Lịvitikos 5
5
Ọdo ịkaraph dị ẹkpe oselemian ghan aloor
1Eru mạar dị ọmagh oye esi ạsiagba ịkunyian, mụghumo ạmiin ni mụghumo alegheri ni kụ ọghaaph ómitiom, pọ ịkaraph ọdi ẹmhu ọdi.
2Eru mạar dị ọdi ạaḅoghogh ịyaar lọ mẹphuph, mꞌẹnam lọ memugh ẹḅor, mꞌạnam lọ mamugh ạḅor, mꞌịyaar lọ rekuura ude kụ memugh ẹḅor, ghạlamo alegheri ni, pọ ọdi mạapuan loor, pọ ọdi aloghoma apum.
3Eru mạar dị oye ạḅogh oye lọ mạapuan loor ọdi, tọrobo ịlo ọdi ạapuan loor phọ ọdi, kụ ạaghi, kụ ẹteeny mem dị ọdi aloghoma, pọ apum mọ ọlo ọdi.
4Eru mạar dị oye aghol oḍighi ịkaraph mꞌoḍighi iiḅi kụ aghunya, tọrobo ịlo oye ạtuan kụ aghunya, kụ ạaghi, kụ ẹteeny mem dị ọdi aloghoma, pọ ạgba amitiom. 5Eru mạar dị oye alegheri mọ epum, pọ aloghoma ịkaraph phọ ọdi, 6kụ ạghi ạsighe iyool mꞌạtu-ọga, ạsighe ạphighironom ẹkia ọkpe-oḅulemian, kụ oyil ạrikia phọ awoph nyọdi esi ịkaraph phọ ọdi.
7Kụ eru mạar dị ụ́moogh iyool mꞌạtu-ọga, pọ ọdi ạsighe ịyal aruukumude mꞌịyal arukuru-ghọzo aruom Ọmoogh-we phọ loor ịkaraph phọ ọdi. Ọsighe nyoniin oselemiom loor ọdi, nyọori phọ oḍighinom ịyaar aghuḍum oguom ạnian. 8Ạsighe ịphen phọ aru ạngo oyil ạrikia phọ, oyil ạrikia phọ ạsighe nyoniin ạphur orum mọ kútuur ụsighe, aselemiom loor ọdi; 9ạsighe ịḅaal phọ ạsaraghi sịphe ịigaany enmeny ạrikia phọ, ạsighe ịḅaal phọ ịpe esugha bọ aaku eeḍian ude enmeny ạrikia phọ. Ẹphen phọ, ẹkia ịkaraph oselemian aloor. 10Kụ oyil ạrikia phọ ạsighe nyọori phọ ạpighironom ẹkia oguom ạnian, ạdaph ịdipho roḍighi ghan bọ kụ aḍighi. Kụ oyil ạrikia phọ awoph nyọdi ạtagharan esi ịkaraph phọ ọdi; pọ mọsar ịkaraph phọ ọdi ọbilenaan nyọdi.
11Kụ eru mạar dị oye ụ́moogh ịyal aruukumude mꞌịyal ịgaami arukuru-ghọzo, pọ ọdi ạsighe oniin ogbogh ọtoom ịgbieneen ịbiakpa ạpighironom ẹkia esi ịkaraph phọ ọdi. Ọdi kụ́logh mụnum mꞌịnsens, ịdi eḍighi bọ ẹphen phọ ịyaar aghuḍum oselemian aloor, kẹ́kia ịbiakpa. 12Ọdi ạsighe ạghiomonaan oyil ạrikia phọ kụ oyil ạrikia phọ akpoph ẹezua ạḍighaagh, ịlo ọdi kạatughianam ghan, ạsighe aguom nịan sịphe enmeny ạrikia phọ, ạdaph ịdipho ẹkia lọ oḍighinom nịan ọngo Ọmoogh-we phọ. Ẹphen phọ ẹkia oselemian aloor. 13Kụ oyil ạrikia phọ awoph nyọdi ạtagharan esi ịkaraph phọ ọdi, pọ mọsar ịkaraph phọ ọdi ọbilenaan nyọdi. Ịpe esugha bọ ịlo oyil ạrikia phọ ịdipho ẹkia ịbiakpa.
Ạrikia ọkpe-oḅulemi
14Ọmoogh-we phọ ạngo ịinua phọ iphẹn ạḅeni Mozis mọ, 15“Eru mạar dị oye ạpioman kụ ósogh iisogh iigbia Ọmoogh-we phọ, pọ ọdi ạghi ghan ạsighe odughuna mꞌạtu-ọga lọ kọ̋opuan loor aru ạngo Ọmoogh-we phọ. Ọtomaam ọga ọdaph ọkaraghi aḍiigbu ipoḍi asilva ịsiphe Ạdol Iigbia phọ. Ẹphen phọ ẹkia ọkpe-oḅulemi. 16Oye lọ ratu oselemian ạraraar iigbia phọ ọdi mạphueghi bọ, pọ ọdi aḅulemi ạlogh ghan ọḅar bin oogh abin ạḅaram kụ ạngo oyil ạrikia phọ. Kụ oyil ạrikia phọ awoph nyọdi, ạsighe odughuna phọ oselemian aloor esi élegheri phọ ọdi, pọ mọsar ịkaraph phọ ọdi ọbilenaan ọdi.
17“Eru mạar dị oye ạpioman ologh kụ aḍighi ịpe Ọmoogh-we phọ ạḅem bọ sịphe iilogh phọ mọ oye kúḍighi phọ kụ ạsighe élegheri kụ ạkaam ologh phọ, pọ apum mọ ọlo ọdi ni. 18Ọdi ạsighe odughuna mꞌạtu-ọga lọ kọ̋opuan loor kụ ạngo oyil ạrikia phọ, ạtomaam ọlo ạman ḍighi ẹkia apum mọ. Oyil ạrikia phọ awoph nyọdi ạsighe esi ịkaraph phọ ọdi ạsighe bọ elegheri kụ aḍighinom, pọ mọsar ịkaraph phọ ọdi ọbilenaan nyọdi. 19Ẹphen phọ ẹkia ọkpe-oḅulemi, dị erugh ephum nyọdi risigh Ọmoogh-we phọ.”
Currently Selected:
Lịvitikos 5: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Lịvitikos 5
5
Ọdo ịkaraph dị ẹkpe oselemian ghan aloor
1Eru mạar dị ọmagh oye esi ạsiagba ịkunyian, mụghumo ạmiin ni mụghumo alegheri ni kụ ọghaaph ómitiom, pọ ịkaraph ọdi ẹmhu ọdi.
2Eru mạar dị ọdi ạaḅoghogh ịyaar lọ mẹphuph, mꞌẹnam lọ memugh ẹḅor, mꞌạnam lọ mamugh ạḅor, mꞌịyaar lọ rekuura ude kụ memugh ẹḅor, ghạlamo alegheri ni, pọ ọdi mạapuan loor, pọ ọdi aloghoma apum.
3Eru mạar dị oye ạḅogh oye lọ mạapuan loor ọdi, tọrobo ịlo ọdi ạapuan loor phọ ọdi, kụ ạaghi, kụ ẹteeny mem dị ọdi aloghoma, pọ apum mọ ọlo ọdi.
4Eru mạar dị oye aghol oḍighi ịkaraph mꞌoḍighi iiḅi kụ aghunya, tọrobo ịlo oye ạtuan kụ aghunya, kụ ạaghi, kụ ẹteeny mem dị ọdi aloghoma, pọ ạgba amitiom. 5Eru mạar dị oye alegheri mọ epum, pọ aloghoma ịkaraph phọ ọdi, 6kụ ạghi ạsighe iyool mꞌạtu-ọga, ạsighe ạphighironom ẹkia ọkpe-oḅulemian, kụ oyil ạrikia phọ awoph nyọdi esi ịkaraph phọ ọdi.
7Kụ eru mạar dị ụ́moogh iyool mꞌạtu-ọga, pọ ọdi ạsighe ịyal aruukumude mꞌịyal arukuru-ghọzo aruom Ọmoogh-we phọ loor ịkaraph phọ ọdi. Ọsighe nyoniin oselemiom loor ọdi, nyọori phọ oḍighinom ịyaar aghuḍum oguom ạnian. 8Ạsighe ịphen phọ aru ạngo oyil ạrikia phọ, oyil ạrikia phọ ạsighe nyoniin ạphur orum mọ kútuur ụsighe, aselemiom loor ọdi; 9ạsighe ịḅaal phọ ạsaraghi sịphe ịigaany enmeny ạrikia phọ, ạsighe ịḅaal phọ ịpe esugha bọ aaku eeḍian ude enmeny ạrikia phọ. Ẹphen phọ, ẹkia ịkaraph oselemian aloor. 10Kụ oyil ạrikia phọ ạsighe nyọori phọ ạpighironom ẹkia oguom ạnian, ạdaph ịdipho roḍighi ghan bọ kụ aḍighi. Kụ oyil ạrikia phọ awoph nyọdi ạtagharan esi ịkaraph phọ ọdi; pọ mọsar ịkaraph phọ ọdi ọbilenaan nyọdi.
11Kụ eru mạar dị oye ụ́moogh ịyal aruukumude mꞌịyal ịgaami arukuru-ghọzo, pọ ọdi ạsighe oniin ogbogh ọtoom ịgbieneen ịbiakpa ạpighironom ẹkia esi ịkaraph phọ ọdi. Ọdi kụ́logh mụnum mꞌịnsens, ịdi eḍighi bọ ẹphen phọ ịyaar aghuḍum oselemian aloor, kẹ́kia ịbiakpa. 12Ọdi ạsighe ạghiomonaan oyil ạrikia phọ kụ oyil ạrikia phọ akpoph ẹezua ạḍighaagh, ịlo ọdi kạatughianam ghan, ạsighe aguom nịan sịphe enmeny ạrikia phọ, ạdaph ịdipho ẹkia lọ oḍighinom nịan ọngo Ọmoogh-we phọ. Ẹphen phọ ẹkia oselemian aloor. 13Kụ oyil ạrikia phọ awoph nyọdi ạtagharan esi ịkaraph phọ ọdi, pọ mọsar ịkaraph phọ ọdi ọbilenaan nyọdi. Ịpe esugha bọ ịlo oyil ạrikia phọ ịdipho ẹkia ịbiakpa.
Ạrikia ọkpe-oḅulemi
14Ọmoogh-we phọ ạngo ịinua phọ iphẹn ạḅeni Mozis mọ, 15“Eru mạar dị oye ạpioman kụ ósogh iisogh iigbia Ọmoogh-we phọ, pọ ọdi ạghi ghan ạsighe odughuna mꞌạtu-ọga lọ kọ̋opuan loor aru ạngo Ọmoogh-we phọ. Ọtomaam ọga ọdaph ọkaraghi aḍiigbu ipoḍi asilva ịsiphe Ạdol Iigbia phọ. Ẹphen phọ ẹkia ọkpe-oḅulemi. 16Oye lọ ratu oselemian ạraraar iigbia phọ ọdi mạphueghi bọ, pọ ọdi aḅulemi ạlogh ghan ọḅar bin oogh abin ạḅaram kụ ạngo oyil ạrikia phọ. Kụ oyil ạrikia phọ awoph nyọdi, ạsighe odughuna phọ oselemian aloor esi élegheri phọ ọdi, pọ mọsar ịkaraph phọ ọdi ọbilenaan ọdi.
17“Eru mạar dị oye ạpioman ologh kụ aḍighi ịpe Ọmoogh-we phọ ạḅem bọ sịphe iilogh phọ mọ oye kúḍighi phọ kụ ạsighe élegheri kụ ạkaam ologh phọ, pọ apum mọ ọlo ọdi ni. 18Ọdi ạsighe odughuna mꞌạtu-ọga lọ kọ̋opuan loor kụ ạngo oyil ạrikia phọ, ạtomaam ọlo ạman ḍighi ẹkia apum mọ. Oyil ạrikia phọ awoph nyọdi ạsighe esi ịkaraph phọ ọdi ạsighe bọ elegheri kụ aḍighinom, pọ mọsar ịkaraph phọ ọdi ọbilenaan nyọdi. 19Ẹphen phọ ẹkia ọkpe-oḅulemi, dị erugh ephum nyọdi risigh Ọmoogh-we phọ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS