1 Ka Korɛnte 10
10
Ya ghə va wəshi nyi zhɛrete mbeli kashala
1Ka kesaka ma, kaɗe 'ya kawəfərə ghena va gheyɛ we. Ma kwa dzeghwa ka shihɛ ɓəmə vəashi le Moyize ne, kənəa hɛ ləmbə pɛtɛ, pɛtɛ hɛ kejivenji te ndərəa Ghwəvərə. 2Mbe ləmbə ba'a kwa ndərə ne, pɛtɛ hɛ kekemave batɛme jikə le Moyize. 3Pɛtɛa nci kezehwe wəsə kezeme nya kese va Shala. 4Pɛtɛ nci kesahwe yɛmə nya kese va Shala kanya kwetɛŋe. Kwa nza ŋkɛ shave mbe keleɓa ta Shala nya ketəkwə təkwə hɛ sa yɛməa shɛ hɛ: keleɓa shɛ ne, gheŋkɛ Kriste. 5Ya tsagha ŋkɛ ne, kese Shala kazlama te wəba ta kweci hwa hɛ we, vatse nza ŋkwa nya te ɓerama bətə va geva ta nci nyi kempə mpə.
6Nahe wəshia shɛhɛ kemenete geva yitea ncɛ ɓəmə ghena, yitea ɗema mə kanza le zəzə kwa ndiremi kala hɛ. 7Hawema yɛ va wəshi nyi zhɛrete mbeli kashala kala nya menete kweci hwa hɛ ma. Kwa nza ŋkɛ ma ke rafete geva mbe Ghena ta Shala: «Dedeba'a mbeli ntishɛ yitea wəshi kezeme ba'a yitea wəshi kesa. Kwa sebe ta ŋkɛ, pepelɛhetɛme mbeli sate te ŋkwa karaberə.» 8Menema vale tahe gheɓəmə kala nya menete kweci mbelia nci ma. Nahe Shala kempəmte hɛ kaslibə bakemsə mahekeneghəmbe te veci kwetɛŋe. 9Dzeghema Nde sleke ŋkwa gheɓəmə kala nya menete kweci mbelia nci ma. Nahe yɛ shishi kempəmte hɛ. 10Mba gheɓəmə kendəghwə ndəghwə kala nya menete kweci mbeli hwa hɛ nda se nde ghwene ta Shala nya kempə ŋkwa kampəmte hɛ.
11Nahe wəshia shɛhɛ kemenete nda geva ke hɛ yitea ncɛ ghena, nahe mbeli kerafete hɛ yitea teke ɓəmə wəsə, kwa nza nde takwa takwa gheɓəmə kadzembe kwa keɗaŋe ta və. 12Vatse gɛ, ma wəndə nya kezəzə meslete ŋkɛ ne, ntsehwele ŋkɛ yagha ŋkɛ kateɗe. 13Ma ghwete ŋkwa nyi kemenete ŋayɛ geva nya ne, ghenci ka menete nda geva ke mbeli pɛtɛ. Kanza Shala dɛŋe dɛŋe te yɛ meɗe mɛa ŋkɛ ba'a kapele hweŋkwa ŋkɛ kezha ghwete ŋayɛ wəsə nya kwele ma ke berete ta ŋayɛ we. Ma vəa ŋkwa nya se ghwete ŋkwa sha gheyɛ, kateve ŋayɛ berete kezereghe ba'a berete kembele shave mbe ŋkɛ.
14Vatse gɛ ka mcɛhɛ ɗa, ya mə ghəa ŋayɛ va wəshi nyi zhɛrete mbeli kashala. 15Ma gheyɛ ne, mbeli nyi nza mehele ve yɛ, zəzəte mə ghena nya gezete ŋayɛ nya 'ya le ghəa ŋayɛ. 16Zəzəte mə zlerekwea wəpi nya tsa nda ŋ'wese gheɓəmə ke Shala kənə: ma vəa ŋkwa nya gheɓəmə ne, ashɛ gheŋkɛ nde jikə ɓəmə le mimia Kriste wəka? Ma ɗafa nya nehe nya gheɓəmə kwelɛ ghəa ɓəmə, vəa ŋkwa nya zeme gheɓəmə ne, ashɛ gheŋkɛ nde jikə ɓəmə le geva ta Kriste wəka? 17Kwa nza ŋkɛ 'yɛmbe dəghwəa ɗafa kwetɛŋe ya shɛ, ya tsemanyɛ nza gheɓəmə kwele kwele ne, kageva kwetɛŋe gheɓəmə, kwa nza ŋkɛ 'yɛmbe dəghwəa ɗafa kwetɛŋe yazehwe gheɓəmə.
18Newe mə ka Israyɛl: ma mbeli nyi kezeme slia wəshi keseɗa nyi dzeghekɛ melɛ mbeli le hɛ te reghwetɛ ne, kenza hɛ jikə le Shala wəka? 19Wa yaɗe 'ya kageze wa? Zləvə ya te sli nyi dzeghekɛ nda melɛ mbeli le hɛ ke wəshi nyi zhɛrete mbeli kashala na? Wa zləvə nya te kweci shala wa? 20Ewə, ama ke yɛ 'yi'yɛghwə dzeghe nda melɛ hɛ, kenza ke Shala we. Vatse ɗema 'ya kanza yɛ jikə le yɛ 'yi'yɛghwə. 21Kapesle yɛ yitea sa wəsə kwa zlerekwea Nde sleke ŋkwa ba'a kwa ŋa yɛ 'yi'yɛghwə we, kapesle yɛ yitea zeme wəsə kezeme ta Nde sleke ŋkwa ba'a ŋa yɛ 'yi'yɛghwə we. 22Na, gheɓəmə ɗe kahwepe nda wənəa Nde sleke ŋkwa na? Ma zəzə yɛ ne, za ma ŋa ɓəmə berete ke ŋa ŋkɛ na?
Mene mə pɛtɛa wəshi kezha tsahe Shala
23Ma ke kweci mbeli: «Hweŋkwa ya va wəndə kamene yayata wəsə nya ɗe ŋkɛ.» Ama kenza yayata wəsə megela we. Hweŋkwa ya va wəndə kamene yayata wəsə nya ɗe ŋkɛ, ama pɛtɛa wəshi kakemane ŋkwa we. 24Zəzəma deke ghəa ŋkɛ wəndə tɛape ma, ama zəzə nya kekemane kwete wəndə ŋkɛ.
25Zeme mə yayata sli nya pa mbeli te shikwə kaɗema ka'yɛwe ghena va nya nza ghəa ŋayɛ tsəmə tsəmə. 26Kwa nza ŋkɛ ma ke Ghena ta Shala: «Ŋa Mahwətə hɛɗi ba'a pɛtɛa wəshi nyi te.»
27Ma kehekakɛ ŋayɛ wəndə nya keɗema kawəndəa Yɛsə yitea ɗafa ki ghɛa ŋkɛ nda yɛhwe yɛ kalə ne, zeme mə yayata wəsə nya ndeke ŋayɛ ŋkɛ, kaɗema ka'yɛwe ghena va nya nza ghəa ŋayɛ tsəmə tsəmə. 28Ma kegeze ŋayɛ wəndə kasli nya dzeghekɛ nda melɛ mbeli le ke kweci shala slia shɛ ne, zemema ŋkɛ yɛ va ghena ta wəndəa shɛ ba'a va tsəmə tsəmə ta ghə.
29Kegezete ghena 'ya te tsəmə tsəmə ta ghəa ŋayɛ we, ama te ŋa wəndə nyagha.
Kwa nza ŋkɛ tsema nza tsəmə tsəmə ta ghəa wəndə kafɛake ɗa kemene kala nya ɗe 'ya wa? 30Ma ketsate nda hana 'ya ke Shala yitea wəsə nya zeme 'ya ne, wa raberə geze ghena mbeli te 'ya te wəsə kezeme nya tsate hana 'ya yite wa?
31Ma kwa zeme wəsə yɛ, kwa sa wəsə yɛ keɗema yayata wəsə nya mene yɛ ne, mene mə kezha zləvəa Shala. 32Mba yɛ kenza katehene ya kezha nde Zhəwif, ya kezha nde Grɛk, ya kezha Jikə ta ka Kriste. 33Tsagha gɛ, mene mə kala 'ya. Kahwepe ghə 'ya yitea zlama yayata wəndə te pɛtɛa wəshi nyi mene 'ya, zhɛme ta ɗa yazele 'ya we, ama wəshi ganji yamene nda 'ya ke wəba ta mbeli kezha mbele hɛ.
Currently Selected:
1 Ka Korɛnte 10: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
1 Ka Korɛnte 10
10
Ya ghə va wəshi nyi zhɛrete mbeli kashala
1Ka kesaka ma, kaɗe 'ya kawəfərə ghena va gheyɛ we. Ma kwa dzeghwa ka shihɛ ɓəmə vəashi le Moyize ne, kənəa hɛ ləmbə pɛtɛ, pɛtɛ hɛ kejivenji te ndərəa Ghwəvərə. 2Mbe ləmbə ba'a kwa ndərə ne, pɛtɛ hɛ kekemave batɛme jikə le Moyize. 3Pɛtɛa nci kezehwe wəsə kezeme nya kese va Shala. 4Pɛtɛ nci kesahwe yɛmə nya kese va Shala kanya kwetɛŋe. Kwa nza ŋkɛ shave mbe keleɓa ta Shala nya ketəkwə təkwə hɛ sa yɛməa shɛ hɛ: keleɓa shɛ ne, gheŋkɛ Kriste. 5Ya tsagha ŋkɛ ne, kese Shala kazlama te wəba ta kweci hwa hɛ we, vatse nza ŋkwa nya te ɓerama bətə va geva ta nci nyi kempə mpə.
6Nahe wəshia shɛhɛ kemenete geva yitea ncɛ ɓəmə ghena, yitea ɗema mə kanza le zəzə kwa ndiremi kala hɛ. 7Hawema yɛ va wəshi nyi zhɛrete mbeli kashala kala nya menete kweci hwa hɛ ma. Kwa nza ŋkɛ ma ke rafete geva mbe Ghena ta Shala: «Dedeba'a mbeli ntishɛ yitea wəshi kezeme ba'a yitea wəshi kesa. Kwa sebe ta ŋkɛ, pepelɛhetɛme mbeli sate te ŋkwa karaberə.» 8Menema vale tahe gheɓəmə kala nya menete kweci mbelia nci ma. Nahe Shala kempəmte hɛ kaslibə bakemsə mahekeneghəmbe te veci kwetɛŋe. 9Dzeghema Nde sleke ŋkwa gheɓəmə kala nya menete kweci mbelia nci ma. Nahe yɛ shishi kempəmte hɛ. 10Mba gheɓəmə kendəghwə ndəghwə kala nya menete kweci mbeli hwa hɛ nda se nde ghwene ta Shala nya kempə ŋkwa kampəmte hɛ.
11Nahe wəshia shɛhɛ kemenete nda geva ke hɛ yitea ncɛ ghena, nahe mbeli kerafete hɛ yitea teke ɓəmə wəsə, kwa nza nde takwa takwa gheɓəmə kadzembe kwa keɗaŋe ta və. 12Vatse gɛ, ma wəndə nya kezəzə meslete ŋkɛ ne, ntsehwele ŋkɛ yagha ŋkɛ kateɗe. 13Ma ghwete ŋkwa nyi kemenete ŋayɛ geva nya ne, ghenci ka menete nda geva ke mbeli pɛtɛ. Kanza Shala dɛŋe dɛŋe te yɛ meɗe mɛa ŋkɛ ba'a kapele hweŋkwa ŋkɛ kezha ghwete ŋayɛ wəsə nya kwele ma ke berete ta ŋayɛ we. Ma vəa ŋkwa nya se ghwete ŋkwa sha gheyɛ, kateve ŋayɛ berete kezereghe ba'a berete kembele shave mbe ŋkɛ.
14Vatse gɛ ka mcɛhɛ ɗa, ya mə ghəa ŋayɛ va wəshi nyi zhɛrete mbeli kashala. 15Ma gheyɛ ne, mbeli nyi nza mehele ve yɛ, zəzəte mə ghena nya gezete ŋayɛ nya 'ya le ghəa ŋayɛ. 16Zəzəte mə zlerekwea wəpi nya tsa nda ŋ'wese gheɓəmə ke Shala kənə: ma vəa ŋkwa nya gheɓəmə ne, ashɛ gheŋkɛ nde jikə ɓəmə le mimia Kriste wəka? Ma ɗafa nya nehe nya gheɓəmə kwelɛ ghəa ɓəmə, vəa ŋkwa nya zeme gheɓəmə ne, ashɛ gheŋkɛ nde jikə ɓəmə le geva ta Kriste wəka? 17Kwa nza ŋkɛ 'yɛmbe dəghwəa ɗafa kwetɛŋe ya shɛ, ya tsemanyɛ nza gheɓəmə kwele kwele ne, kageva kwetɛŋe gheɓəmə, kwa nza ŋkɛ 'yɛmbe dəghwəa ɗafa kwetɛŋe yazehwe gheɓəmə.
18Newe mə ka Israyɛl: ma mbeli nyi kezeme slia wəshi keseɗa nyi dzeghekɛ melɛ mbeli le hɛ te reghwetɛ ne, kenza hɛ jikə le Shala wəka? 19Wa yaɗe 'ya kageze wa? Zləvə ya te sli nyi dzeghekɛ nda melɛ mbeli le hɛ ke wəshi nyi zhɛrete mbeli kashala na? Wa zləvə nya te kweci shala wa? 20Ewə, ama ke yɛ 'yi'yɛghwə dzeghe nda melɛ hɛ, kenza ke Shala we. Vatse ɗema 'ya kanza yɛ jikə le yɛ 'yi'yɛghwə. 21Kapesle yɛ yitea sa wəsə kwa zlerekwea Nde sleke ŋkwa ba'a kwa ŋa yɛ 'yi'yɛghwə we, kapesle yɛ yitea zeme wəsə kezeme ta Nde sleke ŋkwa ba'a ŋa yɛ 'yi'yɛghwə we. 22Na, gheɓəmə ɗe kahwepe nda wənəa Nde sleke ŋkwa na? Ma zəzə yɛ ne, za ma ŋa ɓəmə berete ke ŋa ŋkɛ na?
Mene mə pɛtɛa wəshi kezha tsahe Shala
23Ma ke kweci mbeli: «Hweŋkwa ya va wəndə kamene yayata wəsə nya ɗe ŋkɛ.» Ama kenza yayata wəsə megela we. Hweŋkwa ya va wəndə kamene yayata wəsə nya ɗe ŋkɛ, ama pɛtɛa wəshi kakemane ŋkwa we. 24Zəzəma deke ghəa ŋkɛ wəndə tɛape ma, ama zəzə nya kekemane kwete wəndə ŋkɛ.
25Zeme mə yayata sli nya pa mbeli te shikwə kaɗema ka'yɛwe ghena va nya nza ghəa ŋayɛ tsəmə tsəmə. 26Kwa nza ŋkɛ ma ke Ghena ta Shala: «Ŋa Mahwətə hɛɗi ba'a pɛtɛa wəshi nyi te.»
27Ma kehekakɛ ŋayɛ wəndə nya keɗema kawəndəa Yɛsə yitea ɗafa ki ghɛa ŋkɛ nda yɛhwe yɛ kalə ne, zeme mə yayata wəsə nya ndeke ŋayɛ ŋkɛ, kaɗema ka'yɛwe ghena va nya nza ghəa ŋayɛ tsəmə tsəmə. 28Ma kegeze ŋayɛ wəndə kasli nya dzeghekɛ nda melɛ mbeli le ke kweci shala slia shɛ ne, zemema ŋkɛ yɛ va ghena ta wəndəa shɛ ba'a va tsəmə tsəmə ta ghə.
29Kegezete ghena 'ya te tsəmə tsəmə ta ghəa ŋayɛ we, ama te ŋa wəndə nyagha.
Kwa nza ŋkɛ tsema nza tsəmə tsəmə ta ghəa wəndə kafɛake ɗa kemene kala nya ɗe 'ya wa? 30Ma ketsate nda hana 'ya ke Shala yitea wəsə nya zeme 'ya ne, wa raberə geze ghena mbeli te 'ya te wəsə kezeme nya tsate hana 'ya yite wa?
31Ma kwa zeme wəsə yɛ, kwa sa wəsə yɛ keɗema yayata wəsə nya mene yɛ ne, mene mə kezha zləvəa Shala. 32Mba yɛ kenza katehene ya kezha nde Zhəwif, ya kezha nde Grɛk, ya kezha Jikə ta ka Kriste. 33Tsagha gɛ, mene mə kala 'ya. Kahwepe ghə 'ya yitea zlama yayata wəndə te pɛtɛa wəshi nyi mene 'ya, zhɛme ta ɗa yazele 'ya we, ama wəshi ganji yamene nda 'ya ke wəba ta mbeli kezha mbele hɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.