1 Ka Korɛnte 1
1
Njiŋwe ŋkwa ta Pol
1Se va Pol, wəndə nya hekakɛ Shala laka ɗe ta ŋkɛ yitea nza kande ghwene ta Yɛsə Kriste ba'a se va Sostɛne, wəza meyɛ ɓəmə.
2Ke Jikə ta ka Kriste nya kaŋa Shala mbe Korɛnte, ke mbeli nyi keveyi geva tekeleke laka Yɛsə Kriste, nyi hekakɛ Shala yitea nza kambelia ŋkɛ zlaɓe le mbeli nyi kehekɛme sləa Nde sleke ɓəmə Yɛsə Kriste te yayata ŋkwa. Yɛsə nde sleke hɛ kala nya sleke ɓəmə ŋkɛ. 3Pa Shala Yiteyɛ ɓəmə ba'a Nde sleke ŋkwa Yɛsə Kriste ndeke ŋayɛ zlaɓa ta ŋkɛ ba'a kwelɛŋe.
Wəshi ganji nyi kese laka Kriste
4Hana 'ya sha Shala keveci keveci te ghəa ŋayɛ kezha zlaɓa ta ŋkɛ nya kencɛte ŋayɛ geva laka Yɛsə Kriste. 5Kwa nza ŋkɛ mbe jikə geva le Yɛsə Kriste kakemave pɛtɛa wəshi ganji yɛ, halama ŋa geze ghena ba'a ŋa ɗepe wəsə. 6Nahe negha fete yitea Kriste kekemave berete mbe gheyɛ. 7Vatse kemave wəshi ganjia Shala yɛ pɛtɛ, gheyɛ nyi keneghe se ta Nde sleke ɓəmə Yɛsə Kriste. 8Gheŋkɛ nde temtsehe ŋayɛ berete hwa'a te kwa keɗaŋe ta vəa ŋayɛ perə, kezha ɗema ŋele kanza te gheyɛ te veci nya tese Nde sleke ɓəmə Yɛsə Kriste. 9Ma Shala ne, kaɗema ŋkɛ nza dɛŋe dɛŋe te ghena ta ŋkɛ we, gheŋkɛ nde hekakɛ ŋayɛ yitea nza jikə le Wəzege ta ŋkɛ Yɛsə Kriste Nde sleke ɓəmə.
Nehe geva nyi mbe Jikə ta ka Kriste
10Ka kesaka ma, kasəkwə ŋayɛ 'ya te sləa Yɛsə Kriste Nde sleke ɓəmə, tseɓate mə ghəa ŋayɛ, mba nehe geva kenza kwelɛ gheyɛ, nza mə jikə mbe mehele nya kwetɛŋe ba'a zəzə nya kwetɛŋe. 11Ka kesaka ma, nahe 'ya kefate heɗe geva ya kwelɛ gheyɛ. Mbeli nyi ki ghɛa Kolowɛ ka gezete ɗa. 12Wa nya ghena nya ɗe 'ya kageze ŋayɛ nya: pɛtɛa ŋayɛ kageze ghena keghə keghə, ma ke kwete wəndə: «Ŋa Pol 'ya wəndə.» Ma ke kwete: «Ŋa Apolos 'ya.» Ma ke kwete zhɛkwa: «Ŋa Piyɛre 'ya.» Ma ke kwete: «Ŋa Kriste 'ya.» 13Ma zəzə yɛ ne, nahe Kriste keneheve geva mbe na? Pol nde mtenyɛ te sheghwə kwa zleŋkwa kezha gheyɛ na? Te sləa Pol menete ŋayɛ batɛme mbeli na?
14Hana 'ya sha Shala va nya ɗema 'ya kemenete nda batɛme ke kwete wəndəa ŋayɛ, deke Krispəs ba'a Gayəs. 15Tsagha ne, wəndə shɛ katezəzə te sləa ɗa menete ŋayɛ batɛme mbeli we. 16Nda nahe 'ya kemenete nda ke mbelia Stɛfanas deŋwa, ama keɗepe 'ya nahe 'ya kemenete nda ke kwete wəndə we. 17Kwa nza ŋkɛ keghwenakɛ ɗa Kriste kezha mene batɛme we, ama kezha zlape Ghena kwatenca nya ganyɛ kaɗema kemenete slene le ntsehwele wəndə ŋelɛ, yagha 'ya kazhɛrete mte ta Kriste te sheghwə kala wəsə nya gəmə.
Yɛsə Kriste ya kaberete ba'a kantsehwelea Shala
18Kwa nza ŋkɛ ma zlape ghena ta mte ta Yɛsə te sheghwə kwa zleŋkwa ne, ghena gezhi ŋkɛ sha mbeli nyi keza za. Ama sha mbeli nyi mbele hɛ Shala kala gheɓəmə ne, berete ta Shala ŋkɛ. 19Kwa nza ŋkɛ ma ke rafete geva:
«Kateza ntsehwele ta ka ntsehwele ntsehwele 'ya.
Katenegha ɗepe wəsə ta ka ɗepe wəshi 'ya.»
20Nda tsetse ŋkɛ ne, tsema tenza mbeli nyi keɗepe wəshi wa? Tsema tenza wəndə nya keteke nda wəshi mahalegə ke mbeli wa? Tsema tenza wəndə nya keghəpə wa? Kaɗema Shala kezhɛrete ntsehwelea mbeli nyi te hɛɗi kagezhi na?
21Kwa nza ŋkɛ ne, nahe mbeli nyi te hɛɗi le ntsehwelea nci keɗepetema Shala laka nakɛ ntsehwelea Shala. Tagha gɛ, nahe Shala ketarete kambele mbeli nyi nza yɛ va hɛ te zlaɓa ta ghena nya zlape ghen'yɛ, ghena nya newe mbeli kagezhi. 22Wəshi kencɛ wəshi ya'yɛwe ka Zhəwif, ntsehwele yasepa ka Grɛk le ŋa nci. 23Ma gheɓəmə ne, ghena ta Yɛsə nya kemte te sheghwə kwa zleŋkwa yageze nda gheɓəmə ke mbeli, nya katehene ka Zhəwif ba'a kaghena gezhi sha kweci hwelefefi. 24Ama sha mbeli nyi hekakɛ Shala, ka Zhəwif ba'a kweci hwelefefi ne, Kriste ya kaberete ba'a kantsehwelea Shala. 25Kwa nza ŋkɛ ma wəsə nya mene Shala kala gezhi ne, za ma ŋkɛ ke ntsehwelea mbeli. Ma wəsə nya mene Shala kala nde dewə ŋeli ne, za ma ŋkɛ ke berete ta mbeli.
26Ka kesaka ma, newema mə ghəa ŋayɛ, gheyɛ mbeli nyi hekakɛ Shala. Ma hwa gheyɛ ne, dewə ka ɗepe wəshi, dewə berete berete, dewə mbeli nyi nza zləvə te hɛ laka nza ta wəndə ŋelɛ. 27Ama nahe Shala kentave wəsə gezhi te hɛɗi kezha ve hawe te ka ntsehwele ntsehwele, nahe ŋkɛ kentave wəsə dewə ŋeli kezha ve nda hawe ke ka berete berete. 28Nahe ŋkɛ kentave wəsəa kwadanyɛ, wəsə nya ɓelama mbeli, wəsə nya keɗema shɛ kezha zhɛre wəsə nya kenza shɛ kawəsə nya gəmə. 29Tsetse menete Shala yagha kwete wəndə kamene fege kwa kema ta ŋkɛ. 30Laka gheŋkɛ nza yɛ jikə le Yɛsə Kriste, Yɛsə nde zhɛrenyɛ kantsehwele nya kese va Shala kaŋa ɓəmə, gheŋkɛ nya keveyi ɓəmə tiɗiɗi kwa kema ta ŋkɛ. Yɛsə nde zhɛre ɓəmə kambeli nyi keveyi geva tekeleke, gheŋkɛ nde mbele ɓəmə va mava ta mte. 31Kwa nza ŋkɛ ne, ma ke rafete geva: «Ma keɗe wəndə kamene fege ne, mene ŋkɛ le slene nya menete Nde sleke ŋkwa.»
Currently Selected:
1 Ka Korɛnte 1: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
1 Ka Korɛnte 1
1
Njiŋwe ŋkwa ta Pol
1Se va Pol, wəndə nya hekakɛ Shala laka ɗe ta ŋkɛ yitea nza kande ghwene ta Yɛsə Kriste ba'a se va Sostɛne, wəza meyɛ ɓəmə.
2Ke Jikə ta ka Kriste nya kaŋa Shala mbe Korɛnte, ke mbeli nyi keveyi geva tekeleke laka Yɛsə Kriste, nyi hekakɛ Shala yitea nza kambelia ŋkɛ zlaɓe le mbeli nyi kehekɛme sləa Nde sleke ɓəmə Yɛsə Kriste te yayata ŋkwa. Yɛsə nde sleke hɛ kala nya sleke ɓəmə ŋkɛ. 3Pa Shala Yiteyɛ ɓəmə ba'a Nde sleke ŋkwa Yɛsə Kriste ndeke ŋayɛ zlaɓa ta ŋkɛ ba'a kwelɛŋe.
Wəshi ganji nyi kese laka Kriste
4Hana 'ya sha Shala keveci keveci te ghəa ŋayɛ kezha zlaɓa ta ŋkɛ nya kencɛte ŋayɛ geva laka Yɛsə Kriste. 5Kwa nza ŋkɛ mbe jikə geva le Yɛsə Kriste kakemave pɛtɛa wəshi ganji yɛ, halama ŋa geze ghena ba'a ŋa ɗepe wəsə. 6Nahe negha fete yitea Kriste kekemave berete mbe gheyɛ. 7Vatse kemave wəshi ganjia Shala yɛ pɛtɛ, gheyɛ nyi keneghe se ta Nde sleke ɓəmə Yɛsə Kriste. 8Gheŋkɛ nde temtsehe ŋayɛ berete hwa'a te kwa keɗaŋe ta vəa ŋayɛ perə, kezha ɗema ŋele kanza te gheyɛ te veci nya tese Nde sleke ɓəmə Yɛsə Kriste. 9Ma Shala ne, kaɗema ŋkɛ nza dɛŋe dɛŋe te ghena ta ŋkɛ we, gheŋkɛ nde hekakɛ ŋayɛ yitea nza jikə le Wəzege ta ŋkɛ Yɛsə Kriste Nde sleke ɓəmə.
Nehe geva nyi mbe Jikə ta ka Kriste
10Ka kesaka ma, kasəkwə ŋayɛ 'ya te sləa Yɛsə Kriste Nde sleke ɓəmə, tseɓate mə ghəa ŋayɛ, mba nehe geva kenza kwelɛ gheyɛ, nza mə jikə mbe mehele nya kwetɛŋe ba'a zəzə nya kwetɛŋe. 11Ka kesaka ma, nahe 'ya kefate heɗe geva ya kwelɛ gheyɛ. Mbeli nyi ki ghɛa Kolowɛ ka gezete ɗa. 12Wa nya ghena nya ɗe 'ya kageze ŋayɛ nya: pɛtɛa ŋayɛ kageze ghena keghə keghə, ma ke kwete wəndə: «Ŋa Pol 'ya wəndə.» Ma ke kwete: «Ŋa Apolos 'ya.» Ma ke kwete zhɛkwa: «Ŋa Piyɛre 'ya.» Ma ke kwete: «Ŋa Kriste 'ya.» 13Ma zəzə yɛ ne, nahe Kriste keneheve geva mbe na? Pol nde mtenyɛ te sheghwə kwa zleŋkwa kezha gheyɛ na? Te sləa Pol menete ŋayɛ batɛme mbeli na?
14Hana 'ya sha Shala va nya ɗema 'ya kemenete nda batɛme ke kwete wəndəa ŋayɛ, deke Krispəs ba'a Gayəs. 15Tsagha ne, wəndə shɛ katezəzə te sləa ɗa menete ŋayɛ batɛme mbeli we. 16Nda nahe 'ya kemenete nda ke mbelia Stɛfanas deŋwa, ama keɗepe 'ya nahe 'ya kemenete nda ke kwete wəndə we. 17Kwa nza ŋkɛ keghwenakɛ ɗa Kriste kezha mene batɛme we, ama kezha zlape Ghena kwatenca nya ganyɛ kaɗema kemenete slene le ntsehwele wəndə ŋelɛ, yagha 'ya kazhɛrete mte ta Kriste te sheghwə kala wəsə nya gəmə.
Yɛsə Kriste ya kaberete ba'a kantsehwelea Shala
18Kwa nza ŋkɛ ma zlape ghena ta mte ta Yɛsə te sheghwə kwa zleŋkwa ne, ghena gezhi ŋkɛ sha mbeli nyi keza za. Ama sha mbeli nyi mbele hɛ Shala kala gheɓəmə ne, berete ta Shala ŋkɛ. 19Kwa nza ŋkɛ ma ke rafete geva:
«Kateza ntsehwele ta ka ntsehwele ntsehwele 'ya.
Katenegha ɗepe wəsə ta ka ɗepe wəshi 'ya.»
20Nda tsetse ŋkɛ ne, tsema tenza mbeli nyi keɗepe wəshi wa? Tsema tenza wəndə nya keteke nda wəshi mahalegə ke mbeli wa? Tsema tenza wəndə nya keghəpə wa? Kaɗema Shala kezhɛrete ntsehwelea mbeli nyi te hɛɗi kagezhi na?
21Kwa nza ŋkɛ ne, nahe mbeli nyi te hɛɗi le ntsehwelea nci keɗepetema Shala laka nakɛ ntsehwelea Shala. Tagha gɛ, nahe Shala ketarete kambele mbeli nyi nza yɛ va hɛ te zlaɓa ta ghena nya zlape ghen'yɛ, ghena nya newe mbeli kagezhi. 22Wəshi kencɛ wəshi ya'yɛwe ka Zhəwif, ntsehwele yasepa ka Grɛk le ŋa nci. 23Ma gheɓəmə ne, ghena ta Yɛsə nya kemte te sheghwə kwa zleŋkwa yageze nda gheɓəmə ke mbeli, nya katehene ka Zhəwif ba'a kaghena gezhi sha kweci hwelefefi. 24Ama sha mbeli nyi hekakɛ Shala, ka Zhəwif ba'a kweci hwelefefi ne, Kriste ya kaberete ba'a kantsehwelea Shala. 25Kwa nza ŋkɛ ma wəsə nya mene Shala kala gezhi ne, za ma ŋkɛ ke ntsehwelea mbeli. Ma wəsə nya mene Shala kala nde dewə ŋeli ne, za ma ŋkɛ ke berete ta mbeli.
26Ka kesaka ma, newema mə ghəa ŋayɛ, gheyɛ mbeli nyi hekakɛ Shala. Ma hwa gheyɛ ne, dewə ka ɗepe wəshi, dewə berete berete, dewə mbeli nyi nza zləvə te hɛ laka nza ta wəndə ŋelɛ. 27Ama nahe Shala kentave wəsə gezhi te hɛɗi kezha ve hawe te ka ntsehwele ntsehwele, nahe ŋkɛ kentave wəsə dewə ŋeli kezha ve nda hawe ke ka berete berete. 28Nahe ŋkɛ kentave wəsəa kwadanyɛ, wəsə nya ɓelama mbeli, wəsə nya keɗema shɛ kezha zhɛre wəsə nya kenza shɛ kawəsə nya gəmə. 29Tsetse menete Shala yagha kwete wəndə kamene fege kwa kema ta ŋkɛ. 30Laka gheŋkɛ nza yɛ jikə le Yɛsə Kriste, Yɛsə nde zhɛrenyɛ kantsehwele nya kese va Shala kaŋa ɓəmə, gheŋkɛ nya keveyi ɓəmə tiɗiɗi kwa kema ta ŋkɛ. Yɛsə nde zhɛre ɓəmə kambeli nyi keveyi geva tekeleke, gheŋkɛ nde mbele ɓəmə va mava ta mte. 31Kwa nza ŋkɛ ne, ma ke rafete geva: «Ma keɗe wəndə kamene fege ne, mene ŋkɛ le slene nya menete Nde sleke ŋkwa.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.