Hagai 2
2
Ẹnighe omoom Otu Ịiḅereghi phọ
1Omuneniom ịyaldi rꞌoniin Aḍughul-otu oḍual ụnwanyu oḍual aḍiniin phọ ạlha phọ, Ọmoogh-we phọ ạḅile ni arom oyil aHagai ọḅeni awe phọ ọdi. 2Ọdi arom Hagai mọ ạḅaanaan ạZerubabel ọdaam eelhe phọ aJuda, rꞌaJosua ogbogh oyil ạrikia phọ, ḅịle rꞌoomo awe phọ, kụ ạḅile ạḅeni bịdi mọ, 3#Ẹzra 3.12“Ọnyo anyina odi ni dị katue nịiniin ạatughian ẹekia ẹnighe phọ ẹpe Otu Ịiḅereghi phọ ạnighe ghan bọ ḍụghum? Esi anyina ạtol ika nyịidipho phọ? Ọ́ghigh mun ịyaar. 4Kụ ọlo ọnyo anyina kụ́moogh ọto. Iḍighi ni oḍighi phọ. Mị odi ni rꞌanyina. 5#Ẹḍua 29.45, 46Mem mọ ọpo nyina ẹḍua bọ Ijipt erigheel, mị uguanaan ni mọ mị kạtolan ghan ni rꞌanyina oomo amem. Kụ mị odi ni rꞌanyina, kụ iḍighi kékiilaan.
6 #
Hib 12.26
“Kébia mun iboom mị kapighemi kẹ phọ rꞌade phọ, ude phọ rꞌọphiiny phọ. 7Mị kapiemi ịtooghi areelhe phọ, kụ ọsighe ruphua phọ ạbidi otu sịen, kụ ẹelha emuza sịen Otu Ịiḅereghi phọ. 8Oomo asilva rꞌagol aḅirini phọ ọlo ạmi. 9Omoom Otu Ịiḅereghi phọ kạnighe ni apu ogbaany phọ, kụ ịsiphe kụ ẹdi mị kạngo we phọ ạmi edughom rꞌẹepho.” Ọmoogh-we egbogh Ẹnaan phọ mạḅem.
Oyil phọ Ẹnaan azu rụru bụpinyon rịkia phọ.
10Omuneniom ịyaldi rꞌinya Aḍughul-otu esugha ụnwanyu sịphe ạlha phọ emuneniom bọ ịyal phọ ạDarios mạda aḍighi bọ ọdaam mọ, Ọmoogh-we egbogh Ẹnaan phọ ạḅile ni ạḅaanaan oyil aHagai. 11Ọdi ạḅem mọ, “Puru bụpinyon rịkia phọ ịlo kọpagharanaan ḍipuru phọ aḍien: 12Eḍighi ịyaar dị oye ạsighe ọpherepe ẹnam iigbia dị mọphighironom ẹkia kụ ạkul eekuna ạsuoma ọdi aphurughiom, eḍighi ịyaar dị ọdi ameera kụ ạsuoma phọ ọdi atir brẹd mꞌeḍien lọ mọsa, mꞌamiim, mꞌạmunum ọliv, mụghumo tọro ọdo eḍien ni, ketue ni eḍighi ịdi eḍien phọ ẹpe phọ keḍighi aani eḍien iigbia ḍụghum?”
Mem dị opuru bọ ḍipuru phọ ạḍien, ariil ạrikia phọ ụphagharanaan mọ, “Eeye.”
13 #
Igb 19.11-22
Reten kụ aHagai apuru mọ, “Eḍighi ịyaar dị oye mạapuan loor ọdi loor esi dị ọdi mạḅogh oye dị mamugh kụ agbi nụun ọḅoghom eniin eḍien phọ ẹphen, ịphen phọ ketue ni ẹepu aani eḍien phọ ḍụghum?” Ạbupinyon rịkia phọ ọphagharanaan mọ, “Ii.”
14Pọ kụ amem dị aHagai ạḅem, “Ọmoogh-we phọ ạḅem mọ ịduon phọ kẹn ni kụ edianaan weye eelhe phọ ẹphen ḅịle kẹn tọrobo ịyaar lọ bịdi omitiom; pọ ịduon phọ tọro ịyaar lọ bịdi ọngo sịphe enmeny phọ pọ mẹepuan ni.”
Ọmoogh-we phọ aguanaan ḍịseph phọ ọdi
15Ọmoogh-we phọ ạḅem mọ, “Nyina rẹ́miin ghan ịphen mimitenaan bọ inyina ḍụghum? Tụtu nyina kemiigh bọ ọḅile ọlogh Otu Ịiḅereghi phọ, 16nyina ịghi ghan ni egu ịbiakpa egbiighi ghan mọ kẹman ni ịyal okuron igbogh ịtoom ẹemor ịbiakpa, kụ ọlo oniin okuron bịn kụ kạtol. Nyina ẹghi sịphe oko amiim mọ ọsighe oniin okuron aruuku amiim, kụ ẹmiin inyadi bịn. 17Mị kụ urom ọkaraph ookuugh mọ aagulemi tọrotoro ịyaar lọ nyina ẹkparagha ẹzuph, ịduon phọ kẹn ni kụ nyina íkiton. 18Arodon emuneniom ịyaldi rꞌinya Aḍughul-otu esugha ụnwanyu, ḍio phọ mophighi bọ Otu Ịiḅereghi phọ ọmadan. Ịmiin ịpe kẹḅile bọ emite emiigh nyịidipho kụ rẹki ghisigh. 19Ghạlamo ịduon ịbiakpa ísugha mun bọ ni, ḅịle kẹn ireeny avain rꞌaruman rꞌekpetughe ḅịle kẹn rꞌireeny ọliv phọ ke̋muum bọ ni, bịn emiigh nyịidipho kụ ẹghiom risigh, mị kịseph ni inyina.”
Oguanaan Ọmoogh-we phọ esi ạZerubabel
20Ḍiniin phọ aḍio phọ, omuneniom ịyaldi rꞌinya Aḍughul-otu ụnwanyu phọ ọpo, Ọmoogh-we phọ ạngo ni Hagai dom dị emuneniom ịyal 21ọghiomonaan ạZerubabel ọdaam eelhe phọ aJuda: “Mị kạnuun ni apighemi kẹ phọ rꞌade phọ 22ạḅile apiemi ịtooghi areelhe phọ ạḅile akunughi ịikpo phọ ạbidi. Mị agborion yogh rughuugh-ude phọ rꞌạbuphe rokiilom bọ; ạrusu phọ kemuughu ni, kụ bụphe rokiilom bọ kọzian ni siloor. 23Ḍio phọ ạḍiphe phọ mị kạsighe nyịna ạZerubabel otelhedom mọ ạmi, kụ mị ạma nyịna ọda esi aḍien phọ ạmi. Nạ kụ ọdi mị mạsaḅar.” Ọmoogh-we egbogh Ẹnaan phọ mạḅem.
Currently Selected:
Hagai 2: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Hagai 2
2
Ẹnighe omoom Otu Ịiḅereghi phọ
1Omuneniom ịyaldi rꞌoniin Aḍughul-otu oḍual ụnwanyu oḍual aḍiniin phọ ạlha phọ, Ọmoogh-we phọ ạḅile ni arom oyil aHagai ọḅeni awe phọ ọdi. 2Ọdi arom Hagai mọ ạḅaanaan ạZerubabel ọdaam eelhe phọ aJuda, rꞌaJosua ogbogh oyil ạrikia phọ, ḅịle rꞌoomo awe phọ, kụ ạḅile ạḅeni bịdi mọ, 3#Ẹzra 3.12“Ọnyo anyina odi ni dị katue nịiniin ạatughian ẹekia ẹnighe phọ ẹpe Otu Ịiḅereghi phọ ạnighe ghan bọ ḍụghum? Esi anyina ạtol ika nyịidipho phọ? Ọ́ghigh mun ịyaar. 4Kụ ọlo ọnyo anyina kụ́moogh ọto. Iḍighi ni oḍighi phọ. Mị odi ni rꞌanyina. 5#Ẹḍua 29.45, 46Mem mọ ọpo nyina ẹḍua bọ Ijipt erigheel, mị uguanaan ni mọ mị kạtolan ghan ni rꞌanyina oomo amem. Kụ mị odi ni rꞌanyina, kụ iḍighi kékiilaan.
6 #
Hib 12.26
“Kébia mun iboom mị kapighemi kẹ phọ rꞌade phọ, ude phọ rꞌọphiiny phọ. 7Mị kapiemi ịtooghi areelhe phọ, kụ ọsighe ruphua phọ ạbidi otu sịen, kụ ẹelha emuza sịen Otu Ịiḅereghi phọ. 8Oomo asilva rꞌagol aḅirini phọ ọlo ạmi. 9Omoom Otu Ịiḅereghi phọ kạnighe ni apu ogbaany phọ, kụ ịsiphe kụ ẹdi mị kạngo we phọ ạmi edughom rꞌẹepho.” Ọmoogh-we egbogh Ẹnaan phọ mạḅem.
Oyil phọ Ẹnaan azu rụru bụpinyon rịkia phọ.
10Omuneniom ịyaldi rꞌinya Aḍughul-otu esugha ụnwanyu sịphe ạlha phọ emuneniom bọ ịyal phọ ạDarios mạda aḍighi bọ ọdaam mọ, Ọmoogh-we egbogh Ẹnaan phọ ạḅile ni ạḅaanaan oyil aHagai. 11Ọdi ạḅem mọ, “Puru bụpinyon rịkia phọ ịlo kọpagharanaan ḍipuru phọ aḍien: 12Eḍighi ịyaar dị oye ạsighe ọpherepe ẹnam iigbia dị mọphighironom ẹkia kụ ạkul eekuna ạsuoma ọdi aphurughiom, eḍighi ịyaar dị ọdi ameera kụ ạsuoma phọ ọdi atir brẹd mꞌeḍien lọ mọsa, mꞌamiim, mꞌạmunum ọliv, mụghumo tọro ọdo eḍien ni, ketue ni eḍighi ịdi eḍien phọ ẹpe phọ keḍighi aani eḍien iigbia ḍụghum?”
Mem dị opuru bọ ḍipuru phọ ạḍien, ariil ạrikia phọ ụphagharanaan mọ, “Eeye.”
13 #
Igb 19.11-22
Reten kụ aHagai apuru mọ, “Eḍighi ịyaar dị oye mạapuan loor ọdi loor esi dị ọdi mạḅogh oye dị mamugh kụ agbi nụun ọḅoghom eniin eḍien phọ ẹphen, ịphen phọ ketue ni ẹepu aani eḍien phọ ḍụghum?” Ạbupinyon rịkia phọ ọphagharanaan mọ, “Ii.”
14Pọ kụ amem dị aHagai ạḅem, “Ọmoogh-we phọ ạḅem mọ ịduon phọ kẹn ni kụ edianaan weye eelhe phọ ẹphen ḅịle kẹn tọrobo ịyaar lọ bịdi omitiom; pọ ịduon phọ tọro ịyaar lọ bịdi ọngo sịphe enmeny phọ pọ mẹepuan ni.”
Ọmoogh-we phọ aguanaan ḍịseph phọ ọdi
15Ọmoogh-we phọ ạḅem mọ, “Nyina rẹ́miin ghan ịphen mimitenaan bọ inyina ḍụghum? Tụtu nyina kemiigh bọ ọḅile ọlogh Otu Ịiḅereghi phọ, 16nyina ịghi ghan ni egu ịbiakpa egbiighi ghan mọ kẹman ni ịyal okuron igbogh ịtoom ẹemor ịbiakpa, kụ ọlo oniin okuron bịn kụ kạtol. Nyina ẹghi sịphe oko amiim mọ ọsighe oniin okuron aruuku amiim, kụ ẹmiin inyadi bịn. 17Mị kụ urom ọkaraph ookuugh mọ aagulemi tọrotoro ịyaar lọ nyina ẹkparagha ẹzuph, ịduon phọ kẹn ni kụ nyina íkiton. 18Arodon emuneniom ịyaldi rꞌinya Aḍughul-otu esugha ụnwanyu, ḍio phọ mophighi bọ Otu Ịiḅereghi phọ ọmadan. Ịmiin ịpe kẹḅile bọ emite emiigh nyịidipho kụ rẹki ghisigh. 19Ghạlamo ịduon ịbiakpa ísugha mun bọ ni, ḅịle kẹn ireeny avain rꞌaruman rꞌekpetughe ḅịle kẹn rꞌireeny ọliv phọ ke̋muum bọ ni, bịn emiigh nyịidipho kụ ẹghiom risigh, mị kịseph ni inyina.”
Oguanaan Ọmoogh-we phọ esi ạZerubabel
20Ḍiniin phọ aḍio phọ, omuneniom ịyaldi rꞌinya Aḍughul-otu ụnwanyu phọ ọpo, Ọmoogh-we phọ ạngo ni Hagai dom dị emuneniom ịyal 21ọghiomonaan ạZerubabel ọdaam eelhe phọ aJuda: “Mị kạnuun ni apighemi kẹ phọ rꞌade phọ 22ạḅile apiemi ịtooghi areelhe phọ ạḅile akunughi ịikpo phọ ạbidi. Mị agborion yogh rughuugh-ude phọ rꞌạbuphe rokiilom bọ; ạrusu phọ kemuughu ni, kụ bụphe rokiilom bọ kọzian ni siloor. 23Ḍio phọ ạḍiphe phọ mị kạsighe nyịna ạZerubabel otelhedom mọ ạmi, kụ mị ạma nyịna ọda esi aḍien phọ ạmi. Nạ kụ ọdi mị mạsaḅar.” Ọmoogh-we egbogh Ẹnaan phọ mạḅem.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS