Zẹfanaya 2
2
Ạḍimagh ịlo okiton esi ịkaraph
1Nyina aweye eelhe dị umugholoor úlegheri, iloghoma siloor anyina, 2kụ ogbi ophorogh anyina mụdi ịpherepher dị ookuugh aphula, kụ ophin ologhi Ọmoogh-we phọ agbi ọteeny anyina, kụ egbi ọteeny aḍio dị ọdi kaḍeenaan ophin ologhi ọdi. 3Ikiton ephogh Ọmoogh-we phọ, oomo phọ anyina ạbuphe mosooromi bọ loor sịen ade phọ, kụ rọnaghanan bọ ịto phọ ọdi. Iḍighi ịlo ẹnighe, kụ esooromi siloor anyina ghisigh Ọmoogh-we phọ. Iini nyina kekpetenaan ni mạlhiom ḍio phọ Ọmoogh-we phọ kaḍeenaan bọ ophin ologhi phọ ọdi.
Apum dị odianaan reelhe dị ekoom Ịzirel
4 #
Azay 14.29-31; Jer 47.1-7; Izik 25.15-17; Joel 3.4-8; Ẹmos 1.6-8; Zẹk 9.5-7 Rꞌoye kásugha sịphe ẹmha aGaza. Awe Askelon kosumughu ni. Koporogh ni we Ạsdod ọsighiogh oolemi-odi aḍio, kụ oporogh we Ẹkron ọsighe sịphe ẹmha phọ ạbidi. 5Nyina mephe, we aFilistia, nyina phọ edi bọ ọogaany ọphiiny phọ. Ọmoogh-we phọ masoph ọoruen ịngo inyina. Ọdi kiphiemi ni inyina, kụ rꞌoniin ọnyo anyina kásugha. 6Ade phọ anyina edi bọ ọogaany ọphiiny phọ keten ẹyaghaghaany esi dị abukoriom iyool-ịga rꞌaroghoony ạbidi kụ kẹtol. 7Awe aJuda lọ okpetenaan kụ kọtol sịphe ade phọ anyina. Bịdi kookonom ghan sita ịga phọ sịphe phọ kụ ọki ọmina iloghi aruutu Askelon. Ẹnaan phọ ạbidi Ọmoogh-we phọ kạtolan rꞌạbidi kụ ạḅile aḍume bịdi.
8 #
Azay 15.1—16.14; 25.10-12; Jer 48.1-47; Izik 25.8-11; Ẹmos 1.13-15 #
Jer 49.1-6; Izik 21.28-32; 25.1-7; Ẹmos 1.13-15 Ọmoogh-we Oomo Ịikpo phọ ạḅem mọ, “Mị mạnaghan ni ịdi aweye phọ ạMoab rꞌAmon rọḅeni yogh kọnmoghoghoom weye phọ ạmi, kụ robaga mọ bụno kọsighe de ạbidi rꞌẹekpara ekpeḍien. 9#Emi 19.24Ịduon mị kụ ạkar bọ aḍighi Ẹnaan phọ rémugh ghan bọ, Ẹnaan phọ Ịzirel, mị akunya mọ kopiemi ni weye ạMoab rꞌAmon ịdipho ạSodom rꞌaGomora. Bịdi koten riini aboph dị kágbo bịn kꞌagee-pọ, kụ ạroogho asi aakpereghiom. Bụphe okpetenaan bọ sịphe ogbo awe phọ ạmi kobum rạraar ạbidi kụ ọsighe de phọ ạbidi.”
10Ịdipho kụ ịdi awe ạMoab rꞌAmon kọmiinom loor esi ophoophe rꞌobaga aloor ạbidi rꞌootuuny awe Ọmoogh-we Oomo Ịikpo phọ. 11Ọmoogh-we phọ ạdegh ni bịdi ịlo aḍiigu. Ọdi kapiemi ni ịkaaneen ạrumugh ịsien ade phọ, kụ tọrobo eelhe keeseeny ni nyọdi sịphe ade phọ ạbidi.
12 #
Azay 18.1-7
Ọmoogh-we phọ kạze aani ni weye Ẹtiopia.
13 #
Azay 10.5-34; 14.24-27; Nẹhu 1.1—3.19 Ọmoogh-we phọ kạsighe ni ịikpo phọ ọdi kụ apiemiom Asiria. Ọdi kaḍighi ẹmha phọ aNineve ịdi keegulaan, ịdipho ade ịisaar dị ạmuum úlho. 14Keten esi dị asita ịga rꞌịnam kịrokiro kụ kẹmina ghan. Aruukughum ketugh pạ ikulha arughuugh phọ meegulaan bọ kụ etulughian ghan. Ạrighiligho kemoghi ghan rụnhu-aḍibuo phọ. Kotuph ni ireeny ọsaga ọsighiogh sịphe aruutu phọ ạbidi. 15Ịpe kụ ịdi kemitenaan ẹmha dị ephoophe loor esi ịikpo dị bịdi ọmoogh kụ ạatughian mọ ịyaar bụno kẹ́ḅogh. Awe ọdi rogbi ghan mọ ẹmha ạbuno kụ ịkar ẹbugh oomo aḅirini phọ. Pọ eeghe esi dị meguul, esi dị ilhom ịnam kụ kẹtol ghan! Tọrobo oye lọ raten kaḍuraan aḅulolom ọman rꞌoghiilaan.
Currently Selected:
Zẹfanaya 2: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Zẹfanaya 2
2
Ạḍimagh ịlo okiton esi ịkaraph
1Nyina aweye eelhe dị umugholoor úlegheri, iloghoma siloor anyina, 2kụ ogbi ophorogh anyina mụdi ịpherepher dị ookuugh aphula, kụ ophin ologhi Ọmoogh-we phọ agbi ọteeny anyina, kụ egbi ọteeny aḍio dị ọdi kaḍeenaan ophin ologhi ọdi. 3Ikiton ephogh Ọmoogh-we phọ, oomo phọ anyina ạbuphe mosooromi bọ loor sịen ade phọ, kụ rọnaghanan bọ ịto phọ ọdi. Iḍighi ịlo ẹnighe, kụ esooromi siloor anyina ghisigh Ọmoogh-we phọ. Iini nyina kekpetenaan ni mạlhiom ḍio phọ Ọmoogh-we phọ kaḍeenaan bọ ophin ologhi phọ ọdi.
Apum dị odianaan reelhe dị ekoom Ịzirel
4 #
Azay 14.29-31; Jer 47.1-7; Izik 25.15-17; Joel 3.4-8; Ẹmos 1.6-8; Zẹk 9.5-7 Rꞌoye kásugha sịphe ẹmha aGaza. Awe Askelon kosumughu ni. Koporogh ni we Ạsdod ọsighiogh oolemi-odi aḍio, kụ oporogh we Ẹkron ọsighe sịphe ẹmha phọ ạbidi. 5Nyina mephe, we aFilistia, nyina phọ edi bọ ọogaany ọphiiny phọ. Ọmoogh-we phọ masoph ọoruen ịngo inyina. Ọdi kiphiemi ni inyina, kụ rꞌoniin ọnyo anyina kásugha. 6Ade phọ anyina edi bọ ọogaany ọphiiny phọ keten ẹyaghaghaany esi dị abukoriom iyool-ịga rꞌaroghoony ạbidi kụ kẹtol. 7Awe aJuda lọ okpetenaan kụ kọtol sịphe ade phọ anyina. Bịdi kookonom ghan sita ịga phọ sịphe phọ kụ ọki ọmina iloghi aruutu Askelon. Ẹnaan phọ ạbidi Ọmoogh-we phọ kạtolan rꞌạbidi kụ ạḅile aḍume bịdi.
8 #
Azay 15.1—16.14; 25.10-12; Jer 48.1-47; Izik 25.8-11; Ẹmos 1.13-15 #
Jer 49.1-6; Izik 21.28-32; 25.1-7; Ẹmos 1.13-15 Ọmoogh-we Oomo Ịikpo phọ ạḅem mọ, “Mị mạnaghan ni ịdi aweye phọ ạMoab rꞌAmon rọḅeni yogh kọnmoghoghoom weye phọ ạmi, kụ robaga mọ bụno kọsighe de ạbidi rꞌẹekpara ekpeḍien. 9#Emi 19.24Ịduon mị kụ ạkar bọ aḍighi Ẹnaan phọ rémugh ghan bọ, Ẹnaan phọ Ịzirel, mị akunya mọ kopiemi ni weye ạMoab rꞌAmon ịdipho ạSodom rꞌaGomora. Bịdi koten riini aboph dị kágbo bịn kꞌagee-pọ, kụ ạroogho asi aakpereghiom. Bụphe okpetenaan bọ sịphe ogbo awe phọ ạmi kobum rạraar ạbidi kụ ọsighe de phọ ạbidi.”
10Ịdipho kụ ịdi awe ạMoab rꞌAmon kọmiinom loor esi ophoophe rꞌobaga aloor ạbidi rꞌootuuny awe Ọmoogh-we Oomo Ịikpo phọ. 11Ọmoogh-we phọ ạdegh ni bịdi ịlo aḍiigu. Ọdi kapiemi ni ịkaaneen ạrumugh ịsien ade phọ, kụ tọrobo eelhe keeseeny ni nyọdi sịphe ade phọ ạbidi.
12 #
Azay 18.1-7
Ọmoogh-we phọ kạze aani ni weye Ẹtiopia.
13 #
Azay 10.5-34; 14.24-27; Nẹhu 1.1—3.19 Ọmoogh-we phọ kạsighe ni ịikpo phọ ọdi kụ apiemiom Asiria. Ọdi kaḍighi ẹmha phọ aNineve ịdi keegulaan, ịdipho ade ịisaar dị ạmuum úlho. 14Keten esi dị asita ịga rꞌịnam kịrokiro kụ kẹmina ghan. Aruukughum ketugh pạ ikulha arughuugh phọ meegulaan bọ kụ etulughian ghan. Ạrighiligho kemoghi ghan rụnhu-aḍibuo phọ. Kotuph ni ireeny ọsaga ọsighiogh sịphe aruutu phọ ạbidi. 15Ịpe kụ ịdi kemitenaan ẹmha dị ephoophe loor esi ịikpo dị bịdi ọmoogh kụ ạatughian mọ ịyaar bụno kẹ́ḅogh. Awe ọdi rogbi ghan mọ ẹmha ạbuno kụ ịkar ẹbugh oomo aḅirini phọ. Pọ eeghe esi dị meguul, esi dị ilhom ịnam kụ kẹtol ghan! Tọrobo oye lọ raten kaḍuraan aḅulolom ọman rꞌoghiilaan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS