Bụo aRom 15
15
Iḍighi ghan ịlo ẹgbaanyan bụnon awe, káloor anyina bịn
1Ẹkpe ni dị yira phọ ạbuen omeeraam mọ ạkpar bọ kọlogh ḍịghaagh otoolaan sidool ạbuphe omeeraam mọ adugh bọ. Kúḍighi ghan ịlo ịgbaanyan iyira bịn! 2Tọrobo ọnyo ayira ạloghonaan ghan ghụn ḍịghaagh ịlo kẹngo ọnyo asiya ọdi sụo, pịdi ạaneghiom omeeraam mọ ọdi, 3#Ạsuo 69.9ịdi eḍighi bọ aKraist óḍighi ghan ịlo ẹgbaanyan nyọdi! Ịdipho ạḍinya iigbia phọ ẹḅem bọ, “Iitunyan phọ ịpe ootuuny bọ nyịna mimeleghuom ịmi.” 4Tọrobo ịyaar lọ ọge sịphe Ạḍinya Iigbia phọ, ụge ọtughemiom ghan ayira, pịdi yira ọtuan ọkparam mọ rꞌạkpo ologhi phọ ọghaaph Ạḍinya Iigbia phọ rụngo ghan bọ iyira ọmoogh oḍuom ologhi. 5Kụ Ẹnaan, azin ọkparam rꞌạkpo ologhi phọ, eḍighi ni mạar dị nyina kẹtuughaany ghan ịpe ạJizos Kraist aḍighi bọ, ẹmoogh aani igina phọ ịitughian phọ sịphe ogbo phọ anyina, 6pịdi aḍita phọ anyina ẹḅophoghan rꞌeniin ẹḍogh kụ ẹsephom Ẹnaan rꞌỌde phọ ạJizos Kraist, Ọmoogh-we phọ ayira!
Ooḅi ọghaaph ọghiomonaan aruuruen phọ
7Loor ịphen phọ, oniin ạloghoma nyoniin, ịdipho aKraist mịlhoghoma bọ inyina, ọbo ẹngo eghuan phọ Ẹnaan, 8ịdi eḍighi bọ mị rịḅeni ghan inyina mọ aKraist aḍighi otelhedom ạbuo aJu phọ oḍeenaan mọ Ẹnaan ẹkpe ni oḍuom ologhi, rꞌọḅile oḍighi oguan phọ dị aguanaan bọ bugbogh ạburude phọ, 9#2 Sạm 22.50; Ạsuo 18.49rꞌọḅile ọloghonaan ạḍighaagh dị aruuruen phọ kokol ọnma ighirigiir phọ Ẹnaan oboom nyọdi. Ịdipho ạḍinya iigbia phọ rẹḅem ghan bọ,
“Loor ịphen phọ, mị kaboom ni nyịna sịphe ogbo aruuruen phọ;
mị kạmoor ri sụor aboomiom ḍien phọ ạna.”
10 #
Dut 32.43
Ẹḅile kẹn ẹḅem mọ,
“Nyina aruuruen phọ,
ịḅaram we phọ Ẹnaan ẹsaḅar bọ ẹmoogh iboh.”
11 #
Ạsuo 117.1
Ẹḅile kẹn ẹḅem mọ,
“Oomo aruuruen phọ, iboom Ọmoogh-we phọ;
weye oomo areelhe, iboom nyọdi.”
12 #
Azay 11.10
Ḅịle kẹn, Azaya ạḅem mọ,
“Ọnyo ẹemara ẹemara ạJesi katu ni;
kopophe ni nyọdi ọtooghi ạraraar ọngo aruuruen phọ,
kụ bịdi oḍuom ologhi nyọdi.”
13Ẹnaan phọ eḍighi bọ zin oḍuom ologhi imuzeḍinaan inyina oomo ọḅaal ologhi rꞌẹepho, loor omeeraam mọ anyina esi ọdi, pịdi ịikpo Uwaloor Iigbia phọ eḍighi dị oḍuom ologhi phọ anyina kapoph ghan bịn ạkiom ghisigh!
Ịdi ạPol ạtuan bọ rạgeom oḅom ẹmhu ḍịnya phọ ạḍien
14Bụo asiya ạmi, mị rꞌaloor ạmi aḍuom ni ologhi akuphom owol mọ igey rꞌolegheri ịyaar emuza ni loor anyina, ḅịle mọ oniin ratue ni kạtughemi ghan nyoniin. 15Kụ mị ạgeom ni rꞌoḅom ẹmhu iniin ikpo ạraraar ọghiom anyina ologhi. Oḅom ẹmhu phọ ạmi ạtuan ịdipho Ẹnaan eḍighi bọ eeḅi 16ịma ịmi oḍighi otelhedom ạJizos Kraist oḍighi ghan oḍighi ọngo aruuruen phọ. Mị ạkigh oyil ạrikia ịdipho mị rạkaaph bọ ooḅi ọghaaph phọ Ẹnaan, pịdi Uwaloor Iigbia phọ awoph ruuruen phọ aḍighi bịdi ẹkia dị Ẹnaan kele. 17Ịdipho mị ạḅophoghan bọ Jịzos Kraist, mị raḅoom ni oḍighi phọ mị raḍighi bọ kạngo Ẹnaan. 18Mị kaḅom ni ẹmhu bịn ạkaaph amitiom ịpe aKraist mạtuan bọ ikpo ọnhu rꞌiiḍighi phọ ạmi, 19rꞌịikpo areḍeenaan rꞌịiḍaany, rꞌịikpo Uwaloor Iigbia phọ kụ aḍighi oḍeenaan aruuruen ịlo bịdi kọnaghanan ghan Ẹnaan. Mị magbeelom ni ooḅi ọghaaph phọ aKraist ạman, emiigh kꞌẹpe Jeruselem kụ esi Ilurikom. 20Oomo ologhi ạmi odi ghan ọghaaph ghan ooḅi ọghaaph phọ ọḅeni aweye arikpisi phọ ịpe kọ̋naghan ghan bọ ọghaaph phọ aKraist, ọbo mị kamiigh ghan bọ esi dị ọnon oye maphighi kụ ạlogh ạkiom. 21#Azay 52.15Ịdipho ạḍinya iigbia phọ rẹḅem bọ,
“Bụphe kọ̋ḅeni ghan bọ ịlo ọdi kọmiin ni,
kụ bụphe kọ̋naghan ghan bọ kolegheri ni.”
ẠPol agbiighi ọghi aRom
22 #
Rom 1.13
Ịduon kụ iḍighi bọ ịyaar phọ umirighan bọ ịmi ịbadi amem oru ọteeny anyina. 23Kụ nyịidipho mị mạmadan oḍighi phọ ạmi sịen areelhe phọ ịphen, ḅịle kẹn meḍighi ni ịbadi ạsia mị rạwa ghan bọ oru ọmiin anyina. 24Mem lọ mị rạki Spen, kịḅeeraan ni ịmi oḍigh ọmiin anyina, lọ nyina kịlhoghonaan ịmi ḍịghaagh ẹghi phọ, mem lọ yira mọrolan ẹphurukpu ọghaaph ọmilogh. 25#1 Kọr 16.1-4Tọrobo ịlo ẹrol, mị rạki Jeruselem nyịidipho oḍighi oḍighi ọngo awe phọ Ẹnaan odi bọ ẹpe. 26Bụo ạsiosi phọ aMasidonia rꞌẠkaya mọsighe ni rꞌooḅi ologhi ạbidi osereghiom ikpoki ọloghonaan ạḍighaagh rukulom sịphe ogbo awe phọ Ẹnaan ẹpe Jeruselem. 27#1 Kọr 9.11Bịdi rꞌaloor ạbidi kụ umeeraam ni osogh osogh phọ ọphon, kụ ọlo ọbo esi ọgba agey, ẹkpaariom ni bịdi ọloghonaan ạḍighaagh phọ aḍien phọ. Ịdipho aruuruen phọ ophin aani bọ ni bin ạḍiseph aruwaloor phọ ạbuo aJu phọ ọmoogh bọ, ẹkpe ni dị ạbuo aJu phọ kophin aani bin ạraraar ạḍiseph ịsien ade awe phọ lọ aruuruen phọ ọmoogh. 28Mị rọmadan dom mọ ạḍien, rọḅogh oomo phọ ikpoki phọ osogh bọ rọngo, mị anyeene rạki Spen kụ mị aḍigh iphogh inyina. 29Mem lọ mị ratu ọmiin anyina, mị alegheri ni mọ mị kạpamam okpom ọghor phọ kꞌaKraist kụ iruom inyina.
30Bụo asiya, mị rịkpaariom ni inyina esi aḍien phọ ạJizos Kraist Ọmoogh-we phọ ayira, rꞌẹphomoghian phọ Uwaloor Iigbia phọ rạngo ghan bọ, iḍighan ni ịmi ọkparami oghol ghan ẹmhu ạmi ọoḅereghi Ẹnaan. 31Ịiḅereghi ghan mọ ịyaar ịmi kímitenaan ḍịghaagh ạbuphe úmeeraam bọ ẹpe Judia, ḅịle kẹn mọ aweye phọ Ẹnaan ẹpe Jeruselem ọsighe aani oḍighi phọ ạmi. 32Dị Ẹnaan emeera ni, pọ mị kạpam ni rꞌọḅaal ologhi kụ atumom ghisigh anyina kụ yira ọlogha loor. 33Ẹnaan phọ eḍighi bọ zin ẹepho ịrolonaan inyina! Ẹrol li ịdipho!
Currently Selected:
Bụo aRom 15: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Bụo aRom 15
15
Iḍighi ghan ịlo ẹgbaanyan bụnon awe, káloor anyina bịn
1Ẹkpe ni dị yira phọ ạbuen omeeraam mọ ạkpar bọ kọlogh ḍịghaagh otoolaan sidool ạbuphe omeeraam mọ adugh bọ. Kúḍighi ghan ịlo ịgbaanyan iyira bịn! 2Tọrobo ọnyo ayira ạloghonaan ghan ghụn ḍịghaagh ịlo kẹngo ọnyo asiya ọdi sụo, pịdi ạaneghiom omeeraam mọ ọdi, 3#Ạsuo 69.9ịdi eḍighi bọ aKraist óḍighi ghan ịlo ẹgbaanyan nyọdi! Ịdipho ạḍinya iigbia phọ ẹḅem bọ, “Iitunyan phọ ịpe ootuuny bọ nyịna mimeleghuom ịmi.” 4Tọrobo ịyaar lọ ọge sịphe Ạḍinya Iigbia phọ, ụge ọtughemiom ghan ayira, pịdi yira ọtuan ọkparam mọ rꞌạkpo ologhi phọ ọghaaph Ạḍinya Iigbia phọ rụngo ghan bọ iyira ọmoogh oḍuom ologhi. 5Kụ Ẹnaan, azin ọkparam rꞌạkpo ologhi phọ, eḍighi ni mạar dị nyina kẹtuughaany ghan ịpe ạJizos Kraist aḍighi bọ, ẹmoogh aani igina phọ ịitughian phọ sịphe ogbo phọ anyina, 6pịdi aḍita phọ anyina ẹḅophoghan rꞌeniin ẹḍogh kụ ẹsephom Ẹnaan rꞌỌde phọ ạJizos Kraist, Ọmoogh-we phọ ayira!
Ooḅi ọghaaph ọghiomonaan aruuruen phọ
7Loor ịphen phọ, oniin ạloghoma nyoniin, ịdipho aKraist mịlhoghoma bọ inyina, ọbo ẹngo eghuan phọ Ẹnaan, 8ịdi eḍighi bọ mị rịḅeni ghan inyina mọ aKraist aḍighi otelhedom ạbuo aJu phọ oḍeenaan mọ Ẹnaan ẹkpe ni oḍuom ologhi, rꞌọḅile oḍighi oguan phọ dị aguanaan bọ bugbogh ạburude phọ, 9#2 Sạm 22.50; Ạsuo 18.49rꞌọḅile ọloghonaan ạḍighaagh dị aruuruen phọ kokol ọnma ighirigiir phọ Ẹnaan oboom nyọdi. Ịdipho ạḍinya iigbia phọ rẹḅem ghan bọ,
“Loor ịphen phọ, mị kaboom ni nyịna sịphe ogbo aruuruen phọ;
mị kạmoor ri sụor aboomiom ḍien phọ ạna.”
10 #
Dut 32.43
Ẹḅile kẹn ẹḅem mọ,
“Nyina aruuruen phọ,
ịḅaram we phọ Ẹnaan ẹsaḅar bọ ẹmoogh iboh.”
11 #
Ạsuo 117.1
Ẹḅile kẹn ẹḅem mọ,
“Oomo aruuruen phọ, iboom Ọmoogh-we phọ;
weye oomo areelhe, iboom nyọdi.”
12 #
Azay 11.10
Ḅịle kẹn, Azaya ạḅem mọ,
“Ọnyo ẹemara ẹemara ạJesi katu ni;
kopophe ni nyọdi ọtooghi ạraraar ọngo aruuruen phọ,
kụ bịdi oḍuom ologhi nyọdi.”
13Ẹnaan phọ eḍighi bọ zin oḍuom ologhi imuzeḍinaan inyina oomo ọḅaal ologhi rꞌẹepho, loor omeeraam mọ anyina esi ọdi, pịdi ịikpo Uwaloor Iigbia phọ eḍighi dị oḍuom ologhi phọ anyina kapoph ghan bịn ạkiom ghisigh!
Ịdi ạPol ạtuan bọ rạgeom oḅom ẹmhu ḍịnya phọ ạḍien
14Bụo asiya ạmi, mị rꞌaloor ạmi aḍuom ni ologhi akuphom owol mọ igey rꞌolegheri ịyaar emuza ni loor anyina, ḅịle mọ oniin ratue ni kạtughemi ghan nyoniin. 15Kụ mị ạgeom ni rꞌoḅom ẹmhu iniin ikpo ạraraar ọghiom anyina ologhi. Oḅom ẹmhu phọ ạmi ạtuan ịdipho Ẹnaan eḍighi bọ eeḅi 16ịma ịmi oḍighi otelhedom ạJizos Kraist oḍighi ghan oḍighi ọngo aruuruen phọ. Mị ạkigh oyil ạrikia ịdipho mị rạkaaph bọ ooḅi ọghaaph phọ Ẹnaan, pịdi Uwaloor Iigbia phọ awoph ruuruen phọ aḍighi bịdi ẹkia dị Ẹnaan kele. 17Ịdipho mị ạḅophoghan bọ Jịzos Kraist, mị raḅoom ni oḍighi phọ mị raḍighi bọ kạngo Ẹnaan. 18Mị kaḅom ni ẹmhu bịn ạkaaph amitiom ịpe aKraist mạtuan bọ ikpo ọnhu rꞌiiḍighi phọ ạmi, 19rꞌịikpo areḍeenaan rꞌịiḍaany, rꞌịikpo Uwaloor Iigbia phọ kụ aḍighi oḍeenaan aruuruen ịlo bịdi kọnaghanan ghan Ẹnaan. Mị magbeelom ni ooḅi ọghaaph phọ aKraist ạman, emiigh kꞌẹpe Jeruselem kụ esi Ilurikom. 20Oomo ologhi ạmi odi ghan ọghaaph ghan ooḅi ọghaaph phọ ọḅeni aweye arikpisi phọ ịpe kọ̋naghan ghan bọ ọghaaph phọ aKraist, ọbo mị kamiigh ghan bọ esi dị ọnon oye maphighi kụ ạlogh ạkiom. 21#Azay 52.15Ịdipho ạḍinya iigbia phọ rẹḅem bọ,
“Bụphe kọ̋ḅeni ghan bọ ịlo ọdi kọmiin ni,
kụ bụphe kọ̋naghan ghan bọ kolegheri ni.”
ẠPol agbiighi ọghi aRom
22 #
Rom 1.13
Ịduon kụ iḍighi bọ ịyaar phọ umirighan bọ ịmi ịbadi amem oru ọteeny anyina. 23Kụ nyịidipho mị mạmadan oḍighi phọ ạmi sịen areelhe phọ ịphen, ḅịle kẹn meḍighi ni ịbadi ạsia mị rạwa ghan bọ oru ọmiin anyina. 24Mem lọ mị rạki Spen, kịḅeeraan ni ịmi oḍigh ọmiin anyina, lọ nyina kịlhoghonaan ịmi ḍịghaagh ẹghi phọ, mem lọ yira mọrolan ẹphurukpu ọghaaph ọmilogh. 25#1 Kọr 16.1-4Tọrobo ịlo ẹrol, mị rạki Jeruselem nyịidipho oḍighi oḍighi ọngo awe phọ Ẹnaan odi bọ ẹpe. 26Bụo ạsiosi phọ aMasidonia rꞌẠkaya mọsighe ni rꞌooḅi ologhi ạbidi osereghiom ikpoki ọloghonaan ạḍighaagh rukulom sịphe ogbo awe phọ Ẹnaan ẹpe Jeruselem. 27#1 Kọr 9.11Bịdi rꞌaloor ạbidi kụ umeeraam ni osogh osogh phọ ọphon, kụ ọlo ọbo esi ọgba agey, ẹkpaariom ni bịdi ọloghonaan ạḍighaagh phọ aḍien phọ. Ịdipho aruuruen phọ ophin aani bọ ni bin ạḍiseph aruwaloor phọ ạbuo aJu phọ ọmoogh bọ, ẹkpe ni dị ạbuo aJu phọ kophin aani bin ạraraar ạḍiseph ịsien ade awe phọ lọ aruuruen phọ ọmoogh. 28Mị rọmadan dom mọ ạḍien, rọḅogh oomo phọ ikpoki phọ osogh bọ rọngo, mị anyeene rạki Spen kụ mị aḍigh iphogh inyina. 29Mem lọ mị ratu ọmiin anyina, mị alegheri ni mọ mị kạpamam okpom ọghor phọ kꞌaKraist kụ iruom inyina.
30Bụo asiya, mị rịkpaariom ni inyina esi aḍien phọ ạJizos Kraist Ọmoogh-we phọ ayira, rꞌẹphomoghian phọ Uwaloor Iigbia phọ rạngo ghan bọ, iḍighan ni ịmi ọkparami oghol ghan ẹmhu ạmi ọoḅereghi Ẹnaan. 31Ịiḅereghi ghan mọ ịyaar ịmi kímitenaan ḍịghaagh ạbuphe úmeeraam bọ ẹpe Judia, ḅịle kẹn mọ aweye phọ Ẹnaan ẹpe Jeruselem ọsighe aani oḍighi phọ ạmi. 32Dị Ẹnaan emeera ni, pọ mị kạpam ni rꞌọḅaal ologhi kụ atumom ghisigh anyina kụ yira ọlogha loor. 33Ẹnaan phọ eḍighi bọ zin ẹepho ịrolonaan inyina! Ẹrol li ịdipho!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS