 'ya sema yɛ kamene nda. 46Kateŋka hɛ mbeli kadzembe yaka kaghala ghala, ama mbeli nyi tiɗiɗi ne, mbe mpi nya kaghala ghala tenza hɛ.»
Currently Selected:
Matiye 25: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Matiye 25
25
Yipə pa te deghelɛshi meŋe
1Yipə yipə tenza Meghe nya pelɛ ghweme le deghelɛshi meŋe nyi kekelete paterela kalə kabegeme le za makwa. 2Kweci mcɛfe ne, kaka ɓaŋara hɛ, kweci mcɛfe ne, kentsehwele ntsehwele hɛ. 3Pa ka ɓaŋara nyi hwa hɛ kelete paterela ta nci, ama kese hɛ kakele kwalaba ta n'yi we. 4Pa ka ntsehwele ntsehwele shɛhɛ kelete paterela ba'a n'yi kwa kwalaba yitea dzeve ta nci. 5Ma kwa dera za makwa kaɗema kese kahe kahe ne, pɛtɛ hɛ dzetenji te hɛ.
6Ma te tepe ta viɗi ne, ma ke mbeli zlapete: Nahe za makwa kese. Sate mə kakemane ŋkɛ. 7Feɗeghakwe deghelɛshi shɛhɛ, ntake hɛ kahi paterela ta nci. 8Ma ke ka ɓaŋara kɛfi nyighɛ sha ka ntsehwele ntsehwele: Gəave n'yɛ mə n'yia ŋayɛ ɓɛhwɛ kadzawa paterela ta n'yɛ nza ŋkɛ kamte gi! 9Ma ke ka ntsehwele ntsehwele sha hɛ: Ewə, dewə kezha neheve gheɓəmə le gheyɛ. Kwiɗi mə kalə kapa ŋa ŋayɛ. 10Cape ka ɓaŋara kalə kapa n'yi. Ma kalənji hɛ ne, pɛkwe za makwa. Ma nyi mcɛfe nyi kehite geva ne, shilimə hɛ ki ghɛ yitea veghe, jaslɛ mbeli ŋzlete degha le lakelɛ. 11Temə ɓɛhwɛ ne, pɛkwe kweci deghelɛshi nyi mcɛfe. Ma ke hɛ: Nde sleke ŋkwa, Nde sleke ŋkwa, pelemte n'yɛ mə ŋkwa gi! 12Ma ke za makwa sha hɛ: Kaganda ne, ma 'ya sha gheyɛ: keɗepe ŋayɛ 'ya we.
13Ma ke Yɛsə mtsehete: Ntsehwele mə, kwa nza ŋkɛ keɗepe vecia shɛ keɗema vəa shɛ yɛ we.
Yipə pa te ka mavashi mahekene
(LWK 19.11-27)
14Katenza ŋkɛ kala wəndə nya kedzehwa mte. Pa ŋkɛ hekakɛ ka mavashia ŋkɛ ba'a dapate nda wəshia ŋkɛ te dzeve ke hɛ. 15Mcɛfe sha miliyeŋə va kwete, bake va kwete, təhə va nde maheke. Keberete keberete neheve nda ŋkɛ ke hɛ. Pa ŋkɛ lənyɛ yitea dzeghwa. 16Ma wəndə nya ndeke nda miliyeŋə mcɛfe mbeli ne, taghanyɛ lə ŋkɛ kafəlite fəli le, pa kemave meleɓe miliyeŋə mcɛfe kala ghəa cɛdɛa ŋkɛ. 17Ma wəndə nya ndeke nda miliyeŋə bake mbeli ne, pa ŋkɛ menete kala nde ghate. Pa ŋkɛ kemave meleɓe kamiliyeŋə bake. 18Ma wəndə nya ndeke nda miliyeŋə mbeli kwetɛŋe, pa late ki, pa wəfərəakɛ cɛdɛa nde sleke ŋkɛ kwa.
19Kwetere wəmbəa temə kwele kwele ne, hwa'a nde sleke ka mene slenea shɛhɛ se. Pa ŋkɛ 'yɛwete wəsə nya menete hɛ le cɛdɛa ŋkɛ va hɛ. 20Ma wəndə nya ndeke nda miliyeŋə mcɛfe mbeli ne, pa hendave nda geva ke nde sleke ŋkɛ. Ma ke shɛ: Nde sleke ɗa, miliyeŋə mcɛfe ndeke ɗa na. Wa nyi kweci nyi mcɛfe nyi kemave 'ya kameleɓe. 21Ma ke nde sleke ŋkɛ shɛ: Yewə, wəndə nya ganyɛa mehele na, mava nya dɛŋe dɛŋe te slene ta ŋkɛ na, ma va nya nza na dɛŋe dɛŋe te mene wəshi nyi ɓɛhwɛ ɓɛhwɛ ne, kateve ŋa 'ya kawəndə nya wəba te ghəa wəshi nyi kwele kwele, nde kazlama mə. 22Ma wəndə nya ndeke nda miliyeŋə mbeli bake ne, pa hendeke nda geva ke maze zhɛkwa. Ma ke shɛ: Nde sleke ɗa, miliyeŋə bake ndeke ɗa na. Wa nyi kweci nyi bake nyi kemave 'ya kameleɓe. 23Ma ke nde sleke ŋkɛ shɛ: Yewə, wəndə nya ganyɛa mehele na, mava nya dɛŋe dɛŋe te slene ta ŋkɛ na, ma va nya nza na dɛŋe dɛŋe te mene wəshi nyi ɓɛhwɛ ɓɛhwɛ ne, kateve ŋa 'ya kawəndə nya wəba te ghəa wəshi nyi kwele kwele, nde kazlama mə. 24Kakwa keɗaŋe ne, pɛkwe wəndə nya kekelete miliyeŋə kwetɛŋe. Ma ke: Nde sleke ɗa, nahe 'ya keɗepe dzawe na, katsa ha ta wəndə na kadzawa tame ta ŋa ya gha tsawetema ha. Katsene wəshi na te ŋkwa nya wəzatema na. 25Pa ghazlənə zhɛte ɗa. Pa 'ya late ki, pa 'ya wəfərəakɛ cɛdɛa ŋa kwa. Wa nya wəsəa ŋa nya. 26Ma ke nde sleke ŋkɛ shɛ: Mava nya kande mefətekwə ba'a nya kande meɗə na. Nahe na keɗepe katsa ha 'ya te ŋkwa nya wəzatema 'ya ba'a katsene wəshi 'ya te ŋkwa nya wəzatema 'ya. 27Wa raberə ɗema na keveyi ɗa cɛdɛa ɗa kakane wa? Nza kese 'ya ne, kakele cɛdɛa ɗa 'ya le meleɓe. 28Kelehwe mə cɛdɛa shɛ ve, ndeke nda mə ŋkɛ ke wəndə nya nza miliyeŋə meŋe ve. 29Kwa nza nde ma wəndə nya nza wəsə ve, mbake yambake nda mbeli yitea nza ŋkɛ kwele kwele ve. Ma wəndə nya ɗema wəsə ve ne, kele yakele nya ve mbeli ya kwela nza ŋkɛ ɓɛhwɛ. 30Ma mava nya kameɗə nya ne, negheyi mə ŋkɛ pelɛ hwa ŋkwesle. Tagha ne, katenehwene ba'a katenca slene ŋkɛ.
Ghwə nya temeha Shala te mbeli və nya tekiɗi hɛɗi
31Ma vəa ŋkwa nya tesawa Wəzege ta za mbe zləvəa ŋkɛ le ka ghwene ta Shala ne, katentishɛ ŋkɛ pelɛ pasla ta ŋkɛ nya nza zləvə te. 32Katetsene geva pɛtɛa hwelefefia mbeli kwa kema ta ŋkɛ nda tetsewele mbeli ŋkɛ kala nya tsewele yɛ kwi le timɛti nde ya wəshi. 33Te kwa zeme ta ŋkɛ tenza timɛti, te kwa gwela ta ŋkɛ tenza kwi. 34Ma ke meghe sha tegeze nda ke mbeli nyi te kwa zeme ta ŋkɛ: Nde mə, gheyɛ mbeli nyi wəpikɛ Yiteyɛ ɗa, dzembe mə Meghe nya hite ŋayɛ ŋkɛ vəashi ghala pate geva hɛɗi. 35Kwa nza ŋkɛ shewə se 'ya va ma, nahe yɛ keɗave ɗa wəsə kezeme, shewə se 'ya va ndere, nahe yɛ kesame ɗa yɛmə, kande se se se 'ya, pa yɛ kemaneve ɗa ki ghɛa ŋayɛ. 36Wəsə shɛ kese kənəa geva va 'ya we, nahe yɛ keseɗaghe ɗa lekwesa, shewə se 'ya, nahe yɛ kese kənəa 'ya yɛ shanda, kwa daŋgayɛ se 'ya, nahe yɛ kese kanewe ɗa. 37Ma ke mbeli nyi tiɗiɗi shɛhɛ sha tezhɛne nda: Nde sleke ŋkwa, hweŋkwa nakɛ ŋa ghen'yɛ shewə va ma nda ndeke ŋa wəsə kezeme ghen'yɛ wa? Shewə va ndere nda same ŋa yɛmə ghen'yɛ wa? 38Hweŋkwa nakɛ ŋa ghen'yɛ kande se se nda kemaneve ŋa ghen'yɛ ki ghɛa n'yɛ, kaɗema wəsə kənəa geva va gha nda seɗaghe ŋa lekwesa ghen'yɛ wa? 39Hweŋkwa nakɛ ŋa ghen'yɛ shewə ba'a kwa daŋgayɛ nda se ghen'yɛ kanewe ŋa wa? 40Ma ke meghe sha tezhɛne nda ke hɛ: Kaganda ne, ma 'ya sha gheyɛ: yayata wəsə nya menete nda yɛ ke kwete kwetɛŋe hwa ka dewə ŋeli ma nyi kaka kesaka meyɛ ɗa ne, ke 'ya menete ɗa ŋkɛ yɛ.
41Ma ke meghe sha tegeze nda ke nyi te kwa gwela ta ŋkɛ: Slə mə teke vare 'ya, gheyɛ ka bezla bezla. Kwiɗi mə kadzembe ghwə nya kaghala ghala nya hite Shala kezha gətəli ba'a ka ghwene ta ŋkɛ. 42Kwa nza ŋkɛ shewə se 'ya va ma, keɗave ɗa wəsə kezeme yɛ we, shewə se 'ya va ndere, kesame ɗa yɛmə yɛ we. 43Ma kwa se 'ya kande se se ne, kese yɛ kakemane ɗa ki ghɛa ŋayɛ we. Wəsə shɛ kese kənəa geva va 'ya we, keseɗaghe ɗa lekwesa yɛ we. Ma kwa nza 'ya shewə ba'a kwa daŋgayɛ, kese yɛ kanewe ɗa we. 44Ma ke hɛ sha tezhɛne nda: Nde sleke ŋkwa, hweŋkwa nakɛ ŋa ghen'yɛ shewə va ma, ndere, kande se se, kaɗema wəsə kənəa gha, shewə va zereghwe ba'a kwa daŋgayɛ na, nda ɗema ghen'yɛ kakemane ŋa wa? 45Ma ke meghe sha tezhɛne nda ke hɛ: Kaganda ne, ma 'ya sha gheyɛ: kwa ɗema yɛ kemenete nda ke kwete kwetɛŋe hwa ka dewə ŋeli ma shɛhɛ ne, ke 'ya sema yɛ kamene nda. 46Kateŋka hɛ mbeli kadzembe yaka kaghala ghala, ama mbeli nyi tiɗiɗi ne, mbe mpi nya kaghala ghala tenza hɛ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.