Bụo aRom 10
10
1Bụo asiya, ọbo ọphel aani awe phọ ạmi otene kụ ịkpana ịitughian ologhi phọ ạmi rꞌịdi mị aghol ghan bọ bịdi rạaḅereghi Ẹnaan. 2Mị katue ni ạmaaghi ịdi bịdi oghol Ẹnaan roophughemian loor, kụ opu ni ịyaar bịn roḍighi aani, 3ịdi eḍighi bọ bịdi kőlhegheri reten phọ Ẹnaan rẹsighenom ghan bọ mọ bụen awe aruukuan ni phọ. Bịdi rọlem eḍighinom ịyaar ẹlo ạbidi, úsooromi loor ạbidi ụngo reten phọ Ẹnaan eseere bọ. 4Ịdipho edi bọ, aKraist mamuneni Ologh phọ bịn ọ́moogh mun ịikpo, kụ Ẹnaan rẹsighe ghan tọrobo oye lọ ameeraam keḍighi oye aruukuan.
Ẹnaan rẹwa ni mọ oomo awe ọmoogh pẹleeny
5 #
Lịv 18.5
Ịphen kụ ịdi aMozis ạge ịlo ooko ghan Ologh phọ kụ Ẹnaan kegbi ọsighe mọ ọphon oye aruukuan ni: “Oye lọ aako ghan Ologh phọ, Ologh phọ kaḍighi ni ịdi ọdi kạmoogh ghuḍum.” 6#Dut 30.12-14Kụ ịphen kụ ịdi aruukuan phọ Ẹnaan rẹngo ghan bọ oye lọ ạmoogh omeeraam ẹḅem: “Ụ́ḅem mọ nạ kạki kꞌạke kụ ạwa Kraist ạpam atighelom ọloghonaan ạna ḍịghaagh.” 7Ḅịle kẹn, “Ụ́ḅem mọ nạ kạki ọmar iḍim aḅeton Kraist sịphe aḍuugh phọ.” 8Rẹḅem ghan ghụn mọ aruukuan phọ yoor rọkaaph ghan bọ mọ Ẹnaan rẹngo ghan ni oye lọ ameeraam “mẹkpulan ni nyịna, mẹḍagh ni ịidoronhu phọ ạna, eḍigh ologhi phọ ạna.” 9Nạ ạsighe ni ịidoronhu phọ ạna ạghaaphom amitiom mọ ạJizos kụ Ọmoogh-we phọ, nạ ạḅile ni ameeraam sịphe ologhi phọ ạna mọ Ẹnaan iḅeton ni nyọdi sịphe aḍuugh phọ, kọphel li nyịna otene. 10Oye lọ ameeraam ni rꞌologhi phọ ọdi, Ẹnaan kẹsighe ni mọ ọdi oye aruukuan ni. Oye lọ ạghaaphom ịidoronhu phọ ọdi amitiom, kọpel li otene. 11#Azay 28.16Ạḍinya iigbia phọ ẹḅem mọ, “Amabi kạ́tolonaan tọrobo oye lọ ameeraam nyọdi.” 12Ịphen phọ ẹloghom ni oomo awe. Ọgbaranaan ólho esi ạbuo aJu rꞌaruuruen phọ. Eniin phọ Ẹnaan phọ kụ ịmoogh ni oomo awe phọ, ḅịle rẹseph ghan ni kẹbalabalami oomo ạbulo rọmagh ghan ḍien phọ ọdi. 13#Joel 2.32Ạḍinya iigbia phọ ẹḅem mọ, “Tọrobo oye lọ rạmagh ghan ḍien Ọmoogh-we phọ kạmoogh ni pẹleeny.”
14Bịdi kọmagh bọ ika ḍien oye phọ bịdi kőmeeraam bọ? Bịdi komeeraam bọ ika dị bịdi ọghaaph phọ ụ́naghan? Bịdi kọnaghan bọ ika dị oye ọghaaph ghan ọḅeni ạbidi úlho? 15#Azay 52.7Kụ kọkaaph ghan ika ọghaaph phọ dị aKraist útom we mọ ọghi? Ịdipho ọge bọ pạ ạḍinya iigbia phọ mọ, “Ẹekia ẹnighe dị ạrada aruwol ạbuphe oru bọ rọkaaph ghan ooḅi ọghaaph phọ ẹnighe.” 16#Azay 53.1Kụ ọlo oomo phọ ạbidi kọ̋naghanan ni ooḅi ọghaaph phọ. Azaya rꞌaloor ọdi bịn ạḅem ni mọ, “Ọmoogh-we, ạnhian kụ mameeraam bọ dom mọ ayoor ọpham bọ orumom?” 17Esi okpere, ọnaghan ghan ọghaaph phọ rạkom ghan omeeraam; bụphe rọkaaph ghan bọ ịlo aKraist kụ rọkom ghan bọ ọnaghan phọ.
18 #
Ạsuo 19.4
Kụ mị rapuru ghan mọ, “Bịdi ụ́karaghi ḍịen ụnaghan ọghaaph phọ?” Te, ụnaghan ni. Ạḍinya iigbia phọ ẹḅem mọ,
“Ạroḍogh phọ ạbidi ịḅa ni eeleghaan oomo aḅirini phọ.
Ikpo ọnhu phọ ạbidi isi ni rụghulukul aḅirini phọ.”
19 #
Dut 32.21
Mị ạḅile ni rapuru mọ, “Aweye phọ Ịzirel úlegheri ḍịen ẹmhu phọ?” AMozis rꞌaloor ọdi kụ ọḅel dị ạphagharanaan mọ,
“Mị kạsighe we dị ụ́man oghola mọ eelhe oḍighi ịdi kẹkagh iloghi awe phọ ạmi;
mị kaḍighi ni ịdi eelhe ạbuo arolologhi kepin ghan iloghi awe phọ ạbidi.”
20 #
Azay 65.1
Azaya amighirom ni ạḅem mọ,
“Bụphe ịmi ụ́wa bọ, kụ ụmiin ghụn ni ịmi;
Bụphe ụ́wa ghan bọ olegheri ịlo ạmi, mị umitenaan ghụn ni.”
21 #
Azay 65.2
Kụ ịlo aweye phọ Ịzirel, ọdi ạḅem mọ, “Mị usele ni rạghaagh ạmi ẹmhu aḍio phọ ạyapha ghan we ịgbagharan rꞌọḅaar ẹmhu phọ.”
Currently Selected:
Bụo aRom 10: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Bụo aRom 10
10
1Bụo asiya, ọbo ọphel aani awe phọ ạmi otene kụ ịkpana ịitughian ologhi phọ ạmi rꞌịdi mị aghol ghan bọ bịdi rạaḅereghi Ẹnaan. 2Mị katue ni ạmaaghi ịdi bịdi oghol Ẹnaan roophughemian loor, kụ opu ni ịyaar bịn roḍighi aani, 3ịdi eḍighi bọ bịdi kőlhegheri reten phọ Ẹnaan rẹsighenom ghan bọ mọ bụen awe aruukuan ni phọ. Bịdi rọlem eḍighinom ịyaar ẹlo ạbidi, úsooromi loor ạbidi ụngo reten phọ Ẹnaan eseere bọ. 4Ịdipho edi bọ, aKraist mamuneni Ologh phọ bịn ọ́moogh mun ịikpo, kụ Ẹnaan rẹsighe ghan tọrobo oye lọ ameeraam keḍighi oye aruukuan.
Ẹnaan rẹwa ni mọ oomo awe ọmoogh pẹleeny
5 #
Lịv 18.5
Ịphen kụ ịdi aMozis ạge ịlo ooko ghan Ologh phọ kụ Ẹnaan kegbi ọsighe mọ ọphon oye aruukuan ni: “Oye lọ aako ghan Ologh phọ, Ologh phọ kaḍighi ni ịdi ọdi kạmoogh ghuḍum.” 6#Dut 30.12-14Kụ ịphen kụ ịdi aruukuan phọ Ẹnaan rẹngo ghan bọ oye lọ ạmoogh omeeraam ẹḅem: “Ụ́ḅem mọ nạ kạki kꞌạke kụ ạwa Kraist ạpam atighelom ọloghonaan ạna ḍịghaagh.” 7Ḅịle kẹn, “Ụ́ḅem mọ nạ kạki ọmar iḍim aḅeton Kraist sịphe aḍuugh phọ.” 8Rẹḅem ghan ghụn mọ aruukuan phọ yoor rọkaaph ghan bọ mọ Ẹnaan rẹngo ghan ni oye lọ ameeraam “mẹkpulan ni nyịna, mẹḍagh ni ịidoronhu phọ ạna, eḍigh ologhi phọ ạna.” 9Nạ ạsighe ni ịidoronhu phọ ạna ạghaaphom amitiom mọ ạJizos kụ Ọmoogh-we phọ, nạ ạḅile ni ameeraam sịphe ologhi phọ ạna mọ Ẹnaan iḅeton ni nyọdi sịphe aḍuugh phọ, kọphel li nyịna otene. 10Oye lọ ameeraam ni rꞌologhi phọ ọdi, Ẹnaan kẹsighe ni mọ ọdi oye aruukuan ni. Oye lọ ạghaaphom ịidoronhu phọ ọdi amitiom, kọpel li otene. 11#Azay 28.16Ạḍinya iigbia phọ ẹḅem mọ, “Amabi kạ́tolonaan tọrobo oye lọ ameeraam nyọdi.” 12Ịphen phọ ẹloghom ni oomo awe. Ọgbaranaan ólho esi ạbuo aJu rꞌaruuruen phọ. Eniin phọ Ẹnaan phọ kụ ịmoogh ni oomo awe phọ, ḅịle rẹseph ghan ni kẹbalabalami oomo ạbulo rọmagh ghan ḍien phọ ọdi. 13#Joel 2.32Ạḍinya iigbia phọ ẹḅem mọ, “Tọrobo oye lọ rạmagh ghan ḍien Ọmoogh-we phọ kạmoogh ni pẹleeny.”
14Bịdi kọmagh bọ ika ḍien oye phọ bịdi kőmeeraam bọ? Bịdi komeeraam bọ ika dị bịdi ọghaaph phọ ụ́naghan? Bịdi kọnaghan bọ ika dị oye ọghaaph ghan ọḅeni ạbidi úlho? 15#Azay 52.7Kụ kọkaaph ghan ika ọghaaph phọ dị aKraist útom we mọ ọghi? Ịdipho ọge bọ pạ ạḍinya iigbia phọ mọ, “Ẹekia ẹnighe dị ạrada aruwol ạbuphe oru bọ rọkaaph ghan ooḅi ọghaaph phọ ẹnighe.” 16#Azay 53.1Kụ ọlo oomo phọ ạbidi kọ̋naghanan ni ooḅi ọghaaph phọ. Azaya rꞌaloor ọdi bịn ạḅem ni mọ, “Ọmoogh-we, ạnhian kụ mameeraam bọ dom mọ ayoor ọpham bọ orumom?” 17Esi okpere, ọnaghan ghan ọghaaph phọ rạkom ghan omeeraam; bụphe rọkaaph ghan bọ ịlo aKraist kụ rọkom ghan bọ ọnaghan phọ.
18 #
Ạsuo 19.4
Kụ mị rapuru ghan mọ, “Bịdi ụ́karaghi ḍịen ụnaghan ọghaaph phọ?” Te, ụnaghan ni. Ạḍinya iigbia phọ ẹḅem mọ,
“Ạroḍogh phọ ạbidi ịḅa ni eeleghaan oomo aḅirini phọ.
Ikpo ọnhu phọ ạbidi isi ni rụghulukul aḅirini phọ.”
19 #
Dut 32.21
Mị ạḅile ni rapuru mọ, “Aweye phọ Ịzirel úlegheri ḍịen ẹmhu phọ?” AMozis rꞌaloor ọdi kụ ọḅel dị ạphagharanaan mọ,
“Mị kạsighe we dị ụ́man oghola mọ eelhe oḍighi ịdi kẹkagh iloghi awe phọ ạmi;
mị kaḍighi ni ịdi eelhe ạbuo arolologhi kepin ghan iloghi awe phọ ạbidi.”
20 #
Azay 65.1
Azaya amighirom ni ạḅem mọ,
“Bụphe ịmi ụ́wa bọ, kụ ụmiin ghụn ni ịmi;
Bụphe ụ́wa ghan bọ olegheri ịlo ạmi, mị umitenaan ghụn ni.”
21 #
Azay 65.2
Kụ ịlo aweye phọ Ịzirel, ọdi ạḅem mọ, “Mị usele ni rạghaagh ạmi ẹmhu aḍio phọ ạyapha ghan we ịgbagharan rꞌọḅaar ẹmhu phọ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS