1 Ka Korɛnte 8
8
Sli nyi dzeghe nda melɛ mbeli le hɛ ke kweci shala
1Newakɛ ɓəmə ghena ta slia wəshi nyi dzeghekɛ nda melɛ mbeli le hɛ ke kweci shala. Kaganda ne, nahe gheɓəmə keɗepe wəsə. Ama ɗepe wəsə nde ghwete wəndə yitea fege, vəa ŋkwa nya kemane ka Kriste ɗe. 2Ma keveyi ghəa ŋkɛ kande ɗepe wəshi ne, kenaka ŋkɛ kakemave ɗepe wəsə nya kaganda we. 3Ama wəndə nya keɗe Shala ne, nahe Shala keɗepe wəndəa shɛ.
4Nda tsagha nde ne, kashɛ mbeli zeme slia wəshi nyi dzeghekɛ nda melɛ mbeli le hɛ ke kweci shala na? Nahe gheɓəmə keɗepe gəmə kweci shala, deke Shala kwetɛŋe ya shɛ. 5Ya kweci mbeli geze kweci shala ya shɛ pelɛ ghweme ba'a te hɛɗi ne, kaganda nza kweci shala kwele kwele ba'a ka sleke ŋkwa kwele kwele shɛ. 6Ma sha gheɓəmə ne, deke Shala kwetɛŋe ya shɛ, gheŋkɛ Yita, ve se wəshi pɛtɛ, kezha gheŋkɛ nza gheɓəmə teghweme. Deke Nde sleke ŋkwa kwetɛŋe ya shɛ, gheŋkɛ Yɛsə Kriste. Laka gheŋkɛ nza pɛtɛa wəshi teghweme, laka gheŋkɛ nza gheɓəmə teghweme.
7Ama pɛtɛa mbeli ka ɗepe kaganda shɛ we. Pa ɓeshi ne, kweci mbeli nyi keseve dzeghe nda melɛ ke kweci shala ya shɛ. Kazeme slia melɛ hɛ kala wəsə nya ndeke nda geva slia shɛ ke kweci shala. Nahe hɛ kenza kaka dewə mehele, kala wəsə nya nza hɛ wale wale va slia shɛ newe ghəa nci hɛ. 8Wəsə kezeme nde kele ɓəmə kalə sha Shala we: ma keɗema gheɓəmə zeme ne, wəsə shɛ kezamte gheɓəmə we, kezehwe gheɓəmə ne, kakemave kwete wəsə gheɓəmə we.
9Ama kwa ɗema ghena te slia shɛ sha gheyɛ, ntsehwele mə yagha yɛ teghwete kweci ka dewə ŋeli yitea mene jaɗafa. 10Kwa nza ŋkɛ ma nahe kenakɛ ŋa nde dewə berete, gha nya keɗepe wəsə kazeme wəsə te melɛ ne, ashɛ berete yamtsehete nda na ke mehele ta ŋkɛ kezha zeme slia wəshi nyi dzeghekɛ nda melɛ mbeli le hɛ ke kweci shala wəka? 11Tewəmbəreke gha nya keɗepe wəsə ne, nahe nde dewə ŋeli keza, gheŋkɛ wəza meyɛ ŋa nya mtenyɛ Kriste kezha gheŋkɛ. 12Laka mene nda jaɗafa kala nya ke ka kesaka meyɛ ŋayɛ ba'a beze nda mehele ta nci nya dewə berete ve ne, ke Kriste menete nda jaɗafa yɛ le ghəa ŋkɛ. 13Ma kenza nde katebeze ghena wəza meyɛ ɗa va wəsə kezeme nya zeme 'ya ne, katezeme sli 'ya kaghala ghala kezha ɗema wəza meyɛ ɗa kateɗe mbe jaɗafa we.
Currently Selected:
1 Ka Korɛnte 8: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
1 Ka Korɛnte 8
8
Sli nyi dzeghe nda melɛ mbeli le hɛ ke kweci shala
1Newakɛ ɓəmə ghena ta slia wəshi nyi dzeghekɛ nda melɛ mbeli le hɛ ke kweci shala. Kaganda ne, nahe gheɓəmə keɗepe wəsə. Ama ɗepe wəsə nde ghwete wəndə yitea fege, vəa ŋkwa nya kemane ka Kriste ɗe. 2Ma keveyi ghəa ŋkɛ kande ɗepe wəshi ne, kenaka ŋkɛ kakemave ɗepe wəsə nya kaganda we. 3Ama wəndə nya keɗe Shala ne, nahe Shala keɗepe wəndəa shɛ.
4Nda tsagha nde ne, kashɛ mbeli zeme slia wəshi nyi dzeghekɛ nda melɛ mbeli le hɛ ke kweci shala na? Nahe gheɓəmə keɗepe gəmə kweci shala, deke Shala kwetɛŋe ya shɛ. 5Ya kweci mbeli geze kweci shala ya shɛ pelɛ ghweme ba'a te hɛɗi ne, kaganda nza kweci shala kwele kwele ba'a ka sleke ŋkwa kwele kwele shɛ. 6Ma sha gheɓəmə ne, deke Shala kwetɛŋe ya shɛ, gheŋkɛ Yita, ve se wəshi pɛtɛ, kezha gheŋkɛ nza gheɓəmə teghweme. Deke Nde sleke ŋkwa kwetɛŋe ya shɛ, gheŋkɛ Yɛsə Kriste. Laka gheŋkɛ nza pɛtɛa wəshi teghweme, laka gheŋkɛ nza gheɓəmə teghweme.
7Ama pɛtɛa mbeli ka ɗepe kaganda shɛ we. Pa ɓeshi ne, kweci mbeli nyi keseve dzeghe nda melɛ ke kweci shala ya shɛ. Kazeme slia melɛ hɛ kala wəsə nya ndeke nda geva slia shɛ ke kweci shala. Nahe hɛ kenza kaka dewə mehele, kala wəsə nya nza hɛ wale wale va slia shɛ newe ghəa nci hɛ. 8Wəsə kezeme nde kele ɓəmə kalə sha Shala we: ma keɗema gheɓəmə zeme ne, wəsə shɛ kezamte gheɓəmə we, kezehwe gheɓəmə ne, kakemave kwete wəsə gheɓəmə we.
9Ama kwa ɗema ghena te slia shɛ sha gheyɛ, ntsehwele mə yagha yɛ teghwete kweci ka dewə ŋeli yitea mene jaɗafa. 10Kwa nza ŋkɛ ma nahe kenakɛ ŋa nde dewə berete, gha nya keɗepe wəsə kazeme wəsə te melɛ ne, ashɛ berete yamtsehete nda na ke mehele ta ŋkɛ kezha zeme slia wəshi nyi dzeghekɛ nda melɛ mbeli le hɛ ke kweci shala wəka? 11Tewəmbəreke gha nya keɗepe wəsə ne, nahe nde dewə ŋeli keza, gheŋkɛ wəza meyɛ ŋa nya mtenyɛ Kriste kezha gheŋkɛ. 12Laka mene nda jaɗafa kala nya ke ka kesaka meyɛ ŋayɛ ba'a beze nda mehele ta nci nya dewə berete ve ne, ke Kriste menete nda jaɗafa yɛ le ghəa ŋkɛ. 13Ma kenza nde katebeze ghena wəza meyɛ ɗa va wəsə kezeme nya zeme 'ya ne, katezeme sli 'ya kaghala ghala kezha ɗema wəza meyɛ ɗa kateɗe mbe jaɗafa we.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.