Matiye 23
23
Ya ghə va ka Fariziyɛn ba'a ka rafe wəsə mahalegə
(MRK 12.38-39; LWK 11.43, 46; 20.45-46)
1Tagha gɛ, ntake Yɛsə kageze nda ghena ke mbeli nyi ketseneke geva tagha ba'a mbeli nyi ketəkwə təkwə. 2Ma ke sha hɛ: «Nahe ka rafe wəsə mahalegə ba'a ka Fariziyɛn kenza kaka ncɛ nda wəsə mahalegəa Moyize ke mbeli. 3Hawe mə ba'a mene mə slene le ghena nyi geze ŋayɛ hɛ, ama menema wəshi nyi mene hɛ ma, kwa nza nde kamene wəshi nyi geze hɛ hɛ we. 4Wəshi nyi ɗaŋeɗa ɗaŋeɗa yahwepe hɛ kave kwa ghəa mbeli, ama kakwaɗe hɛ hɛ ya le kwatɛka ta dzeve kezha kemane ŋkwa kave kwa ghə we. 5Kezha tsahe hɛ mbeli mene pɛtɛa wəshi nyi mene hɛ hɛ. Tsagha ne, mbake yambake bezlea paya nyi mɛa kema ta nci hɛ ba'a mtsehe yamtsehe biya ta tsa nyi dzeyi mɛa lekwesa ta nci hɛ. 6Ma ketsene mbeli yitea wəsə kezeme ne, ŋkwa nya ganyɛ yawədə hɛ, ma mbe cɛ kesəkwə ghə ne, wəsə kentishɛ nya ganyɛ yawədə hɛ. 7Le hawe ɗe hɛ kanjiŋwe hɛ mbeli te shikwə. Rabi ɗe hɛ kaheka hɛ mbeli. 8Ama gheyɛ ne, sepama yɛ yitea heka ŋayɛ mbeli kaNde sleke ɗa ma, kwa nza ŋkɛ ka mama yɛ pɛtɛ, va nya nza ŋkɛ kwetɛŋe Nde sleke ŋayɛ. 9Hekama kwete wəndə kayita kwake te hɛɗi ma, kwa nza ŋkɛ kwetɛŋe Yiteyɛ ŋayɛ nya pelɛ ghweme. 10Zelema hweŋkwa yɛ kezha heka ŋayɛ mbeli kawəndə nya te ghə perə ma, kwa nza ŋkɛ kwetɛŋe wəndə nya te ghəa ŋayɛ, gheŋkɛ Kriste. 11Newe ghəa ŋkɛ wəndə nya kwele ma hwa gheyɛ kande mene slene ta ŋayɛ. 12Ma wəndə nya kekele ghəa ŋkɛ ne, kateshifə ŋkɛ, ma wəndə nya keshifə ghəa ŋkɛ, katekele ŋkɛ.»
Yɛsə kave nda fete ke ka rafe wəsə mahalegə ba'a ka Fariziyɛn
(MRK 12.40; LWK 11.39-52; 20.45-47)
13Ndiremi ya te gheyɛ ka rafe wəsə mahalegə ba'a ka Fariziyɛn, ka mbəɗəkwəa kɛfi. Nahe yɛ keŋzlemte nda ŋkwa kedzembe Meghe nya pelɛ ghweme ke mbeli. Kaɗe yɛ kadzembe le ghəa ŋayɛ we. Kafɛa nda ŋkwa yɛ ke mbeli nyi keɗe kadzembe.
14Ndiremi ya te gheyɛ ka rafe wəsə mahalegə ba'a ka Fariziyɛn, ka mbəɗəkwəa kɛfi, pɛtɛ yɛ fəhwe wəshi va ka wedidi. Ɓiyitsa ne, katemə yɛ kwele kwele te səkwə ghə yitea newe ŋayɛ mbeli kambeli ganji. Vatse temeha geva ghwə dzawe te gheyɛ.
15Ndiremi ya te gheyɛ ka rafe wəsə mahalegə ba'a ka Fariziyɛn, ka mbəɗəkwəa kɛfi. Kadzasle hɛɗi ba'a yɛ ndərə yɛ kezha kemave wəndə nya ketəkwə təkwə Moyize kwetɛŋe. Ma nahe kekemave ŋkɛ yɛ ne, kazhɛre ŋkɛ kehi hi kaŋa ghwə nya keɗema kakiɗi, za ma ke gheyɛ bake zhigə.
16Ndiremi ya te gheyɛ, gheyɛ ka ncɛ nda hweŋkwa nyi kaka ghwələa kɛfi. Ma pe yɛ sha geze: Ma kezemete fela wəndə le ghɛa Shala ne, ghena te we. Ama kezemete fela ŋkɛ le mze kwa tere tere nya mbe ghɛa shɛ ne, nahe wəndəa shɛ kehwepete ghəa ŋkɛ. 17Ka gezhia kɛfi, ka ghwələa kɛfi! Wa ya kwele ma hwa yɛ ghɛa Shala le mze kwa tere tere nya mbe wa? Ashɛ ghɛa shɛ nde veyi mze kwa tere tere tekeleke wəka? 18Ma pe yɛ sha geze ɓiyitsa: Ma kezemete fela wəndə le reghwetɛ ne, ghena te we. Ama kezemete wəndə le wəsə nya te reghwetɛ ne, nahe ŋkɛ kehwepete ghəa ŋkɛ. 19Ka ghwələa kɛfi, wa ya kwele ma hwa yɛ wəsə nya ve mbeli te reghwetɛ le reghwetɛ nya keve wəsəa shɛ tekeleke wa? 20Ma wəndə nya kezeme fela le reghwetɛ ne, ashɛ le reghwetɛ ba'a pɛtɛa wəshi nyi te zememte ŋkɛ wəka? 21Ma wəndə nya kezeme fela le ghɛa Shala, le ghɛa shɛ ba'a Shala nya mbe zeme ŋkɛ. 22Ma wəndə nya kezeme fela le ŋkwa nya pelɛ ghweme ne, le pasla ta Shala ba'a Shala nya mentishɛ pelɛ pasla shɛ zeme fela ŋkɛ.
23Ndiremi ya te gheyɛ ka rafe wəsə mahalegə ba'a ka Fariziyɛn, ka mbəɗəkwəa kɛfi. Kakele kwa meŋe ta bela ta meshigwə, shekwiɗi ba'a kweci wəshi nyi wəzate yɛ yɛ kase. Ama kapele se yɛ yitea wəshi nyi jama jama nyi teke wəsə mahalegə, kala nza tiɗiɗi, mene ganyɛ ba'a nza dɛŋe dɛŋe. Ndagwara wəshia shɛhɛ yahi yɛ kamene slene le hɛ, kaɗema kasərə wəshi nyi ketene. 24Nahe yɛ kenza kaka ncɛ nda hweŋkwa nyi kaka ghwələa kɛfi. Katsa yɛ kwiɗi kwiɗi yɛ shave hwa wəsə kesa ta ŋayɛ, ama kanda zlegwemə yɛ.
25Ndiremi ya te gheyɛ ka rafe wəsə mahalegə ba'a ka Fariziyɛn, ka mbəɗəkwəa kɛfi. Kayaɓe ŋkwa nya te wəmbəa helape ba'a tasa yɛ, ama mpɛafe ŋkwa nya kwa wənəa nci va wəshi ghərəa ŋayɛ ba'a wəshi nyi ndiremi ndiremi nyi zəzə yɛ. 26Nde Fariziyɛn nya kaghwələ. Yaɓemte ŋkwa nya kwa hwəa helape ta ŋa yitea nza wəmbəa ŋkɛ wɛŋe.
27Ndiremi ya te gheyɛ ka rafe wəsə mahalegə ba'a ka Fariziyɛn, ka mbəɗəkwəa kɛfi. Yipə yipə yɛ le kwele nyi fikɛ mbeli le teɓehwe, pelɛke te wəmbə ne, kendeɗe ndeɗenji hɛ. Ama kwa hwəa nci ne, mpɛafe 'yɛ'yɛa mbelia kwahɛɗi ba'a wəshi nyi keda da. 28Tsagha gheyɛ perə, pelɛke te ŋwela ne, kambeli nyi tiɗiɗi newe ŋayɛ mbeli, ama kwa wənəa ŋayɛ, mpɛafe mbəɗəkwə ba'a mefətekwə.
Katesa titikwə yɛ
(LWK 11.47-51)
29Ndiremi ya te gheyɛ ka rafe wəsə mahalegə ba'a ka Fariziyɛn, ka mbəɗəkwəa kɛfi. Kaŋa nda kwele nyi ndeɗe ndeɗe yɛ ke ka mɛ ŋkwa, kapesa nda yɛ kwele ta mbeli nyi tiɗiɗi yɛ. 30Ama ma pe yɛ sha geze: Ma ya nahe gheɓəmə kenza te vəa ka shihɛ ɓəmə ne, nza katenza gheɓəmə jikə le hɛ kezha mpə ka mɛ ŋkwa we. 31Laka ghena shɛ, nahe yɛ keɗepe kahwelefefia mbeli nyi kempəmte ka mɛ ŋkwa ta Shala yɛ. 32Yawa, ntsə mə geva kakeɗaŋe slene nya ghate ka shihɛ ŋayɛ. 33Nahe yɛ kenza kashishi ba'a kaŋwalea mentsape. Tsema zəzə yɛ kambele yɛ va dzembe ghwə nya keɗema kakiɗi wa? 34Vatse gɛ, 'ya kateghwene ŋayɛ ka mɛ ŋkwa ta Shala, ka ntsehwele ntsehwele ba'a ka rafe wəshi mahalegə. Katempə kweci yɛ, katebaŋe kweci yɛ te sheghwə, kateɗa kweci yɛ le ghweɗa dzeyi mbe yɛ cɛ kesəkwə ghə ta ŋayɛ, katekeka kweci kemeleme kemeleme. 35Vatse tedzeghəa gheyɛ mimia mbeli nyi tiɗiɗi nyi mpəmte mbeli vəashi, se te mimia Abɛl, wəndə nya tiɗiɗi hwa'a te mimia Zakari, wəzege ta Barashi nya peslekɛ yɛ kwelɛ yɛ ŋkwa nya keveyi tekeleke Shala le reghwetɛ. 36Kaganda ne, ma 'ya sha gheyɛ: kate'yɛwe geva kelɛhe ta nci va mbeli nyi tsetse ŋkwa nyi.
Ɗa ya te Zhɛrəzalɛm deŋwa
(LWK 13.34-35)
37Zhɛrəzalɛm, Zhɛrəzalɛm, ma gha nya kempə ka mɛ ŋkwa ba'a nya kebeza mbeli nyi ghweneke ŋa Shala le pelɛ ne, nahe 'ya keɗe katsene ŋwalea ŋa kala nya tsene ŋwalea ŋkɛ ghenda mbe bidzəa ŋkɛ, ama nahe yɛ kesema kaɗe. 38Yawa, kakwəfi tenza ghɛa Shala ta ŋayɛ. 39Kaganda ne, ma 'ya sha gheyɛ: ma se mɛa tsetsenya ne, katezhɛne kanakɛ ɗa hwa'a te veci nya tegeze: Kewəpi wəpi nza wəndə nya kese te sləa Mahwətə, pe yɛ we.
Currently Selected:
Matiye 23: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Matiye 23
23
Ya ghə va ka Fariziyɛn ba'a ka rafe wəsə mahalegə
(MRK 12.38-39; LWK 11.43, 46; 20.45-46)
1Tagha gɛ, ntake Yɛsə kageze nda ghena ke mbeli nyi ketseneke geva tagha ba'a mbeli nyi ketəkwə təkwə. 2Ma ke sha hɛ: «Nahe ka rafe wəsə mahalegə ba'a ka Fariziyɛn kenza kaka ncɛ nda wəsə mahalegəa Moyize ke mbeli. 3Hawe mə ba'a mene mə slene le ghena nyi geze ŋayɛ hɛ, ama menema wəshi nyi mene hɛ ma, kwa nza nde kamene wəshi nyi geze hɛ hɛ we. 4Wəshi nyi ɗaŋeɗa ɗaŋeɗa yahwepe hɛ kave kwa ghəa mbeli, ama kakwaɗe hɛ hɛ ya le kwatɛka ta dzeve kezha kemane ŋkwa kave kwa ghə we. 5Kezha tsahe hɛ mbeli mene pɛtɛa wəshi nyi mene hɛ hɛ. Tsagha ne, mbake yambake bezlea paya nyi mɛa kema ta nci hɛ ba'a mtsehe yamtsehe biya ta tsa nyi dzeyi mɛa lekwesa ta nci hɛ. 6Ma ketsene mbeli yitea wəsə kezeme ne, ŋkwa nya ganyɛ yawədə hɛ, ma mbe cɛ kesəkwə ghə ne, wəsə kentishɛ nya ganyɛ yawədə hɛ. 7Le hawe ɗe hɛ kanjiŋwe hɛ mbeli te shikwə. Rabi ɗe hɛ kaheka hɛ mbeli. 8Ama gheyɛ ne, sepama yɛ yitea heka ŋayɛ mbeli kaNde sleke ɗa ma, kwa nza ŋkɛ ka mama yɛ pɛtɛ, va nya nza ŋkɛ kwetɛŋe Nde sleke ŋayɛ. 9Hekama kwete wəndə kayita kwake te hɛɗi ma, kwa nza ŋkɛ kwetɛŋe Yiteyɛ ŋayɛ nya pelɛ ghweme. 10Zelema hweŋkwa yɛ kezha heka ŋayɛ mbeli kawəndə nya te ghə perə ma, kwa nza ŋkɛ kwetɛŋe wəndə nya te ghəa ŋayɛ, gheŋkɛ Kriste. 11Newe ghəa ŋkɛ wəndə nya kwele ma hwa gheyɛ kande mene slene ta ŋayɛ. 12Ma wəndə nya kekele ghəa ŋkɛ ne, kateshifə ŋkɛ, ma wəndə nya keshifə ghəa ŋkɛ, katekele ŋkɛ.»
Yɛsə kave nda fete ke ka rafe wəsə mahalegə ba'a ka Fariziyɛn
(MRK 12.40; LWK 11.39-52; 20.45-47)
13Ndiremi ya te gheyɛ ka rafe wəsə mahalegə ba'a ka Fariziyɛn, ka mbəɗəkwəa kɛfi. Nahe yɛ keŋzlemte nda ŋkwa kedzembe Meghe nya pelɛ ghweme ke mbeli. Kaɗe yɛ kadzembe le ghəa ŋayɛ we. Kafɛa nda ŋkwa yɛ ke mbeli nyi keɗe kadzembe.
14Ndiremi ya te gheyɛ ka rafe wəsə mahalegə ba'a ka Fariziyɛn, ka mbəɗəkwəa kɛfi, pɛtɛ yɛ fəhwe wəshi va ka wedidi. Ɓiyitsa ne, katemə yɛ kwele kwele te səkwə ghə yitea newe ŋayɛ mbeli kambeli ganji. Vatse temeha geva ghwə dzawe te gheyɛ.
15Ndiremi ya te gheyɛ ka rafe wəsə mahalegə ba'a ka Fariziyɛn, ka mbəɗəkwəa kɛfi. Kadzasle hɛɗi ba'a yɛ ndərə yɛ kezha kemave wəndə nya ketəkwə təkwə Moyize kwetɛŋe. Ma nahe kekemave ŋkɛ yɛ ne, kazhɛre ŋkɛ kehi hi kaŋa ghwə nya keɗema kakiɗi, za ma ke gheyɛ bake zhigə.
16Ndiremi ya te gheyɛ, gheyɛ ka ncɛ nda hweŋkwa nyi kaka ghwələa kɛfi. Ma pe yɛ sha geze: Ma kezemete fela wəndə le ghɛa Shala ne, ghena te we. Ama kezemete fela ŋkɛ le mze kwa tere tere nya mbe ghɛa shɛ ne, nahe wəndəa shɛ kehwepete ghəa ŋkɛ. 17Ka gezhia kɛfi, ka ghwələa kɛfi! Wa ya kwele ma hwa yɛ ghɛa Shala le mze kwa tere tere nya mbe wa? Ashɛ ghɛa shɛ nde veyi mze kwa tere tere tekeleke wəka? 18Ma pe yɛ sha geze ɓiyitsa: Ma kezemete fela wəndə le reghwetɛ ne, ghena te we. Ama kezemete wəndə le wəsə nya te reghwetɛ ne, nahe ŋkɛ kehwepete ghəa ŋkɛ. 19Ka ghwələa kɛfi, wa ya kwele ma hwa yɛ wəsə nya ve mbeli te reghwetɛ le reghwetɛ nya keve wəsəa shɛ tekeleke wa? 20Ma wəndə nya kezeme fela le reghwetɛ ne, ashɛ le reghwetɛ ba'a pɛtɛa wəshi nyi te zememte ŋkɛ wəka? 21Ma wəndə nya kezeme fela le ghɛa Shala, le ghɛa shɛ ba'a Shala nya mbe zeme ŋkɛ. 22Ma wəndə nya kezeme fela le ŋkwa nya pelɛ ghweme ne, le pasla ta Shala ba'a Shala nya mentishɛ pelɛ pasla shɛ zeme fela ŋkɛ.
23Ndiremi ya te gheyɛ ka rafe wəsə mahalegə ba'a ka Fariziyɛn, ka mbəɗəkwəa kɛfi. Kakele kwa meŋe ta bela ta meshigwə, shekwiɗi ba'a kweci wəshi nyi wəzate yɛ yɛ kase. Ama kapele se yɛ yitea wəshi nyi jama jama nyi teke wəsə mahalegə, kala nza tiɗiɗi, mene ganyɛ ba'a nza dɛŋe dɛŋe. Ndagwara wəshia shɛhɛ yahi yɛ kamene slene le hɛ, kaɗema kasərə wəshi nyi ketene. 24Nahe yɛ kenza kaka ncɛ nda hweŋkwa nyi kaka ghwələa kɛfi. Katsa yɛ kwiɗi kwiɗi yɛ shave hwa wəsə kesa ta ŋayɛ, ama kanda zlegwemə yɛ.
25Ndiremi ya te gheyɛ ka rafe wəsə mahalegə ba'a ka Fariziyɛn, ka mbəɗəkwəa kɛfi. Kayaɓe ŋkwa nya te wəmbəa helape ba'a tasa yɛ, ama mpɛafe ŋkwa nya kwa wənəa nci va wəshi ghərəa ŋayɛ ba'a wəshi nyi ndiremi ndiremi nyi zəzə yɛ. 26Nde Fariziyɛn nya kaghwələ. Yaɓemte ŋkwa nya kwa hwəa helape ta ŋa yitea nza wəmbəa ŋkɛ wɛŋe.
27Ndiremi ya te gheyɛ ka rafe wəsə mahalegə ba'a ka Fariziyɛn, ka mbəɗəkwəa kɛfi. Yipə yipə yɛ le kwele nyi fikɛ mbeli le teɓehwe, pelɛke te wəmbə ne, kendeɗe ndeɗenji hɛ. Ama kwa hwəa nci ne, mpɛafe 'yɛ'yɛa mbelia kwahɛɗi ba'a wəshi nyi keda da. 28Tsagha gheyɛ perə, pelɛke te ŋwela ne, kambeli nyi tiɗiɗi newe ŋayɛ mbeli, ama kwa wənəa ŋayɛ, mpɛafe mbəɗəkwə ba'a mefətekwə.
Katesa titikwə yɛ
(LWK 11.47-51)
29Ndiremi ya te gheyɛ ka rafe wəsə mahalegə ba'a ka Fariziyɛn, ka mbəɗəkwəa kɛfi. Kaŋa nda kwele nyi ndeɗe ndeɗe yɛ ke ka mɛ ŋkwa, kapesa nda yɛ kwele ta mbeli nyi tiɗiɗi yɛ. 30Ama ma pe yɛ sha geze: Ma ya nahe gheɓəmə kenza te vəa ka shihɛ ɓəmə ne, nza katenza gheɓəmə jikə le hɛ kezha mpə ka mɛ ŋkwa we. 31Laka ghena shɛ, nahe yɛ keɗepe kahwelefefia mbeli nyi kempəmte ka mɛ ŋkwa ta Shala yɛ. 32Yawa, ntsə mə geva kakeɗaŋe slene nya ghate ka shihɛ ŋayɛ. 33Nahe yɛ kenza kashishi ba'a kaŋwalea mentsape. Tsema zəzə yɛ kambele yɛ va dzembe ghwə nya keɗema kakiɗi wa? 34Vatse gɛ, 'ya kateghwene ŋayɛ ka mɛ ŋkwa ta Shala, ka ntsehwele ntsehwele ba'a ka rafe wəshi mahalegə. Katempə kweci yɛ, katebaŋe kweci yɛ te sheghwə, kateɗa kweci yɛ le ghweɗa dzeyi mbe yɛ cɛ kesəkwə ghə ta ŋayɛ, katekeka kweci kemeleme kemeleme. 35Vatse tedzeghəa gheyɛ mimia mbeli nyi tiɗiɗi nyi mpəmte mbeli vəashi, se te mimia Abɛl, wəndə nya tiɗiɗi hwa'a te mimia Zakari, wəzege ta Barashi nya peslekɛ yɛ kwelɛ yɛ ŋkwa nya keveyi tekeleke Shala le reghwetɛ. 36Kaganda ne, ma 'ya sha gheyɛ: kate'yɛwe geva kelɛhe ta nci va mbeli nyi tsetse ŋkwa nyi.
Ɗa ya te Zhɛrəzalɛm deŋwa
(LWK 13.34-35)
37Zhɛrəzalɛm, Zhɛrəzalɛm, ma gha nya kempə ka mɛ ŋkwa ba'a nya kebeza mbeli nyi ghweneke ŋa Shala le pelɛ ne, nahe 'ya keɗe katsene ŋwalea ŋa kala nya tsene ŋwalea ŋkɛ ghenda mbe bidzəa ŋkɛ, ama nahe yɛ kesema kaɗe. 38Yawa, kakwəfi tenza ghɛa Shala ta ŋayɛ. 39Kaganda ne, ma 'ya sha gheyɛ: ma se mɛa tsetsenya ne, katezhɛne kanakɛ ɗa hwa'a te veci nya tegeze: Kewəpi wəpi nza wəndə nya kese te sləa Mahwətə, pe yɛ we.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.