Bụo aGaletia 5
5
Ịmaar ẹpham okpetenaan phọ anyina
1Yira mokpetenaan — aKraist kụ ụtagharan bọ iyira. Ịmerenyan ẹrol dọl awe dị mokpetenaan. Kémeera mun mọ oye iḅulemi inyina dọl ạrebene.
2Ịnaghanan. Mị ạPol kụ rịḅeni ghan inyina ịduon. Nyina ẹḅile emeeraam oḍuna yogh, pọ ẹkigh mụdi nyina rẹ́wa mun ọmoogh ạsuo ḍịghaagh aKraist. 3Mị ạḅile ni ạḅem rạkpaariom mọ tọrobo oye lọ ạḅile ameeraam oḍuna, pọ malhe ọmugh ooko oomo iilogh phọ aMozis. 4Bụphe rogbi bọ mọ ạbuno kọtomaam ooko ghan Ologh phọ, kụ Ẹnaan ẹtuan ịdipho ẹsighenom mọ ạbuno aweye aruukuan ni, mọgbatanaan ọḍua esi aKraist. Ọghor phọ Ẹnaan makpetenaan bịdi. 5Kụ esi ayoor, yoor rokori ni rꞌoḍuom ologhi mọ Ẹnaan kẹtuan ni Uwaloor Iigbia phọ rꞌomeeraam mọ ayoor ẹsighenom mọ yoor awe aruukuan ni, 6ịdi eḍighi bọ, ịdipho yira mọḅophoghan bọ Jịzos Kraist, ọgbaranaan ólho mun esi ạbulo oḍuna yogh rꞌạbulo odimom oodu. Omeeraam dị rọmiin ghan esi ẹphomoghian kụ aḍighi ghụn ephigh.
7Nyina imiigh ni oḍighi igey emiighom mọ. Ạnhian kụ imirighan bọ inyina ọnaghanan igey phọ. Ọdi ịkpaariom inyina ika? 8Ẹnaan phọ rịmagh ghan bọ inyina kụ inyina ị́kpaariom bọ. 9#1 Kọr 5.6Ịdipho odogh bọ mọ, “Ọony ẹnum ayist kụ raḍighi ghan ịdi oomo phọ ạbred phọ katu.” 10Kụ mị iḍuom ni inyina ologhi. Ọḅophoghan phọ ayira esi Ọmoogh-we phọ ụngo ni ịmi oḍuom ologhi mọ ịitughian phọ anyina kẹ́gbatanaan ịpe ạmi, ḅịle kẹn mọ Ẹnaan kẹliom ni tọrobo oye phọ ọpo rạwalawalami bọ iloghi phọ anyina.
11Kụ ạmi ạmi, bụo asiya, ụtuan eeghe kụ rụgbiphoghom bọ nịiniin ịmi, eḍighi ịyaar dị mị ạghaaph ni rạkiom ghisigh mọ oḍuna yogh ạmoogh ni ịyaar oḍighinom? Kụ eru ni ịduon phọ, pọ ọghaaph phọ ạmi ịlo aḍuugh egbo phọ aKraist kạ́ngo mun ịiḅaghami. 12Ịḅeeraan ịmi mọ bụphe rọwalawalami bọ iloghi phọ anyina ọkpar ri oḍuna yogh ọrol dọl aroophoony phọ ọghiom ghisigh ọgbatanaan ookpomoghan ạbuo ạsiosi phọ!
13Kụ anyina anyina, bụo asiya, mịmagh inyina mọ ịtol dọl okpetenaan, kụ kẹ́sighe okpetenaan phọ anyina eḍighi ẹkaraph ẹphuom dị kịmoogh inyina. Ẹphomoghian ghụn kụ eḍighi ghan ịdi oniin kaḍighi ghan ẹbene ạngo nyoniin! 14#Lịv 19.18Ịdi eḍighi bọ oomo ịkal Ologh phọ ọkoroghi sịen ọkol phọ ọphon mọ, “Pọmoghian ọnon oye ịdipho aloor phọ ạna.” 15Kụ ọlo nyina elomian ghan ẹḅile eeghi ghan elephiri ịdipho ilhom ịnam, ịmoogh ni ogona aloor ọbo nyina kepiemian ghan loor.
Uwaloor Iigbia phọ ḅịle rꞌiphulupul phọ
16Ịphen kụ ịdi mị rạḅem: Uwaloor Iigbia phọ kụ aḍiemiom ghan ịgbaranuom aruwol phọ anyina, bịn nyina kémeel ghan mun eḍighanaan ẹkaraph ẹphuom iphulupul phọ, 17#Rom 7.15-23ịdi eḍighi bọ ịpe iphulupul phọ rẹwa bọ ẹgbatanaan ni rꞌịpe Uwaloor Iigbia phọ rạwa bọ, ḅịle kẹn ịpe Uwaloor Iigbia phọ rạwa bọ ẹgbatanaan ni rꞌịpe iphulupul phọ rẹwa bọ: ịyal phọ ạbidi ẹnam rꞌaghoogh, kụ esi ịduon phọ, nyina kétue eḍighi ịpe nyina rẹwa bọ. 18Eru mạar dị Uwaloor Iigbia phọ kụ raḍiemiom ghan ịgbaranuom aruwol phọ anyina, pọ nyina mekpetenaan Ologh phọ.
19Tọrobo oye rạmiin ghan ni ọdo eḍighinom ịyaar dị iphulupul phọ reḍighi ghan: olhe ẹmha rꞌọwa ạnmariir, ipesi, elegheri umugholoor, 20ọoḅereghi aruru, ạghama, ạmulogh-ḍien, ịruonu, ẹḍim, ophin ologhi, ịkaagh, ịgbagharan, ọkaraph otul, 21ologhi ọseph-ọsighenom, ọoko amiim, iipheeny, rꞌịnon ọdo ạraraar phọ ịphen. Mị mạḅile kẹn rịphur inyina rụru mọ bụphe olomaan bọ oḍighi ghan ạraraar phọ ịphen phọ kóḍigh aani ọmar phọ kꞌẸnaan.
22Iimuma Uwaloor Iigbia phọ, pọ ẹphomoghian, iboh, ẹepho, ọkparam, ọnma ighirigiir, onmo inmo, ébi ghan oguan, 23osooromi aloor, rꞌọphamaghan aloor. Ologh dị aghel ịphen phọ ólho. 24Bụphe ạJizos Kraist kụ ạmoogh bọ mọkan iphulupul phọ rꞌẹkaraph eḍighinom ịyaar rꞌạruuphua phọ ạbidi loor oreeny phọ okiigh. 25Ịduon Uwaloor phọ kụ rụngo ghan bọ iyira ghuḍum mọ, ọdi kụ aḍiemiom ghan ịgbaranuom aruwol phọ ayira! 26Yira kúḅo ghan iḅo-igbogh. Oniin nyoniin kụ́pa ghan. Oniin nyoniin kụ́suom ghan ologhi ẹḍim.
Currently Selected:
Bụo aGaletia 5: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Bụo aGaletia 5
5
Ịmaar ẹpham okpetenaan phọ anyina
1Yira mokpetenaan — aKraist kụ ụtagharan bọ iyira. Ịmerenyan ẹrol dọl awe dị mokpetenaan. Kémeera mun mọ oye iḅulemi inyina dọl ạrebene.
2Ịnaghanan. Mị ạPol kụ rịḅeni ghan inyina ịduon. Nyina ẹḅile emeeraam oḍuna yogh, pọ ẹkigh mụdi nyina rẹ́wa mun ọmoogh ạsuo ḍịghaagh aKraist. 3Mị ạḅile ni ạḅem rạkpaariom mọ tọrobo oye lọ ạḅile ameeraam oḍuna, pọ malhe ọmugh ooko oomo iilogh phọ aMozis. 4Bụphe rogbi bọ mọ ạbuno kọtomaam ooko ghan Ologh phọ, kụ Ẹnaan ẹtuan ịdipho ẹsighenom mọ ạbuno aweye aruukuan ni, mọgbatanaan ọḍua esi aKraist. Ọghor phọ Ẹnaan makpetenaan bịdi. 5Kụ esi ayoor, yoor rokori ni rꞌoḍuom ologhi mọ Ẹnaan kẹtuan ni Uwaloor Iigbia phọ rꞌomeeraam mọ ayoor ẹsighenom mọ yoor awe aruukuan ni, 6ịdi eḍighi bọ, ịdipho yira mọḅophoghan bọ Jịzos Kraist, ọgbaranaan ólho mun esi ạbulo oḍuna yogh rꞌạbulo odimom oodu. Omeeraam dị rọmiin ghan esi ẹphomoghian kụ aḍighi ghụn ephigh.
7Nyina imiigh ni oḍighi igey emiighom mọ. Ạnhian kụ imirighan bọ inyina ọnaghanan igey phọ. Ọdi ịkpaariom inyina ika? 8Ẹnaan phọ rịmagh ghan bọ inyina kụ inyina ị́kpaariom bọ. 9#1 Kọr 5.6Ịdipho odogh bọ mọ, “Ọony ẹnum ayist kụ raḍighi ghan ịdi oomo phọ ạbred phọ katu.” 10Kụ mị iḍuom ni inyina ologhi. Ọḅophoghan phọ ayira esi Ọmoogh-we phọ ụngo ni ịmi oḍuom ologhi mọ ịitughian phọ anyina kẹ́gbatanaan ịpe ạmi, ḅịle kẹn mọ Ẹnaan kẹliom ni tọrobo oye phọ ọpo rạwalawalami bọ iloghi phọ anyina.
11Kụ ạmi ạmi, bụo asiya, ụtuan eeghe kụ rụgbiphoghom bọ nịiniin ịmi, eḍighi ịyaar dị mị ạghaaph ni rạkiom ghisigh mọ oḍuna yogh ạmoogh ni ịyaar oḍighinom? Kụ eru ni ịduon phọ, pọ ọghaaph phọ ạmi ịlo aḍuugh egbo phọ aKraist kạ́ngo mun ịiḅaghami. 12Ịḅeeraan ịmi mọ bụphe rọwalawalami bọ iloghi phọ anyina ọkpar ri oḍuna yogh ọrol dọl aroophoony phọ ọghiom ghisigh ọgbatanaan ookpomoghan ạbuo ạsiosi phọ!
13Kụ anyina anyina, bụo asiya, mịmagh inyina mọ ịtol dọl okpetenaan, kụ kẹ́sighe okpetenaan phọ anyina eḍighi ẹkaraph ẹphuom dị kịmoogh inyina. Ẹphomoghian ghụn kụ eḍighi ghan ịdi oniin kaḍighi ghan ẹbene ạngo nyoniin! 14#Lịv 19.18Ịdi eḍighi bọ oomo ịkal Ologh phọ ọkoroghi sịen ọkol phọ ọphon mọ, “Pọmoghian ọnon oye ịdipho aloor phọ ạna.” 15Kụ ọlo nyina elomian ghan ẹḅile eeghi ghan elephiri ịdipho ilhom ịnam, ịmoogh ni ogona aloor ọbo nyina kepiemian ghan loor.
Uwaloor Iigbia phọ ḅịle rꞌiphulupul phọ
16Ịphen kụ ịdi mị rạḅem: Uwaloor Iigbia phọ kụ aḍiemiom ghan ịgbaranuom aruwol phọ anyina, bịn nyina kémeel ghan mun eḍighanaan ẹkaraph ẹphuom iphulupul phọ, 17#Rom 7.15-23ịdi eḍighi bọ ịpe iphulupul phọ rẹwa bọ ẹgbatanaan ni rꞌịpe Uwaloor Iigbia phọ rạwa bọ, ḅịle kẹn ịpe Uwaloor Iigbia phọ rạwa bọ ẹgbatanaan ni rꞌịpe iphulupul phọ rẹwa bọ: ịyal phọ ạbidi ẹnam rꞌaghoogh, kụ esi ịduon phọ, nyina kétue eḍighi ịpe nyina rẹwa bọ. 18Eru mạar dị Uwaloor Iigbia phọ kụ raḍiemiom ghan ịgbaranuom aruwol phọ anyina, pọ nyina mekpetenaan Ologh phọ.
19Tọrobo oye rạmiin ghan ni ọdo eḍighinom ịyaar dị iphulupul phọ reḍighi ghan: olhe ẹmha rꞌọwa ạnmariir, ipesi, elegheri umugholoor, 20ọoḅereghi aruru, ạghama, ạmulogh-ḍien, ịruonu, ẹḍim, ophin ologhi, ịkaagh, ịgbagharan, ọkaraph otul, 21ologhi ọseph-ọsighenom, ọoko amiim, iipheeny, rꞌịnon ọdo ạraraar phọ ịphen. Mị mạḅile kẹn rịphur inyina rụru mọ bụphe olomaan bọ oḍighi ghan ạraraar phọ ịphen phọ kóḍigh aani ọmar phọ kꞌẸnaan.
22Iimuma Uwaloor Iigbia phọ, pọ ẹphomoghian, iboh, ẹepho, ọkparam, ọnma ighirigiir, onmo inmo, ébi ghan oguan, 23osooromi aloor, rꞌọphamaghan aloor. Ologh dị aghel ịphen phọ ólho. 24Bụphe ạJizos Kraist kụ ạmoogh bọ mọkan iphulupul phọ rꞌẹkaraph eḍighinom ịyaar rꞌạruuphua phọ ạbidi loor oreeny phọ okiigh. 25Ịduon Uwaloor phọ kụ rụngo ghan bọ iyira ghuḍum mọ, ọdi kụ aḍiemiom ghan ịgbaranuom aruwol phọ ayira! 26Yira kúḅo ghan iḅo-igbogh. Oniin nyoniin kụ́pa ghan. Oniin nyoniin kụ́suom ghan ologhi ẹḍim.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS