Ạsuor 98

Ẹnaan kụ Ọdaam Aḅirini Phọ

1Ịmooraan ḍimoom ạḍuor Ọmoogh-we phọ.

Ọdi maḍighi rạraar ịiḍaany,

Esi ịikpo phọ ọdi rꞌịnyaam iigbia,

ọdi mạkpar apu ẹpomoghian phọ.

2Ọmoogh-we phọ agbeelom ọkpar opu ọdi;

ọdi aḍighi ịdi areelhe olegheri ịikpo ạpeleeny phọ ọdi.

3Ọdi óbi ịpe ọdi aguanaan bọ we phọ Ịzirel,

aḍeenaan bịdi omeelom rꞌẹphomoghian phọ ọdi rémuneen ghan bọ.

Oomo awe tọrobo ekpisi mọmiin ọkpar opu Ẹnaan phọ ayira.

4Ịyughuron rꞌibo eboom Ọmoogh-we phọ, weye oomo ade phọ.

Ipoophe rọḍogh anyina ẹghiom ạnyu ẹmoor sụor.

5Ịmoor eboom Ọmoogh-we phọ

rꞌịma ẹḍogh loor ạrene.

6Ipula ọkuodu rꞌaruuḍue;

ịlooghi ḍịolho iboh ẹngo Ọmoogh-we phọ, ọdaam mọ ayira.

7Mạphaan, nạ ọphiiny rꞌoomo ịlo edi loor ạna;

nạ aḅirini phọ rꞌạbuphe orugh bọ pạ.

8Ikpoolha rạghaagh anyina, nyina ạriphiiny phọ.

Ịḅophoghan ẹmoor rꞌibo ẹngo Ọmoogh-we phọ, nyina aroogbolom mọ,

9loor esi dị ọdi ratu ọda ade phọ.

Ọdi kạda reelhe aḅirini phọ rꞌiiḅi ịiruen rꞌegeny ẹphamam.

Currently Selected:

Ạsuor 98: ẠḌI

Highlight

Copy

Want to have your highlights saved across all your devices? Sign up or sign in

Abuan Language Development and Literacy Society

Ayama-Abua, Rivers State, Nigeria

Published by

NBTT

Nigeria Bible Translation Trust

No. 7 Old Airport Road

P.O. Box 790, Jos Plateau State, Nigeria

ISBN: 978-978-966-354-5

In cooperation with

MIDI BIBLE

Ch. de Praz-Roussy 4b, 1032 Romanel-sur-Lausanne, Switzerland

The New Testament in Abuan was originally published

in 1978 by The Bible Society of Nigeria with © UBS

Learn More About Ạḍinya Iigbia