1 Makabɛ 15
15
Meghe Antiyokəs nde mberefaŋe karafe nda palepa ke Simon
1Se mbe hɛɗia Grɛk nyi dzeyi te yɛmə ne, pa Antiyokəs nde mberefaŋe, wəzege ta meghe Dɛmɛtriyəs nde ghate ghweneghe nda palepa ke Simon, wəndə kwelea ka dzeghe Shala ba'a wəndə nya te ghəa hwelefe ta ka Zhəwif, tsagha ke mbeli pɛtɛ. 2Wa nya ghena nya kerafete geva te palepa shɛ nya: «Kanjiŋwe Simon, wəndə kwelea ka dzeghe Shala ba'a wəndə nya te ghəa ka Zhəwif, tsagha mbeli pɛtɛ meghe Antiyokəs. 3Nahe ka mefətekwə kekelehwe hɛɗia ka shihɛ ɗa. Vatse ɗe 'ya kazhɛne kakele ŋkɛ kezha zhɛne ŋkɛ kanza kala nya se ŋkɛ vəashi. Nahe 'ya ketsenete ka sewajɛ kwele kwele ba'a kebeteyi wəshi kempa kwa yɛ kwambelə. 4Nahe 'ya ketarete kazhɛne geva kadzete hɛɗi kezha ha nda mpa ke mbeli nyi kebezemte ŋkɛ ba'a nyi keŋzlamte meleme kwele kwele te hɛɗia ɗa. 5Ma tsetsenya ne, 'ya kazhɛne ghwelə yitea hweŋkwa nyi pelave ŋa ka meghea kɛfi nyi mpelɛa ke 'ya te ghəa jaɓeregwale. Tsagha shɛ kaŋa kweci wəshi nyi sərəakɛ ŋa hɛ. 6'Ya kapele ŋa hweŋkwa kegezla cɛdɛa ŋa, yitea mene slene nde te hɛɗia ŋa. 7Nahe Zhɛrəzalɛm ba'a ghɛa Shala kenza waɗe. Nahe pɛtɛa wəshi kempa nyi va gha, ŋkwa nyi berete berete nyi ŋate na ba'a nya nza na mba mbe kenza kaŋa ŋa. 8Se tsetsenya ba'a kaghala ghala ne, pələsə na va pɛtɛa wəshi nyi ŋki nda na ke meghe tsetsenya ba'a te kwete hɛ. 9Ma keletema ta ɗa ke hɛɗi meghea ɗa ne, kateve zləvə 'ya kwele kwele te gha, te hwelefe ta ŋa ba'a te ghɛa Shala nya mbe Zhɛrəzalɛm. Tagha gɛ, katenewe zləvəa ŋayɛ hɛɗi lema.»
Antiyokəs nde mberefaŋe kaha nda mpa ke Trifon mbe Dor
10Ma mbe va gwəmsə ba'a mberefaŋemsə wəfaɗeghəmbe ne, cape Antiyokəs kalə kadzete hɛɗia ka shihɛnyɛ. Pa pɛtɛa ka sewajɛa dzeyitenji yite. Deke mbeli ɓɛhwɛ ka tene yitea Trifon. 11Ntəŋə Antiyokəs kakeka Trifon, pa hwɛnyɛ kadzembe Dor nya mɛa ndərə. 12Kwa nza ŋkɛ ne, kwele kwele ndiremi nyi keseke nda se ba'a nahe ka sewajɛa ŋkɛ kewəfəyite ŋkɛ. 13Pa Antiyokəs se kanzanyɛ mbe kema ta Dor le ka sewajɛ nyi le seɗa 120.000 ba'a ka zleɗe gədəwəa lɛmə 8.000. 14Pa ŋkɛ dzaslete meleme vəa ŋkwa nya ŋzlete melemea shɛ yɛ kwambelə laka ndərə. Pa ŋkɛ fɛake nda ŋkwa ke mbeli nyi mbe meleme te hɛɗi ba'a te yɛmə, wəndə shɛ kadzembe keɗema kashave mbe melemea shɛ we.
Simon kazhɛne kamene jikə geva le Rome
15Pa yɛ Nəmɛniyəs le mbeli nyi yite zhɛneke geva se mbe Rome. Palepa nyi kerafave nda geva ke ka meghea kɛfia hɛɗi kwele kwele ya va hɛ. Wa nyi ghena nyi te palepa shɛ nyi: 16«Kanjiŋwe meghe Ptolɛmɛ wəndə kwelea ka Rome Ləsiyəs. 17Nahe ka ghwene ta ka Zhəwif nyi ghweneke Simon, wəndə kwelea ka dzeghe Shala kese sha ghen'yɛ kala ka mcɛhɛ ba'a kala ka kemenete jikə geva kezha zhɛne kamene mcɛ ba'a jikə geva nya vəashi. 18Gelə mze kwa tere tere nya nza ɗaŋeɗa ta ŋkɛ kakiləwə gwəmsə mcɛfe yakeleke hɛ. 19Vatse tarete n'yɛ kaghwene nda palepa ke ka meghea kɛfia hɛɗi kwele kwele kezha ɗema hɛ kamene nda wəsə kwa ndiremi ke ka Zhəwif, kaha nda mpa ke hɛ, ke yɛ meleme ta nci keɗema ke hɛɗia nci ba'a kezha ɗema hɛ kajikə geva le mbeli nyi kempa le hɛ. 20Nahe ghen'yɛ ketarete kakele gelə nya keleke n'yɛ hɛ perə. 21Ama kehwɛnji ka mefətekwə shave mbe hɛɗia nci kezha wəfərə sha gheyɛ ne, kesave nda mə hɛ ke Simon, wəndə kwelea ka dzeghe Shala kezha 'yɛ hɛ ŋkɛ kala wəsə mahalegəa nci.» 22Pa palepa shɛ ghweneghe nda geva ke ka meghea kɛfi Dɛmɛtriyəs, Atale, Ariyarate, Arsase 23ba'a ke pɛtɛa hɛɗi nyi: Samsamɛ, Sparte, Dɛlos, Mindos, Sisiyone, Kari, Samos, Pamfili, Lisi, Halikarnase, Rodɛs, Fasɛli, Kos, Sidɛ, Arvad, Gortine, Knide, Shipre ba'a Sirɛne. 24Pa palepa shɛ ghweneghe nda geva ke Simon, wəndə kwelea ka dzeghe Shala.
Antiyokəs nde mberefaŋe kanehe jikə geva ta ŋkɛ le Simon
25Pa meghe Antiyokəs zhɛne kahave nda mpa ke Dor. Kevə kevə ghwene ka sewajɛ ŋkɛ kaha nda mpa ba'a pa ŋkɛ menete yɛ wəmata kempa. Pa ŋkɛ fɛake nda ŋkwa ke Trifon te hɛɗi ba'a te ndərə, wəndə shɛ kadzembe keɗema kashave mbe meleme we. 26Pa Simon ghweneghe ka katsala sewajɛa ŋkɛ 2.000 kezha kemane meghe, tsagha mze kwa tɛawetɛa, mze kwa tere tere ba'a wəshi kwele kwele. 27Ama pa meghe Antiyokəs ɗema kemanea shɛ. Zhɛne ne, pa belewəmte ghena nyi ghate hɛ katsahwe le Simon ba'a zhɛrete nda mehele. 28Pa ŋkɛ ghweneghe nda Atɛnobiyəs, kwete mcɛnyɛ ke Simon, ma ke shɛ: «Mbe dzeve ta ŋayɛ Zhopɛ, Gɛzɛr ba'a ŋkwa nya berete ta Zhɛrəzalɛm tsetsenya. Nahe hɛ kenza kameleme nyi te hɛɗia ɗa. 29Nahe yɛ kezhɛrete hɛɗia nci kaɓerama. Nahe yɛ kevate ɗa nyi dzawe dzawe te hɛɗia shɛ ba'a nahe yɛ kenza kaka sleke hɛɗi kwele kwele te hɛɗi meghea ɗa. 30Tsetsenya ne, zhɛnave ɗa mə meleme nyi fəhwe yɛ ba'a ŋkikɛ ɗa mə jaɓeregwale te hɛɗi nyi fəhwe nyi yɛ kaɗema te hɛɗia Zhəwdɛ. 31Ma keɗema yɛ ne, ndeke ɗa kiləwəa mze kwa tɛawetɛa 13.000 te ŋkwa melemea shɛhɛ. Ŋkikɛ mə cɛdɛ kala nyagha perə kezha ŋzla nyi ŋzlamte hɛ yɛ ba'a kezha jaɓeregwale nyi ŋki ŋayɛ hɛ. Ma keɗema ŋkɛ tsagha ne, kateha ŋayɛ mpa n'yɛ.»
32Ma kwa ntsehe Atɛnobiyəs, mcɛnyɛa meghe mbe Zhɛrəzalɛm ne, heɓake ŋkɛ kwa nakɛ zləvə nya te Simon, yɛ parantɛ mze kwa tere tere ba'a ŋa yɛ mze kwa tɛawetɛa nyi te tabelea ŋkɛ, pɛtɛa wəshi nyi ki ghɛa ŋkɛ ŋkɛ. Pa ŋkɛ gezete nda ghena nyi gezete meghe ke Simon. 33Ma ke Simon zhɛnete nda: «Kekelehwe hɛɗia ka se se ghen'yɛ ba'a kefəhwe wəshia kweci mbeli ghen'yɛ we. Deke hɛɗi nyi zehwe ghɛ ghen'yɛ yitea ka shihɛ n'yɛ le hɛ yazhɛneve ghen'yɛ. Le hweŋkwa ta ŋkɛ fəhwe hɛ ka ghema ta n'yɛ mbe kweci və we. 34Nahe ghen'yɛ kekemave və ganyɛ kezha zhɛne wəshia ka shihɛ n'yɛ kase. 35Ma kaŋa yɛ Zhopɛ le Gɛzɛr nyi 'yɛwe na ne, nahe mbeli nyi mbe hɛ kevate ɗa nyi dzawe dzawe te mbelia n'yɛ ba'a hɛɗia n'yɛ. Ma kaŋa nci ne, kave ŋa kiləwəa mze kwa tɛawetɛa 2.700 ghen'yɛ.» Ghena shɛ kezhɛnete nda Atɛnobiyəs we. 36Tewətelɛwe ŋkɛ zhɛrete geva le wənə le wənə kalə sha meghe. Pa ŋkɛ gezete nda zhɛne ta Simon ba'a wəshi nyi nakɛ ŋkɛ ki ghɛa ŋkɛ. Pa meghe hwepete wənə kwele kwele.
Ŋgwamna Kendɛbɛ kaha nda mpa ke Zhəwdɛ
37Pa Trifon dzawa kwambelə ba'a hwɛnyɛ kadzembe Ortosiya. 38Tagha gɛ, pa meghe Antiyokəs veyi Kendɛbɛ kaŋgwamna nya te ghəa hɛɗi nya mɛa ndərə. Pa ŋkɛ dapate nda wəvəsəa ka sewajɛ nyi le seɗa ba'a ka zleɗe gədəwəa lɛmə te dzeve. 39Pa ŋkɛ gezete nda kave ghedəkwəa ŋkɛ kwa ghala ta Zhəwdɛ, kazhɛne kaŋa meleme ta Kɛdron ba'a kave gelembe nyi berete berete mɛ kezha ha nda mpa se tagha ke ka Zhəwif. Ma meghe le ŋa ŋkɛ ne, ntəŋə ŋkɛ kwa sebe ta Trifon. 40Hwa'a Kendɛbɛ ntsehe mbe Jamniya ba'a ntake ŋkɛ kaghweze mɛ hwa ka Zhəwif. Shilimə ŋkɛ mbe Zhəwdɛ, pa keseve ka mavashi ba'a mpəmte mbeli. 41Pa ŋkɛ zhɛne kaŋate Kɛdron ba'a beteyi ka zleɗe gədəwəa lɛmə ba'a ka sewajɛ nyi le seɗa mbe melemea shɛ kezha shave kafə wəshi va mbeli nyi kedzeghwa kwa hweŋkwa nyi mbe Zhəwdɛ, kala nya gezave nda meghe.
Currently Selected:
1 Makabɛ 15: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
1 Makabɛ 15
15
Meghe Antiyokəs nde mberefaŋe karafe nda palepa ke Simon
1Se mbe hɛɗia Grɛk nyi dzeyi te yɛmə ne, pa Antiyokəs nde mberefaŋe, wəzege ta meghe Dɛmɛtriyəs nde ghate ghweneghe nda palepa ke Simon, wəndə kwelea ka dzeghe Shala ba'a wəndə nya te ghəa hwelefe ta ka Zhəwif, tsagha ke mbeli pɛtɛ. 2Wa nya ghena nya kerafete geva te palepa shɛ nya: «Kanjiŋwe Simon, wəndə kwelea ka dzeghe Shala ba'a wəndə nya te ghəa ka Zhəwif, tsagha mbeli pɛtɛ meghe Antiyokəs. 3Nahe ka mefətekwə kekelehwe hɛɗia ka shihɛ ɗa. Vatse ɗe 'ya kazhɛne kakele ŋkɛ kezha zhɛne ŋkɛ kanza kala nya se ŋkɛ vəashi. Nahe 'ya ketsenete ka sewajɛ kwele kwele ba'a kebeteyi wəshi kempa kwa yɛ kwambelə. 4Nahe 'ya ketarete kazhɛne geva kadzete hɛɗi kezha ha nda mpa ke mbeli nyi kebezemte ŋkɛ ba'a nyi keŋzlamte meleme kwele kwele te hɛɗia ɗa. 5Ma tsetsenya ne, 'ya kazhɛne ghwelə yitea hweŋkwa nyi pelave ŋa ka meghea kɛfi nyi mpelɛa ke 'ya te ghəa jaɓeregwale. Tsagha shɛ kaŋa kweci wəshi nyi sərəakɛ ŋa hɛ. 6'Ya kapele ŋa hweŋkwa kegezla cɛdɛa ŋa, yitea mene slene nde te hɛɗia ŋa. 7Nahe Zhɛrəzalɛm ba'a ghɛa Shala kenza waɗe. Nahe pɛtɛa wəshi kempa nyi va gha, ŋkwa nyi berete berete nyi ŋate na ba'a nya nza na mba mbe kenza kaŋa ŋa. 8Se tsetsenya ba'a kaghala ghala ne, pələsə na va pɛtɛa wəshi nyi ŋki nda na ke meghe tsetsenya ba'a te kwete hɛ. 9Ma keletema ta ɗa ke hɛɗi meghea ɗa ne, kateve zləvə 'ya kwele kwele te gha, te hwelefe ta ŋa ba'a te ghɛa Shala nya mbe Zhɛrəzalɛm. Tagha gɛ, katenewe zləvəa ŋayɛ hɛɗi lema.»
Antiyokəs nde mberefaŋe kaha nda mpa ke Trifon mbe Dor
10Ma mbe va gwəmsə ba'a mberefaŋemsə wəfaɗeghəmbe ne, cape Antiyokəs kalə kadzete hɛɗia ka shihɛnyɛ. Pa pɛtɛa ka sewajɛa dzeyitenji yite. Deke mbeli ɓɛhwɛ ka tene yitea Trifon. 11Ntəŋə Antiyokəs kakeka Trifon, pa hwɛnyɛ kadzembe Dor nya mɛa ndərə. 12Kwa nza ŋkɛ ne, kwele kwele ndiremi nyi keseke nda se ba'a nahe ka sewajɛa ŋkɛ kewəfəyite ŋkɛ. 13Pa Antiyokəs se kanzanyɛ mbe kema ta Dor le ka sewajɛ nyi le seɗa 120.000 ba'a ka zleɗe gədəwəa lɛmə 8.000. 14Pa ŋkɛ dzaslete meleme vəa ŋkwa nya ŋzlete melemea shɛ yɛ kwambelə laka ndərə. Pa ŋkɛ fɛake nda ŋkwa ke mbeli nyi mbe meleme te hɛɗi ba'a te yɛmə, wəndə shɛ kadzembe keɗema kashave mbe melemea shɛ we.
Simon kazhɛne kamene jikə geva le Rome
15Pa yɛ Nəmɛniyəs le mbeli nyi yite zhɛneke geva se mbe Rome. Palepa nyi kerafave nda geva ke ka meghea kɛfia hɛɗi kwele kwele ya va hɛ. Wa nyi ghena nyi te palepa shɛ nyi: 16«Kanjiŋwe meghe Ptolɛmɛ wəndə kwelea ka Rome Ləsiyəs. 17Nahe ka ghwene ta ka Zhəwif nyi ghweneke Simon, wəndə kwelea ka dzeghe Shala kese sha ghen'yɛ kala ka mcɛhɛ ba'a kala ka kemenete jikə geva kezha zhɛne kamene mcɛ ba'a jikə geva nya vəashi. 18Gelə mze kwa tere tere nya nza ɗaŋeɗa ta ŋkɛ kakiləwə gwəmsə mcɛfe yakeleke hɛ. 19Vatse tarete n'yɛ kaghwene nda palepa ke ka meghea kɛfia hɛɗi kwele kwele kezha ɗema hɛ kamene nda wəsə kwa ndiremi ke ka Zhəwif, kaha nda mpa ke hɛ, ke yɛ meleme ta nci keɗema ke hɛɗia nci ba'a kezha ɗema hɛ kajikə geva le mbeli nyi kempa le hɛ. 20Nahe ghen'yɛ ketarete kakele gelə nya keleke n'yɛ hɛ perə. 21Ama kehwɛnji ka mefətekwə shave mbe hɛɗia nci kezha wəfərə sha gheyɛ ne, kesave nda mə hɛ ke Simon, wəndə kwelea ka dzeghe Shala kezha 'yɛ hɛ ŋkɛ kala wəsə mahalegəa nci.» 22Pa palepa shɛ ghweneghe nda geva ke ka meghea kɛfi Dɛmɛtriyəs, Atale, Ariyarate, Arsase 23ba'a ke pɛtɛa hɛɗi nyi: Samsamɛ, Sparte, Dɛlos, Mindos, Sisiyone, Kari, Samos, Pamfili, Lisi, Halikarnase, Rodɛs, Fasɛli, Kos, Sidɛ, Arvad, Gortine, Knide, Shipre ba'a Sirɛne. 24Pa palepa shɛ ghweneghe nda geva ke Simon, wəndə kwelea ka dzeghe Shala.
Antiyokəs nde mberefaŋe kanehe jikə geva ta ŋkɛ le Simon
25Pa meghe Antiyokəs zhɛne kahave nda mpa ke Dor. Kevə kevə ghwene ka sewajɛ ŋkɛ kaha nda mpa ba'a pa ŋkɛ menete yɛ wəmata kempa. Pa ŋkɛ fɛake nda ŋkwa ke Trifon te hɛɗi ba'a te ndərə, wəndə shɛ kadzembe keɗema kashave mbe meleme we. 26Pa Simon ghweneghe ka katsala sewajɛa ŋkɛ 2.000 kezha kemane meghe, tsagha mze kwa tɛawetɛa, mze kwa tere tere ba'a wəshi kwele kwele. 27Ama pa meghe Antiyokəs ɗema kemanea shɛ. Zhɛne ne, pa belewəmte ghena nyi ghate hɛ katsahwe le Simon ba'a zhɛrete nda mehele. 28Pa ŋkɛ ghweneghe nda Atɛnobiyəs, kwete mcɛnyɛ ke Simon, ma ke shɛ: «Mbe dzeve ta ŋayɛ Zhopɛ, Gɛzɛr ba'a ŋkwa nya berete ta Zhɛrəzalɛm tsetsenya. Nahe hɛ kenza kameleme nyi te hɛɗia ɗa. 29Nahe yɛ kezhɛrete hɛɗia nci kaɓerama. Nahe yɛ kevate ɗa nyi dzawe dzawe te hɛɗia shɛ ba'a nahe yɛ kenza kaka sleke hɛɗi kwele kwele te hɛɗi meghea ɗa. 30Tsetsenya ne, zhɛnave ɗa mə meleme nyi fəhwe yɛ ba'a ŋkikɛ ɗa mə jaɓeregwale te hɛɗi nyi fəhwe nyi yɛ kaɗema te hɛɗia Zhəwdɛ. 31Ma keɗema yɛ ne, ndeke ɗa kiləwəa mze kwa tɛawetɛa 13.000 te ŋkwa melemea shɛhɛ. Ŋkikɛ mə cɛdɛ kala nyagha perə kezha ŋzla nyi ŋzlamte hɛ yɛ ba'a kezha jaɓeregwale nyi ŋki ŋayɛ hɛ. Ma keɗema ŋkɛ tsagha ne, kateha ŋayɛ mpa n'yɛ.»
32Ma kwa ntsehe Atɛnobiyəs, mcɛnyɛa meghe mbe Zhɛrəzalɛm ne, heɓake ŋkɛ kwa nakɛ zləvə nya te Simon, yɛ parantɛ mze kwa tere tere ba'a ŋa yɛ mze kwa tɛawetɛa nyi te tabelea ŋkɛ, pɛtɛa wəshi nyi ki ghɛa ŋkɛ ŋkɛ. Pa ŋkɛ gezete nda ghena nyi gezete meghe ke Simon. 33Ma ke Simon zhɛnete nda: «Kekelehwe hɛɗia ka se se ghen'yɛ ba'a kefəhwe wəshia kweci mbeli ghen'yɛ we. Deke hɛɗi nyi zehwe ghɛ ghen'yɛ yitea ka shihɛ n'yɛ le hɛ yazhɛneve ghen'yɛ. Le hweŋkwa ta ŋkɛ fəhwe hɛ ka ghema ta n'yɛ mbe kweci və we. 34Nahe ghen'yɛ kekemave və ganyɛ kezha zhɛne wəshia ka shihɛ n'yɛ kase. 35Ma kaŋa yɛ Zhopɛ le Gɛzɛr nyi 'yɛwe na ne, nahe mbeli nyi mbe hɛ kevate ɗa nyi dzawe dzawe te mbelia n'yɛ ba'a hɛɗia n'yɛ. Ma kaŋa nci ne, kave ŋa kiləwəa mze kwa tɛawetɛa 2.700 ghen'yɛ.» Ghena shɛ kezhɛnete nda Atɛnobiyəs we. 36Tewətelɛwe ŋkɛ zhɛrete geva le wənə le wənə kalə sha meghe. Pa ŋkɛ gezete nda zhɛne ta Simon ba'a wəshi nyi nakɛ ŋkɛ ki ghɛa ŋkɛ. Pa meghe hwepete wənə kwele kwele.
Ŋgwamna Kendɛbɛ kaha nda mpa ke Zhəwdɛ
37Pa Trifon dzawa kwambelə ba'a hwɛnyɛ kadzembe Ortosiya. 38Tagha gɛ, pa meghe Antiyokəs veyi Kendɛbɛ kaŋgwamna nya te ghəa hɛɗi nya mɛa ndərə. Pa ŋkɛ dapate nda wəvəsəa ka sewajɛ nyi le seɗa ba'a ka zleɗe gədəwəa lɛmə te dzeve. 39Pa ŋkɛ gezete nda kave ghedəkwəa ŋkɛ kwa ghala ta Zhəwdɛ, kazhɛne kaŋa meleme ta Kɛdron ba'a kave gelembe nyi berete berete mɛ kezha ha nda mpa se tagha ke ka Zhəwif. Ma meghe le ŋa ŋkɛ ne, ntəŋə ŋkɛ kwa sebe ta Trifon. 40Hwa'a Kendɛbɛ ntsehe mbe Jamniya ba'a ntake ŋkɛ kaghweze mɛ hwa ka Zhəwif. Shilimə ŋkɛ mbe Zhəwdɛ, pa keseve ka mavashi ba'a mpəmte mbeli. 41Pa ŋkɛ zhɛne kaŋate Kɛdron ba'a beteyi ka zleɗe gədəwəa lɛmə ba'a ka sewajɛ nyi le seɗa mbe melemea shɛ kezha shave kafə wəshi va mbeli nyi kedzeghwa kwa hweŋkwa nyi mbe Zhəwdɛ, kala nya gezave nda meghe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.