2 Makabɛ 3
3
Pamte ŋkwa ta Simon
1Ma te vəa Oniyas, wəndə kwelea ka dzeghe Shala ne, kwelɛŋe se mbeli nyi mbe meleme nya keveyi geva tekeleke. Megela se hɛ kahawe va wəshi mahalegə, kwa nza Oniyas kande ɗe Shala ba'a kande ɗema wəsə kwa ndiremi. 2Nahe ka meghea kɛfi le ghəa nci kese kahawe va ghɛa Shala ba'a kafə wəshi ganji kase kadzembe. 3Tsagha menete geva ŋkɛ nda ŋkikɛ wəshi nyi zamte mbeli yitea slene ta dzeghe melɛ Sɛləkəs, meghe nya mbe Azi le wəshia ŋkɛ. 4Ama pa Simon, kwete nde dzeghe Shala mbe hwelefe ta Bilga, nya te ghəa ghɛa Shala heɗete geva le wəndə kwelea ka dzeghe Shala te ghəa newe ghweme te shikwə nyi mbe meleme. 5Ma kwa ɗema ŋkɛ kahərəte Oniyas ne, pa ŋkɛ lə kasləyi Apoloniyəs, wəzege ta Trasɛyas nya kaŋgwamna ta yɛ Siri nya wəba le Fɛnisi te vəa shɛ. 6Pa ŋkɛ gezete tsema tsema nza cɛ kebete wəshi ganji nya vare ghɛa Shala mbe Zhɛrəzalɛm viɗi va mcɛlə nyi ghama mbeli kafate. Kaɓelate cɛdɛ nyi mbe mbeli we, kwele kwele ma hɛ ke cɛdɛ nyi kehi kezha wəshi kedzeghe melɛ. Wərə mbeli kaveyi hɛ te dzeve ta meghe.
Mbeli ghweneghe Hɛliyodore kadzembe Zhɛrəzalɛm
7Begemema ta yɛ Apoloniyəs le meghe ne, pa gezete nda nza ta mcɛlə nyi ɓelate nda Simon. Tagha gɛ, pa meghe ghwenaghe sləwəfəa ŋkɛ Hɛliyodore kadzembe Zhɛrəzalɛm kafə nda mcɛləa shɛhɛ. 8Cape Hɛliyodore slə taghanyɛ, kala wəsə kelə kanewe meleme nyi mbe Siri nya wəba ba'a Fɛnisi, ama kaganda ta ŋkɛ ne, gheŋkɛ lə kayipə yɛ zəzə ta meghe. 9Mtsehema ta ŋkɛ mbe Zhɛrəzalɛm ne, pa wəndə kwelea ka dzeghe Shala ba'a mbeli nyi mbe meleme kemaneve ŋkɛ megela. Pa Hɛliyodore gezete nda wəsə nya kekeleke ŋkɛ ke hɛ. Pa ŋkɛ ɓelate nda ghena nya kegezete geva te ghəa mcɛlə nyi mbe ghɛa Shala ke hɛ ba'a 'yɛwete kenza ŋkɛ kaganda ghena nyi fate nyi ŋkɛ.
10Pa wəndə kwelea ka dzeghe Shala gezete nda tsema tsema nza wəshia shɛhɛ kaŋa ka wedidi ba'a ka mezhɛtiti, 11kwete bela ɓiyitsa ne, ŋa Hirkan, wəzege ta Tobi nya kawəndə kwele. Kaɗema kenza kala nya ŋwashɛ ŋwashɛte Simon nya kande ndiremia mehele, kiləwəa mze kwa tɛawetɛa 11.000 ba'a ŋa mze kwa tere tere 5.500 ya mbe pɛtɛ. 12Ɓiyitsa ne, kamenete nda fete mbeli ke mbeli nyi kevate ghə te nza ta ŋkwa nya tekeleke ba'a ke ghɛa Shala nya wəba nya vate zləvə nya hɛɗi lema te we. Wəsə shɛ kadɛape dzeve mbeli te mbe we.
Taze ta mehele ta mbeli nyi mbe Zhɛrəzalɛm
13Ama kafə mcɛləa shɛhɛ mbeli kaŋa meghe ke Hɛliyodore tewəmbəreke ghena nya gezete nda meghe. 14Ma te veci nya ntave ŋkɛ ne, shilimə ŋkɛ mbe ghɛa Shala kezha ɓela mcɛlə nyi mbe. Kwetɛ kwetɛŋe mehele ta mbeli nyi mbe meleme tazenyɛ. 15Pa ka dzeghe Shala seɗete lekwesa slene ta nci. Ntintiŋə hɛ ŋame ghə mbe hɛɗi kwa kema ta reghwetɛ kezha səkwə Shala nya kekeleke wəsə mahalegə te ghəa wəshi nyi kebete geva mbe ghɛa Shala, kezha yate wəshia shɛhɛ ŋkɛ kaŋa mbeli nyi kebeteyi hɛ. 16Nakɛma ta wəndə ke wəndə kwelea ka dzeghe Shala ne, wətiɗike sla heli wəndə, kwa nza ŋkɛ tɛarawe rawe kema ta ŋkɛ ba'a kwetɛ kwetɛŋe mehele ta ŋkɛ. 17Kwele kwele ghazlənənyɛ ŋkɛ, pɛtɛa geva ta ŋkɛ kabare bare. Kanewe newe mbeli tsema tsema sa yaka ŋkɛ kwele kwele. 18Kashave mbeli ki ghɛ kewəvəsə kewəvəsə kezha səkwə ghə kanya kwetɛŋe yitea ɗema ndiremi nya keseke nda se kakelemte zləvə te ghɛa Shala. 19Kazəɓə zəɓə mi dzeyi kwa yɛ hweŋkwa le wəsə hwa hwə ba'a le ŋ'wa te ŋwela. Ma ŋwalea kwɛ nyi ŋzleyi mbeli dzeyi ki yɛ ghɛ ne, nda hwɛ yahwɛ hɛ, laka mɛ degha kweci, dzeyi te yɛ dɛɓere nyi kənəa cɛ kweci, kayiŋwə geva kweci dzawa te yɛ wəfela ta cɛ. 20Pɛtɛ hɛ le dzeve yitea ghweme kezha səkwə kemane ta Shala. 21Kazhɛ nda heli ke wəndə kenewe tsema tsema nza mbeli dzate hwa hɛɗi kanya kwetɛŋe kezha səkwə ghə ba'a kenewe wəndə kwelea ka dzeghe Shala nya nza mehele ta ŋkɛ kwetɛ kwetɛŋe.
Shala kaya ghɛa ŋkɛ
22Ma vəa nya nza yayata wəndə kampi nda dzeve ke Shala nde berete kezha ya wəshia shɛhɛ ba'a kezha wəmbəyi nda hɛ tserame ke mbeli nyi kebeteyi hɛ mbe ne, 23ntake Hɛliyodore kamene wəsə nya ketarete geva le ŋa ŋkɛ. 24Nahe ŋkɛ kenza takwa takwa le mbeli nyi keya ŋkɛ yitea mcɛlə nyi mbe ghɛa Shala nda ncake wəsə meŋele Nde sleke sefə nyi pelɛ ghweme ba'a yayata berete. Tagha gɛ, pa pɛtɛa mbeli nyi kehwepete ghə kadzembe ghɛa Shala dakenji va berete ta Shala. Pa hɛ denenji ba'a pa geva ta nci tanji. 25Ma wəsə nya kencɛte nda geva ke hɛ ne, gədəwə nya kepa pa megela ba'a nya nza wəndə nya ghazlənə mbeli ve pelɛ. Kala wəsə nya nza lekwesa mze kwa tere tere kənəa wəndəa shɛ. Mpereke gədəwəa shɛ sha bale le berete, dɛke ŋkɛ sha seɗa ta ŋkɛ nyi te kema te Hɛliyodore. 26Ma te vəa shɛnyɛ ne, pa ka mempɛhwetɛti bake keberete beretenji ba'a kendeɗe ndeɗenji ncake nda nca ke Hɛliyodore, lekwesa ganji ya kənəa hɛ. Laka kwa zeme kwete ba'a laka kwa gwela kwete ne, zhibədikə hɛ kənə le geta tagha taghanyɛ, nda me yame geta te kala kwacakelɛ. 27Taghanyɛ ne, terərəmə Hɛliyodore te hɛɗi, dərəmbəzhiwə ntsə ta ŋkɛ. Laŋe mbeli kelete ŋkɛ ba'a veyi ŋkɛ te gezle. 28Ma wəndə nya kedzembe cɛ kebete wəshi nya le mbeli kwele kwele ba'a ka ya ŋkɛ ne, mba berete mbe we. Laŋe mbelia ŋkɛ kelete ŋkɛ. Tsagha gɛ, pa hɛ ɗepete berete ta Shala fate fate. 29Laka berete ta Shala ne, ɓəliyi wəndəa shɛ te hɛɗi kaɗema kageze ghena, kave ghə te mbele ba'a te kemane. 30Ma kaŋa mbeli nyi mbe meleme ne, Shala nya kevate zləvə te ŋkwa nya keveyi nda geva tekeleke ba'a te ghɛa ŋkɛ kala wəsə meŋele yatsahe hɛ. Ma mshena ne, kedake dake ba'a ketaze taze se mehele ta mbeli pɛtɛ mbe ghɛa Shala. Tsetsenya ne, zlama ba'a farefa ya va hɛ te zlaɓa ta wəsə nya menete Shala nde berete.
Oniyas kasəkwə Shala kezha Hɛliyodore
31Taghanyɛ ne, pa mbeli nyi yitea Hɛliyodore 'yɛwete va Oniyas kezha səkwə Shala tehwə ghweme ŋkɛ kazhɛne nda mpi ke wəndə nya ɓəliyi nya mbe wənə mbe wənə. 32Ma va nya tezəzə meghe nahe ka Zhəwif kepeslekɛ Hɛliyodore ne, pa wəndə kwelea ka dzeghe Shala dzeghekɛ melɛ kezha mbete wəndəa shɛ Shala.
33Ma vəa ŋkwa nya dzeghe melɛ kekele jaɗafa te wənə wəndə kwelea ka dzeghe Shala ne, pa mempɛhwetɛti zhɛne kancɛte nda geva ke Hɛliyodore, lekwesa shɛhɛ ya kənəa hɛ. Ma kwa ghereŋe hɛ terasle yite ne, ma ke hɛ gezete nda: «Tsate nda hana kwele kwele ke Oniyas, wəndə kwelea ka dzeghe Shala, kwa nza ŋkɛ tewəmbəreke gheŋkɛ mbelete mpia ŋa Shala. 34Ma kwa sebe ta nya 'yɛte ŋa Shala ne, kwiɗi kalə kageze wəba ta berete ta ŋkɛ ke mbeli pɛtɛ.» Gezetema ta nci ke ghena shɛhɛ ne, rayɛ hɛ zanji.
Hɛliyodore kazlape berete ta Shala
35Tagha gɛ, pa Hɛliyodore dzeghekɛ nda melɛ ke Shala ba'a meɗeyi nda wəshi kwele kwele, va nya mbelete nda mpia ŋkɛ ŋkɛ. Kwa sebe ta ŋkɛ, pa njiŋwakɛ Oniyas ba'a zhɛneghe geva le ka sewajɛa ŋkɛ kalə sha meghe. 36Ntake ŋkɛ kanegha fete kwa kema ta mbeli pɛtɛ yitea wəshi nyi menete Shala nya wəba, nyi nakɛ ŋkɛ le ntsə ta ŋkɛ.
37Ma ke meghe 'yɛwete ve: «Wa wəndə nya nza 'ya kaghweneghe kadzawa Zhɛrəzalɛm zhɛkwa wa?» Ma ke Hɛliyodore zhɛnete nda: 38«Ma kenza nde ghema ta ŋa keɗema nde taze hɛɗia ŋa shɛ ne, ghweneghe ŋkɛ kadzawa. Ma ketembele ŋkɛ same kwagha ne, gwərədedə tenewe geva ta ŋkɛ na va ɗa kwa nza ŋkɛ, berete ta Shala nde mene slene te ŋkwa shɛ kaganda kaganda. 39Shala nya pelɛ ghweme nde newe ghweme te ŋkwa shɛ ba'a nde ya ŋkɛ. Ma mbeli nyi kedzembe le zəzə nyi ndiremi ndiremi ne, kaɗa hɛ ŋkɛ ba'a kaza sebe ŋkɛ te hɛ.» 40Nya ya kawəsə nya kemenete nda geva ke Hɛliyodore ba'a tsetse yate geva wəshi nyi mbe ghɛa Shala.
Currently Selected:
2 Makabɛ 3: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
2 Makabɛ 3
3
Pamte ŋkwa ta Simon
1Ma te vəa Oniyas, wəndə kwelea ka dzeghe Shala ne, kwelɛŋe se mbeli nyi mbe meleme nya keveyi geva tekeleke. Megela se hɛ kahawe va wəshi mahalegə, kwa nza Oniyas kande ɗe Shala ba'a kande ɗema wəsə kwa ndiremi. 2Nahe ka meghea kɛfi le ghəa nci kese kahawe va ghɛa Shala ba'a kafə wəshi ganji kase kadzembe. 3Tsagha menete geva ŋkɛ nda ŋkikɛ wəshi nyi zamte mbeli yitea slene ta dzeghe melɛ Sɛləkəs, meghe nya mbe Azi le wəshia ŋkɛ. 4Ama pa Simon, kwete nde dzeghe Shala mbe hwelefe ta Bilga, nya te ghəa ghɛa Shala heɗete geva le wəndə kwelea ka dzeghe Shala te ghəa newe ghweme te shikwə nyi mbe meleme. 5Ma kwa ɗema ŋkɛ kahərəte Oniyas ne, pa ŋkɛ lə kasləyi Apoloniyəs, wəzege ta Trasɛyas nya kaŋgwamna ta yɛ Siri nya wəba le Fɛnisi te vəa shɛ. 6Pa ŋkɛ gezete tsema tsema nza cɛ kebete wəshi ganji nya vare ghɛa Shala mbe Zhɛrəzalɛm viɗi va mcɛlə nyi ghama mbeli kafate. Kaɓelate cɛdɛ nyi mbe mbeli we, kwele kwele ma hɛ ke cɛdɛ nyi kehi kezha wəshi kedzeghe melɛ. Wərə mbeli kaveyi hɛ te dzeve ta meghe.
Mbeli ghweneghe Hɛliyodore kadzembe Zhɛrəzalɛm
7Begemema ta yɛ Apoloniyəs le meghe ne, pa gezete nda nza ta mcɛlə nyi ɓelate nda Simon. Tagha gɛ, pa meghe ghwenaghe sləwəfəa ŋkɛ Hɛliyodore kadzembe Zhɛrəzalɛm kafə nda mcɛləa shɛhɛ. 8Cape Hɛliyodore slə taghanyɛ, kala wəsə kelə kanewe meleme nyi mbe Siri nya wəba ba'a Fɛnisi, ama kaganda ta ŋkɛ ne, gheŋkɛ lə kayipə yɛ zəzə ta meghe. 9Mtsehema ta ŋkɛ mbe Zhɛrəzalɛm ne, pa wəndə kwelea ka dzeghe Shala ba'a mbeli nyi mbe meleme kemaneve ŋkɛ megela. Pa Hɛliyodore gezete nda wəsə nya kekeleke ŋkɛ ke hɛ. Pa ŋkɛ ɓelate nda ghena nya kegezete geva te ghəa mcɛlə nyi mbe ghɛa Shala ke hɛ ba'a 'yɛwete kenza ŋkɛ kaganda ghena nyi fate nyi ŋkɛ.
10Pa wəndə kwelea ka dzeghe Shala gezete nda tsema tsema nza wəshia shɛhɛ kaŋa ka wedidi ba'a ka mezhɛtiti, 11kwete bela ɓiyitsa ne, ŋa Hirkan, wəzege ta Tobi nya kawəndə kwele. Kaɗema kenza kala nya ŋwashɛ ŋwashɛte Simon nya kande ndiremia mehele, kiləwəa mze kwa tɛawetɛa 11.000 ba'a ŋa mze kwa tere tere 5.500 ya mbe pɛtɛ. 12Ɓiyitsa ne, kamenete nda fete mbeli ke mbeli nyi kevate ghə te nza ta ŋkwa nya tekeleke ba'a ke ghɛa Shala nya wəba nya vate zləvə nya hɛɗi lema te we. Wəsə shɛ kadɛape dzeve mbeli te mbe we.
Taze ta mehele ta mbeli nyi mbe Zhɛrəzalɛm
13Ama kafə mcɛləa shɛhɛ mbeli kaŋa meghe ke Hɛliyodore tewəmbəreke ghena nya gezete nda meghe. 14Ma te veci nya ntave ŋkɛ ne, shilimə ŋkɛ mbe ghɛa Shala kezha ɓela mcɛlə nyi mbe. Kwetɛ kwetɛŋe mehele ta mbeli nyi mbe meleme tazenyɛ. 15Pa ka dzeghe Shala seɗete lekwesa slene ta nci. Ntintiŋə hɛ ŋame ghə mbe hɛɗi kwa kema ta reghwetɛ kezha səkwə Shala nya kekeleke wəsə mahalegə te ghəa wəshi nyi kebete geva mbe ghɛa Shala, kezha yate wəshia shɛhɛ ŋkɛ kaŋa mbeli nyi kebeteyi hɛ. 16Nakɛma ta wəndə ke wəndə kwelea ka dzeghe Shala ne, wətiɗike sla heli wəndə, kwa nza ŋkɛ tɛarawe rawe kema ta ŋkɛ ba'a kwetɛ kwetɛŋe mehele ta ŋkɛ. 17Kwele kwele ghazlənənyɛ ŋkɛ, pɛtɛa geva ta ŋkɛ kabare bare. Kanewe newe mbeli tsema tsema sa yaka ŋkɛ kwele kwele. 18Kashave mbeli ki ghɛ kewəvəsə kewəvəsə kezha səkwə ghə kanya kwetɛŋe yitea ɗema ndiremi nya keseke nda se kakelemte zləvə te ghɛa Shala. 19Kazəɓə zəɓə mi dzeyi kwa yɛ hweŋkwa le wəsə hwa hwə ba'a le ŋ'wa te ŋwela. Ma ŋwalea kwɛ nyi ŋzleyi mbeli dzeyi ki yɛ ghɛ ne, nda hwɛ yahwɛ hɛ, laka mɛ degha kweci, dzeyi te yɛ dɛɓere nyi kənəa cɛ kweci, kayiŋwə geva kweci dzawa te yɛ wəfela ta cɛ. 20Pɛtɛ hɛ le dzeve yitea ghweme kezha səkwə kemane ta Shala. 21Kazhɛ nda heli ke wəndə kenewe tsema tsema nza mbeli dzate hwa hɛɗi kanya kwetɛŋe kezha səkwə ghə ba'a kenewe wəndə kwelea ka dzeghe Shala nya nza mehele ta ŋkɛ kwetɛ kwetɛŋe.
Shala kaya ghɛa ŋkɛ
22Ma vəa nya nza yayata wəndə kampi nda dzeve ke Shala nde berete kezha ya wəshia shɛhɛ ba'a kezha wəmbəyi nda hɛ tserame ke mbeli nyi kebeteyi hɛ mbe ne, 23ntake Hɛliyodore kamene wəsə nya ketarete geva le ŋa ŋkɛ. 24Nahe ŋkɛ kenza takwa takwa le mbeli nyi keya ŋkɛ yitea mcɛlə nyi mbe ghɛa Shala nda ncake wəsə meŋele Nde sleke sefə nyi pelɛ ghweme ba'a yayata berete. Tagha gɛ, pa pɛtɛa mbeli nyi kehwepete ghə kadzembe ghɛa Shala dakenji va berete ta Shala. Pa hɛ denenji ba'a pa geva ta nci tanji. 25Ma wəsə nya kencɛte nda geva ke hɛ ne, gədəwə nya kepa pa megela ba'a nya nza wəndə nya ghazlənə mbeli ve pelɛ. Kala wəsə nya nza lekwesa mze kwa tere tere kənəa wəndəa shɛ. Mpereke gədəwəa shɛ sha bale le berete, dɛke ŋkɛ sha seɗa ta ŋkɛ nyi te kema te Hɛliyodore. 26Ma te vəa shɛnyɛ ne, pa ka mempɛhwetɛti bake keberete beretenji ba'a kendeɗe ndeɗenji ncake nda nca ke Hɛliyodore, lekwesa ganji ya kənəa hɛ. Laka kwa zeme kwete ba'a laka kwa gwela kwete ne, zhibədikə hɛ kənə le geta tagha taghanyɛ, nda me yame geta te kala kwacakelɛ. 27Taghanyɛ ne, terərəmə Hɛliyodore te hɛɗi, dərəmbəzhiwə ntsə ta ŋkɛ. Laŋe mbeli kelete ŋkɛ ba'a veyi ŋkɛ te gezle. 28Ma wəndə nya kedzembe cɛ kebete wəshi nya le mbeli kwele kwele ba'a ka ya ŋkɛ ne, mba berete mbe we. Laŋe mbelia ŋkɛ kelete ŋkɛ. Tsagha gɛ, pa hɛ ɗepete berete ta Shala fate fate. 29Laka berete ta Shala ne, ɓəliyi wəndəa shɛ te hɛɗi kaɗema kageze ghena, kave ghə te mbele ba'a te kemane. 30Ma kaŋa mbeli nyi mbe meleme ne, Shala nya kevate zləvə te ŋkwa nya keveyi nda geva tekeleke ba'a te ghɛa ŋkɛ kala wəsə meŋele yatsahe hɛ. Ma mshena ne, kedake dake ba'a ketaze taze se mehele ta mbeli pɛtɛ mbe ghɛa Shala. Tsetsenya ne, zlama ba'a farefa ya va hɛ te zlaɓa ta wəsə nya menete Shala nde berete.
Oniyas kasəkwə Shala kezha Hɛliyodore
31Taghanyɛ ne, pa mbeli nyi yitea Hɛliyodore 'yɛwete va Oniyas kezha səkwə Shala tehwə ghweme ŋkɛ kazhɛne nda mpi ke wəndə nya ɓəliyi nya mbe wənə mbe wənə. 32Ma va nya tezəzə meghe nahe ka Zhəwif kepeslekɛ Hɛliyodore ne, pa wəndə kwelea ka dzeghe Shala dzeghekɛ melɛ kezha mbete wəndəa shɛ Shala.
33Ma vəa ŋkwa nya dzeghe melɛ kekele jaɗafa te wənə wəndə kwelea ka dzeghe Shala ne, pa mempɛhwetɛti zhɛne kancɛte nda geva ke Hɛliyodore, lekwesa shɛhɛ ya kənəa hɛ. Ma kwa ghereŋe hɛ terasle yite ne, ma ke hɛ gezete nda: «Tsate nda hana kwele kwele ke Oniyas, wəndə kwelea ka dzeghe Shala, kwa nza ŋkɛ tewəmbəreke gheŋkɛ mbelete mpia ŋa Shala. 34Ma kwa sebe ta nya 'yɛte ŋa Shala ne, kwiɗi kalə kageze wəba ta berete ta ŋkɛ ke mbeli pɛtɛ.» Gezetema ta nci ke ghena shɛhɛ ne, rayɛ hɛ zanji.
Hɛliyodore kazlape berete ta Shala
35Tagha gɛ, pa Hɛliyodore dzeghekɛ nda melɛ ke Shala ba'a meɗeyi nda wəshi kwele kwele, va nya mbelete nda mpia ŋkɛ ŋkɛ. Kwa sebe ta ŋkɛ, pa njiŋwakɛ Oniyas ba'a zhɛneghe geva le ka sewajɛa ŋkɛ kalə sha meghe. 36Ntake ŋkɛ kanegha fete kwa kema ta mbeli pɛtɛ yitea wəshi nyi menete Shala nya wəba, nyi nakɛ ŋkɛ le ntsə ta ŋkɛ.
37Ma ke meghe 'yɛwete ve: «Wa wəndə nya nza 'ya kaghweneghe kadzawa Zhɛrəzalɛm zhɛkwa wa?» Ma ke Hɛliyodore zhɛnete nda: 38«Ma kenza nde ghema ta ŋa keɗema nde taze hɛɗia ŋa shɛ ne, ghweneghe ŋkɛ kadzawa. Ma ketembele ŋkɛ same kwagha ne, gwərədedə tenewe geva ta ŋkɛ na va ɗa kwa nza ŋkɛ, berete ta Shala nde mene slene te ŋkwa shɛ kaganda kaganda. 39Shala nya pelɛ ghweme nde newe ghweme te ŋkwa shɛ ba'a nde ya ŋkɛ. Ma mbeli nyi kedzembe le zəzə nyi ndiremi ndiremi ne, kaɗa hɛ ŋkɛ ba'a kaza sebe ŋkɛ te hɛ.» 40Nya ya kawəsə nya kemenete nda geva ke Hɛliyodore ba'a tsetse yate geva wəshi nyi mbe ghɛa Shala.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.