Lịvitikos 11
11
Ịnam dị ẹkpe ni ạa ghan
(Dutoronomi 14.3-21)
1Ọmoogh-we phọ ạto ạḅeni Mozis rꞌEeron 2mọ ọḅeni we phọ Ịzirel mọ, “Esi oomo phọ ịnam mọ edi bọ sịen aḅirini phọ, ịnam mọ ịphen kụ ịdi nyina kẹba ghan. 3Tọrobo ẹnam mọ ẹpe aruwol phọ ọdi ẹzaghagha bọ kụ ạsunugh phọ ọdi egophan bọ kụ rekuḅa ghan kẹraala, ịnam mọ ịphen kụ ịnam dị ẹkpe ạa ghan. 4Kụ ọlo kẹ́ba ghan kạmel, ịtu ghan mọ aruwol ạbidi ẹzaghagha, ḅịle rekuḅa ghan kẹraala, ạsunugh ạbidi ígophan, ị́ba ghan oonaagh, dị ọ́zala ọ́ḅaal esi anyina. 5Ḍiwoor kẹn, ịtu ghan mọ ọdi rakuḅa ghan kạraala, ạsunugh ọdi ígophan, dị ọ́zala ọ́ḅaal ị́ba ghan. 6Anamade kẹn, ịtu ghan mọ ọdi rakuḅa ghan kạraala ạsunugh ọdi ígophan, dị ọ́zala ọ́ḅaal ị́ba ghan. 7Ophoropo kẹn, ịtu ghan mọ ạsunugh ọdi ogophan aruwol ekpulughan kụ rákuḅa ghan kạraala, ọdi ọ́zala ọ́ḅaal ị́ba ghan. 8Ị́ba ghan ịnam mọ ịphen. Ọnyo ạbidi lọ amugh, ị́ḅogh ghan, bịdi ụ́zala ụ́ḅaal.
9“Esi ạraraar phọ ịpe edi bọ ụmuum, ịphen kụ ịdi nyina kẹba ghan: tọrobo ẹlo ẹmoogh ịmughiom rꞌipholopol kụ edi sịphe ạriphiiny phọ, mꞌọphiiny ạmubo ạmuum, mꞌọphiiny ạla, pọ ịba ni. 10Kụ oomo ina phọ ịpe ị́moogh bọ ịmughiom rꞌipholopol kụ edi bọ sịphe ạriphiiny phọ, mꞌọphiiny ạmubo ạmuum mọ, mꞌọphiiny ạla phọ, oomo ịpe retelhe yogh bọ ologhi ạrumuum mọ, bịdi ạḅaphanya esi anyina ị́ba ghan. 11Bịdi eḍighi ḅạphanya esi anyina, ị́ba ghan bịdi. Ẹlo emugh ị́ḅogh ghan, ạḅaphanya esi anyina. 12Tọrobo ẹlo edi sịphe ạrumuum mọ kụ ị́moogh ịmughiom, ị́moogh ipholopol, pọ eḍighi ḅạphanya esi anyina.
13-19“Kụ ẹku ịnun, ịphen eḍighi ḅạphanya esi anyina: uga, ọdelhe, ạkpekpereegh, eghulhe, ẹghiligho, eekughum, adipa ọdunme, ọogho, ootuuny, obilogo, ọoke, ọowooph, ạkeledeeny, obar-uga, ọgbaghaghaany, ạakpo rꞌoomo ọmar phọ ạbidi.
20“Oomo ịraghada dị ẹmoogh raphaaph kụ retelhiom ghan bọ inya asike ạḅaphanya esi anyina, ị́ba ghan. 21Kụ esi oomo ạraraar phọ ịpe ẹmoogh bọ raphaaph kụ retelhiom ghan bọ ḍita, ịba ni ịpe repeleghu bọ sịen ade phọ. 22Sịphe aḍita phọ ạbidi, ịphen kụ ịdi nyina kẹba ghan: igurubia, sịghida, suogh-aben ọdo kịrokiro phọ ạbidi. 23Oomo ịpheri phọ ịpe ẹmoogh bọ raphaaph rꞌinya aruwol ị́ba ghan, bịdi ạḅaphanya esi anyina.
24“Tọrobo oye lọ ạḅogh ịnam mọ ịphen lọ memugh, pọ mạapuan loor ọdi. Oye phọ ọpo phọ kụ́ḅophan rꞌạbunon awe tụtu ẹteeny dulhe. 25Tọrobo oye lọ arool ẹnam lọ mamugh, pọ mạapuan loor ọdi, oye phọ ọpo phọ aatologh rukpe ọdi ạrol ḍịo ọdi gem tụtu ẹteeny dulhe. 26-28Tọrobo ẹnam lọ aruwol phọ ọdi ekpulughan ị́zaghagha kụ rékuḅa ghan ni kẹraala; tọrobo ẹnam inya asike dị ẹmoogh rạraaph sịphe ạsunugh phọ ọdi.
29-30“Ḍita ịphen phọ kẹn ị́ḅaal esi oomo ạraraar phọ ịpe rekuura bọ ude, retelhiom bọ ọkuruḅaka: aḍianya, ọodu-aḍiwo, ubeku, eghol, ạḅaagh rꞌoonaagh. 31Ịphen phọ ị́ḅaal esi oomo ạraraar phọ ịpe rekuura bọ ude. Tọrobo oye lọ ạḅogh ọnyo ạbidi lọ memugh, pọ mọ ạapuan loor ọdi, ạrol gem ḍịo ọdi tụtu ẹteeny dulhe. 32Tọrobo ịyaar erughotu dị ịnam mọ ịphen lọ memugh kụ emeel esuma ologhi, pọ mạapu ịyaar phọ, mꞌodo mꞌẹkpa mꞌạsuoma, mꞌaḍizu mꞌukpe-ọto. Ịsighe ẹroph ologhi ạmuum ẹrol pạ ologhi ạmuum tụtu ẹteeny dulhe, pụruku mẹḅaal. 33Eru mạar dị ẹdo ẹnam mọ ẹphen kụ emeel esuma ologhi oko mꞌọnyoki, pọ oomo ạraraar lọ edi ologhi mẹphuph, pọ iḅomoghi. 34Esi oomo ạraraar phọ ịpe eru bọ eḍien dị role ghan kụ ạmuum oko phọ ọpo ạteeny, pọ mẹphuph. Tọrobo ạmuum mọ ạmuphe rọpughol ghan bọ kụ ạmuum oko phọ ọpo aḍigh, pọ mạphuph. 35Tọrobo aguugh ịisa lọ ọnyo ạbidi lọ mamugh kụ ameel asuma ologhi, mꞌaguugh ẹḍaany mꞌaguugh arukuron, pọ mạphuph, pọ iḅomoghi. Bịdi ị́ḅaal mun esi anyina. 36Tọrobo ịlo ạmuum ọodu mꞌạmuum ooni ạrol, pọ ạḅaal li. Kụ ọlo ạghi sịphe kụ ạḅogh ẹlo memugh, pọ mọ ạapuan loor ọdi. 37Kụ ẹnam lọ memugh kụ emeelom ịizupha dị oseere ịlo olool, pọ ẹḅaal li ịzuph ni. 38Eru mạar dị ọsighe ịizupha phọ kụ ọroph ologhi ạmuum kụ ẹlo memugh esuma ologhi ạmuum mọ, pọ mẹphuph ị́ḅaal mun esi anyina.
39“Kụ esi ịnam mọ ịpe eru bọ ni ịpe nyina rẹba ghan bọ, kụ memugh, tọrobo ọnyo anyina lọ ạḅogh pọ mọ ạapuan loor ọdi, ạrol ḍịo ọdi gem tụtu ẹteeny dulhe. 40Kụ ọnyo anyina lọ ạa ẹnam lọ memugh, pọ ọdi aatologh rukpe ọdi. Ọdi mọ ạapuan loor, ạrol ḍịo ọdi gem tụtu ẹteeny dulhe. Ọlo arool ẹnam lọ memugh, pọ ọdi mọ ạapuan loor ọdi, aatologh rukpe ọdi ạrol ḍịo ọdi gem ẹteeny dulhe.
41“Tọrobo ẹbam ẹnam mọ ẹpe rekuura bọ, mọ ẹlo retelhiom ọkuruḅaka sịen ade phọ eḍighi ḅạphanya anyina. 42Tọrobo aḍita ịpe rekughol bọ kụ retelhiom bọ inya asike, rꞌịpe ịbadi aruwol phọ rekuura bọ sịen ade phọ, eḍighi ḅạphanya anyina. 43Ị́sighe ghan siloor phọ anyina íseere dọl dị ẹrol dịadi nyina ílegheri mọ oomo phọ ạraraar phọ ịpe retelhiom bọ ọkuruḅaka kụ rekuura bọ sịen ade phọ eḍighi ḅạphanya anyina. Kétuman bịdi ọbo nyina kẹepuan ghan bọ siloor anyina. 44#Lịv 19.2; 1 Pit 1.16Mị kụ Ọmoogh-we Ẹnaan phọ anyina. Iselemian siloor anyina, ọbo ẹrol dọl iigbia, ịdi eḍighi bọ mị Ẹnaan iigbia. 45Mị kụ Ọmoogh-we phọ ịsighe bọ inyina emitiom ẹpe ade phọ Ijipt. Mị Ẹnaan anyina. Kụ iḍighi ịmaar ẹphama siloor anyina eseere dọl iigbia ịdi eḍighi bọ mị Ẹnaan iigbia.
46“Ọphon phọ kụ ologh ọlo ịnam rꞌịnun, rꞌoomo ịpe ọlhem bọ edi bọ ụmuum; rꞌoomo ịpe ọlhem bọ edi bọ sịen aḅirini phọ retelhiom bọ ọkuruḅaka, rekuura bọ sịen ade phọ. 47Ịlogh ọku ẹgbarion esi ịpe ị́ḅaal bọ rꞌesi ịpe ẹḅaal bọ, esi ịnam ịpe kọba ghan bọ rꞌịpe kọ́ba bọ.”
Currently Selected:
Lịvitikos 11: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Lịvitikos 11
11
Ịnam dị ẹkpe ni ạa ghan
(Dutoronomi 14.3-21)
1Ọmoogh-we phọ ạto ạḅeni Mozis rꞌEeron 2mọ ọḅeni we phọ Ịzirel mọ, “Esi oomo phọ ịnam mọ edi bọ sịen aḅirini phọ, ịnam mọ ịphen kụ ịdi nyina kẹba ghan. 3Tọrobo ẹnam mọ ẹpe aruwol phọ ọdi ẹzaghagha bọ kụ ạsunugh phọ ọdi egophan bọ kụ rekuḅa ghan kẹraala, ịnam mọ ịphen kụ ịnam dị ẹkpe ạa ghan. 4Kụ ọlo kẹ́ba ghan kạmel, ịtu ghan mọ aruwol ạbidi ẹzaghagha, ḅịle rekuḅa ghan kẹraala, ạsunugh ạbidi ígophan, ị́ba ghan oonaagh, dị ọ́zala ọ́ḅaal esi anyina. 5Ḍiwoor kẹn, ịtu ghan mọ ọdi rakuḅa ghan kạraala, ạsunugh ọdi ígophan, dị ọ́zala ọ́ḅaal ị́ba ghan. 6Anamade kẹn, ịtu ghan mọ ọdi rakuḅa ghan kạraala ạsunugh ọdi ígophan, dị ọ́zala ọ́ḅaal ị́ba ghan. 7Ophoropo kẹn, ịtu ghan mọ ạsunugh ọdi ogophan aruwol ekpulughan kụ rákuḅa ghan kạraala, ọdi ọ́zala ọ́ḅaal ị́ba ghan. 8Ị́ba ghan ịnam mọ ịphen. Ọnyo ạbidi lọ amugh, ị́ḅogh ghan, bịdi ụ́zala ụ́ḅaal.
9“Esi ạraraar phọ ịpe edi bọ ụmuum, ịphen kụ ịdi nyina kẹba ghan: tọrobo ẹlo ẹmoogh ịmughiom rꞌipholopol kụ edi sịphe ạriphiiny phọ, mꞌọphiiny ạmubo ạmuum, mꞌọphiiny ạla, pọ ịba ni. 10Kụ oomo ina phọ ịpe ị́moogh bọ ịmughiom rꞌipholopol kụ edi bọ sịphe ạriphiiny phọ, mꞌọphiiny ạmubo ạmuum mọ, mꞌọphiiny ạla phọ, oomo ịpe retelhe yogh bọ ologhi ạrumuum mọ, bịdi ạḅaphanya esi anyina ị́ba ghan. 11Bịdi eḍighi ḅạphanya esi anyina, ị́ba ghan bịdi. Ẹlo emugh ị́ḅogh ghan, ạḅaphanya esi anyina. 12Tọrobo ẹlo edi sịphe ạrumuum mọ kụ ị́moogh ịmughiom, ị́moogh ipholopol, pọ eḍighi ḅạphanya esi anyina.
13-19“Kụ ẹku ịnun, ịphen eḍighi ḅạphanya esi anyina: uga, ọdelhe, ạkpekpereegh, eghulhe, ẹghiligho, eekughum, adipa ọdunme, ọogho, ootuuny, obilogo, ọoke, ọowooph, ạkeledeeny, obar-uga, ọgbaghaghaany, ạakpo rꞌoomo ọmar phọ ạbidi.
20“Oomo ịraghada dị ẹmoogh raphaaph kụ retelhiom ghan bọ inya asike ạḅaphanya esi anyina, ị́ba ghan. 21Kụ esi oomo ạraraar phọ ịpe ẹmoogh bọ raphaaph kụ retelhiom ghan bọ ḍita, ịba ni ịpe repeleghu bọ sịen ade phọ. 22Sịphe aḍita phọ ạbidi, ịphen kụ ịdi nyina kẹba ghan: igurubia, sịghida, suogh-aben ọdo kịrokiro phọ ạbidi. 23Oomo ịpheri phọ ịpe ẹmoogh bọ raphaaph rꞌinya aruwol ị́ba ghan, bịdi ạḅaphanya esi anyina.
24“Tọrobo oye lọ ạḅogh ịnam mọ ịphen lọ memugh, pọ mạapuan loor ọdi. Oye phọ ọpo phọ kụ́ḅophan rꞌạbunon awe tụtu ẹteeny dulhe. 25Tọrobo oye lọ arool ẹnam lọ mamugh, pọ mạapuan loor ọdi, oye phọ ọpo phọ aatologh rukpe ọdi ạrol ḍịo ọdi gem tụtu ẹteeny dulhe. 26-28Tọrobo ẹnam lọ aruwol phọ ọdi ekpulughan ị́zaghagha kụ rékuḅa ghan ni kẹraala; tọrobo ẹnam inya asike dị ẹmoogh rạraaph sịphe ạsunugh phọ ọdi.
29-30“Ḍita ịphen phọ kẹn ị́ḅaal esi oomo ạraraar phọ ịpe rekuura bọ ude, retelhiom bọ ọkuruḅaka: aḍianya, ọodu-aḍiwo, ubeku, eghol, ạḅaagh rꞌoonaagh. 31Ịphen phọ ị́ḅaal esi oomo ạraraar phọ ịpe rekuura bọ ude. Tọrobo oye lọ ạḅogh ọnyo ạbidi lọ memugh, pọ mọ ạapuan loor ọdi, ạrol gem ḍịo ọdi tụtu ẹteeny dulhe. 32Tọrobo ịyaar erughotu dị ịnam mọ ịphen lọ memugh kụ emeel esuma ologhi, pọ mạapu ịyaar phọ, mꞌodo mꞌẹkpa mꞌạsuoma, mꞌaḍizu mꞌukpe-ọto. Ịsighe ẹroph ologhi ạmuum ẹrol pạ ologhi ạmuum tụtu ẹteeny dulhe, pụruku mẹḅaal. 33Eru mạar dị ẹdo ẹnam mọ ẹphen kụ emeel esuma ologhi oko mꞌọnyoki, pọ oomo ạraraar lọ edi ologhi mẹphuph, pọ iḅomoghi. 34Esi oomo ạraraar phọ ịpe eru bọ eḍien dị role ghan kụ ạmuum oko phọ ọpo ạteeny, pọ mẹphuph. Tọrobo ạmuum mọ ạmuphe rọpughol ghan bọ kụ ạmuum oko phọ ọpo aḍigh, pọ mạphuph. 35Tọrobo aguugh ịisa lọ ọnyo ạbidi lọ mamugh kụ ameel asuma ologhi, mꞌaguugh ẹḍaany mꞌaguugh arukuron, pọ mạphuph, pọ iḅomoghi. Bịdi ị́ḅaal mun esi anyina. 36Tọrobo ịlo ạmuum ọodu mꞌạmuum ooni ạrol, pọ ạḅaal li. Kụ ọlo ạghi sịphe kụ ạḅogh ẹlo memugh, pọ mọ ạapuan loor ọdi. 37Kụ ẹnam lọ memugh kụ emeelom ịizupha dị oseere ịlo olool, pọ ẹḅaal li ịzuph ni. 38Eru mạar dị ọsighe ịizupha phọ kụ ọroph ologhi ạmuum kụ ẹlo memugh esuma ologhi ạmuum mọ, pọ mẹphuph ị́ḅaal mun esi anyina.
39“Kụ esi ịnam mọ ịpe eru bọ ni ịpe nyina rẹba ghan bọ, kụ memugh, tọrobo ọnyo anyina lọ ạḅogh pọ mọ ạapuan loor ọdi, ạrol ḍịo ọdi gem tụtu ẹteeny dulhe. 40Kụ ọnyo anyina lọ ạa ẹnam lọ memugh, pọ ọdi aatologh rukpe ọdi. Ọdi mọ ạapuan loor, ạrol ḍịo ọdi gem tụtu ẹteeny dulhe. Ọlo arool ẹnam lọ memugh, pọ ọdi mọ ạapuan loor ọdi, aatologh rukpe ọdi ạrol ḍịo ọdi gem ẹteeny dulhe.
41“Tọrobo ẹbam ẹnam mọ ẹpe rekuura bọ, mọ ẹlo retelhiom ọkuruḅaka sịen ade phọ eḍighi ḅạphanya anyina. 42Tọrobo aḍita ịpe rekughol bọ kụ retelhiom bọ inya asike, rꞌịpe ịbadi aruwol phọ rekuura bọ sịen ade phọ, eḍighi ḅạphanya anyina. 43Ị́sighe ghan siloor phọ anyina íseere dọl dị ẹrol dịadi nyina ílegheri mọ oomo phọ ạraraar phọ ịpe retelhiom bọ ọkuruḅaka kụ rekuura bọ sịen ade phọ eḍighi ḅạphanya anyina. Kétuman bịdi ọbo nyina kẹepuan ghan bọ siloor anyina. 44#Lịv 19.2; 1 Pit 1.16Mị kụ Ọmoogh-we Ẹnaan phọ anyina. Iselemian siloor anyina, ọbo ẹrol dọl iigbia, ịdi eḍighi bọ mị Ẹnaan iigbia. 45Mị kụ Ọmoogh-we phọ ịsighe bọ inyina emitiom ẹpe ade phọ Ijipt. Mị Ẹnaan anyina. Kụ iḍighi ịmaar ẹphama siloor anyina eseere dọl iigbia ịdi eḍighi bọ mị Ẹnaan iigbia.
46“Ọphon phọ kụ ologh ọlo ịnam rꞌịnun, rꞌoomo ịpe ọlhem bọ edi bọ ụmuum; rꞌoomo ịpe ọlhem bọ edi bọ sịen aḅirini phọ retelhiom bọ ọkuruḅaka, rekuura bọ sịen ade phọ. 47Ịlogh ọku ẹgbarion esi ịpe ị́ḅaal bọ rꞌesi ịpe ẹḅaal bọ, esi ịnam ịpe kọba ghan bọ rꞌịpe kọ́ba bọ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS