Job 13
13
1-2Tọrotoro ịyaar phọ nạ ạḅem bọ, mị mạnaghan ghan ni.
Mị ạnaghan aani oomo phọ ịdi; mị alegheri ni oomo phọ ịpe nạ alegheri bọ.
Nạ ịmi úpu.
3Kụ ọruonu phọ ạmi ọdi rꞌẸnaan Oomo Ịikpo, kạ́na.
Mị rạwa ọgbaaghian rꞌọdi.
4Nạ ạsighe ọkpe bịn kụ raakpereghiom ghan élegheri-ịyaar;
nyina ẹkigh riil dị kótue ookonom oye.
5Kạ́ḅem ịyaar bịn awe kogbiom ghan mọ nạ ạsu ni ologhi!
6Ler aḅeri mị kạkaaph aani.
7Eeghe kụ iḍighi kụ nạ rạgba ghan bọ ọkpe?
Nạ ragbiom ghan mọ ọkpe ạna kạngo ni sụo Ẹnaan ḍụghum?
8Nạ rạwa ghan ọgbaanaan ọdi ḍụghum?
Nạ kạmeera otu iilogh ạgbaanaan ḍighiton phọ ọdi ḍụghum?
9Eḍighi ịyaar dị Ẹnaan ẹkaraghi ephogh nyịna, kạmiin ni ịyaar dị ẹnighe ḍụghum?
Nạ ragbiom ghan mọ nạ katue ni aakeleghi Ẹnaan ịdipho nạ raakeleghi ghan bọ weye?
10Ghạlamo igbiighi ịkaraph ịiruen phọ ạna ạaghian ni,
ọdi kạḅaam ni nyịna,
11ḅịle kẹn ịikpo phọ ọdi kemuzeḍinaan nyịna ruugu.
12Asidogh phọ ạna ị́moogh ịyaar oḍighinom ịdipho ọoru;
ịgbakian phọ ạna kẹgbian ịdipho ạḅay.
13Ḅoorian mị ụḅile ụkaaph aani
kụ ịpe keḍighi bọ eḍighi.
14Mị ạnya ni ọpham aghuḍum ạmi ẹḅeelia.
15Oḍuom ologhi ịmi úlhoonaan mun, kụ eḍighi ịyaar dị Ẹnaan ighiigh ịmi?
Mị kạkaaph ḍighiton phọ ạmi ạḅeni nyọdi.
16Iini ghụn ạkpo ologhi phọ kụ kụphel ịmi,
loor esi dị ọkaraph oye ólho dị katue ạmerenyan risigh Ẹnaan.
17Nyịidipho nạghanan ịphen mị kạkaaph aani bọ.
18Mị mạnya ọgba aani aḍighiton phọ ạmi
loor esi dị mị alegheri ni mọ mị odi ni elhiom.
19Ẹnaan, nạ ratu ọghaaph ịpe mị aḍighi bọ ḍụghum?
Eḍighi ịyaar dị nạ aru ạghaaph, mị aakolobian ni oḅoorian bịn omugh.
20Meera mị upuru aani ịyal ạraraar; meeraam ni rạraar phọ
bịn mị kạ́ki ạaghian esi ạna.
21Ịmi kụ́lhiom mun, ḅịle kẹn ịmi kúghiighom ruugu.
22Ẹnaan, nạ pụr ạghaaph, kụ mị ạphagharanaan;
mụghumo mị ụpur ụkaaph kụ nạ ạphagharanaan.
23Ịghen kụ ịkaraph phọ ạmi? Eeghe ọpioman kụ ẹdi mị aḍighi bọ?
Ịghen iilogh kụ ẹdi mị asoor bọ?
24Eeghe kụ iḍighi kụ nạ ụḅitonaan bọ ịmi?
Eeghe kụ iḍighi kụ nạ ruḍighi bọ ịmi ịdipho ẹpomoghian ạna.
25Nạ rạwa ghan ọdegh ạmi ḍụghum? Mị aḍighi ḍịnya oreeny bịn;
nạ razuom ghan ẹgham ọpherepe ạḍinya oreeny dị mạgharaghar.
26Nạ usiph ịmi iilogh dị rekiḍim iboom,
ghạlamo ạraraar dị mị aḍighi ẹghoroghor.
27 #
Job 33.11
Nạ ạsighe izime ạpaḍiom ruwol ạmi;
nạ ragon ghan tọrotoro ẹda lọ mị ạgbatan,
kụ nạ ạkar kẹn ni rạaḅeghion ghan esi lọ mị ạzeer.
28Loor esi ịduon phọ, mị maatughuḍian ịdipho ạḍipe lọ mẹḅor,
ịdipho ạsuoma lọ ariphiliḅa asuphuugh melhe.
Currently Selected:
Job 13: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Job 13
13
1-2Tọrotoro ịyaar phọ nạ ạḅem bọ, mị mạnaghan ghan ni.
Mị ạnaghan aani oomo phọ ịdi; mị alegheri ni oomo phọ ịpe nạ alegheri bọ.
Nạ ịmi úpu.
3Kụ ọruonu phọ ạmi ọdi rꞌẸnaan Oomo Ịikpo, kạ́na.
Mị rạwa ọgbaaghian rꞌọdi.
4Nạ ạsighe ọkpe bịn kụ raakpereghiom ghan élegheri-ịyaar;
nyina ẹkigh riil dị kótue ookonom oye.
5Kạ́ḅem ịyaar bịn awe kogbiom ghan mọ nạ ạsu ni ologhi!
6Ler aḅeri mị kạkaaph aani.
7Eeghe kụ iḍighi kụ nạ rạgba ghan bọ ọkpe?
Nạ ragbiom ghan mọ ọkpe ạna kạngo ni sụo Ẹnaan ḍụghum?
8Nạ rạwa ghan ọgbaanaan ọdi ḍụghum?
Nạ kạmeera otu iilogh ạgbaanaan ḍighiton phọ ọdi ḍụghum?
9Eḍighi ịyaar dị Ẹnaan ẹkaraghi ephogh nyịna, kạmiin ni ịyaar dị ẹnighe ḍụghum?
Nạ ragbiom ghan mọ nạ katue ni aakeleghi Ẹnaan ịdipho nạ raakeleghi ghan bọ weye?
10Ghạlamo igbiighi ịkaraph ịiruen phọ ạna ạaghian ni,
ọdi kạḅaam ni nyịna,
11ḅịle kẹn ịikpo phọ ọdi kemuzeḍinaan nyịna ruugu.
12Asidogh phọ ạna ị́moogh ịyaar oḍighinom ịdipho ọoru;
ịgbakian phọ ạna kẹgbian ịdipho ạḅay.
13Ḅoorian mị ụḅile ụkaaph aani
kụ ịpe keḍighi bọ eḍighi.
14Mị ạnya ni ọpham aghuḍum ạmi ẹḅeelia.
15Oḍuom ologhi ịmi úlhoonaan mun, kụ eḍighi ịyaar dị Ẹnaan ighiigh ịmi?
Mị kạkaaph ḍighiton phọ ạmi ạḅeni nyọdi.
16Iini ghụn ạkpo ologhi phọ kụ kụphel ịmi,
loor esi dị ọkaraph oye ólho dị katue ạmerenyan risigh Ẹnaan.
17Nyịidipho nạghanan ịphen mị kạkaaph aani bọ.
18Mị mạnya ọgba aani aḍighiton phọ ạmi
loor esi dị mị alegheri ni mọ mị odi ni elhiom.
19Ẹnaan, nạ ratu ọghaaph ịpe mị aḍighi bọ ḍụghum?
Eḍighi ịyaar dị nạ aru ạghaaph, mị aakolobian ni oḅoorian bịn omugh.
20Meera mị upuru aani ịyal ạraraar; meeraam ni rạraar phọ
bịn mị kạ́ki ạaghian esi ạna.
21Ịmi kụ́lhiom mun, ḅịle kẹn ịmi kúghiighom ruugu.
22Ẹnaan, nạ pụr ạghaaph, kụ mị ạphagharanaan;
mụghumo mị ụpur ụkaaph kụ nạ ạphagharanaan.
23Ịghen kụ ịkaraph phọ ạmi? Eeghe ọpioman kụ ẹdi mị aḍighi bọ?
Ịghen iilogh kụ ẹdi mị asoor bọ?
24Eeghe kụ iḍighi kụ nạ ụḅitonaan bọ ịmi?
Eeghe kụ iḍighi kụ nạ ruḍighi bọ ịmi ịdipho ẹpomoghian ạna.
25Nạ rạwa ghan ọdegh ạmi ḍụghum? Mị aḍighi ḍịnya oreeny bịn;
nạ razuom ghan ẹgham ọpherepe ạḍinya oreeny dị mạgharaghar.
26Nạ usiph ịmi iilogh dị rekiḍim iboom,
ghạlamo ạraraar dị mị aḍighi ẹghoroghor.
27 #
Job 33.11
Nạ ạsighe izime ạpaḍiom ruwol ạmi;
nạ ragon ghan tọrotoro ẹda lọ mị ạgbatan,
kụ nạ ạkar kẹn ni rạaḅeghion ghan esi lọ mị ạzeer.
28Loor esi ịduon phọ, mị maatughuḍian ịdipho ạḍipe lọ mẹḅor,
ịdipho ạsuoma lọ ariphiliḅa asuphuugh melhe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS