1 Ka Korɛnte 5
5
Wəsə nya kehitema geva hwa ka Kriste
1Nahe mbeli kefa kageze kwete wəsə nya kehitema geva mbeli hwa gheyɛ te yayata ŋkwa, wəsə nya kehitema geva nya dzawe nya ɗema kweci hwelefefi kamene: Kwa nza ŋkɛ nahe mbeli kegezete tsema tsema nza kwete wəndəa ŋayɛ le male ta yitenyɛ. 2Ya tsagha ŋkɛ, fege yamene yɛ kwele kwele. Megela ma nza yɛ keyirə yirə! Nahe ŋkɛ kehi kaŋkamte wəndə nya kemenete wəsə nya kala nya yɛ shave hwa gheyɛ. 3Ma 'ya ne, nahe 'ya kekiɗimte ghena shɛ. Ya geva ta ɗa nza cakeɗake le gheyɛ ne, nahe mehele ta ɗa kenza hwa gheyɛ. Nahe 'ya kemehamte ghwə te wəndə nya kemenete wəsə nya kala nyagha. 4Tsenete mə geva te sləa Nde sleke ŋkwa Yɛsə, le gheyɛ tenza mehele ta ɗa. Le berete ta Nde sleke ŋkwa Yɛsə ne, 5ndeke nda mə wəndəa shɛ ke Satan. Katebeze geva ta ŋkɛ, ama tsagha ne, katembele ŋkɛ te vecia Nde sleke ŋkwa#5.5 Nde sleke ŋkwa: geze ta ŋkɛ, veci nya tese Nde sleke ŋkwa kave nda mpi ke mbeli ba'a kameha ghwə te mbeli..
6Hweŋkwa kemene fege va gheyɛ we. Ashɛ yɛ keɗepe tenjɛne ɓɛhwɛ nde wepe pɛtɛa hə kwa hwaɗe hwaɗe wəka? 7Yaɓemte mə geva va meha tenjɛne nya kebeze ŋayɛ nda nza yɛ kahə kwa hwaɗe hwaɗe nya ɗema tenjɛne hwe. Nahe yɛ kenza tsagha tsetsenya, kwa nza ŋkɛ nahe Yɛsə kedzeghekɛ melɛ le ghəa ŋkɛ, kala zhɛgwə təmə nya mene gəsəkəa Pake gheɓəmə le. 8Mene ɓəmə gəsəkəa ɓəmə le pɛaŋe nya nza tenjɛne hwe, le wənə nya wɛŋe ba'a nya nza kaganda kwa. Zemema pɛaŋe nya ketakɛ geva le meha tenjɛne, tenjɛnea slene nyi ndiremi ndiremi ba'a wəsə kwa ndiremi.
9Ma te palepa nya rafete ŋayɛ 'ya ne, nahe 'ya kegezete ŋayɛ kezha ɗema yɛ kajikə geva le mbeli nyi kemene wəshi nyi kehitema geva. 10Kezəzəte mbeli nyi kemene wəshi nyi kehitema geva te hɛɗi nya 'ya we. Kezəzəte pɛtɛa ka sla ntsə yitea wəshi, ka ghərəa kɛfi ba'a ka hawe va wəshi nyi zhɛrete mbeli kala shala 'ya we. Ma nda tsagha gezete 'ya ne, nza nda yɛ kaslə ŋayɛ pɛtɛ te hɛɗi nya! 11Ma ghena nya ɗe 'ya kageze ŋayɛ ne, kezha ɗema yɛ kajikə geva le wəndə nya heka mbeli kande Kriste, nya kemene wəsə nya kehitema geva, nya kesla ntsə, nya kehawe va kweci shala, nya keŋwashɛ ŋwashɛ, nya keghwəyi keɗema nya keghərə. Mba yɛ kezeme ɗa le wəndə nya kala nyagha.
12Wa tsakɛ ɗa le ghena ta mbeli nyi keɗema kaka Kriste wa? Ma slene ta ŋayɛ ne, meha ghwə te ghəa ŋayɛ. 13Ma mbeli nyi pelɛ te ŋwela ne, Shala nde temeha ghwə te hɛ. Gheyɛ le ŋa ŋayɛ, ŋkamte mə nde 'yaghwa mehele shave hwa gheyɛ.
Currently Selected:
1 Ka Korɛnte 5: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
1 Ka Korɛnte 5
5
Wəsə nya kehitema geva hwa ka Kriste
1Nahe mbeli kefa kageze kwete wəsə nya kehitema geva mbeli hwa gheyɛ te yayata ŋkwa, wəsə nya kehitema geva nya dzawe nya ɗema kweci hwelefefi kamene: Kwa nza ŋkɛ nahe mbeli kegezete tsema tsema nza kwete wəndəa ŋayɛ le male ta yitenyɛ. 2Ya tsagha ŋkɛ, fege yamene yɛ kwele kwele. Megela ma nza yɛ keyirə yirə! Nahe ŋkɛ kehi kaŋkamte wəndə nya kemenete wəsə nya kala nya yɛ shave hwa gheyɛ. 3Ma 'ya ne, nahe 'ya kekiɗimte ghena shɛ. Ya geva ta ɗa nza cakeɗake le gheyɛ ne, nahe mehele ta ɗa kenza hwa gheyɛ. Nahe 'ya kemehamte ghwə te wəndə nya kemenete wəsə nya kala nyagha. 4Tsenete mə geva te sləa Nde sleke ŋkwa Yɛsə, le gheyɛ tenza mehele ta ɗa. Le berete ta Nde sleke ŋkwa Yɛsə ne, 5ndeke nda mə wəndəa shɛ ke Satan. Katebeze geva ta ŋkɛ, ama tsagha ne, katembele ŋkɛ te vecia Nde sleke ŋkwa#5.5 Nde sleke ŋkwa: geze ta ŋkɛ, veci nya tese Nde sleke ŋkwa kave nda mpi ke mbeli ba'a kameha ghwə te mbeli..
6Hweŋkwa kemene fege va gheyɛ we. Ashɛ yɛ keɗepe tenjɛne ɓɛhwɛ nde wepe pɛtɛa hə kwa hwaɗe hwaɗe wəka? 7Yaɓemte mə geva va meha tenjɛne nya kebeze ŋayɛ nda nza yɛ kahə kwa hwaɗe hwaɗe nya ɗema tenjɛne hwe. Nahe yɛ kenza tsagha tsetsenya, kwa nza ŋkɛ nahe Yɛsə kedzeghekɛ melɛ le ghəa ŋkɛ, kala zhɛgwə təmə nya mene gəsəkəa Pake gheɓəmə le. 8Mene ɓəmə gəsəkəa ɓəmə le pɛaŋe nya nza tenjɛne hwe, le wənə nya wɛŋe ba'a nya nza kaganda kwa. Zemema pɛaŋe nya ketakɛ geva le meha tenjɛne, tenjɛnea slene nyi ndiremi ndiremi ba'a wəsə kwa ndiremi.
9Ma te palepa nya rafete ŋayɛ 'ya ne, nahe 'ya kegezete ŋayɛ kezha ɗema yɛ kajikə geva le mbeli nyi kemene wəshi nyi kehitema geva. 10Kezəzəte mbeli nyi kemene wəshi nyi kehitema geva te hɛɗi nya 'ya we. Kezəzəte pɛtɛa ka sla ntsə yitea wəshi, ka ghərəa kɛfi ba'a ka hawe va wəshi nyi zhɛrete mbeli kala shala 'ya we. Ma nda tsagha gezete 'ya ne, nza nda yɛ kaslə ŋayɛ pɛtɛ te hɛɗi nya! 11Ma ghena nya ɗe 'ya kageze ŋayɛ ne, kezha ɗema yɛ kajikə geva le wəndə nya heka mbeli kande Kriste, nya kemene wəsə nya kehitema geva, nya kesla ntsə, nya kehawe va kweci shala, nya keŋwashɛ ŋwashɛ, nya keghwəyi keɗema nya keghərə. Mba yɛ kezeme ɗa le wəndə nya kala nyagha.
12Wa tsakɛ ɗa le ghena ta mbeli nyi keɗema kaka Kriste wa? Ma slene ta ŋayɛ ne, meha ghwə te ghəa ŋayɛ. 13Ma mbeli nyi pelɛ te ŋwela ne, Shala nde temeha ghwə te hɛ. Gheyɛ le ŋa ŋayɛ, ŋkamte mə nde 'yaghwa mehele shave hwa gheyɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.