Nehemaya 3
3
Ọḅile Ọlogh iikpe phọ aJeruselem
1Ịphen kụ ịdi ọḅile bọ ọlogh iikpe ẹmha phọ. Eliasib ogbogh oyil ạrikia phọ rꞌạbunon riil ạrikia ọdi kụ ụlogh Ọnhu-aḍibuo Iyool-Ịga phọ ọḅogh ọngo Ẹnaan, kụ ọmeremi rughuugh phọ. Bịdi ụḅogh ni iikpe phọ ọngo Ẹnaan kꞌẹpe otu ẹedaneen phọ rokol ghan bọ mọ Otu-oghoph Okuron rꞌOtu-oghoph ạHananel.
2Awe aJeriko kụ ụlogh ẹkpigh phọ etum bọ pạ. Azakur ọony phọ Imri kụ ạlogh ẹkpigh phọ etum bọ pạ.
3Opolo kꞌaHasenaa kụ ụlogh Ọnhu-aḍibuo Ina phọ. Bịdi ụlogh ni iḅidi ạroko otu phọ rꞌạrunhu-aḍibuo phọ ḅịle rꞌarukuron ịlo ọkasiom ghan ọnhu-aḍibuo phọ.
4AMeremot ọony aYuraya rꞌọony ọony aHakoz kụ ụlogh ẹkpigh phọ etum bọ pạ. AMesulam, ọony phọ aBerekaya rꞌọony ọony ạMesezabel, kụ ụlogh ẹkpigh phọ etum bọ pạ.
ẠZedok ọony aBaana kụ ạlogh ẹkpigh phọ etum bọ pạ.
5Awe aTekoa kụ ụlogh ẹkpigh phọ etum bọ pạ. Kụ ọlo ikpolom awe ẹmha phọ úmeera uḍighi iiḍighi dị abuḍiemiom mọ ọngo bịdi oḍighi.
6AJoyada ọony aPasea rꞌaMesulam ọony phọ aBesodeya kụ ụḅile ọlogh Ọnhu-aḍibuo aJesana. Bịdi ụlogh ni iḅidi ạroko otu phọ rꞌạrunhu-aḍibuo phọ ḅịle rꞌarukuron ịlo ọkasiom ghan ọnhu-aḍibuo phọ.
7AMelataya ọlo ạGibion, aJadon ọlo aMeronot rꞌawe ạGibion rꞌawe aMizpa kụ ụlogh ẹkpigh phọ etum bọ pạ, osiemi kꞌẹpe amarugh opoghom eelhe ẹlo ẹpe erumuḍio phọ remeel ghan bọ ẹpe Yufratis.
8Ụziel ọony phọ aHahaya, ọlemom ọlem agol, kụ ạlogh ẹkpigh phọ etum bọ pạ.
AHananaya, ọlemom arolo eḍu, kụ ạlogh ẹkpigh phọ etum bọ pạ, asiemi kꞌẹpe Ịiregha Iikpe phọ.
9ARefaya ọony aHur, oye ịtooghi dị ạda pạkiri aJeruselem, kụ ạlogh ẹkpigh phọ etum bọ pạ.
10AJedaya ọony aHarumaf kụ ạlogh ẹkpigh phọ etum bọ pạ dị etuman otu kꞌọdi.
AHatus ọony aHasabneya kụ ạlogh ẹkpigh phọ etum bọ pạ.
11AMalkaija ọony aHarim rꞌaHasiub ọony aPahat Mọab kụ ụlogh ẹkpigh phọ etum bọ pạ ḅịle rꞌẹsogolo esi Otu Aruwol Ịisa phọ.
12ASalum ọony aHalohes, oye phọ ạda bọ ọphori phọ ạpakiri aJeruselem, ạlogh ni ẹkpigh phọ etum bọ pạ, kụ ạnmanyaan ọdi kụ ụlogh ḍịghaagh.
13AHanun rꞌawe ẹmha phọ aZanoa kụ ụḅile ọlogh Ọnhu-aḍibuo Eḍiiny phọ. Bịdi ụlogh ni rọko otu phọ rꞌạrunhu-aḍibuo phọ ḅịle rꞌarukuron ịlo ọkasiom ghan ọnhu-aḍibuo phọ, kụ oselemi iikpe osiemi 440 akuḅu tụtu ẹghi ẹteeny kꞌẹpe Ọnhu-aḍibuo Atopha phọ.
14AMalkaija ọony aRekab, ọdaam eelhe ạBet Hakherem, kụ ạḅile ạlogh Ọnhu-aḍibuo Atopha phọ. Ọdi ạlogh ni rọko otu phọ rꞌạrunhu — aḍibuo phọ ḅịle rꞌarukuron ịlo ọkasiom ghan ọnhu-aḍibuo phọ.
15ASalum ọony aKol Hoze, ọdaam eelhe aMizpa, kụ ạḅile ạlogh ọnhu-aḍibuo Ọonu Adir phọ. Ọdi aḍue ni eten ọnhu-aḍibuo phọ kụ ạlogh rọko otu phọ rꞌạrunhu-aḍibuo phọ ḅịle rꞌarukuron phọ. Ẹpe Ọonu aSela, ọdi ạlogh ni iikpe dị etuman oghoony ịizupha ọdaam mọ, kꞌẹpe ẹlo eten orelhe osoor ẹpe ẹmha phọ aDevid.
16ANehemaya ọony Azbuk, ọdaam ạpakiri eelhe ạBet Zur, kụ ạlogh ẹkpigh phọ etum bọ pạ, kꞌẹpe ẹlo oḍi phọ aDevid rꞌọonu phọ rꞌamarugh ạbuo ẹgham mọ.
Ạbuo aLivai dị okumuan aani ịlo iikpe phọ
17Bụen kụ ạbuo aLivai dị ọḅile ọlogh aani rịikpigh iikpe phọ etum bọ pạ:
ARehum ọony aBani kụ ạlogh ẹkpigh phọ etum bọ pạ;
AHasabaya, ọdaam ạpakiri eelhe aKeila, aghol li eelhe phọ ọdi, kụ ạlogh ẹkpigh phọ etum bọ pạ;
18ABavai ọony aHenadad, ọdaam ọphori phọ ạpakiri eelhe phọ aKeila, kụ ạlogh ẹkpigh phọ etum bọ pạ;
19Ezer ọony aJesua, ọdaam eelhe aMizpa, kụ ạlogh ẹkpigh phọ etum bọ sịphe ghisigh otu ạreenema ẹgham mọ kꞌẹpe ạga phọ ọpo iikpe phọ ẹkula bọ;
20ABaruk ọony aZabai kụ ạlogh ẹkpigh phọ etum bọ sịphe, ẹsighe ẹghi esi eḍighom otu Eliasib ogbogh oyil ạrikia phọ;
21AMeremot ọony aYuraya rꞌọony ọony aHakoz kụ ạlogh ẹkpigh phọ etum bọ pạ, tụtu kꞌẹpe eekuna otu phọ Eliasib.
Ariil ạrikia dị okumuan aani ịlo iikpe phọ
22Bụen kụ ariil ạrikia dị ọḅile ọlogh rịikpigh iikpe phọ etum bọ pạ:
Ạbupinyon rịkia eelhe ooghironom aJeruselem kụ ụlogh ẹkpigh phọ etum bọ pạ;
23ẠBenjamin rꞌaHasiub kụ ụlogh ẹkpigh phọ etum bọ pạ, ẹdi ẹrol ghisigh aruutu ạbidi;
Azaria ọony aMaaseya rꞌọony ọony Ananaya kụ ạlogh ẹkpigh phọ etum bọ pạ, ẹdi ẹrol ghisigh otu ọdi;
24ABinui ọony aHenadad kụ ạlogh ẹkpigh phọ etum bọ pạ, emiigh kꞌotu Azaria kụ ẹghi esi ẹpe ẹkul iikpe phọ;
25-26APalal ọony phọ Uzai kụ ạlogh ẹkpigh phọ etum bọ pạ, emiigh ẹkul iikpe phọ rꞌẹsogolo esi otu ọdaam mọ atuman bọ otu abukoriom mọ;
APedaya ọony aParos kụ ạlogh ẹkpigh phọ etum bọ pạ, kꞌẹpe ẹlo erumuḍio phọ remite ghan bọ etuman Ọnhu-aḍibuo Ạmuum mọ rꞌẹsogolo esi otu phọ rapogh bọ Otu Ịiḅereghi phọ. (Ẹphen phọ ituman pạkiri ẹmha dị oghol mọ Ofel, sịphe ạbuo iiḍighi Otu phọ orugh bọ.)
Ạbunon awe dị ọlogh aani
27Awe aTekoa kụ ụlogh ẹkpigh phọ etum bọ pạ, omuneniom ịyal dị bịdi ọlogh, ẹḍua ẹḅeenyom ogbogh otu-oghoph phọ aghoonyom bọ Otu Ịiḅereghi phọ kụ ẹghi esi ẹpe iikpe phọ etuman bọ Ofel.
28Aḍita ariil ạrikia kụ ụlogh ẹkpigh phọ etum bọ pạ, rọki ephunom ẹpe Ọnhu-aḍibuo Ịnam-ạsu phọ, tọrobo oye ạlogh ghan risigh otu ọdi.
29ẠZedok ọony phọ Imer kụ ạlogh ẹkpigh phọ etum bọ pạ, dị etuman ghisigh otu ọdi.
ASemaya ọony phọ aSekanaya ọpo rakori ghan bọ Ọnhu-aḍibuo Emitenom mọ kụ ạlogh ẹkpigh phọ etum bọ pạ.
30AHananaya ọony aSelemaya rꞌaHanun, omuneniom odiiny ọony aZalaf, kụ ụlogh ẹkpigh phọ etum bọ pạ, omuneniom ịyal dị bịdi ọlogh.
AMesulam ọony aBerekaya kụ ạlogh ẹkpigh phọ etum bọ pạ, dị etuman ghisigh otu ọdi.
31AMalkaija, ọlemom ọlem agol, kụ ạlogh ẹkpigh phọ etum bọ pạ, ẹdoony ẹghi esi ẹpe otu phọ ạbuo iiḍighi Otu phọ rꞌabumuul ḍighi phọ rọtol ghan bọ, ọpo atuman bọ Ọnhu-aḍibuo aMifkad atuman bọ osoph ẹedaneen phọ odi bọ ẹkul iikpe phọ igbo ephunom rꞌẹpe erumuḍio phọ remite ghan bọ. 32Ạbulemom-ọlem-agol phọ rꞌabumuul ḍighi phọ kụ ụlogh ẹkpigh phọ esughanam bọ ọman, emiigh kꞌosoph phọ odi bọ ẹkul iikpe phọ kụ ẹghi esi ẹpe Ọnhu-aḍibuo Iyool-Ịga phọ.
Currently Selected:
Nehemaya 3: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Nehemaya 3
3
Ọḅile Ọlogh iikpe phọ aJeruselem
1Ịphen kụ ịdi ọḅile bọ ọlogh iikpe ẹmha phọ. Eliasib ogbogh oyil ạrikia phọ rꞌạbunon riil ạrikia ọdi kụ ụlogh Ọnhu-aḍibuo Iyool-Ịga phọ ọḅogh ọngo Ẹnaan, kụ ọmeremi rughuugh phọ. Bịdi ụḅogh ni iikpe phọ ọngo Ẹnaan kꞌẹpe otu ẹedaneen phọ rokol ghan bọ mọ Otu-oghoph Okuron rꞌOtu-oghoph ạHananel.
2Awe aJeriko kụ ụlogh ẹkpigh phọ etum bọ pạ. Azakur ọony phọ Imri kụ ạlogh ẹkpigh phọ etum bọ pạ.
3Opolo kꞌaHasenaa kụ ụlogh Ọnhu-aḍibuo Ina phọ. Bịdi ụlogh ni iḅidi ạroko otu phọ rꞌạrunhu-aḍibuo phọ ḅịle rꞌarukuron ịlo ọkasiom ghan ọnhu-aḍibuo phọ.
4AMeremot ọony aYuraya rꞌọony ọony aHakoz kụ ụlogh ẹkpigh phọ etum bọ pạ. AMesulam, ọony phọ aBerekaya rꞌọony ọony ạMesezabel, kụ ụlogh ẹkpigh phọ etum bọ pạ.
ẠZedok ọony aBaana kụ ạlogh ẹkpigh phọ etum bọ pạ.
5Awe aTekoa kụ ụlogh ẹkpigh phọ etum bọ pạ. Kụ ọlo ikpolom awe ẹmha phọ úmeera uḍighi iiḍighi dị abuḍiemiom mọ ọngo bịdi oḍighi.
6AJoyada ọony aPasea rꞌaMesulam ọony phọ aBesodeya kụ ụḅile ọlogh Ọnhu-aḍibuo aJesana. Bịdi ụlogh ni iḅidi ạroko otu phọ rꞌạrunhu-aḍibuo phọ ḅịle rꞌarukuron ịlo ọkasiom ghan ọnhu-aḍibuo phọ.
7AMelataya ọlo ạGibion, aJadon ọlo aMeronot rꞌawe ạGibion rꞌawe aMizpa kụ ụlogh ẹkpigh phọ etum bọ pạ, osiemi kꞌẹpe amarugh opoghom eelhe ẹlo ẹpe erumuḍio phọ remeel ghan bọ ẹpe Yufratis.
8Ụziel ọony phọ aHahaya, ọlemom ọlem agol, kụ ạlogh ẹkpigh phọ etum bọ pạ.
AHananaya, ọlemom arolo eḍu, kụ ạlogh ẹkpigh phọ etum bọ pạ, asiemi kꞌẹpe Ịiregha Iikpe phọ.
9ARefaya ọony aHur, oye ịtooghi dị ạda pạkiri aJeruselem, kụ ạlogh ẹkpigh phọ etum bọ pạ.
10AJedaya ọony aHarumaf kụ ạlogh ẹkpigh phọ etum bọ pạ dị etuman otu kꞌọdi.
AHatus ọony aHasabneya kụ ạlogh ẹkpigh phọ etum bọ pạ.
11AMalkaija ọony aHarim rꞌaHasiub ọony aPahat Mọab kụ ụlogh ẹkpigh phọ etum bọ pạ ḅịle rꞌẹsogolo esi Otu Aruwol Ịisa phọ.
12ASalum ọony aHalohes, oye phọ ạda bọ ọphori phọ ạpakiri aJeruselem, ạlogh ni ẹkpigh phọ etum bọ pạ, kụ ạnmanyaan ọdi kụ ụlogh ḍịghaagh.
13AHanun rꞌawe ẹmha phọ aZanoa kụ ụḅile ọlogh Ọnhu-aḍibuo Eḍiiny phọ. Bịdi ụlogh ni rọko otu phọ rꞌạrunhu-aḍibuo phọ ḅịle rꞌarukuron ịlo ọkasiom ghan ọnhu-aḍibuo phọ, kụ oselemi iikpe osiemi 440 akuḅu tụtu ẹghi ẹteeny kꞌẹpe Ọnhu-aḍibuo Atopha phọ.
14AMalkaija ọony aRekab, ọdaam eelhe ạBet Hakherem, kụ ạḅile ạlogh Ọnhu-aḍibuo Atopha phọ. Ọdi ạlogh ni rọko otu phọ rꞌạrunhu — aḍibuo phọ ḅịle rꞌarukuron ịlo ọkasiom ghan ọnhu-aḍibuo phọ.
15ASalum ọony aKol Hoze, ọdaam eelhe aMizpa, kụ ạḅile ạlogh ọnhu-aḍibuo Ọonu Adir phọ. Ọdi aḍue ni eten ọnhu-aḍibuo phọ kụ ạlogh rọko otu phọ rꞌạrunhu-aḍibuo phọ ḅịle rꞌarukuron phọ. Ẹpe Ọonu aSela, ọdi ạlogh ni iikpe dị etuman oghoony ịizupha ọdaam mọ, kꞌẹpe ẹlo eten orelhe osoor ẹpe ẹmha phọ aDevid.
16ANehemaya ọony Azbuk, ọdaam ạpakiri eelhe ạBet Zur, kụ ạlogh ẹkpigh phọ etum bọ pạ, kꞌẹpe ẹlo oḍi phọ aDevid rꞌọonu phọ rꞌamarugh ạbuo ẹgham mọ.
Ạbuo aLivai dị okumuan aani ịlo iikpe phọ
17Bụen kụ ạbuo aLivai dị ọḅile ọlogh aani rịikpigh iikpe phọ etum bọ pạ:
ARehum ọony aBani kụ ạlogh ẹkpigh phọ etum bọ pạ;
AHasabaya, ọdaam ạpakiri eelhe aKeila, aghol li eelhe phọ ọdi, kụ ạlogh ẹkpigh phọ etum bọ pạ;
18ABavai ọony aHenadad, ọdaam ọphori phọ ạpakiri eelhe phọ aKeila, kụ ạlogh ẹkpigh phọ etum bọ pạ;
19Ezer ọony aJesua, ọdaam eelhe aMizpa, kụ ạlogh ẹkpigh phọ etum bọ sịphe ghisigh otu ạreenema ẹgham mọ kꞌẹpe ạga phọ ọpo iikpe phọ ẹkula bọ;
20ABaruk ọony aZabai kụ ạlogh ẹkpigh phọ etum bọ sịphe, ẹsighe ẹghi esi eḍighom otu Eliasib ogbogh oyil ạrikia phọ;
21AMeremot ọony aYuraya rꞌọony ọony aHakoz kụ ạlogh ẹkpigh phọ etum bọ pạ, tụtu kꞌẹpe eekuna otu phọ Eliasib.
Ariil ạrikia dị okumuan aani ịlo iikpe phọ
22Bụen kụ ariil ạrikia dị ọḅile ọlogh rịikpigh iikpe phọ etum bọ pạ:
Ạbupinyon rịkia eelhe ooghironom aJeruselem kụ ụlogh ẹkpigh phọ etum bọ pạ;
23ẠBenjamin rꞌaHasiub kụ ụlogh ẹkpigh phọ etum bọ pạ, ẹdi ẹrol ghisigh aruutu ạbidi;
Azaria ọony aMaaseya rꞌọony ọony Ananaya kụ ạlogh ẹkpigh phọ etum bọ pạ, ẹdi ẹrol ghisigh otu ọdi;
24ABinui ọony aHenadad kụ ạlogh ẹkpigh phọ etum bọ pạ, emiigh kꞌotu Azaria kụ ẹghi esi ẹpe ẹkul iikpe phọ;
25-26APalal ọony phọ Uzai kụ ạlogh ẹkpigh phọ etum bọ pạ, emiigh ẹkul iikpe phọ rꞌẹsogolo esi otu ọdaam mọ atuman bọ otu abukoriom mọ;
APedaya ọony aParos kụ ạlogh ẹkpigh phọ etum bọ pạ, kꞌẹpe ẹlo erumuḍio phọ remite ghan bọ etuman Ọnhu-aḍibuo Ạmuum mọ rꞌẹsogolo esi otu phọ rapogh bọ Otu Ịiḅereghi phọ. (Ẹphen phọ ituman pạkiri ẹmha dị oghol mọ Ofel, sịphe ạbuo iiḍighi Otu phọ orugh bọ.)
Ạbunon awe dị ọlogh aani
27Awe aTekoa kụ ụlogh ẹkpigh phọ etum bọ pạ, omuneniom ịyal dị bịdi ọlogh, ẹḍua ẹḅeenyom ogbogh otu-oghoph phọ aghoonyom bọ Otu Ịiḅereghi phọ kụ ẹghi esi ẹpe iikpe phọ etuman bọ Ofel.
28Aḍita ariil ạrikia kụ ụlogh ẹkpigh phọ etum bọ pạ, rọki ephunom ẹpe Ọnhu-aḍibuo Ịnam-ạsu phọ, tọrobo oye ạlogh ghan risigh otu ọdi.
29ẠZedok ọony phọ Imer kụ ạlogh ẹkpigh phọ etum bọ pạ, dị etuman ghisigh otu ọdi.
ASemaya ọony phọ aSekanaya ọpo rakori ghan bọ Ọnhu-aḍibuo Emitenom mọ kụ ạlogh ẹkpigh phọ etum bọ pạ.
30AHananaya ọony aSelemaya rꞌaHanun, omuneniom odiiny ọony aZalaf, kụ ụlogh ẹkpigh phọ etum bọ pạ, omuneniom ịyal dị bịdi ọlogh.
AMesulam ọony aBerekaya kụ ạlogh ẹkpigh phọ etum bọ pạ, dị etuman ghisigh otu ọdi.
31AMalkaija, ọlemom ọlem agol, kụ ạlogh ẹkpigh phọ etum bọ pạ, ẹdoony ẹghi esi ẹpe otu phọ ạbuo iiḍighi Otu phọ rꞌabumuul ḍighi phọ rọtol ghan bọ, ọpo atuman bọ Ọnhu-aḍibuo aMifkad atuman bọ osoph ẹedaneen phọ odi bọ ẹkul iikpe phọ igbo ephunom rꞌẹpe erumuḍio phọ remite ghan bọ. 32Ạbulemom-ọlem-agol phọ rꞌabumuul ḍighi phọ kụ ụlogh ẹkpigh phọ esughanam bọ ọman, emiigh kꞌosoph phọ odi bọ ẹkul iikpe phọ kụ ẹghi esi ẹpe Ọnhu-aḍibuo Iyool-Ịga phọ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS