Bụo aFilipai 1
1
1 #
Iiḍ 16.12
Mị ạPol rꞌaTimoti, bụo oḍighi phọ ạJizos Kraist, kụ ụge ḍịnya phọ ạḍien rotuomaan oomo phọ anyina aweye phọ Ẹnaan edi bọ Filipai kụ mẹḅophoghan bọ Jịzos Kraist, ḅịle rꞌabupoghom ạbuo ạsiosi phọ rꞌạbuphe ọsaḅar bọ oseere mọ ọloghonaan ghan ḍịghaagh bụo ạsiosi phọ.
2Ạḍiseph rꞌẹepho kꞌẸnaan Ọde phọ ayira, rꞌạJizos Kraist Ọmoogh-we phọ, ịrolonaan inyina!
ẠPol ạaḅereghinaan bụphe kọbal bọ ḍịnya phọ ọdi ạḍien
3Mị rạngo ghan ni ḍịseph Ẹnaan phọ ạmi tọrobo amem lọ mị ịitughian inyina. 4Kụ tọrobo amem lọ mị aghol oomo phọ anyina esi ịiḅereghi, mị rạaḅereghiom ghan ni rꞌọḅaal ologhi, 5loor esi ọloghonaan ạḍighaagh phọ nyina ẹtuan bọ ooḅi ọghaaph phọ ịloghonaan ịmi kꞌemiighom mọ kụ ẹteeny bọ kꞌạnyiidipho. 6Kụ mị ạḅile kẹn ni ameeraam ni mọ Ẹnaan ọpo amiigh bọ ogey oḍighi esi anyina kaḍighi ni ạmadan kụ ẹteeny ḍio phọ ạJizos Kraist katu bọ. 7Ẹkpianaan ni dị ịphen phọ kiroor ịmi ịduon phọ, ịdi eḍighi bọ oomo anyina ẹkan ni ologhi ạmi. Nyina rꞌạmi kụ idian ni ọghor phọ Ẹnaan ịngo bọ ịmi, nyịidipho mị odi bọ ikoli phọ rꞌamem mọ mị ạmoogh bọ ni eepoogh ọghaaph ọphelom rꞌọkparamiom ooḅi ọghaaph phọ. 8Ẹnaan elegheri ni mọ mị rạkaaph ni igey mem dị mị ạḅem mọ ẹphomoghian phọ mị ịphomoghian bọ inyina ịḍua esi ạJizos Kraist kụ eru bọ.
9Mị rạaḅereghi ghan ni mọ ẹphomoghian phọ anyina ephoph ni ẹghiom ghisigh ẹḅaram olegheri ịyaar rꞌọoḅeghion ghan ịlo eḍighi ogey ọoruen, 10ọbo nyina erue ghan ẹson ghan ịpe eru bọ igey, ẹḅile ẹmoogh ịser-sẹr iloghi, ịyaar inyina kị́biph tụtu ẹteeny ḍio phọ aKraist katu bọ. 11Mọ aghuḍum anyina amuum onugu iimuma aruukuan phọ, ịpe ạḍighaagh phọ ạJizos Kraist, pịdi awe ọtuan oboom ghan igbogh phọ Ẹnaan.
Aghuḍum mọ pọ aKraist
12Bụo asiya, mị rạwa mọ ilegheri mọ ịphen phọ imiteghunaan bọ ịmi mẹkaraghi ghụn ẹloghonaan ooḅi ọghaaph phọ ḍịghaagh ọghi aghisigh. 13#Iiḍ 28.30Esi olegheriom, oomo ạbuo ẹgham mọ rokori ghan bọ uwo ẹmha phọ aRom rꞌoomo ạbueri phọ olegheri ni mọ mị ụtuan ẹmhu aKraist kụ odi bọ ikoli phọ. 14Ạdol ikoli phọ ạmi mẹbughe iboom oḍuom ologhi ogbogh opol ạbuo asiya phọ esi Ọmoogh-we phọ, dị bịdi mọmoogh ạkpo ologhi dị ạmanam rọkaaphom ọghaaph phọ Ẹnaan, dị oghiilaan úlho mun.
15Mị alegheri ni mọ buniin ạbidi ọsighe mụlogh-ḍien rꞌịruonu kụ rọkaaphom bọ ịlo aKraist, kụ buniin ọsighe ni igey ịitughian kụ rọkaaphom. 16Bụen phọ ụtuan ẹphomoghian, ịdi eḍighi bọ bịdi olegheri ni mọ ọrol ịsien ọkuami ọghaaph ọphelom ooḅi ọghaaph phọ kụ oḍighi phọ Ẹnaan ịngo bọ ịmi oḍighi phọ. 17Bụeri phọ ụ́sighe ophooph ologhi, ọsighe ologhi iipikian, kụ rogbeelom bọ ịlo aKraist. Bịdi rogbi ghan mọ bụno koḍighi dị ịminimiin phọ ạmi kẹbugh sịen mị odi bọ ikoli phọ.
18Keḍighi eeghe? Ịlo eḍighi eḍighi, mꞌogbi igey mꞌịkaraph, pọ ẹḅaal li ologhi ạmi loor esi dị rọkaaph bọ ni ooḅi ọghaaph phọ aKraist. Kụ kẹḅaal ghan ni ologhi ạmi, 19ịdi eḍighi bọ mị alegheri ni mọ, ịdipho nyina eghol ghan bọ ẹmhu phọ ạmi rẹeḅereghi, ḅịle rꞌọloghonaan ạḍighaagh phọ ạḍua bọ esi ạJizos Kraist kụ aru bọ, kụtagharan ni ịmi. 20Ịdi mị rạwa kạkpaariom rꞌoḍuom ologhi ạmi ịduon, mọ mị rꞌamem kụ́bile ghan oḍighi phọ ạmi, oomo amem rꞌọkaraghi ạnyiidipho phọ mị ụmoogh ạkpo ologhi dị ạmanam, ọbo mꞌesi aḍuugh mꞌaghuḍum oomo ologhi ạmi aaphughemi Kraist. 21Aghuḍum mọ pọ eeghe? Aghuḍum mọ esi ạmi pọ aKraist, kụ aḍuugh kụ ịmoogh sụo epu. 22Kụ eru mạar dị arukumuan phọ ạmi sịen mị odi bọ rapooghu kemuum ni igey iimuma, pọ mị ụ́kar ulegheri bin lọ ạkpe ophin. 23Abin ophin phọ ụkparanaan ni ịmi. Omugh ọghi ọrolan aKraist kụ abin dị ạnighe ghụn iboom ophin. 24Kụ loor ạrumhu phọ anyina, aghuḍum mọ kụ ạmoogh ịyaar oḍighinom. 25Oḍuom ologhi phọ ọphon kụ aḍighi dị mị alegheri bọ mọ mị kạtol li ạloghonaan ḍịghaagh dị omeeraam oomo phọ anyina kạki ghisigh rꞌibo, 26ọbo mem lọ mị ạḅile aru ịteeny inyina, nyina eghol iiḅi phọ ạJizos Kraist muḍighi bọ ịmi ẹmoogh iboom iboh esi ạmuḅoph phọ ọdi.
27Ịdi epu pạ, ịtol dọl dị ẹkpianaan we dị momeeraam ooḅi ọghaaph aKraist, ọbo mị aru mị útu, mị ạnaghan ghan ịlo anyina mọ nyina ẹḅoph ni ọnhu ẹmeera ẹkananaam, ẹsighe oniin ologhi rebianaan igey phọ ịpe ooḅi ọghaaph phọ ạḅem bọ. 28Kékiilaan bụmulogh-ḍien phọ anyina. Ịmoogh ghan ạkpo ologhi oomo amem. Ịduon kụ eḍeenaan kꞌẸnaan olegheriom mọ bịdi kope ni kụ nyina ẹkpar epu. 29Mịngo ni inyina eepoogh okumu aKraist, kómeeraam ọdi bịn, ẹḅaram ni ọtuan ẹmhu phọ ọdi ọmiinom. 30#Iiḍ 16.19-40Nyịidipho nyina ketue ni iḍighan ịmi eenan ẹgham mọ. Ephẹn kụ egina phọ ẹgham mọ nyina ẹmiin bọ mị eenan ghan bọ kꞌamem dị meten. Egina phọ ni kụ ẹdi mị rabe bọ ni kꞌạnyiidipho, ịdipho nyina ẹnaghan bọ.
Currently Selected:
Bụo aFilipai 1: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Bụo aFilipai 1
1
1 #
Iiḍ 16.12
Mị ạPol rꞌaTimoti, bụo oḍighi phọ ạJizos Kraist, kụ ụge ḍịnya phọ ạḍien rotuomaan oomo phọ anyina aweye phọ Ẹnaan edi bọ Filipai kụ mẹḅophoghan bọ Jịzos Kraist, ḅịle rꞌabupoghom ạbuo ạsiosi phọ rꞌạbuphe ọsaḅar bọ oseere mọ ọloghonaan ghan ḍịghaagh bụo ạsiosi phọ.
2Ạḍiseph rꞌẹepho kꞌẸnaan Ọde phọ ayira, rꞌạJizos Kraist Ọmoogh-we phọ, ịrolonaan inyina!
ẠPol ạaḅereghinaan bụphe kọbal bọ ḍịnya phọ ọdi ạḍien
3Mị rạngo ghan ni ḍịseph Ẹnaan phọ ạmi tọrobo amem lọ mị ịitughian inyina. 4Kụ tọrobo amem lọ mị aghol oomo phọ anyina esi ịiḅereghi, mị rạaḅereghiom ghan ni rꞌọḅaal ologhi, 5loor esi ọloghonaan ạḍighaagh phọ nyina ẹtuan bọ ooḅi ọghaaph phọ ịloghonaan ịmi kꞌemiighom mọ kụ ẹteeny bọ kꞌạnyiidipho. 6Kụ mị ạḅile kẹn ni ameeraam ni mọ Ẹnaan ọpo amiigh bọ ogey oḍighi esi anyina kaḍighi ni ạmadan kụ ẹteeny ḍio phọ ạJizos Kraist katu bọ. 7Ẹkpianaan ni dị ịphen phọ kiroor ịmi ịduon phọ, ịdi eḍighi bọ oomo anyina ẹkan ni ologhi ạmi. Nyina rꞌạmi kụ idian ni ọghor phọ Ẹnaan ịngo bọ ịmi, nyịidipho mị odi bọ ikoli phọ rꞌamem mọ mị ạmoogh bọ ni eepoogh ọghaaph ọphelom rꞌọkparamiom ooḅi ọghaaph phọ. 8Ẹnaan elegheri ni mọ mị rạkaaph ni igey mem dị mị ạḅem mọ ẹphomoghian phọ mị ịphomoghian bọ inyina ịḍua esi ạJizos Kraist kụ eru bọ.
9Mị rạaḅereghi ghan ni mọ ẹphomoghian phọ anyina ephoph ni ẹghiom ghisigh ẹḅaram olegheri ịyaar rꞌọoḅeghion ghan ịlo eḍighi ogey ọoruen, 10ọbo nyina erue ghan ẹson ghan ịpe eru bọ igey, ẹḅile ẹmoogh ịser-sẹr iloghi, ịyaar inyina kị́biph tụtu ẹteeny ḍio phọ aKraist katu bọ. 11Mọ aghuḍum anyina amuum onugu iimuma aruukuan phọ, ịpe ạḍighaagh phọ ạJizos Kraist, pịdi awe ọtuan oboom ghan igbogh phọ Ẹnaan.
Aghuḍum mọ pọ aKraist
12Bụo asiya, mị rạwa mọ ilegheri mọ ịphen phọ imiteghunaan bọ ịmi mẹkaraghi ghụn ẹloghonaan ooḅi ọghaaph phọ ḍịghaagh ọghi aghisigh. 13#Iiḍ 28.30Esi olegheriom, oomo ạbuo ẹgham mọ rokori ghan bọ uwo ẹmha phọ aRom rꞌoomo ạbueri phọ olegheri ni mọ mị ụtuan ẹmhu aKraist kụ odi bọ ikoli phọ. 14Ạdol ikoli phọ ạmi mẹbughe iboom oḍuom ologhi ogbogh opol ạbuo asiya phọ esi Ọmoogh-we phọ, dị bịdi mọmoogh ạkpo ologhi dị ạmanam rọkaaphom ọghaaph phọ Ẹnaan, dị oghiilaan úlho mun.
15Mị alegheri ni mọ buniin ạbidi ọsighe mụlogh-ḍien rꞌịruonu kụ rọkaaphom bọ ịlo aKraist, kụ buniin ọsighe ni igey ịitughian kụ rọkaaphom. 16Bụen phọ ụtuan ẹphomoghian, ịdi eḍighi bọ bịdi olegheri ni mọ ọrol ịsien ọkuami ọghaaph ọphelom ooḅi ọghaaph phọ kụ oḍighi phọ Ẹnaan ịngo bọ ịmi oḍighi phọ. 17Bụeri phọ ụ́sighe ophooph ologhi, ọsighe ologhi iipikian, kụ rogbeelom bọ ịlo aKraist. Bịdi rogbi ghan mọ bụno koḍighi dị ịminimiin phọ ạmi kẹbugh sịen mị odi bọ ikoli phọ.
18Keḍighi eeghe? Ịlo eḍighi eḍighi, mꞌogbi igey mꞌịkaraph, pọ ẹḅaal li ologhi ạmi loor esi dị rọkaaph bọ ni ooḅi ọghaaph phọ aKraist. Kụ kẹḅaal ghan ni ologhi ạmi, 19ịdi eḍighi bọ mị alegheri ni mọ, ịdipho nyina eghol ghan bọ ẹmhu phọ ạmi rẹeḅereghi, ḅịle rꞌọloghonaan ạḍighaagh phọ ạḍua bọ esi ạJizos Kraist kụ aru bọ, kụtagharan ni ịmi. 20Ịdi mị rạwa kạkpaariom rꞌoḍuom ologhi ạmi ịduon, mọ mị rꞌamem kụ́bile ghan oḍighi phọ ạmi, oomo amem rꞌọkaraghi ạnyiidipho phọ mị ụmoogh ạkpo ologhi dị ạmanam, ọbo mꞌesi aḍuugh mꞌaghuḍum oomo ologhi ạmi aaphughemi Kraist. 21Aghuḍum mọ pọ eeghe? Aghuḍum mọ esi ạmi pọ aKraist, kụ aḍuugh kụ ịmoogh sụo epu. 22Kụ eru mạar dị arukumuan phọ ạmi sịen mị odi bọ rapooghu kemuum ni igey iimuma, pọ mị ụ́kar ulegheri bin lọ ạkpe ophin. 23Abin ophin phọ ụkparanaan ni ịmi. Omugh ọghi ọrolan aKraist kụ abin dị ạnighe ghụn iboom ophin. 24Kụ loor ạrumhu phọ anyina, aghuḍum mọ kụ ạmoogh ịyaar oḍighinom. 25Oḍuom ologhi phọ ọphon kụ aḍighi dị mị alegheri bọ mọ mị kạtol li ạloghonaan ḍịghaagh dị omeeraam oomo phọ anyina kạki ghisigh rꞌibo, 26ọbo mem lọ mị ạḅile aru ịteeny inyina, nyina eghol iiḅi phọ ạJizos Kraist muḍighi bọ ịmi ẹmoogh iboom iboh esi ạmuḅoph phọ ọdi.
27Ịdi epu pạ, ịtol dọl dị ẹkpianaan we dị momeeraam ooḅi ọghaaph aKraist, ọbo mị aru mị útu, mị ạnaghan ghan ịlo anyina mọ nyina ẹḅoph ni ọnhu ẹmeera ẹkananaam, ẹsighe oniin ologhi rebianaan igey phọ ịpe ooḅi ọghaaph phọ ạḅem bọ. 28Kékiilaan bụmulogh-ḍien phọ anyina. Ịmoogh ghan ạkpo ologhi oomo amem. Ịduon kụ eḍeenaan kꞌẸnaan olegheriom mọ bịdi kope ni kụ nyina ẹkpar epu. 29Mịngo ni inyina eepoogh okumu aKraist, kómeeraam ọdi bịn, ẹḅaram ni ọtuan ẹmhu phọ ọdi ọmiinom. 30#Iiḍ 16.19-40Nyịidipho nyina ketue ni iḍighan ịmi eenan ẹgham mọ. Ephẹn kụ egina phọ ẹgham mọ nyina ẹmiin bọ mị eenan ghan bọ kꞌamem dị meten. Egina phọ ni kụ ẹdi mị rabe bọ ni kꞌạnyiidipho, ịdipho nyina ẹnaghan bọ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS