Ạsuor 101
101
Oguan ọdaam
1Ạḍuor ạmi egbolomaan ọokpara ọmeeraam rꞌiiḅi ịiruen,
kụ mị ạmooraan nyịna, Ọmoogh-we.
2Ẹzo ạmi kẹ́moogh ịyaar ọḍagha.
Pụr aḍio kụ nạ atu ụteeny ịmi?
Mị kạtol ḍịserereeny ạdol kꞌạmi,
3kụ kámeeraam ịkaraph.
Mị akel iiḍighi ạbuphe ọgbol bọ esi Ẹnaan.
Mị kạ́moogh ịyaar oḍighinom ạbidi.
4Mị maghel oomo iigbegheḍiom
kụ kạ́moogh ịyaar oḍighinom ạsipioghom.
5Mị kátelhian oye
lọ aaghologh ịkaraph bụnon awe.
Oye lọ aphoophe loor kụ raabaga
káḍighi ọyaghiri ạmi.
6Ạbuphe omeeraam bọ Ẹnaan kụ ụḅeeraan ịmi.
Mị kameera ni bịdi ọrol ogiga ạmi.
Bụphe rọzo ghan bọ eeḅi ẹzo lọ ẹkar eseleman
kụ ẹdi mị kameera mọ ọrol rꞌạmi.
7Oye ọkpe kátugh ogiga ạmi;
oḍighinom ịkaraph lọ ạḅem mọ ọno raḍighi ghan igey kạ́tol egbodo ạmi.
8Ḍio etum ḍio mị kapiemi
bụkaraph awe sịphe ade phọ ayira;
mị kaporogh oomo awe ạsipioghom
sịphe ẹmha Ọmoogh-we phọ.
Currently Selected:
Ạsuor 101: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
