Job 15
15
Ọghaaph dị amuneniom ịyal
(15.1—21.34)
Ẹlifaz
1-2Eepu ọghaaph, Job! Eepu ọghaaph!
3Oye dị ạsu ologhi ólho dị kạkaaph ịphen nạ rạkaaph bọ
ọbo ọbo ạpela loor phọ ọdi rꞌọdo ikpo ọnhu phọ ịphen phọ ị́moogh bọ ịyaar oḍighinom.
4Eḍighi ịyaar dị nạ ạmoogh ịphen nạ ragbiighi bọ, pọ oye kákiilaan mun Ẹnaan;
oye kạ́aḅereghi mun nyọdi.
5Ẹkaraph eḍighinom ạraraar phọ ạna eḍeenaan ni esi ịphen nạ rạkaaph bọ;
nạ rạwa ghan ạaghian ọman ikpo ọnhu olegheri ịyaar.
6Mị kạ́pu asoph aphume nyịna;
nạ mạmoogh ni apum mọ esi oomo ọghaaph phọ ạna.
7Nạ ragbiom ghan mọ nạ kụ ọḅel oye dị ọmar ḍụghum?
Nạ ụrol li mem mọ Ẹnaan ẹlhem bọ rạaḅaraph phọ?
8Nạ ụnaghanan ni ịpe Ẹnaan egbiighi bọ?
Ogina ạna bịn kụ ụmoogh oomo olegheri-ịyaar awe ḍụghum?
9Ịyaar ílho dị nạ alegheri dị yoor úlegheri aani.
10Yoor ụtuugha olegheri-ịyaar ḍịghaagh awe ạsuol —
weye dị mọmar ri kụ ogbi ọmar ọde ạna.
11Ịidereghi phọ Ẹnaan rẹngo bọ nyịna, eeghe kụ iḍighi kụ nạ akel bọ?
Yoor momiigha ni loor ọkaaphanaan nyọdi.
12Kụ ọlo nạ ạnmagharan kụ ruphoghom ghan iyoor ọghagh ologhi.
13Nạ rạkagham ologhi Ẹnaan, ạḅile rạḅaam ghan nyọdi.
14 #
Job 25.4-6
Oye katue ni ạkar aseleman ḍụghum?
Oye katue ni aseleman risigh Ẹnaan ḍụghum?
15Igey ni, Ẹnaan ị́sighe emooph ọdi ị́kpasi esi ạruukpaany phọ ọdi;
ghạlamo bịdi phọ kẹn ni bịn íseleman risigh ọdi.
16Kụ oye rạpughol ghan ịkaraph ịdipho ạmuum;
ii, oye ạapuan ni loor, ọ́moogh ịyaar oḍighinom.
17Nyịidipho, Job, ler rụru ịphen mị alegheri bọ.
18Awe olegheri-ịyaar mụtughemi ni ịmi iphigh ạraraar
dị bịdi ọtuugha ḍịghaagh ạburude ạbidi,
kụ bịdi ịyaar ụ́booghi.
19Aruuruen ụ́tol ghan ẹmha phọ ạbidi;
oye ọ́rol dị kaḍiemiom bịdi ạgbole esi Ẹnaan.
20Ọkaraph oye dị rạkpilighi ghan bụnon
kạtolom ịminimiin oomo aghuḍum mọ ọdi.
21Ạroḍogh aruugu kẹḅaaghi ghan sịphe areḅeri phọ ọdi,
ḅịle ạruḅa ozuom ghan nyọdi mem dị ọdi ologhi useere.
22Ọdi ọ́moogh oḍuom ologhi okpetenaan esi ufiri
loor esi dị elhool ẹgham kẹḍua ni ekpisi bịn etu ekori ghan nyọdi oghiigh.
23Kụ ạredelhe rekori ghan ạany aḍizu phọ ọdi.
Ọdi alegheri ni mọ ẹpe arisigh phọ ọno ebil li;
24ịkaraph ạraraar rekori ni ozuom ọdi
ịdipho ọolha-ẹmha dị ạmoogh ịikpo.
25Ọpo kụ ọda oye dị ạbugh ḍịghaagh ọdi
kụ aphoghomiom Ẹnaan
kụ aafolomi Ẹnaan Oomo Ịikpo phọ.
26-27Oye phọ ọpo phọ apoophe loor ạḅile ạḅaar ẹmhu;
ọdi amighirom kụ akoph ọsuaram ọdi
kụ akiil rạki eenan rꞌẸnaan.
28Ọpo kụ oye phọ ạkpar bọ apu igbogh ạramha
kụ ạsighiogh ruutu dị ạbuo otu phọ mosumughu,
kụ ọlo ẹgham kepiemi ni rạmha phọ rꞌaruutu phọ ịpe phọ.
29Ọdi kạ́tolom ẹelha phọ ébia;
ịyaar ílho dị ọdi ạmoogh dị kebia.
Ghạlamo oogho phọ ọdi bịn kape ni,
30ḅịle kẹn ọdi kákpetenaan ufiri.
Ọdi kạkigh oreeny
dị ạnian mekoph ịla phọ ọdi,
dị ookuugh mạsighiogh rịnya phọ ạḍuanam.
31Eḍighi ịyaar dị ọdi ayeela kụ ạsighe emooph ọdi ạkpasi esi ịkaraph,
pọ ịkaraph kụ keḍighi ruunmo ọdi.
32Tụtu amem mọ ọdi remuneen ọdi mạgharaghar
ịdipho ọla oreeny dị kátue mun ạḅile apoph.
33Ọdi kạkigh oreeny avain dị arughuuny phọ ẹghar eloogh;
kạkigh oreeny-ọliv dị ạrinya phọ mẹghar.
34Ẹemara ẹemara kẹ́tolonaan weye dị Ẹnaan úlegheri,
ḅịle kẹn ạnian kụ keegulemi ruutu dị ọloghom ikpoki oti-ọman.
35Bụen phọ kụ awe phọ rogbiighi ghan bọ ịiḅaghami kụ oḍighi ịkaraph;
sịphe iloghi phọ ạbidi iigbegheḍiom bịn kụ imuza.
Currently Selected:
Job 15: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Job 15
15
Ọghaaph dị amuneniom ịyal
(15.1—21.34)
Ẹlifaz
1-2Eepu ọghaaph, Job! Eepu ọghaaph!
3Oye dị ạsu ologhi ólho dị kạkaaph ịphen nạ rạkaaph bọ
ọbo ọbo ạpela loor phọ ọdi rꞌọdo ikpo ọnhu phọ ịphen phọ ị́moogh bọ ịyaar oḍighinom.
4Eḍighi ịyaar dị nạ ạmoogh ịphen nạ ragbiighi bọ, pọ oye kákiilaan mun Ẹnaan;
oye kạ́aḅereghi mun nyọdi.
5Ẹkaraph eḍighinom ạraraar phọ ạna eḍeenaan ni esi ịphen nạ rạkaaph bọ;
nạ rạwa ghan ạaghian ọman ikpo ọnhu olegheri ịyaar.
6Mị kạ́pu asoph aphume nyịna;
nạ mạmoogh ni apum mọ esi oomo ọghaaph phọ ạna.
7Nạ ragbiom ghan mọ nạ kụ ọḅel oye dị ọmar ḍụghum?
Nạ ụrol li mem mọ Ẹnaan ẹlhem bọ rạaḅaraph phọ?
8Nạ ụnaghanan ni ịpe Ẹnaan egbiighi bọ?
Ogina ạna bịn kụ ụmoogh oomo olegheri-ịyaar awe ḍụghum?
9Ịyaar ílho dị nạ alegheri dị yoor úlegheri aani.
10Yoor ụtuugha olegheri-ịyaar ḍịghaagh awe ạsuol —
weye dị mọmar ri kụ ogbi ọmar ọde ạna.
11Ịidereghi phọ Ẹnaan rẹngo bọ nyịna, eeghe kụ iḍighi kụ nạ akel bọ?
Yoor momiigha ni loor ọkaaphanaan nyọdi.
12Kụ ọlo nạ ạnmagharan kụ ruphoghom ghan iyoor ọghagh ologhi.
13Nạ rạkagham ologhi Ẹnaan, ạḅile rạḅaam ghan nyọdi.
14 #
Job 25.4-6
Oye katue ni ạkar aseleman ḍụghum?
Oye katue ni aseleman risigh Ẹnaan ḍụghum?
15Igey ni, Ẹnaan ị́sighe emooph ọdi ị́kpasi esi ạruukpaany phọ ọdi;
ghạlamo bịdi phọ kẹn ni bịn íseleman risigh ọdi.
16Kụ oye rạpughol ghan ịkaraph ịdipho ạmuum;
ii, oye ạapuan ni loor, ọ́moogh ịyaar oḍighinom.
17Nyịidipho, Job, ler rụru ịphen mị alegheri bọ.
18Awe olegheri-ịyaar mụtughemi ni ịmi iphigh ạraraar
dị bịdi ọtuugha ḍịghaagh ạburude ạbidi,
kụ bịdi ịyaar ụ́booghi.
19Aruuruen ụ́tol ghan ẹmha phọ ạbidi;
oye ọ́rol dị kaḍiemiom bịdi ạgbole esi Ẹnaan.
20Ọkaraph oye dị rạkpilighi ghan bụnon
kạtolom ịminimiin oomo aghuḍum mọ ọdi.
21Ạroḍogh aruugu kẹḅaaghi ghan sịphe areḅeri phọ ọdi,
ḅịle ạruḅa ozuom ghan nyọdi mem dị ọdi ologhi useere.
22Ọdi ọ́moogh oḍuom ologhi okpetenaan esi ufiri
loor esi dị elhool ẹgham kẹḍua ni ekpisi bịn etu ekori ghan nyọdi oghiigh.
23Kụ ạredelhe rekori ghan ạany aḍizu phọ ọdi.
Ọdi alegheri ni mọ ẹpe arisigh phọ ọno ebil li;
24ịkaraph ạraraar rekori ni ozuom ọdi
ịdipho ọolha-ẹmha dị ạmoogh ịikpo.
25Ọpo kụ ọda oye dị ạbugh ḍịghaagh ọdi
kụ aphoghomiom Ẹnaan
kụ aafolomi Ẹnaan Oomo Ịikpo phọ.
26-27Oye phọ ọpo phọ apoophe loor ạḅile ạḅaar ẹmhu;
ọdi amighirom kụ akoph ọsuaram ọdi
kụ akiil rạki eenan rꞌẸnaan.
28Ọpo kụ oye phọ ạkpar bọ apu igbogh ạramha
kụ ạsighiogh ruutu dị ạbuo otu phọ mosumughu,
kụ ọlo ẹgham kepiemi ni rạmha phọ rꞌaruutu phọ ịpe phọ.
29Ọdi kạ́tolom ẹelha phọ ébia;
ịyaar ílho dị ọdi ạmoogh dị kebia.
Ghạlamo oogho phọ ọdi bịn kape ni,
30ḅịle kẹn ọdi kákpetenaan ufiri.
Ọdi kạkigh oreeny
dị ạnian mekoph ịla phọ ọdi,
dị ookuugh mạsighiogh rịnya phọ ạḍuanam.
31Eḍighi ịyaar dị ọdi ayeela kụ ạsighe emooph ọdi ạkpasi esi ịkaraph,
pọ ịkaraph kụ keḍighi ruunmo ọdi.
32Tụtu amem mọ ọdi remuneen ọdi mạgharaghar
ịdipho ọla oreeny dị kátue mun ạḅile apoph.
33Ọdi kạkigh oreeny avain dị arughuuny phọ ẹghar eloogh;
kạkigh oreeny-ọliv dị ạrinya phọ mẹghar.
34Ẹemara ẹemara kẹ́tolonaan weye dị Ẹnaan úlegheri,
ḅịle kẹn ạnian kụ keegulemi ruutu dị ọloghom ikpoki oti-ọman.
35Bụen phọ kụ awe phọ rogbiighi ghan bọ ịiḅaghami kụ oḍighi ịkaraph;
sịphe iloghi phọ ạbidi iigbegheḍiom bịn kụ imuza.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS