Bụo aGaletia 1
1
1-2Mị ạPol otelhedom mọ rꞌoomo iiḅi asiya phọ odi bọ ẹphen, kụ ụge ḍịnya phọ ạḍien riruomaan inyina ạbuo ạsiosi ẹmha kịrokiro phọ aGaletia. Awe kụ ịmi ụ́ma bọ oḍighi otelhedom mọ, ḅịle kẹn mị ụ́sighe ịtooghi awe kụ raḍighinom bọ. ẠJizos Kraist rꞌẸnaan Ọde phọ aḅeton bọ nyọdi sịphe aḍuugh phọ kụ ụma bọ ịmi.
3Ạḍiseph rꞌẹepho kꞌẸnaan Ọde phọ ayira rꞌạJizos Kraist Ọmoogh-we phọ ịrolonaan inyina!
4AKraist ạtuan ọtagharan ayira esi ịkaraph phọ ayira sịen ọkaraph ọrugh phọ ọphon, kụ ạnaghanan bọ ịpe Ẹnaan Ọde phọ ayira ẹtooghi bọ, kụ ameera bọ ạkuom loor ọdi phọ ḍuugh. 5Igbogh phọ ẹrolonaan Ẹnaan kꞌagee-pọ kꞌagee-pọ! Ẹrol ịdipho!
Ọnon ooḅi ọghaaph ólho
6Eḍighi ni iikia esi ạmi dị nyina mẹnuun ịduon rekel nyọpo ạsighe bọ ọghor phọ aKraist ịmagham inyina, kụ mekiton resoman ọnon ooḅi ọghaaph dị kịphel inyina atene. 7Ọbo ọnon ooḅi ọghaaph ólho, kụ mị ụtuan bụnon awe phọ mọgbaragbarami bọ iloghi phọ anyina kụ ọḅile bọ rọwa oonme ooḅi ọghaaph phọ aKraist, kụ rạkaaph bọ ịphen phọ. 8Ạghelhe phọ Ẹnaan kameelom ni tọrobo oye, mꞌọnyo ayoor ri, mꞌọokpaany kꞌạke ni, lọ ạghaaph ooḅi ọghaaph dị ạgbatanaan nyọon yoor ọghaaph bọ ịḅeni inyina. 9Yoor mọḅem ni mem dị meten, kụ mị mạḅile ạḅem rạkpaariom mọ ạghelhe phọ Ẹnaan kameelom ni tọrobo oye lọ ạghaaph ooḅi ọghaaph dị ạgbatanaan nyọon nyina mẹsighe bọ.
10Ịphen phọ ẹkigh mụdi mị rạwa ghan mọ awe ụseph ịmi ḍụghum? Eeye. Mị rạwa ghan ḍịseph Ẹnaan. Ẹkigh mụdi mị rạwa ghan mọ awe ulegheri ịmi ḍụghum? Mọ ạḍiseph awe kụ ịḅeeraan ịmi, ọbo mị múḍighi ẹbene aKraist.
Ịdi ọmagh bọ Pọl mọ aḍighi otelhedom ạJizos
11Bụo asiya, ịbile mị ịḅeni inyina ịphen phọ, mọ awe kụ úmitiom bọ ooḅi ọghaaph phọ mị ạghaaph bọ ịḅeni inyina. 12Mị ụ́naghan esi oye, ḅịle kẹn oye kụ ịmi ụ́tughemi. ẠJizos Kraist rꞌaloor ọdi ghụn ni kụ agananami ni uḍeenaan ịmi.
13 #
Iiḍ 8.3; 22.4, 5; 26.9-11 Mịḅeni ni inyina ọdo oye dị mị aru mem mọ mị ạdaph ghan bọ eḍighinom ịyaar ạbuo aJu phọ, ịdi mị ighirigiir ụ́nma ghan ọgbiphoghom rꞌịlo ophiemi ạbuo ạsiosi phọ Ẹnaan. 14#Iiḍ 22.3Esi ooko eḍighinom ịyaar ayoor ạbuo aJu phọ, mị upu ni ịbadi iigbo ạmi. Mị kụ ụmanami mạar eḍighinom ịyaar ạburude ạburude phọ ayoor apu bụnon.
15 #
Iiḍ 9.3-6; 22.6-10; 26.13-18 Kụ Ẹnaan ẹtuan ighirigiir phọ ọdi kụ ịsaḅar ịmi kꞌamem dị mị odi ni ọophi kụ ụmagh bọ ịmi. 16Kụ mem mọ ẹḅeeraan bọ nyọdi ogananami Ọony phọ ọdi oḍeenaan ạmi, ọbo mị ạghaaph ịlo ọdi ạḅeni ruuruen phọ, mị rꞌoye ụ́tol esi ụkaaphan, 17ḅịle kẹn mị ụ́ki Jeruselem ọmiin ạbuphe moḍighi bọ butelhedom mọ kụ egbi bọ ọteeny aani ạmi. Mị ụghi ghụn ni Arebia, kụ ạḍua arigheel Dạmaskos. 18#Iiḍ 9.26-30Mẹman ni ịraar ạsia kụ mị agbi ọghi aJeruselem ophogh aPita kụ yoor ọrolan ḍioph rꞌoogh aḍughul-otu. 19Mị ụ́miin ọnon otelhedom, emuton Jems umor Ọmoogh-we phọ.
20Ịphen mị ạge bọ, Ẹnaan elegheri ni mọ mị ọkpe rạ́gba.
21Ịphen meten kụ mị ạghiighi rạmha areelhe ạSiria rꞌaSilisia. 22Kụ oomo phọ amem mọ ạmuen phọ, ạbuo ạsiosi phọ aKraist rạmha kịrokiro phọ aJudia ịmi kụ̋miin ghan ekpeḍien. 23Bịdi ụnaghan ghan ịdi ạbunon awe ọghaaph ghan mọ, “Oye phọ ụgbiphoghom ghan bọ iyira mạḅile rạḅeni aani we mọ omeeraam igey phọ ịpe ọdi ạwa bọ ophiemi.” 24Kụ bịdi ụngo ni ḍịseph Ẹnaan loor ẹmhu ạmi.
Currently Selected:
Bụo aGaletia 1: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Bụo aGaletia 1
1
1-2Mị ạPol otelhedom mọ rꞌoomo iiḅi asiya phọ odi bọ ẹphen, kụ ụge ḍịnya phọ ạḍien riruomaan inyina ạbuo ạsiosi ẹmha kịrokiro phọ aGaletia. Awe kụ ịmi ụ́ma bọ oḍighi otelhedom mọ, ḅịle kẹn mị ụ́sighe ịtooghi awe kụ raḍighinom bọ. ẠJizos Kraist rꞌẸnaan Ọde phọ aḅeton bọ nyọdi sịphe aḍuugh phọ kụ ụma bọ ịmi.
3Ạḍiseph rꞌẹepho kꞌẸnaan Ọde phọ ayira rꞌạJizos Kraist Ọmoogh-we phọ ịrolonaan inyina!
4AKraist ạtuan ọtagharan ayira esi ịkaraph phọ ayira sịen ọkaraph ọrugh phọ ọphon, kụ ạnaghanan bọ ịpe Ẹnaan Ọde phọ ayira ẹtooghi bọ, kụ ameera bọ ạkuom loor ọdi phọ ḍuugh. 5Igbogh phọ ẹrolonaan Ẹnaan kꞌagee-pọ kꞌagee-pọ! Ẹrol ịdipho!
Ọnon ooḅi ọghaaph ólho
6Eḍighi ni iikia esi ạmi dị nyina mẹnuun ịduon rekel nyọpo ạsighe bọ ọghor phọ aKraist ịmagham inyina, kụ mekiton resoman ọnon ooḅi ọghaaph dị kịphel inyina atene. 7Ọbo ọnon ooḅi ọghaaph ólho, kụ mị ụtuan bụnon awe phọ mọgbaragbarami bọ iloghi phọ anyina kụ ọḅile bọ rọwa oonme ooḅi ọghaaph phọ aKraist, kụ rạkaaph bọ ịphen phọ. 8Ạghelhe phọ Ẹnaan kameelom ni tọrobo oye, mꞌọnyo ayoor ri, mꞌọokpaany kꞌạke ni, lọ ạghaaph ooḅi ọghaaph dị ạgbatanaan nyọon yoor ọghaaph bọ ịḅeni inyina. 9Yoor mọḅem ni mem dị meten, kụ mị mạḅile ạḅem rạkpaariom mọ ạghelhe phọ Ẹnaan kameelom ni tọrobo oye lọ ạghaaph ooḅi ọghaaph dị ạgbatanaan nyọon nyina mẹsighe bọ.
10Ịphen phọ ẹkigh mụdi mị rạwa ghan mọ awe ụseph ịmi ḍụghum? Eeye. Mị rạwa ghan ḍịseph Ẹnaan. Ẹkigh mụdi mị rạwa ghan mọ awe ulegheri ịmi ḍụghum? Mọ ạḍiseph awe kụ ịḅeeraan ịmi, ọbo mị múḍighi ẹbene aKraist.
Ịdi ọmagh bọ Pọl mọ aḍighi otelhedom ạJizos
11Bụo asiya, ịbile mị ịḅeni inyina ịphen phọ, mọ awe kụ úmitiom bọ ooḅi ọghaaph phọ mị ạghaaph bọ ịḅeni inyina. 12Mị ụ́naghan esi oye, ḅịle kẹn oye kụ ịmi ụ́tughemi. ẠJizos Kraist rꞌaloor ọdi ghụn ni kụ agananami ni uḍeenaan ịmi.
13 #
Iiḍ 8.3; 22.4, 5; 26.9-11 Mịḅeni ni inyina ọdo oye dị mị aru mem mọ mị ạdaph ghan bọ eḍighinom ịyaar ạbuo aJu phọ, ịdi mị ighirigiir ụ́nma ghan ọgbiphoghom rꞌịlo ophiemi ạbuo ạsiosi phọ Ẹnaan. 14#Iiḍ 22.3Esi ooko eḍighinom ịyaar ayoor ạbuo aJu phọ, mị upu ni ịbadi iigbo ạmi. Mị kụ ụmanami mạar eḍighinom ịyaar ạburude ạburude phọ ayoor apu bụnon.
15 #
Iiḍ 9.3-6; 22.6-10; 26.13-18 Kụ Ẹnaan ẹtuan ighirigiir phọ ọdi kụ ịsaḅar ịmi kꞌamem dị mị odi ni ọophi kụ ụmagh bọ ịmi. 16Kụ mem mọ ẹḅeeraan bọ nyọdi ogananami Ọony phọ ọdi oḍeenaan ạmi, ọbo mị ạghaaph ịlo ọdi ạḅeni ruuruen phọ, mị rꞌoye ụ́tol esi ụkaaphan, 17ḅịle kẹn mị ụ́ki Jeruselem ọmiin ạbuphe moḍighi bọ butelhedom mọ kụ egbi bọ ọteeny aani ạmi. Mị ụghi ghụn ni Arebia, kụ ạḍua arigheel Dạmaskos. 18#Iiḍ 9.26-30Mẹman ni ịraar ạsia kụ mị agbi ọghi aJeruselem ophogh aPita kụ yoor ọrolan ḍioph rꞌoogh aḍughul-otu. 19Mị ụ́miin ọnon otelhedom, emuton Jems umor Ọmoogh-we phọ.
20Ịphen mị ạge bọ, Ẹnaan elegheri ni mọ mị ọkpe rạ́gba.
21Ịphen meten kụ mị ạghiighi rạmha areelhe ạSiria rꞌaSilisia. 22Kụ oomo phọ amem mọ ạmuen phọ, ạbuo ạsiosi phọ aKraist rạmha kịrokiro phọ aJudia ịmi kụ̋miin ghan ekpeḍien. 23Bịdi ụnaghan ghan ịdi ạbunon awe ọghaaph ghan mọ, “Oye phọ ụgbiphoghom ghan bọ iyira mạḅile rạḅeni aani we mọ omeeraam igey phọ ịpe ọdi ạwa bọ ophiemi.” 24Kụ bịdi ụngo ni ḍịseph Ẹnaan loor ẹmhu ạmi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS