Ạsuor 75

Ẹnaan oogboom ịiruen

1Yoor rọngo ghan nyịna ḍịseph, Ẹnaan. Yoor rọngo ghan nyịna ḍịseph.

Yoor rogbeelom ni dọl igbogh phọ ạna

ọḅile rọkaaph ghan ịlo iiḍighi ịiḍaany phọ ạna.

2“Mị maseere ni mem ịiruen,” Ẹnaan kụ ịḅem,

“kụ mị kasoph ni ọoruen dị aaleeny.

3Ghạlamo ịduon oomo ạraraar lọ edi eye repiigha bọ ni;

ade phọ kẹn bịn rẹdegh bọ ni,

ephighiom ade phọ kẹmeera zim.

4Mị rạḅeni ghan weye ạsipioghom mọ mọ kúpoophe ghan loor.

5Mị rạḅeni ghan bịdi mọ ọwile obaga ghan phọ.”

6Ịiruen rẹ́ḍua ghan emitenom mụghumo emeelom erumuḍio phọ kụ keru;

rẹ́ḍua ghan ephunom mụghumo esoorom.

7Ẹnaan kụ oogboom ịiruen

dị rapume ghan buniin kụ kaghelemi buniin.

8Ọmoogh-we phọ ạpam ọphaal ḍịghaagh ọdi,

dị amuzeḍiom mụgbagara amiim ophin-ologhi phọ ọdi.

Ọdi rạmeleghi ghan, kụ oomo ạbuo ạsipioghom mọ rọpughol ghan;

tụtu ọokpanion ọman.

9Kụ ọlo mị kásophe ọghaaph ghan ịlo Ẹnaan phọ ạJekob;

mị kạmoor ghan sụor aboomiom nyọdi.

10Ọdi kaḅonyon ịikpo ạbuo ạsipioghom mọ,

kụ ạḅile ạkparami ịikpo awe aruukuan phọ.

Currently Selected:

Ạsuor 75: ẠḌI

Highlight

Copy

Want to have your highlights saved across all your devices? Sign up or sign in

Abuan Language Development and Literacy Society

Ayama-Abua, Rivers State, Nigeria

Published by

NBTT

Nigeria Bible Translation Trust

No. 7 Old Airport Road

P.O. Box 790, Jos Plateau State, Nigeria

ISBN: 978-978-966-354-5

In cooperation with

MIDI BIBLE

Ch. de Praz-Roussy 4b, 1032 Romanel-sur-Lausanne, Switzerland

The New Testament in Abuan was originally published

in 1978 by The Bible Society of Nigeria with © UBS

Learn More About Ạḍinya Iigbia