Nehemaya 6
6
Ogbiighinaan aNehemaya ịkaraph
1ẠSanbalat, aTobaya, aGesem rꞌạbueri phọ ẹpomoghian phọ ayoor ọnaghan bọ mọ yoor mọmadan ọḅile ọlogh iikpe phọ, kụ rꞌẹnum epholopool esi ísugha, ghạlamo ịduon rughuugh kọ̋meremi bọ ni sịphe ạrunhu-aḍibuo phọ. 2Kụ ạSanbalat rꞌaGesem orom dom uruom ịmi mọ mị ụki yoor ọpham rạghaaph ẹbam ẹmha dị edi ẹpe ẹdala Ono. Ịphen phọ ikeḍi dị bịdi ọotughian ọsighe oḍighinom ạmi ịkaraph. 3Kụ mị arom butelhedom ạghiomonaan ọḅeni ạbidi mọ, “Mị ạpam ni oboom oḍighi, kụ mị kátue atu ọmiin anyina ẹpe. Mị kạ́bile oḍighi átu ọmiin anyina.”
4Bịdi urom ịmi ḍiniin phọ adom mọ inya amem, kụ mị ụngo ghan oniin phọ ọphagharanaan phọ.
5Kụ ạSanbalat arom oniin otelhedom ọdi oru ọmiin ạmi rꞌadom dị emuneniom oogh, ḍịen phọ ịghigh ḍịnya dị okuru ụ́logh, ḅịle úkpereghi. 6Ụge ḍịnya phọ mọ:
“AGesem ụḅeni ịmi mọ ọghaaph odi ni dị malheenye rụru oomo awe mọ nạ rꞌawe aJu phọ mookolobian oruphe ẹgham ḅịle mọ pọ kụ ịyaar phọ nạ mạḅile bọ rạlogh iikpe phọ aJeruselem. Ọdi ạḅile ạḅem mọ nạ rạwa ghan oḍighi ọdaam 7kụ mọ nạ maakolobian ni riil dị kogbeel ẹpe Jeruselem mọ nạ kụ ọdaam aJuda. Ogbogh ọdaam mọ kạnaghan ni rạghaaph phọ ịphen phọ, kụ mị ạatughian mọ ịyal ayira ọrol esi ọghaaph rạghaaph phọ ịphen dị eten.”
8Kụ mị ạghiom nyọdi ọphagharanaan mọ, “Rꞌịyaar dị eru igey esi ọghaaph phọ ạna ílho. Nạ bịn kụ ụgba aani ịphen phọ rꞌaloor ạna.”
9Ụnya ghan oḍighi ịdi aruugu kusiph ịmi bịn kụ ọbile oḍighi phọ. Mị ụuḅereghi ni mọ, “Nyịidipho bịdi, Ẹnaan, ụkparami iyoor.”
10Ọdo phọ amem mọ ạmuen, kụ mị ạghi ọmiin aSemaya ọony aDelaya rꞌọony ọony ạMehetabel dị útue ụ́ḍua otu ọdi. Ọdi ụḅeni ịmi mọ, “Nạ rꞌạmi kọki Otu Ịiḅereghi phọ oḍigh Ạdol Iigbia kụ ọkasaghi rughuugh phọ ịdi eḍighi bọ bịdi rotu oghiigh ạna. Tọrobo aḍughul nyịidipho bịdi kotu ni oghiigh ạna.”
11Mị ụphagharanaan ni mọ, “Mị kọ́do oye phọ ọpo rakiil ghan bọ kạaghian. Nạ ragbi mọ mị kạpel ghuḍum ạmi mem dị mị maghiil ạghi Otu Ịiḅereghi phọ kụ ạaghian? Mị ịdipho káḍighi.”
12Mem dị mị ạatughian bọ rạghaaph phọ, mị ulegheri ni mọ Ẹnaan kụ ị́ḅaanaan Semaya, ḅịle mọ aTobaya rꞌạSanbalat kụ uti nyọdi ọman mọ ụphur ịmi rụru. 13Bịdi ụkpe nyọdi ikpoki oru ọlogh eegu loor ạmi pịdi mị aḍighi ịkaraph, pịdi ọpue eghuan phọ ạmi rꞌosooromi ạmi.
14Kụ mị ạaḅereghi mọ, “Ẹnaan, tụutughian ịpe aTobaya rꞌạSanbalat moḍighi bọ kụ ạliom bịdi. Tụutughian ni ạnir phọ ọpo Noadaya rꞌoomo ariil phọ ọnya ghan bọ ọlogh eegu loor ạmi.”
Ekureriom oḍighi phọ
15Esi 52 asiḍughul-otu kụ ẹdi oomo oḍighi iikpe phọ amuneen ḍio dị emuneniom 25 esi ụnwanyu Elul. 16Mem dị ẹpomoghian ayoor dị orugh sịphe areelhe phọ ukoom bọ iyoor ọnaghan bọ ịduon, ulegheri ni mọ ịitughian phọ ạbuno epe ni bịn loor esi dị tọrobo oye alegheri ni mọ Ẹnaan kụ ịloghonaan ḍịghaagh oḍighi phọ. 17Oomo phọ amem mọ ạmuen phọ, abuḍiemiom awe aJu phọ ụghaaphan ghan ni rꞌaTobaya. 18Ịbadi awe aJuda ụrol li ạga aTobaya loor esi ọyogo ọdi ọnyo aJu dị oghol mọ aSekanaya ọony Ara. Esi ọḅaram, ọony ọdi dị oghol mọ aJehohanan apin ọnyani aMesulam ọony aBerekaya. 19Awe ụghaaph ghan ni ghisigh ạmi ịlo iiḅi iiḍighi aTobaya, kụ ọḅile ni ọkaaph tọrobo ịlo mị ạghaaph ọḅeni nyọdi. Kụ ọdi uruom ghan ni ịmi rịnya ọdeghoghom ạmi.
Currently Selected:
Nehemaya 6: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Nehemaya 6
6
Ogbiighinaan aNehemaya ịkaraph
1ẠSanbalat, aTobaya, aGesem rꞌạbueri phọ ẹpomoghian phọ ayoor ọnaghan bọ mọ yoor mọmadan ọḅile ọlogh iikpe phọ, kụ rꞌẹnum epholopool esi ísugha, ghạlamo ịduon rughuugh kọ̋meremi bọ ni sịphe ạrunhu-aḍibuo phọ. 2Kụ ạSanbalat rꞌaGesem orom dom uruom ịmi mọ mị ụki yoor ọpham rạghaaph ẹbam ẹmha dị edi ẹpe ẹdala Ono. Ịphen phọ ikeḍi dị bịdi ọotughian ọsighe oḍighinom ạmi ịkaraph. 3Kụ mị arom butelhedom ạghiomonaan ọḅeni ạbidi mọ, “Mị ạpam ni oboom oḍighi, kụ mị kátue atu ọmiin anyina ẹpe. Mị kạ́bile oḍighi átu ọmiin anyina.”
4Bịdi urom ịmi ḍiniin phọ adom mọ inya amem, kụ mị ụngo ghan oniin phọ ọphagharanaan phọ.
5Kụ ạSanbalat arom oniin otelhedom ọdi oru ọmiin ạmi rꞌadom dị emuneniom oogh, ḍịen phọ ịghigh ḍịnya dị okuru ụ́logh, ḅịle úkpereghi. 6Ụge ḍịnya phọ mọ:
“AGesem ụḅeni ịmi mọ ọghaaph odi ni dị malheenye rụru oomo awe mọ nạ rꞌawe aJu phọ mookolobian oruphe ẹgham ḅịle mọ pọ kụ ịyaar phọ nạ mạḅile bọ rạlogh iikpe phọ aJeruselem. Ọdi ạḅile ạḅem mọ nạ rạwa ghan oḍighi ọdaam 7kụ mọ nạ maakolobian ni riil dị kogbeel ẹpe Jeruselem mọ nạ kụ ọdaam aJuda. Ogbogh ọdaam mọ kạnaghan ni rạghaaph phọ ịphen phọ, kụ mị ạatughian mọ ịyal ayira ọrol esi ọghaaph rạghaaph phọ ịphen dị eten.”
8Kụ mị ạghiom nyọdi ọphagharanaan mọ, “Rꞌịyaar dị eru igey esi ọghaaph phọ ạna ílho. Nạ bịn kụ ụgba aani ịphen phọ rꞌaloor ạna.”
9Ụnya ghan oḍighi ịdi aruugu kusiph ịmi bịn kụ ọbile oḍighi phọ. Mị ụuḅereghi ni mọ, “Nyịidipho bịdi, Ẹnaan, ụkparami iyoor.”
10Ọdo phọ amem mọ ạmuen, kụ mị ạghi ọmiin aSemaya ọony aDelaya rꞌọony ọony ạMehetabel dị útue ụ́ḍua otu ọdi. Ọdi ụḅeni ịmi mọ, “Nạ rꞌạmi kọki Otu Ịiḅereghi phọ oḍigh Ạdol Iigbia kụ ọkasaghi rughuugh phọ ịdi eḍighi bọ bịdi rotu oghiigh ạna. Tọrobo aḍughul nyịidipho bịdi kotu ni oghiigh ạna.”
11Mị ụphagharanaan ni mọ, “Mị kọ́do oye phọ ọpo rakiil ghan bọ kạaghian. Nạ ragbi mọ mị kạpel ghuḍum ạmi mem dị mị maghiil ạghi Otu Ịiḅereghi phọ kụ ạaghian? Mị ịdipho káḍighi.”
12Mem dị mị ạatughian bọ rạghaaph phọ, mị ulegheri ni mọ Ẹnaan kụ ị́ḅaanaan Semaya, ḅịle mọ aTobaya rꞌạSanbalat kụ uti nyọdi ọman mọ ụphur ịmi rụru. 13Bịdi ụkpe nyọdi ikpoki oru ọlogh eegu loor ạmi pịdi mị aḍighi ịkaraph, pịdi ọpue eghuan phọ ạmi rꞌosooromi ạmi.
14Kụ mị ạaḅereghi mọ, “Ẹnaan, tụutughian ịpe aTobaya rꞌạSanbalat moḍighi bọ kụ ạliom bịdi. Tụutughian ni ạnir phọ ọpo Noadaya rꞌoomo ariil phọ ọnya ghan bọ ọlogh eegu loor ạmi.”
Ekureriom oḍighi phọ
15Esi 52 asiḍughul-otu kụ ẹdi oomo oḍighi iikpe phọ amuneen ḍio dị emuneniom 25 esi ụnwanyu Elul. 16Mem dị ẹpomoghian ayoor dị orugh sịphe areelhe phọ ukoom bọ iyoor ọnaghan bọ ịduon, ulegheri ni mọ ịitughian phọ ạbuno epe ni bịn loor esi dị tọrobo oye alegheri ni mọ Ẹnaan kụ ịloghonaan ḍịghaagh oḍighi phọ. 17Oomo phọ amem mọ ạmuen phọ, abuḍiemiom awe aJu phọ ụghaaphan ghan ni rꞌaTobaya. 18Ịbadi awe aJuda ụrol li ạga aTobaya loor esi ọyogo ọdi ọnyo aJu dị oghol mọ aSekanaya ọony Ara. Esi ọḅaram, ọony ọdi dị oghol mọ aJehohanan apin ọnyani aMesulam ọony aBerekaya. 19Awe ụghaaph ghan ni ghisigh ạmi ịlo iiḅi iiḍighi aTobaya, kụ ọḅile ni ọkaaph tọrobo ịlo mị ạghaaph ọḅeni nyọdi. Kụ ọdi uruom ghan ni ịmi rịnya ọdeghoghom ạmi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS