2 Makabɛ 1
1
Kwa ghate ta palepa ke ka Zhəwif nyi kwa Ɛzhipte
1Kanjiŋwe ka Zhəwif nyi kaka menəhɛ nci kwa Ɛzhipte ka Zhəwif nyi mbe Zhɛrəzalɛm ba'a nyi te pɛtɛa hɛɗia Zhəwdɛ ba'a kamawe nda kwelɛŋe ba'a zeɗe nza hɛ ke hɛ. 2Pa Shala ndeke ŋayɛ wəshi ganjia ŋkɛ, pa zəzəte jikə geva nya menete ŋkɛ le Abraham, Izak ba'a Zhakob nyi kaka mene slene ganjia ŋkɛ. 3Pa ŋkɛ ndeke ŋayɛ mawe ketsahe ŋkɛ, kemene ɗe ta ŋkɛ le wənə kwetɛŋe ba'a le mehele nya gweɗakwe. 4Pa ŋkɛ ghwenemte nda wənəa ŋayɛ ke wəsə mahalegəa ŋkɛ ba'a ke wəshi nyi gezete ŋkɛ, pa ŋkɛ ndeke ŋayɛ kwelɛŋe. 5Pa ŋkɛ fate səkwə ta ŋayɛ, kelemte fete ta ŋayɛ te wənə ba'a ɗema wəfə ŋayɛ vəa ŋkwa ndiremi. 6Nya ya kasəkwə nya yave nda ghen'yɛ teke tsetsenya kezha gheyɛ. 7Ma mbe va gwəmsə ba'a ŋkwaŋemsə meslighəmbe, vəa ŋkwa nya nza Dɛmɛtriyəs kameghe ne, wa nya ghena nya rafete ŋayɛ ghen'yɛ, ghen'yɛ ka Zhəwif nya: «Se te və nya pamte hɛɗi nya keveyi geva tekeleke ba'a Shala nya kameghea n'yɛ yɛ Zhazon le mbeli nyi yite ne, ndiremi nyi jama jama ya te ghen'yɛ. 8Nahe hɛ kendəmte mɛ degha nya wəba te ghɛa Shala ba'a kempəmte mbeli nyi ɗema fete va hɛ. Ama pa n'yɛ səkwəte Shala nya kefate səkwə ta n'yɛ. Pa n'yɛ dzeghekɛ melɛ ba'a keleke hə. Pa n'yɛ ndəyi ghwə kwa yɛ paterela ba'a veyi nda ɗafa ke Shala.» 9Ma tsetsenya ne, ghen'yɛ karafe ŋayɛ palepa kezha geze ŋayɛ kamene gəsəkəa yɛ ghwəli te terea Kisləw, 10mbe va gwəmsə ba'a deghesemsə degheseghəmbe.
Kwa bake ta palepa nya mbe va gwəmsə ba'a ŋkwaŋemsə wəfaɗeghəmbe
Kanjiŋwe Aristobəle, hwelefe ta ka dzeghe Shala nyi keveyi geva tekeleke kaŋa Shala ba'a nde ncɛ ntsehwele ta meghe Ptolɛmɛ, tsagha ka Zhəwif nyi kwa Ɛzhipte mbeli nyi mbe Zhɛrəzalɛm ba'a mbe Zhəwdɛ, tsene ta mbelia jama ba'a Zhəwdas, nza mə fare fare ba'a lɛŋe lɛŋe. 11Ma kwa mbelemte n'yɛ Shala shave mbɛmbi nyi jama jama ne, katsa nda hana ghen'yɛ kwele kwele kwa kemanakɛ n'yɛ ŋkɛ kezha mpa le meghe. 12Kwa nza ŋkɛ, gheŋkɛ le ghəa ŋkɛ nde ŋkamte mbeli nyi kese kaha nda mpa ke meleme nya keveyi geva tekeleke. 13Ma kwa dzembe Pɛrse wəndə nya te ghəa nci le ka sewajɛa ŋkɛ nyi ɗema mbeli kahərəte hɛ ne, pɛtɛ mpəmte hɛ mbeli mbe ghɛa shala Nanɛya, te zlaɓa ta ntsehwele nya menete ka dzeghe nda melɛ ke shala nya kamalea shɛ. 14Ma kwa ɗe Antiyokəs kawəme shala shɛ ne, shilimə ŋkɛ le mbeli nyi yite mbe ghɛa shɛ kezha kemave wəshi kwele kwele kawəsə nya mbe za. 15Pa ka dzeghe nda melɛ ke Nanɛya ncɛte hɛ, kwa sebe ta ŋkɛ, shilimə Antiyokəs le kweci mbeli nyi yite dzembe ghɛa shala. Ama dzembema ta meghe ne, dzasle ka dzeghe shala shɛhɛ ŋzlete gelembe nyi mɛa ŋkwa shɛ. 16Tseɗake hɛ kelemte wəsə mɛa wəfela ta dɛɓere, pa hɛ jɛwəmte yɛ Antiyokəs le mbeli nyi yite le pelɛ. Pa hɛ sleslamte yɛ seɗa ba'a yɛ dzeve te hɛ, pa hɛ neneghakave nda yɛ ghəa shɛhɛ ke mbeli nyi pelɛ te ŋwela. 17Hana ke ghen'yɛ sha Shala ta n'yɛ nya kempəmte mbeli nyi keɓelama ŋkɛ mbe yayata wəsə!
Wəsə meŋelea ghwə nya te reghwetɛ
18Ma mbe hɛ bakemsə mcɛfeghəmbe te terea Kisləw ne, katemene gəsəkəa yaɓe ta ghɛa Shala ghen'yɛ. Nahe n'yɛ kezəzəte kageze ŋayɛ kezha mene gəsəkəa shɛ yɛ kala gəsəkəa yɛ ghwəli ba'a ghwə nya kencake nca vəa ŋkwa nya dzeghekɛ melɛ Nɛhɛmi kwa sebe ta nya zhɛne ŋkɛ kaŋate ghɛa Shala ba'a reghwetɛ. 19Kwa nza ŋkɛ ma kwa fəghe geva ka shihɛ ɓəmə kajive Pɛrse ne, laŋe ka dzeghe Shala ganji nyi te vəa shɛ kelete laɗe ta ghwə te reghwetɛ, pa hɛ wəfərəakɛ ŋkɛ kwa ŋkwa nya kala belageji nya ɗema yɛmə kwa. Megela wəfərəakɛ ŋkɛ hɛ kwa kaɗema mbeli kantsate. 20Ma kwa sebe ta va kwele kwele nya dzeghete və Shala ne, pa meghe nya mbe Pɛrse ghwenakɛ Nɛhɛmi kajive Zhɛrəzalɛm. Pa Nɛhɛmi gezete nda ke hwelefefia ka dzeghe Shala nyi kewəfərəakɛ ghwəa shɛ kalə kakele ŋkɛ. 21Pa hɛ gezete kaɗema hɛ kesləyi ghwə, ama deke wəsə kwa yɛmə yɛmə yasləyi hɛ. Tagha gɛ, pa Nɛhɛmi gezete nda ke ka dzeghe Shala kalə kagə wəsə kwa yɛmə yɛməa shɛ kase. Ma kwa tseɓate wəshi kedzeghe melɛ mbeli ne, pa Nɛhɛmi gezete nda ke ka dzeghe Shala kasheke wəsə kwa yɛmə yɛməa shɛ kənəa sheghwə ba'a wəsə keseɗa nyi te reghwetɛ. 22Pa hɛ menete tsagha. Temə vireɗi, ntake veci kaɓele sawa mbe ləmbə nya kezhiɓəaghe geva kənə. Tagha gɛ, pa ghwə nya wəba tsete geva te reghwetɛ kawəsə meŋele sha mbeli pɛtɛ. 23Ma vəa ŋkwa nya tere geva wəsə keseɗa ne, ntake ka dzeghe Shala ba'a pɛtɛa mbeli nyi tagha kasəkwə ghə. Zhonatan nde ghate səkwə ghə, nda zhɛne kweci mbeli ba'a Nɛhɛmi. 24Wa nya səkwə ghəa shɛ nya:
«Shala, Shala ta n'yɛ, gha nde pate wəshi pɛtɛ. Gha ya kande ghazlənə ŋkwa, kande berete, kande tiɗiɗi ba'a kande ganyɛa mehele. Deke gha ya kameghe, kande ganyɛ, 25kande vele, kande tiɗiɗi, kande berete ba'a kande ghala ghala. Nahe na kentave ka shihɛ n'yɛ, nahe na keveyi hɛ tekeleke kezha mene ŋa slene ba'a ɗeke ɗeke na kezha mbele hɛ va yayata wəsə kwa ndiremi. 26Tsetsenya gɛ, yɛte melɛ nya dzeghe ŋa mbelia ŋa nyi kaka Israyɛl. Yakɛ mbeli nyi kaŋa ŋa nyi ba'a veyi hɛ kambeli nyi kehi kamene ŋa slene. 27Tsenete mbelia n'yɛ nyi ketaze taze, mbelemte mbeli nyi kaka mavashi te kweci hɛɗi, zhɛakɛ heli yitea nyi ɓelama hɛ ba'a nyi ɗema hɛ mbeli, yitea ɗepete kweci hwelefefi gha ya kaShala ta n'yɛ. 28Ɗate nyi kesa n'yɛ yaka ba'a nyi keɓelama shinti mbe ghə va ghen'yɛ. 29Zhɛneyi mbelia ŋa te hɛɗi nya keveyi ŋa geva tekeleke, kala nya gezete Moyize.»
30Kwa sebe ta ŋkɛ, ntake ka dzeghe Shala kagha cimə. 31Ma kwa teremte geva wəsə keseɗa ne, pa Nɛhɛmi gezete kezha sheke wəsə kwa yɛmə yɛmə nya ketene mbeli te pelɛ nyi jama jama. 32Menetema geva ta ŋkɛ ne, daɗemə ghwə tsete geva, ama waŋe ma ŋkwa ghwə nya ketse te reghwetɛ ke gheŋkɛ.
33Pa ghena ta wəsə nya kemenete geva shɛ pesleyi geva, ma ke mbeli ɓelate nda ke meghe nya mbe Pɛrse: ma te ŋkwa nya wəfərəakɛ ghwə ka dzeghe Shala nda tefəhwe geva hɛ ne, nahe mbeli kesləyi wəsə kwa yɛmə yɛmə. Le wəsə kwa yɛmə yɛməa shɛ teremte wəsə keseɗa yɛ Nɛhɛmi le mbeli nyi yite. 34Ma kwa fake zeweve ta ghena shɛ meghe ne, pa dzaslete ŋkwa shɛ le zli ba'a zhɛrete ŋkɛ kaŋkwa nya keveyi geva tekeleke. 35Wəshi kwele kwele yakemave meghe te ŋkwa shɛ, kwele kwele wəshi nyi nehemte nda ŋkɛ ke ka mcɛhɛnyɛ. 36Pa yɛ Nɛhɛmi le mbeli nyi yite hekate nda slə ke wəsə kwa yɛmə yɛməa shɛ “kaNɛftar”, geze ta ŋkɛ yaɓe ŋkwa. Ama “Nafte” heka ŋkɛ wəba ta mbeli.
Currently Selected:
2 Makabɛ 1: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
2 Makabɛ 1
1
Kwa ghate ta palepa ke ka Zhəwif nyi kwa Ɛzhipte
1Kanjiŋwe ka Zhəwif nyi kaka menəhɛ nci kwa Ɛzhipte ka Zhəwif nyi mbe Zhɛrəzalɛm ba'a nyi te pɛtɛa hɛɗia Zhəwdɛ ba'a kamawe nda kwelɛŋe ba'a zeɗe nza hɛ ke hɛ. 2Pa Shala ndeke ŋayɛ wəshi ganjia ŋkɛ, pa zəzəte jikə geva nya menete ŋkɛ le Abraham, Izak ba'a Zhakob nyi kaka mene slene ganjia ŋkɛ. 3Pa ŋkɛ ndeke ŋayɛ mawe ketsahe ŋkɛ, kemene ɗe ta ŋkɛ le wənə kwetɛŋe ba'a le mehele nya gweɗakwe. 4Pa ŋkɛ ghwenemte nda wənəa ŋayɛ ke wəsə mahalegəa ŋkɛ ba'a ke wəshi nyi gezete ŋkɛ, pa ŋkɛ ndeke ŋayɛ kwelɛŋe. 5Pa ŋkɛ fate səkwə ta ŋayɛ, kelemte fete ta ŋayɛ te wənə ba'a ɗema wəfə ŋayɛ vəa ŋkwa ndiremi. 6Nya ya kasəkwə nya yave nda ghen'yɛ teke tsetsenya kezha gheyɛ. 7Ma mbe va gwəmsə ba'a ŋkwaŋemsə meslighəmbe, vəa ŋkwa nya nza Dɛmɛtriyəs kameghe ne, wa nya ghena nya rafete ŋayɛ ghen'yɛ, ghen'yɛ ka Zhəwif nya: «Se te və nya pamte hɛɗi nya keveyi geva tekeleke ba'a Shala nya kameghea n'yɛ yɛ Zhazon le mbeli nyi yite ne, ndiremi nyi jama jama ya te ghen'yɛ. 8Nahe hɛ kendəmte mɛ degha nya wəba te ghɛa Shala ba'a kempəmte mbeli nyi ɗema fete va hɛ. Ama pa n'yɛ səkwəte Shala nya kefate səkwə ta n'yɛ. Pa n'yɛ dzeghekɛ melɛ ba'a keleke hə. Pa n'yɛ ndəyi ghwə kwa yɛ paterela ba'a veyi nda ɗafa ke Shala.» 9Ma tsetsenya ne, ghen'yɛ karafe ŋayɛ palepa kezha geze ŋayɛ kamene gəsəkəa yɛ ghwəli te terea Kisləw, 10mbe va gwəmsə ba'a deghesemsə degheseghəmbe.
Kwa bake ta palepa nya mbe va gwəmsə ba'a ŋkwaŋemsə wəfaɗeghəmbe
Kanjiŋwe Aristobəle, hwelefe ta ka dzeghe Shala nyi keveyi geva tekeleke kaŋa Shala ba'a nde ncɛ ntsehwele ta meghe Ptolɛmɛ, tsagha ka Zhəwif nyi kwa Ɛzhipte mbeli nyi mbe Zhɛrəzalɛm ba'a mbe Zhəwdɛ, tsene ta mbelia jama ba'a Zhəwdas, nza mə fare fare ba'a lɛŋe lɛŋe. 11Ma kwa mbelemte n'yɛ Shala shave mbɛmbi nyi jama jama ne, katsa nda hana ghen'yɛ kwele kwele kwa kemanakɛ n'yɛ ŋkɛ kezha mpa le meghe. 12Kwa nza ŋkɛ, gheŋkɛ le ghəa ŋkɛ nde ŋkamte mbeli nyi kese kaha nda mpa ke meleme nya keveyi geva tekeleke. 13Ma kwa dzembe Pɛrse wəndə nya te ghəa nci le ka sewajɛa ŋkɛ nyi ɗema mbeli kahərəte hɛ ne, pɛtɛ mpəmte hɛ mbeli mbe ghɛa shala Nanɛya, te zlaɓa ta ntsehwele nya menete ka dzeghe nda melɛ ke shala nya kamalea shɛ. 14Ma kwa ɗe Antiyokəs kawəme shala shɛ ne, shilimə ŋkɛ le mbeli nyi yite mbe ghɛa shɛ kezha kemave wəshi kwele kwele kawəsə nya mbe za. 15Pa ka dzeghe nda melɛ ke Nanɛya ncɛte hɛ, kwa sebe ta ŋkɛ, shilimə Antiyokəs le kweci mbeli nyi yite dzembe ghɛa shala. Ama dzembema ta meghe ne, dzasle ka dzeghe shala shɛhɛ ŋzlete gelembe nyi mɛa ŋkwa shɛ. 16Tseɗake hɛ kelemte wəsə mɛa wəfela ta dɛɓere, pa hɛ jɛwəmte yɛ Antiyokəs le mbeli nyi yite le pelɛ. Pa hɛ sleslamte yɛ seɗa ba'a yɛ dzeve te hɛ, pa hɛ neneghakave nda yɛ ghəa shɛhɛ ke mbeli nyi pelɛ te ŋwela. 17Hana ke ghen'yɛ sha Shala ta n'yɛ nya kempəmte mbeli nyi keɓelama ŋkɛ mbe yayata wəsə!
Wəsə meŋelea ghwə nya te reghwetɛ
18Ma mbe hɛ bakemsə mcɛfeghəmbe te terea Kisləw ne, katemene gəsəkəa yaɓe ta ghɛa Shala ghen'yɛ. Nahe n'yɛ kezəzəte kageze ŋayɛ kezha mene gəsəkəa shɛ yɛ kala gəsəkəa yɛ ghwəli ba'a ghwə nya kencake nca vəa ŋkwa nya dzeghekɛ melɛ Nɛhɛmi kwa sebe ta nya zhɛne ŋkɛ kaŋate ghɛa Shala ba'a reghwetɛ. 19Kwa nza ŋkɛ ma kwa fəghe geva ka shihɛ ɓəmə kajive Pɛrse ne, laŋe ka dzeghe Shala ganji nyi te vəa shɛ kelete laɗe ta ghwə te reghwetɛ, pa hɛ wəfərəakɛ ŋkɛ kwa ŋkwa nya kala belageji nya ɗema yɛmə kwa. Megela wəfərəakɛ ŋkɛ hɛ kwa kaɗema mbeli kantsate. 20Ma kwa sebe ta va kwele kwele nya dzeghete və Shala ne, pa meghe nya mbe Pɛrse ghwenakɛ Nɛhɛmi kajive Zhɛrəzalɛm. Pa Nɛhɛmi gezete nda ke hwelefefia ka dzeghe Shala nyi kewəfərəakɛ ghwəa shɛ kalə kakele ŋkɛ. 21Pa hɛ gezete kaɗema hɛ kesləyi ghwə, ama deke wəsə kwa yɛmə yɛmə yasləyi hɛ. Tagha gɛ, pa Nɛhɛmi gezete nda ke ka dzeghe Shala kalə kagə wəsə kwa yɛmə yɛməa shɛ kase. Ma kwa tseɓate wəshi kedzeghe melɛ mbeli ne, pa Nɛhɛmi gezete nda ke ka dzeghe Shala kasheke wəsə kwa yɛmə yɛməa shɛ kənəa sheghwə ba'a wəsə keseɗa nyi te reghwetɛ. 22Pa hɛ menete tsagha. Temə vireɗi, ntake veci kaɓele sawa mbe ləmbə nya kezhiɓəaghe geva kənə. Tagha gɛ, pa ghwə nya wəba tsete geva te reghwetɛ kawəsə meŋele sha mbeli pɛtɛ. 23Ma vəa ŋkwa nya tere geva wəsə keseɗa ne, ntake ka dzeghe Shala ba'a pɛtɛa mbeli nyi tagha kasəkwə ghə. Zhonatan nde ghate səkwə ghə, nda zhɛne kweci mbeli ba'a Nɛhɛmi. 24Wa nya səkwə ghəa shɛ nya:
«Shala, Shala ta n'yɛ, gha nde pate wəshi pɛtɛ. Gha ya kande ghazlənə ŋkwa, kande berete, kande tiɗiɗi ba'a kande ganyɛa mehele. Deke gha ya kameghe, kande ganyɛ, 25kande vele, kande tiɗiɗi, kande berete ba'a kande ghala ghala. Nahe na kentave ka shihɛ n'yɛ, nahe na keveyi hɛ tekeleke kezha mene ŋa slene ba'a ɗeke ɗeke na kezha mbele hɛ va yayata wəsə kwa ndiremi. 26Tsetsenya gɛ, yɛte melɛ nya dzeghe ŋa mbelia ŋa nyi kaka Israyɛl. Yakɛ mbeli nyi kaŋa ŋa nyi ba'a veyi hɛ kambeli nyi kehi kamene ŋa slene. 27Tsenete mbelia n'yɛ nyi ketaze taze, mbelemte mbeli nyi kaka mavashi te kweci hɛɗi, zhɛakɛ heli yitea nyi ɓelama hɛ ba'a nyi ɗema hɛ mbeli, yitea ɗepete kweci hwelefefi gha ya kaShala ta n'yɛ. 28Ɗate nyi kesa n'yɛ yaka ba'a nyi keɓelama shinti mbe ghə va ghen'yɛ. 29Zhɛneyi mbelia ŋa te hɛɗi nya keveyi ŋa geva tekeleke, kala nya gezete Moyize.»
30Kwa sebe ta ŋkɛ, ntake ka dzeghe Shala kagha cimə. 31Ma kwa teremte geva wəsə keseɗa ne, pa Nɛhɛmi gezete kezha sheke wəsə kwa yɛmə yɛmə nya ketene mbeli te pelɛ nyi jama jama. 32Menetema geva ta ŋkɛ ne, daɗemə ghwə tsete geva, ama waŋe ma ŋkwa ghwə nya ketse te reghwetɛ ke gheŋkɛ.
33Pa ghena ta wəsə nya kemenete geva shɛ pesleyi geva, ma ke mbeli ɓelate nda ke meghe nya mbe Pɛrse: ma te ŋkwa nya wəfərəakɛ ghwə ka dzeghe Shala nda tefəhwe geva hɛ ne, nahe mbeli kesləyi wəsə kwa yɛmə yɛmə. Le wəsə kwa yɛmə yɛməa shɛ teremte wəsə keseɗa yɛ Nɛhɛmi le mbeli nyi yite. 34Ma kwa fake zeweve ta ghena shɛ meghe ne, pa dzaslete ŋkwa shɛ le zli ba'a zhɛrete ŋkɛ kaŋkwa nya keveyi geva tekeleke. 35Wəshi kwele kwele yakemave meghe te ŋkwa shɛ, kwele kwele wəshi nyi nehemte nda ŋkɛ ke ka mcɛhɛnyɛ. 36Pa yɛ Nɛhɛmi le mbeli nyi yite hekate nda slə ke wəsə kwa yɛmə yɛməa shɛ “kaNɛftar”, geze ta ŋkɛ yaɓe ŋkwa. Ama “Nafte” heka ŋkɛ wəba ta mbeli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.